ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հունիսի 2011 թվականի N 931-Ա

ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ ՆԵՐԴՐՈՒՄԱՅԻՆ ԾՐԱԳՐԻ ՏՐԱՆՇ 1-Ի ԵՐԵՎԱՆ-ԱՇՏԱՐԱԿ, ԵՐԵՎԱՆ-ԱՐԱՐԱՏ ԵՎ ՏՐԱՆՇ 2-Ի ԱՇՏԱՐԱԿ-ԹԱԼԻՆ ՃԱՆԱՊԱՐՀԱՀԱՏՎԱԾՆԵՐԻ ՎԵՐԱԿԱՌՈՒՑՄԱՆ ՄԱՆՐԱՄԱՍՆ ՆԱԽԱԳԾԻ ՀԱՏՈՒԿ ՀԱՄԱԼԻՐ ՓՈՐՁԱՔՆՆՈՒԹՅՈՒՆ ԱՆԿԱՑՆԵԼՈՒ ՄԱՍԻՆ

Հիմք ընդունելով «Քաղաքաշինության մասին» Հայաստանի Հանրապետության օրենքի 17-րդ հոդվածի դրույթները և Հայաստանի Հանրապետության կառավարության 2010 թվականի մայիսի 6-ի N 711-Ն որոշմամբ հաստատված քաղաքաշինական փաստաթղթերի փորձաքննության իրականացման կարգի 10-րդ կետը՝ Հայաստանի Հանրապետության կառավարությունը որոշում է.

1. Հյուսիս-Հարավ ճանապարհային միջանցքի ներդրումային ծրագրի տրանշ 1-ի Երևան-Աշտարակ, Երևան-Արարատ և տրանշ 2-ի Աշտարակ-Թալին ճանապարհահատվածների վերակառուցման մանրամասն նախագծի հատուկ համալիր փորձաքննություն անցկացնելու նպատակով ստեղծել միջգերատեսչական ժամանակավոր փորձաքննական հանձնաժողով՝ համաձայն հավելվածի:

2. Միջգերատեսչական ժամանակավոր փորձաքննական հանձնաժողովին` սույն որոշումն ուժի մեջ մտնելուց հետո 10-օրյա ժամկետում իրականացնել նախագծի հատուկ համալիր փորձաքննության աշխատանքները:

3. Հայաստանի Հանրապետության տրանսպորտի և կապի նախարարին` փորձաքննական աշխատանքներն ավարտելուց հետո ժամանակավոր փորձաքննական հանձնաժողովի ամփոփ եզրակացությունը ներկայացնել Հայաստանի Հանրապետության կառավարության քննարկմանը:

Հայաստանի Հանրապետության վարչապետ	Տ. Սարգսյան
2011 թ. հուլիսի 12 Երևան

Հավելված  ՀՀ կառավարության 2011 թվականի  հունիսի 30-ի N 931-Ա որոշման

Կ Ա Զ Մ

ՀԱՏՈՒԿ ՀԱՄԱԼԻՐ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ՄԻՋԳԵՐԱՏԵՍՉԱԿԱՆ ԺԱՄԱՆԱԿԱՎՈՐ ՓՈՐՁԱՔՆՆԱԿԱՆ ՀԱՆՁՆԱԺՈՂՈՎԻ

Հ. Բեգլարյան	- ՀՀ տրանսպորտի և կապի նախարարի առաջին տեղակալ   (հանձնաժողովի նախագահ)
Է. Բարսեղյան	- ՀՀ Արարատի մարզպետ
Ս. Սահակյան	- ՀՀ Արագածոտնի մարզպետ
Ռ. Ալավերդյան	- ՀՀ քաղաքաշինության նախարարի տեղակալ
Լ. Շահվերդյան	- ՀՀ էներգետիկայի և բնական պաշարների նախարարի   տեղակալ
Ա. Սամուելյան	- ՀՀ մշակույթի նախարարի տեղակալ
Ֆ. Բաշոյան	- ՀՀ կառավարությանն առընթեր անշարժ գույքի կադաստրի   պետական կոմիտեի նախագահի տեղակալ
Ա. Վանյան	- ՀՀ առողջապահության նախարարության աշխատակազմի   պետական հիգիենիկ և հակահամաճարակային հսկողության   տեսչության պետ
Ա. Գիլոյան	- ՀՀ տարածքային կառավարման նախարարության   աշխատակազմի տեղական ինքնակառավարման   վարչության պետ
Ռ. Սարուխանյան	- ՀՀ էկոնոմիկայի նախարարության աշխատակազմի   ներդրումային քաղաքականության վարչության պետ
Ս. Գլեչունց	- ՀՀ արդարադատության նախարարության աշխատակազմի   իրավական ակտերի փորձաքննության վարչության   էլեկտրոնային տեղեկատվական բաժնի պետ
Ա. Գևորգյան	- ՀՀ բնապահպանության նախարարության «Բնապահպանական   փորձաքննություն» ՊՈԱԿ-ի տնօրեն
Կ. Բադալյան	- ՀՀ տրանսպորտի և կապի նախարարության «Հյուսիս-Հարավ    ճանապարհային միջանցքի ներդրումային ծրագրի իրականացման   կազմակերպություն» ՊՈԱԿ-ի գլխավոր գործադիր տնօրենի   պաշտոնակատար
Հ. Քոչինյան	- ՀՀ տրանսպորտի և կապի նախարարության «Հայաստանի  ավտոմոբիլային ճանապարհների տնօրինություն» ՊՈԱԿ-ի   գլխավոր տնօրեն
Հ. Գյուլզադյան	- Երևանի ճարտարապետաշինարարական համալսարանի   ավտոճանապարհներ և կամուրջներ ամբիոնի վարիչ   (համաձայնությամբ)
Գ. Արշակյան	- «ՀՀ նախագծերի պետական արտագերատեսչական   փորձաքննություն» ՓԲԸ-ի գործադիր տնօրեն   (համաձայնությամբ)
Է. Մարտիրոսյան	- «Տրանսնախագիծ» ՓԲԸ-ի տնօրեն (համաձայնությամբ)
Է. Բեզոյան	- «Ճանապարհ» ՍՊԸ-ի գլխավոր տնօրեն (համաձայնությամբ)
Վ. Ասատրյան	- «Կամուրջշին» ՓԲԸ-ի խորհրդի նախագահ (համաձայնությամբ)
Ա. Գասպարյան	- «Մեղրու ՃՇՇՁ» ԲԲԸ-ի գործադիր տնօրեն (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան