«Գրանցված է»
ՀՀ արդարադատության
նախարարության կողմից
12 նոյեմբերի 2009 թ.
Պետական գրանցման թիվ 12109390
|
ՀԱՅԱՍՏԱՆԻ |
ՀԱՅԱՍՏԱՆԻ |
ՀԱՅԱՍՏԱՆԻ |
|
ՏԱՐԱԾՔԱՅԻՆ ԿԱՌԱՎԱՐՄԱՆ |
ԿԱՌԱՎԱՐՈՒԹՅԱՆՆ ԱՌԸՆԹԵՐ |
ԿԱՌԱՎԱՐՈՒԹՅԱՆՆ ԱՌԸՆԹԵՐ |
|
29 հոկտեմբերի 2009 թ. N 35-Ն |
22 սեպտեմբերի 2009 թ. N 91-Ն |
26 հոկտեմբերի 2009 թ. N 6-Ն |
Հ Ա Մ Ա Տ Ե Ղ Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՊԱՍՏԱՆ ՀԱՅՑՈՂՆԵՐԻ ԳՐԱՆՑԱՄԱՏՅԱՆԻ ՁԵՎԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Փախստականների և ապաստանի մասին» Հայաստանի Հանրապետության օրենքի 46-րդ հոդվածի 4-րդ մասի պահանջներով.
Հրամայում ենք՝
1. Հաստատել Հայաստանի Հանրապետությունում ապաստան հայցողների գրանցամատյանի ձևը` համաձայն հավելվածի:
2. Սահմանել, որ ապաստանի խնդրանքի գրանցամատյանները վարում են`
1) Հայաստանի Հանրապետության կառավարությանն առընթեր ազգային անվտանգության ծառայության սահմանապահ զորքերի Հայաստանի Հանրապետության պետական սահմանի անցման կետերում տեղակայված ստորաբաժանումները.
2) Հայաստանի Հանրապետության կառավարությանն առընթեր Հայաստանի Հանրապետության ոստիկանության բաժինները:
|
ՀՀ տարածքային կառավարման նախարար |
ՀՀ կառավարությանն առընթեր ազգային անվտանգության ծառայության սահմանապահ |
ՀՀ կառավարությանն առընթեր ՀՀ ոստիկանության պետ |
|
Հավելված ՀՀ տարածքային կառավարման նախարարի, ՀՀ կառավարությանն առընթեր ազգային անվտանգության ծառայության սահմանապահ զորքերի հրամանատարի և ՀՀ կառավարությանն առընթեր ՀՀ ոստիկանության պետի 29.10.09 թ. N 35-Ն, 22.09.09 թ. N 91-Ն, 26.10.09 թ.N 6-Ն համատեղ հրամանի |
Ձ Ե Վ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՊԱՍՏԱՆ ՀԱՅՑՈՂՆԵՐԻ ԳՐԱՆՑԱՄԱՏՅԱՆԻ
|
N |
Ապաստան հայցողի և նրա ընտանիքի անդամների անունը, հայրանունը, ազգանունը |
Ազգակ-ցական կապը |
Քա-ղաքա-ցիու-թյունը |
Ծննդյան օրը, ամիսը, տարեթիվը, վայրը և անձնագրային տվյալները |
Ապաստանի խնդրանք ներկայա-ցնելու ժամը, օրը, ամիսը, տարեթիվը և վայրը |
Ծագման երկրից դեպի Հայաստան ուղևորության համառոտ նկարագրու-թյունը |
Ապաստանի խնդրանքը |
Հարցազրույցի ժամը, օրը, ամիսը, տարեթիվը , հարցազրույցն անցկացնողի անունը, հայրանունը, ազգանունը, պաշտոնը և ստորագրու- |
Ապաստանի օրը, ամիսը, տարեթիվը, տեղեկությունը հաղորդող պաշտոնատար անձի անունը, հայրանունը, ազգանունը, պաշտոնը և ստորագրությունը |
Ապաստան հայցողին |
Այլ նշում-ներ |
|
1 |
2 |
3 |
4 |
5 |
6 |
7 |
8 |
9 |
10 |
11 |
12 |
1. Գրանցամատյանի էջերը համարակալվում են ըստ հերթականության:
2. Գրանցամատյանը կարվում և կնքվում է գրանցամատյանը վարող` Հայաստանի Հանրապետության կառավարությանն առընթեր ազգային անվտանգության ծառայության սահմանապահ զորքերի Հայաստանի Հանրապետության սահմանակետում տեղակայված ստորաբաժանման կամ Հայաստանի Հանրապետության կառավարությանն առընթեր Հայաստանի Հանրապետության ոստիկանության համապատասխան բաժնի կնիքով:
3. 1-ին սյունակում արաբական թվերով գրառվում է ապաստանի խնդրանք ներկայացնողի ընտանիքի հերթական համարը:
4. 2-րդ սյունակում գրառվում է ապաստան հայցողի և նրա ընտանիքի անդամների անունը, հայրանունը, ազգանունը` նրանց անձնագրերում նշված տառերով: Եթե հայրանունը նշված չէ, ապա հայրանվան փոխարեն դրվում է գծիկ:
5. Անձնագրի բացակայության դեպքում գրառվում է ապաստանի խնդրանք ներկայացնողի և նրա ընտանիքի անդամների մոտ անձը հաստատող այլ փաստաթղթում նշված անունը, հայրանունը, ազգանունը:
6. Անձը հաստատող որևէ փաստաթղթի բացակայության դեպքում ապաստան հայցողի և նրա ընտանիքի անդամների անունը, հայրանունը, ազգանունը գրառվում է նրանց բանավոր հայտարարության հիման վրա:
7. 3-րդ սյունակում գրառվում է ապաստանի խնդրանք ներկայացրած անձանց միջև ազգակցական կապը, օրինակ` ամուսինը, կինը, դուստրը և այլն:
8. 4-րդ սյունակում գրառվում է ապաստանի խնդրանք ներկայացնողի և նրա ընտանիքի անդամների քաղաքացիության պատկանելության պետությունը: Եթե անձը չունի որևէ պետության քաղաքացիություն, ապա գրառվում է «Չունի» բառը:
9. 5-րդ սյունակում գրառվում է ապաստանի խնդրանք ներկայացնողի և նրա ընտանիքի անդամների ծննդյան օրը, ամիսը, տարեթիվը, վայրը և անձնագրային տվյալները: Անձնագրի բացակայության դեպքում գրառվում է ապաստանի խնդրանք ներկայացնողի և նրա ընտանիքի անդամների մոտ անձը հաստատող այլ փաստաթղթում նշված ծննդյան օրը, ամիսը, տարեթիվը, վայրը:
10. Անձը հաստատող որևէ փաստաթղթի բացակայության դեպքում ապաստան հայցողի և նրա ընտանիքի անդամների ծննդյան օրը, ամիսը, տարեթիվը, վայրը գրառվում է նրանց բանավոր հայտարարության հիման վրա:
11. 6-րդ սյունակում գրառվում է ապաստանի խնդրանք ներկայացնելու ժամը, օրը, ամիսը, տարեթիվը և վայրը (օրինակ` Մեղրիի սահմանային անցման կետ, Բավրայի սահմանային անցման կետ և այլն):
12. 7-րդ սյունակում գրառվում է ապաստանի խնդրանք ներկայացրած անձի ծագման երկրից դեպի Հայաստան ուղևորության համառոտ նկարագրությունը (օրինակ` Հալեպ (Սիրիա) - Մոսկվա (Ռուսաստան) - Երևան (Հայաստան): Եթե ընտանիքի անդամները Հայաստան են ժամանել տարբեր ուղղություններով, ապա գրառվում է ընտանիքի յուրաքանչուր անդամի կողմից ծագման երկրից դեպի Հայաստան ուղևորության մասին:
13. 8-րդ սյունակում գրառվում է ապաստանի խնդրանքը գրանցող պաշտոնատար անձի անունը, հայրանունը, ազգանունը, պաշտոնը և ստորագրությունը:
14. 9-րդ սյունակում գրառվում է, թե երբ է ապաստանի խնդրանք ներկայացնողի հետ անցկացվել հարցազրույց` նշելով հարցազրույցն անցկացնող պաշտոնատար անձի անունը, հայրանունը, ազգանունը և պաշտոնը: Հարցազրույցն անցկացնող պաշտոնատար անձը ստորագրում է տվյալ սյունակի վերջում:
15. 10-րդ սյունակում գրառում կատարելիս անհրաժեշտ է նկատի ունենալ, որ ապաստանի խնդրանքի մասին տեղեկությունը անմիջապես գրանցումից հետո հայտնվում է ՀՀ տարածքային կառավարման նախարարության աշխատակազմի միգրացիոն գործակալությանը` ք. Երևան, Հր. Քոչարի 4 հասցեով, հեռախոս 22-58-65, 22-56-45:
16. 11-րդ սյունակում գրանցվում է ապաստան հայցողին և նրա ընտանիքի անդամներին ՀՀ տարածքային կառավարման նախարարության աշխատակազմի միգրացիոն գործակալություն տեղափոխման մասին` նշելով տեղափոխող մարմնի անվանումը (օրինակ` ՀՀ տարածքային կառավարման նախարարության աշխատակազմի միգրացիոն գործակալություն, ՀՀ սահմանապահ զորքեր, ՀՀ ոստիկանության բաժին, ՄԱԿ-ի փախստականների հարցերով գերագույն հանձնակատարի հայաստանյան գրասենյակ, Հայկական կարմիչ խաչ ընկերություն և այլն):
17. 12-րդ սյունակում անհրաժեշտության դեպքում գրանցվում են այլ տեղեկություններ: