ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 ապրիլի 2011 թվականի N 559-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ԱՊՐԻԼԻ 28-Ի N 562-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածով սահմանված դրույթներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2005 թվականի ապրիլի 28-ի «Պետական գույքի հաշվառման և գրանցամատյան վարելու կարգը հաստատելու և Հայաստանի Հանրապետության կառավարության 2001 թվականի ապրիլի 12-ի N 282 որոշումը մասնակիորեն ուժը կորցրած ճանաչելու մասին» N 562-Ն որոշման մեջ կատարել հետևյալ փոփոխություններն ու լրացումները՝

1) որոշման N 2 հավելվածը շարադրել նոր խմբագրությամբ` համաձայն հավելվածի.

2) որոշումը լրացնել հետևյալ բովանդակությամբ նոր՝ 1.2-րդ, 1.3-րդ, 1.4-րդ, 1.5-րդ և 1.6-րդ կետերով.

«1.2. Հայաստանի Հանրապետության տրանսպորտի և կապի նախարարին և Հայաստանի Հանրապետության մարզպետներին`

ա) նախարարության և մարզպետարանների ենթակայության ընդհանուր օգտագործման ավտոմոբիլային ճանապարհները, արհեստական կառույցները, ճանապարհային կահավորանքն ու ճանապարհային մաս հանդիսացող այլ շինությունները դասակարգել ըստ նշանակության (ընդհանուր օգտագործման միջպետական, հանրապետական և մարզային), ընդ որում, այն ավտոմոբիլային ճանապարհները, արհեստական կառույցները, ճանապարհային կահավորանքն ու ճանապարհային մաս հանդիսացող այլ շինությունները, որոնց հաշվեկշռային արժեքները հնարավոր չէ առանձնացնել՝ հաշվառել զրոյական արժեքներով,

բ) ապահովել նախարարության և մարզպետարանների ենթակայության ընդհանուր օգտագործման ավտոմոբիլային ճանապարհների, արհեստական կառույցների, ճանապարհային կահավորանքի ու ճանապարհային մաս հանդիսացող այլ շինությունների նկատմամբ Հայաստանի Հանրապետության օրենսդրությամբ սահմանված կարգով պետության սեփականության իրավունքի գրանցումը:

1.3. Հայաստանի Հանրապետության մարզպետներին` երկամսյա ժամկետում ամփոփել սույն որոշման 1.2-րդ կետով սահմանված աշխատանքների արդյունքները և համապատասխան տեղեկատվությունը ներկայացնել Հայաստանի Հանրապետության տրանսպորտի և կապի նախարարություն:

1.4. Հայաստանի Հանրապետության տրանսպորտի և կապի նախարարին` մեկամսյա ժամկետում ամփոփել սույն որոշման 1.2-րդ կետով սահմանված աշխատանքները և 1.3-րդ կետի համաձայն ներկայացված տեղեկատվությունը և արդյունքները սույն որոշմամբ հաստատված կարգի 10-րդ կետով սահմանված ժամկետում ներկայացնել Հայաստանի Հանրապետության կառավարությանն առընթեր պետական գույքի կառավարման վարչություն` սույն որոշման N 2 հավելվածի N 2.1 ձևով:

1.5. Առաջարկել Երևանի քաղաքապետին Հայաստանի Հանրապետության կառավարությանն առընթեր պետական գույքի կառավարման վարչություն ներկայացնել սույն որոշման N 1 հավելվածով հաստատված կարգի (այսուհետ` կարգ) 10-րդ կետով սահմանված տեղեկատվությունն այն պետական ոչ առևտրային կազմակերպությունների և պետական մասնակցությամբ առևտրային կազմակերպությունների վերաբերյալ, որոնց հիմնադրի, ինչպես նաև լիազորված պետական մարմնի լիազորությունները, որպես պատվիրակված լիազորություն, վերապահվել են Երևանի քաղաքապետին:

1.6. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` սույն որոշման 1.2-րդ կետում նշված անշարժ գույքի նկատմամբ պետական սեփականության իրավունքների գրանցումներն իրականացնել «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 19-րդ հոդվածով նախատեսված մոտավոր սահմաններով` առանց սահմանային ճիշտ չափագրումների:».

3) որոշմամբ հաստատված կարգի՝

ա. 3-րդ կետը շարադրել հետևյալ խմբագրությամբ.

«3. Պետական հաշվառման օբյեկտներ են հանդիսանում սեփականության իրավունքով պետությանը պատկանող շարժական (բացառությամբ դրամական միջոցների) և անշարժ գույքը (բացառությամբ հողի), այդ թվում՝ միջպետական, հանրապետական և մարզային նշանակության ճանապարհները, արհեստական կառույցները, ճանապարհային կահավորանքն ու ճանապարհային մաս հանդիսացող այլ շինությունները, ջրամբարներն ու ջրատարները, պետական կառավարչական հիմնարկներին, պետական այլ հիմնարկներին և պետական ոչ առևտրային կազմակերպություններին (այդ թվում` որոնց հիմնադրի, ինչպես նաև լիազորված պետական մարմնի լիազորությունները փոխանցվել են Երևանի քաղաքապետին) ամրացված գույքը, ինչպես նաև հիմնարկների հաշվեկշռում հաշվառված ոչ նյութական ակտիվները, պետական մասնակցությամբ առևտրային և պետական ոչ առևտրային կազմակերպությունների սեփականությունը հանդիսացող անշարժ գույքը, իրավաբանական անձանց (այդ թվում` որոնց հիմնադրի, ինչպես նաև լիազորված պետական մարմնի լիազորությունները, որպես պատվիրակված լիազորություն, փոխանցվել են Երևանի քաղաքապետին) կանոնադրական կապիտալում պետական բաժնեմասը (բաժնետոմսերը), այլ պետություններում գտնվող (այդ թվում` դիվանագիտական առաքելությունների համար օգտագործվող)` Հայաստանի Հանրապետությանը սեփականության իրավունքով պատկանող գույքը:»,

բ. 10-րդ կետը շարադրել հետևյալ խմբագրությամբ.

«10. Պետական մարմինների ղեկավարները սույն որոշումն ուժի մեջ մտնելուց հետո եռամսյա ժամկետում և այսուհետ յուրաքանչյուր տարի` մինչև ապրիլի 1-ը, Հայաստանի Հանրապետության կառավարությանն առընթեր պետական գույքի կառավարման վարչություն են ներկայացնում՝

ա) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված հիմնական միջոցների և ոչ նյութական ակտիվների մասին տեղեկանքը (N 2 հավելվածի N 1 ձև),

բ) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված, ինչպես նաև պետական մասնակցությամբ առևտրային կազմակերպությունների և պետական ոչ առևտրային կազմակերպությունների սեփականությունը հանդիսացող անշարժ գույքի մասին տեղեկանքը (N 2 հավելվածի N 2 ձև),

գ) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ճանապարհների, արհեստական կառույցների, ճանապարհային կահավորանքի ու ճանապարհային մաս հանդիսացող այլ շինությունների մասին տեղեկանքը (N 2 հավելվածի N 2.1 ձև),

դ) պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ջրամբարների և ջրատարների մասին տեղեկանքը (N 2 հավելվածի NN 2.2 և 2.3 ձևեր),

ե) պետական կառավարչական և պետական այլ հիմնարկներին ամրացված անշարժ գույքի օգտագործողների մասին տեղեկանքը (N 2 հավելվածի N 2.4 ձև),

զ) պետական կառավարչական հիմնարկներին անհրաժեշտ անշարժ գույքի մասին տեղեկանքը (N 2 հավելվածի N 3 ձև),

է) պետական սեփականություն հանդիսացող բաժնետոմսեր (բաժնեմաս) ունեցող իրավաբանական անձանց մասին տեղեկանքը (N 2 հավելվածի N 4 ձև),

ը) պետական կառավարչական և պետական այլ հիմնարկների հաշվեկշռում հաշվառված ոչ նյութական ակտիվների մասին տեղեկանքը (N 2 հավելվածի N 5 ձև):»,

գ. ուժը կորցրած ճանաչել 11-րդ կետի «բ» ենթակետը, իսկ նույն կետի «դ» ենթակետում «մինչև յուրաքանչյուր տարվա ապրիլի 10-ը» բառերը փոխարինել «սույն կարգի 10-րդ կետով սահմանված տեղեկանքների ներկայացման ժամկետներից հետո մեկամսյա ժամկետում» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. մայիսի 11 Երևան

Հավելված ՀՀ կառավարության 2011 թվականի  ապրիլի 28-ի N 559-Ն որոշման

«Հավելված N 2 ՀՀ կառավարության 2005 թվականի  դեկտեմբերի 18-ի N 562-Ն որոշման

Ձև N 1

Ձ Ե Վ Ե Ր

ՀԱՇՎԱՌՄԱՆ ՕԲՅԵԿՏՆԵՐԻ ՄԱՍԻՆ ՏԵՂԵԿԱՏՎՈՒԹՅՈՒՆ ՆԵՐԿԱՅԱՑՆԵԼՈՒ

Տ Ե Ղ Ե Կ Ա Ն Ք

__________________________________________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված հիմնական միջոցների և ոչ նյութական ակտիվների մասին (20  թ. հունվարի 1-ի դրությամբ)

Հիմնարկի ղեկավար

_____________________________ (ստորագրությունը)

___________________________ (անունը, ազգանունը)

Կ.Տ.

Ձև N 2

Տ Ե Ղ Ե Կ Ա Ն Ք

—————————————————————————————————

 (պետական կառավարչական հիմնարկի անվանումը)
 

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված, ինչպես նաև պետական մասնակցությամբ առևտրային կազմակերպությունների և պետական ոչ առևտրային կազմակերպությունների սեփականությունը հանդիսացող անշարժ գույքի մասին (20  թ. հունվարի 1-ի դրությամբ)

(լրացվում է յուրաքանչյուր շենքի, շինության, շենքի բացվածքի (տարածքի) և անավարտ շինարարության համար առանձին)

Հիմնարկի ղեկավար

_____________________________ (ստորագրությունը)

___________________________ (անունը, ազգանունը)

Կ.Տ.

Ձև N 2.1

Տ Ե Ղ Ե Կ Ա Ն Ք

___________________________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ճանապարհների, արհեստական կառույցների, ճանապարհային կահավորանքի ու ճանապարհային մաս հանդիսացող այլ շինությունների մասին (20 թ. հունվարի 1-ի դրությամբ)

(լրացվում է յուրաքանչյուր ճանապարհի հատվածի համար առանձին)

Հիմնարկի ղեկավար

_____________________________ (ստորագրությունը)

___________________________ (անունը, ազգանունը)

Կ.Տ.

Ձև N 2.2

Տ Ե Ղ Ե Կ Ա Ն Ք

_________________________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ջրամբարների մասին (20 թ. հունվարի 1-ի դրությամբ)

(լրացվում է պետական կառավարչական և պետական այլ հիմնարկների ենթակայության յուրաքանչյուր հիմնարկի կամ կազմակերպության համար առանձին)

Հիմնարկի ղեկավար

_____________________________ (ստորագրությունը)

___________________________ (անունը, ազգանունը)

Կ.Տ.

Ձև N 2.3

Տ Ե Ղ Ե Կ Ա Ն Ք

_____________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված և հիմնարկի հաշվեկշռում հաշվառված ջրատարների մասին (20  թ. հունվարի 1-ի դրությամբ)

(լրացվում է պետական կառավարչական և պետական այլ հիմնարկների ենթակայության յուրաքանչյուր հիմնարկի կամ կազմակերպության համար առանձին)

Հիմնարկի ղեկավար

_____________________________ (ստորագրությունը)

___________________________ (անունը, ազգանունը)

Կ.Տ.

Ձև N 2.4

Տ Ե Ղ Ե Կ Ա Ն Ք

________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկներին ամրացված անշարժ գույքի օգտագործողների մասին (20  թ. հունվարի 1-ի դրությամբ)

(լրացվում է պետական կառավարչական և պետական այլ հիմնարկների ենթակայության յուրաքանչյուր հիմնարկի կամ կազմակերպության համար առանձին)

Ձև N 3

Տ Ե Ղ Ե Կ Ա Ն Ք

___________________________________________________________________________________

 (պետական կառավարչական հիմնարկի անվանումը)

պետական կառավարչական հիմնարկներին անհրաժեշտ անշարժ գույքի մասին (20  թ. հունվարի 1-ի դրությամբ)

(լրացվում է յուրաքանչյուր շենքի, շինության և անավարտ շինարարության համար առանձին)

Ձև N 4

Տ Ե Ղ Ե Կ Ա Ն Ք

պետական սեփականություն հանդիսացող բաժնետոմսեր (բաժնեմաս) ունեցող իրավաբանական անձանց մասին

________________________________________________________________________________________________________________________________________________________________

 (պետական սեփականություն հանդիսացող բաժնետոմսերի (բաժնեմասի) կառավարման լիազորություններն իրականացնող իրավաբանական անձանց մասին)

Հիմնարկի ղեկավար

————————————— (ստորագրությունը)

———————————————— (անունը, ազգանունը)

Կ.Տ.

Ձև N 5

Տ Ե Ղ Ե Կ Ա Ն Ք

__________________________________________________________________

 (պետական կառավարչական հիմնարկի անվանումը)

պետական կառավարչական և պետական այլ հիմնարկների հաշվեկշռում հաշվառված ոչ նյութական ակտիվների մասին (20  թ. հունվարի 1-ի դրությամբ)

Օբյեկտի անվանումը	Նախորդ տարվա վերջի մնացորդը (քանակը)	Ընթացիկ տարի		Հաշվետու տարվա (ժամանա-կաշրջանի վերջին մնացորդը) (քանակը)	Հաշվե-կշռային արժեքը (հազ. դրամ)
		ավելացումը (քանակը)	նվազեցումը (քանակը)
Ա. Մտավոր գործունեության արդյունքները
I. Հեղինակային իրավունքի օբյեկտներ, ընդամենը
այդ թվում`
II. Հարակից իրավունքներ, ընդամենը
այդ թվում`
III. Արդյունաբերական սեփականության իրավունքի օբյեկտներ (գյուտ, օգտակար մոդել, արդյունաբերական նմուշ), ընդամենը
այդ թվում`
IV. Սելեկցիոն նվաճումներ, ընդամենը
այդ թվում`
V. Ինտեգրալ միկրոսխեմաների տոպոլոգիաներ, ընդամենը
այդ թվում`
VI. Չբացահայտված տեղեկատվություն` ներառյալ արտադրության գաղտնիքները (նոու-հաու), ընդամենը
այդ թվում`
Բ. Քաղաքացիական շրջանառության մասնակիցների, ապրանքների, աշխատանքների կամ ծառայությունների անհատականացման միջոցները
I. Ֆիրմային անվանումներ, ընդամենը
այդ թվում`
II. Ապրանքային նշաններ (սպասարկման նշաններ), ընդամենը
այդ թվում`
III. Աշխարհագրական նշումներ և արտադրանքի ծագման տեղանուններ, ընդամենը
այդ թվում`

Հիմնարկի ղեկավար

_____________________________ (ստորագրությունը)

___________________________ (անունը, ազգանունը)

Կ.Տ.»:

Հայաստանի Հանրապետության կառավարության աշխատակազմի ղեկավար

Դ. Սարգսյան