ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 փետրվարի 2011 թվականի N 146-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ԸՆԿԵՐԱԿՑՈՒԹՅԱՆ ՄԻՋԵՎ 2005 ԹՎԱԿԱՆԻ ՀՈՒԼԻՍԻ 20-ԻՆ ԿՆՔՎԱԾ N 4095 AM ՎԱՐԿԱՅԻՆ ՀԱՄԱՁԱՅՆԱԳՐԻ ՇՐՋԱՆԱԿՆԵՐՈՒՄ ԻՐԱԿԱՆԱՑՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

Հայաստանի Հանրապետության քաղաքացիական օրենսգրքի 605-րդ հոդվածին համապատասխան, ինչպես նաև Հայաստանի Հանրապետության և Միջազգային զարգացման ընկերակցության միջև 2005 թվականի հուլիսի 20-ին կնքված «Գյուղական ձեռնարկությունների և փոքրածավալ առևտրային գյուղատնտեսության զարգացման ծրագիր» N 4095 AM վարկային համաձայնագրի շրջանակներում կառուցված ներհամայնքային կոյուղու ցանցերի և սեպտիկ հորերի, խմելու մայր ջրագծի վրա կառուցված օրական կարգավորող ջրավազանի, վերակառուցված խմելու ջրի մայր ջրագծի և ներքին ցանցերի, խմելու ջրի համակարգի շահագործումն ապահովելու նպատակով Հայաստանի Հանրապետության կառավարությունը որոշում է.

1. «Գյուղական ձեռնարկությունների և փոքրածավալ առևտրային գյուղատնտեսության զարգացման ծրագրի շրջանակներում կառուցված օբյեկտների կազմից 148764146 դրամ արժողությամբ գույքը Հայաստանի Հանրապետության օրենսդրությամբ սահմանված կարգով նվիրաբերել համայնքներին՝ համաձայն հավելվածի: Նվիրաբերված գույքի նպատակային օգտագործման պայմանները սահմանել համայնքների հետ կնքվող նվիրաբերության պայմանագրերում:

2. Հայաստանի Հանրապետության գյուղատնտեսության նախարարին՝ ապահովել սույն որոշման հավելվածում նշված գույքի նվիրաբերության պայմանագրերի կնքումը համապատասխան համայնքների հետ:

3. Հայաստանի Հանրապետության գյուղատնտեսության նախարարին, Հայաստանի Հանրապետության Սյունիքի, Գեղարքունիքի և Արագածոտնի մարզպետներին՝ Հայաստանի Հանրապետության օրենսդրությամբ սահմանված կարգով ապահովել սույն որոշման հավելվածում նշված գույքի հանձնման-ընդունման գործընթացի իրականացումը: Համապատասխան համայնքներին հանձնել կառուցված օբյեկտների նախագծանախահաշվային փաստաթղթերը, ինչպես նաև կատարողական ակտերի մեկական օրինակները:

4. Առաջարկել սույն որոշման հավելվածում նշված համայնքների ղեկավարներին նվիրաբերվող գույքի նկատմամբ իրավունքի պետական գրանցումն իրականացնել համայնքների միջոցների հաշվին:

Հայաստանի Հանրապետության վարչապետ	Տ. Սարգսյան
2011 թ. փետրվարի 28 Երևան

Հավելված  ՀՀ կառավարության 2011 թվականի  փետրվարի 24-ի N 146-Ա որոշման

Ց Ա Ն Կ

ՀԱՄԱՅՆՔՆԵՐԻՆ ՆՎԻՐԱԲԵՐՎՈՂ ԳՈՒՅՔԻ

NN ը/կ	Համայնքը	Գույքի անվանումը	Քա- նակը (հատ)	Կառուցման տարեթիվը	Հաշվեկշռային արժեքը   (դրամ)
1.	ՀՀ Սյունիքի մարզի Սալվարդ համայնք	խմելու ջրագծի ներքին ցանց	1	2008 թ.	12790392
2.	ՀՀ Սյունիքի մարզի Քարահունջ համայնք	ներհամայնքային կոյուղու ցանց և սեպտիկ հոր	1	2009 թ.	38331417
3.	ՀՀ Սյունիքի մարզի Հարթաշեն համայնք	ներհամայնքային կոյուղու ցանց և սեպտիկ հոր	1	2009թ.	20250528
4.	ՀՀ Սյունիքի մարզի Հալիձոր համայնք	խմելու ջրի մայր ջրագիծ և ներքին ցանց	1	2007 թ.	18144728
6	ՀՀ Գեղարքունիքի մարզի Ակունք համայնք	խմելու ջրի համակարգ	1	2009 թ.	52958790
7.	ՀՀ Արագածոտնի մարզի Հակկո համայնք	խմելու մայր ջրագծի օրական կարգավորող ջրավազան (ՕԿՋ)	1	2010 թ.	6288291
	Ընդամենը                                                                                                              148764146. 0

Հայաստանի Հանրապետության կառավարության աշխատակազմի ղեկավար

Դ. Սարգսյան