ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

4 օգոստոսի 2011 թվականի N 1122-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՕԳՈՍՏՈՍԻ 14-Ի N 1396-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ՈՒ ՓՈՓՈԽՈՒԹՅՈՒՆՆԵՐ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՓԵՏՐՎԱՐԻ 17-Ի N 116-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2003 թվականի օգոստոսի 14-ի «Սահմանափակ պատասխանատվությամբ ընկերության կանոնադրական կապիտալում բաժնեմասերի նկատմամբ սեփականության և գրավի իրավունքների գրանցման կարգը հաստատելու մասին» N 1396-Ն որոշման 1-ին կետով հաստատված կարգում կատարել հետևյալ լրացումներն ու փոփոխությունները՝

1) 1-ին կետի երրորդ պարբերությունը «գրանցամատյանի վարումը» բառերից հետո լրացնել «իրականացվում է էլեկտրոնային եղանակով,» բառերով.

2) 2-րդ կետի՝

ա. առաջին պարբերությունում «իրավաբանական անձի գրանցման վայրի պետական ռեգիստրի տարածքային ստորաբաժանման» բառերը փոխարինել «պետական ռեգիստրի տարածքային բաժնի» բառերով,

բ. երկրորդ պարբերությունը ճանաչել ուժը կորցրած.

3) 3-րդ կետը շարադրել հետևյալ խմբագրությամբ.

«3. Պետական ռեգիստրի տարածքային բաժնի կողմից ընկերության մասնակիցների գրանցամատյանում պարունակվող տեղեկությունները՝ կատարված փոփոխությունների հաշվառմամբ, թարմացվում են օրական առնվազն մեկ անգամ:».

4) 4-րդ կետից հետո կարգը լրացնել հետևյալ բովանդակությամբ նոր` 4.1-ին կետով.

«4.1. Դիմումատուն սույն կարգի 4-րդ կետով սահմանված վկայագիրը կարող է ստանալ նաև նույն կետում նշված դիմումն էլեկտրոնային եղանակով ներկայացնելու դեպքում: Էլեկտրոնային եղանակով դիմումը ներկայացնելիս՝ դիմումատուն ընտրում է իր մասնակցությամբ կազմակերպությունը, համապատասխան դաշտում լրացնում անձնագրի, սոցիալական քարտի (սոցիալական քարտ չունենալու դեպքում` համապատասխան տեղեկանքի) տվյալները, իր էլեկտրոնային ստորագրության տվյալները, հավաստում է վճարումը համակարգում գործող վճարման հնարավորություններից որևէ մեկով, որից հետո համակարգը ձևավորում է վկայագիրը՝ պետական ռեգիստրի էլեկտրոնային կնիքով: Դիմումատուն կարող է դիմումը համակարգով ներկայացնել նաև առանց էլեկտրոնային ստորագրության, որի դեպքում դիմողն իր անձնագրով պետք է այցելի պետական ռեգիստրի համապատասխան գրասենյակ` անձի նույնականացման և վկայագիրն ստանալու համար:».

5) 9-րդ կետի «ա» ենթակետի չորրորդ պարբերությունը «կամ» բառից առաջ լրացնել «համարը» բառով.

6) 9-րդ կետի «դ» ենթակետի յոթերորդ պարբերությունում «վկայականի (անձնագրի) պատճենը» բառերը փոխարինել «վկայականի համարը (անձնագրի պատճենը)» բառերով.

7) 9-րդ կետի «զ» ենթակետի «բ» պարբերությունը և «ը» ենթակետի «գ» պարբերությունը «վկայականի» բառից հետո լրացնել «համարը» բառով.

8) 14-րդ կետում «ներկայացվելու օրը փաստաթղթերի ընդունման մատյանում կատարվում է գրառում, և ոչ ուշ, քան 5 օրվա ընթացքում պետական ռեգիստրի տարածքային ստորաբաժանումը» բառերը փոխարինել «ներկայացվելու օրվան հաջորդող 5 օրվա ընթացքում պետական ռեգիստրի տարածքային բաժինը» բառերով.

9) 19-րդ կետը շարադրել հետևյալ խմբագրությամբ.

«19. Գրանցման մերժման մասին տրվում է համապատասխան տեղեկանք, որն ստորագրվում է պետական ռեգիստրի տարածքային բաժնի իրավասու աշխատողի էլեկտրոնային ստորագրությամբ և վավերացվում էլեկտրոնային կնիքով:»:

2. Հայաստանի Հանրապետության կառավարության 2011 թվականի փետրվարի 17-ի «Պետական գրանցման և պետական հաշվառման վկայականների ձևերը հաստատելու և Հայաստանի Հանրապետության կառավարության 2001 թվականի հուլիսի 4-ի N 601 որոշումն ուժը կորցրած ճանաչելու մասին» N 116-Ն որոշման NN 2 և 3 հավելվածները «Հարկ վճարողի հաշվառման համարը _____________» տողից հետո լրացնել հետևյալ բովանդակությամբ նոր տողով.

«Ապահովադրի հաշվառման համարը_____________________________ »:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: