ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

31 մարտի 2011 թվականի N 381-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵԻ ԶԱՐԳԱՑՄԱՆ 2011 ԹՎԱԿԱՆԻ ՀԱՄԱԼԻՐ ԾՐԱԳԻՐԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2011 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Համաձայն Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման 22-րդ կետի պահանջի և «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի 11-րդ հոդվածի 9-րդ կետին համապատասխան` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության պետական բյուջեից ֆինանսավորվող` Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի զարգացման 2011 թվականի համալիր ծրագիրը` համաձայն N 1 հավելվածի:

2. «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի NN 1 և 3 հավելվածներում կատարել վերաբաշխում և Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման NN 5, 8, 10 և 11 հավելվածներում փոփոխություն` համաձայն NN 2, 3, 4 և 5 հավելվածների:

3. Հայաստանի Հանրապետության ֆինանսների նախարարին` «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի N 3 հավելվածով նախատեսված Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համակարգի 2011 թվականի ծախսերի նախահաշվի բյուջետային ծախսերի տնտեսագիտական դասակարգման «Շենքերի և կառույցների ընթացիկ նորոգում և պահպանում» հոդվածով նախատեսված գումարների ֆինանսավորումն իրականացնել լիցենզավորված կազմակերպության կողմից կազմված նորոգման աշխատանքների նախագծանախահաշվային փաստաթղթերի առկայության դեպքում, իսկ «Շենքերի և շինությունների շինարարություն» ու «Շենքերի և շինությունների կապիտալ վերանորոգում» հոդվածներով նախատեսված գումարների ֆինանսավորումը՝ աշխատանքների՝ սահմանված կարգով փորձաքննություն անցած և հաստատված նախագծանախահաշվային փաստաթղթերի առկայության դեպքում:

 4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. ապրիլի 21 Երևան

Հավելված N 1  ՀՀ կառավարության 2011 թվականի  մարտի 31-ի N 381-Ն որոշման

2011 ԹՎԱԿԱՆԻ ԶԱՐԳԱՑՄԱՆ ՀԱՄԱԼԻՐ ԾՐԱԳԻՐ

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵԻ

Գ Լ ՈՒ Խ  1

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ԱՆՇԱՐԺ ԳՈՒՅՔԻ ԿԱԴԱՍՏՐԻ ՊԵՏԱԿԱՆ ԿՈՄԻՏԵԻ ԱՇԽԱՏԱԿԱԶՄԻ ՏԱՐԱԾՔԱՅԻՆ ՍՏՈՐԱԲԱԺԱՆՈՒՄՆԵՐԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻՑ ՍՏԱՑՎՈՂ ԵԿԱՄՈՒՏՆԵՐԻ ՀԱՇՎԻՆ ԿՈՄԻՏԵԻ ՀԱՄԱԿԱՐԳԻ ՊԱՀՊԱՆՈՒՄԸ ԵՎ ԿԱՐՈՂՈՒԹՅՈՒՆՆԵՐԻ ԶԱՐԳԱՑՈՒՄԸ

I. Ծրագրի իրականացման նպատակը

«Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 49-րդ հոդվածի պահանջների համաձայն անշարժ գույքի պետական ռեգիստրի համակարգի տարեկան ծախսերը պլանավորվում ու իրականացվում են սպասվելիք տարեկան եկամուտների չափով և հաստատվում «Հայաստանի Հանրապետության պետական բյուջեի մասին» Հայաստանի Հանրապետության օրենքի առանձին հավելվածով:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի 2011 թվականի տարեկան ծախսերը պլանավորվել են 3238000.0 հազ. դրամի չափով, որը նախատեսվում է իրականացնել կոմիտեի ստորաբաժանումների կողմից պետական գրանցման, գույքի և դրա նկատմամբ գրանցված իրավունքների և սահմանափակումների մասին տեղեկատվության տրամադրման ծառայության դիմաց գանձվելիք վճարների հաշվին:

Ստացված եկամուտների հաշվին կիրականացվեն ծախսեր` հետևյալ ուղղություններով`

1) «Աշխատողների աշխատավարձեր և հավելավճարներ» 4111 հոդվածով նախատեսված է իրականացնել 1201682.7 հազ. դրամի չափով ծախս, որը հաշվարկվել է «Քաղաքացիական ծառայողների վարձատրության մասին» Հայաստանի Հանրապետության օրենքին համապատասխան: Խրախուսման նպատակով ստեղծվել է խրախուսման ֆոնդ, որը հաշվարկվել է «Գույքի նկատմամբ իրավունքների պետական գրանցման մասին» Հայաստանի Հանրապետության օրենքի 49-րդ հոդվածի համաձայն` աշխատավարձի տարեկան ֆոնդի 50.4 տոկոսի չափով.

2) «Պարտադիր սոցիալական ապահովագրության վճարներ» 4131 հոդվածով նախատեսվում է ընդամենը 307526.1 հազ. դրամ, որը հաշվարկվել է «Պարտադիր սոցիալական ապահովագրության վճարների մասին» Հայաստանի Հանրապետության օրենքի պահանջներին համապատասխան.

3) «Շարունակական ծախսեր» բաժնով Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումների գործունեության իրականացման համար անհրաժեշտ էլեկտրաէներգիայի և վառելիքի օգտագործման համար ծախսերը պլանավորվել են Հայաստանի Հանրապետության կառավարության 2005 թվականի ապրիլի 28-ի «Հայաստանի Հանրապետության պետական բյուջեի նախագծում Հայաստանի Հանրապետության պետական մարմինների գծով բյուջետային ծախսերի առանձին տեսակների` ջեռուցման, վառելիքի և էլեկտրաէներգիայի ձեռքբերման ծավալների հաշվարկման հիմքում դրվող նորմաները հաստատելու մասին» N 629-Ն որոշմամբ հաստատված չափաքանակներով: Տարածքային ստորաբաժանումների ջեռուցման և վառելիքի գումարը մեկ տարվա համար կազմում է 30518.4 հազ. դրամ: Հաշվարկների ժամանակ հաշվի են առնվել տարածքային ստորաբաժանումների գոտիականությունը և բյուջետային նորմաները: Համակարգում գործող 51 ստորաբաժանումներում լուսավորության, սարքավորումների օգտագործման, ձմռան ամիսներին սարքերի և աշխատողների համար անհրաժեշտ ջերմաստիճանի ապահովման համար էլեկտրաէներգիայի ծախսերը կկազմեն տարեկան շուրջ 40000.0 հազ. դրամ, կոմիտեի կենտրոնական ապարատի էլեկտրաէներգիայի ծախսերը՝ տարեկան շուրջ 8500.0 հազ. դրամ, իսկ ջեռուցման համար՝ 6500.0 հազ. դրամ:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի տարածքային ստորաբաժանումները պայմանագրեր ունեն «Հայջրմուղկոյուղի» փակ բաժնետիրական ընկերության հետ: Հաշվարկը կատարվել է ըստ նորմատիվի` 1 աշխատողին օրական 30 լիտր ջուր: Համակարգի կողմից օգտագործվող ջրմուղ-կոյուղուց օգտվելու վարձը մեկ տարվա համար կկազմի ընդամենը 1551.7 հազ. դրամ:

Աղբահանության և դեռատիզացիայի ծախսերը հաշվարկվել են` հիմք ընդունելով Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կենտրոնական ապարատի վարչական շենքի աղբահանության և դեռատիզացիայի պայմանագրի արժեքը` համաձայն որի ամսական նախատեսված է 30.0 հազ. դրամ վճար, տարեկան` 900.0 հազ. դրամ:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի որոշ ստորաբաժանումներ կնքել են աղբահանության և դեռատիզացիայի պայմանագրեր, որոնց ընդհանուր գումարը կազմում է 1990.8 հազ. դրամ: Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի աղբահանության և դեռատիզացիայի ծախսերը կկազմեն ընդամենը 2890.8 հազ. դրամ.

4) «Կապի ծառայությունների վճար» 4214 հոդվածով կապի ծառայություններից օգտվելու համար 2011 թվականին պլանավորվում է իրականացնել 35000.0 հազ. դրամի չափով ծախս: Հաշվարկներն իրականացվել են՝ հիմք ընդունելով Հայաստանի Հանրապետության կառավարության 2004 թվականի դեկտեմբերի 30-ի N 1956-Ն որոշմամբ հաստատված չափաքանակները.

5) «Ապահովագրական ծախսեր» 4215 հոդվածով պլանավորվել է 2560.0 հազ. դրամի չափով ծախս՝ Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի համակարգի 64 ավտոմեքենաների ապահովագրության համար.

6) «Գույքի և սարքավորումների վարձակալություն» 4216 հոդվածով ծախսերը նախատեսված են համաձայն տարածքային ստորաբաժանումների կողմից կնքված տարածքների վարձակալության մասին պայմանագրերի, որոնց ընդհանուր գումարը կազմում է 32600.0 հազ. դրամ.

7) «Արտագերատեսչական ծախսեր» 4217 հոդվածով` տարածքային ստորաբաժանումների կողմից կնքված արտագերատեսչական պահպանության պայմանագրային գումարը կազմում է 56000.0 հազ. դրամ.

8) «Գործուղումներ և շրջագայության ծախսեր». 2011 թվականին պլանավորվում են գործուղումներ ինչպես հանրապետության ներսում, այնպես էլ հանրապետությունից դուրս, որոնց գծով նախատեսվում է իրականացնել համապատասխանաբար 4221 հոդվածով՝ 17000.0, և 4222 հոդվածով՝ 10000.0 հազ. դրամի չափով ծախս: Կատարված հաշվարկներն իրականացվել են Հայաստանի Հանրապետության բյուջետային հիմնարկների աշխատողների գործուղումների համար սահմանված նորմաների հիման վրա.

9) ծառայությունների ձեռքբերման ծախսերը ներառում են «Վարչական ծառայություններ» 4231 հոդվածով` 5000.0 հազ. դրամի, «Տեղեկատվական ծառայություններ» 4234 հոդվածով՝ 37490.0 հազ. դրամի չափով ծախս, «Ներկայացուցչական ծախսեր» 4237 հոդվածով Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեն համագործակցում է մի շարք երկրների և միջազգային կազմակերպությունների հետ, որի համար անհրաժեշտ է 4000.0 հազ. դրամ և «Ընդհանուր բնույթի այլ ծառայություններ» 4239 հոդվածով՝ 20000.0 հազ. դրամ.

10) «Մասնագիտական ծառայություններ» 4241 հոդվածով նախատեսվում է իրականացնել համակարգի գերատեսչական ցանցի սպասարկման, անշարժ գույքի շուկայի վերլուծության և մոնիթորինգի աշխատանքները` 85000.0 հազ. դրամ.

11) «Շենքերի և կառույցների ընթացիկ նորոգում և պահպանում» 4251 հոդվածով ծախսերը 2011 թվականին կազմում են 90000.0 հազ. դրամ։

Նախատեսվում է կատարել ընթացիկ նորոգման աշխատանքներ՝

ա. Վեդու տարածքային ստորաբաժանում՝ 3200.0 հազ. դրամ,

բ. Հրազդանի տարածքային ստորաբաժանում՝ 2800.0 հազ. դրամ,

գ. Կենտրոնի տարածքային ստորաբաժանում՝ 22500.0 հազ. դրամ,

դ. Արաբկիրի տարածքային ստորաբաժանում՝ 21800.0 հազ. դրամ,

ե. Շենգավիթի տարածքային ստորաբաժանում՝ 14500.0 հազ. դրամ,

զ. Էրեբունու տարածքային ստորաբաժանում՝ 1100.0 հազ. դրամ,

է. տեղեկատվական կենտրոնի տարածքում Երևան քաղաքի տարածքային ստորաբաժանում՝ 24100.0 հազ. դրամ,

«Մեքենաների և սարքավորումների ընթացիկ նորոգում և պահպանում» 4252 հոդվածով ծախսերը` 30680.0 հազ. դրամ.

12) «Գրասենյակային նյութեր և հագուստ» 4261 հոդվածով 2011 թվականին նախատեսվում է կատարել ձեռքբերում՝ 40000.0 հազ. դրամի չափով, «Տրանսպորտային նյութեր» 4264 հոդվածով (բենզին) ծախսը 66100.3 հազ. դրամ, «Կենցաղային և հանրային սննդի նյութեր» 4267 հոդվածով՝ 6000.0 հազ. դրամ.

13) «Այլ հարկեր» 4822 հոդվածով՝ 500.0 հազ. դրամ և «Պարտադիր վճարներ» 4823 հոդվածով՝ 500.0 հազ. դրամ.

14) սեփականատերերին և օգտագործողներին պատճառված հնարավոր վնասների փոխհատուցման նպատակով նախատեսվել է 5000.0 հազ. դրամ՝ «Պահուստային միջոցներ» 4891 հոդվածով.

15) «Շենքերի և շինությունների ձեռքբերում» հոդվածով նախատեսվում է կատարել 30000.0 հազ. դրամի գնում.

16) «Շենքերի և շինությունների շինարարություն» 5112 հոդվածով` 5000.0 հազ. դրամի չափով ծախսեր, միջոցները նախատեսված են գազիֆիկացման աշխատանքներ կատարելու համար։

Վեդու տարածքային ստորաբաժանման գազիֆիկացում՝ 1000.0 հազ. դրամ,

Սիսիանի տարածքային ստորաբաժանման գազիֆիկացում՝ 1000.0 հազ. դրամ,

Բաղրամյանի տարածքային ստորաբաժանման գազիֆիկացում՝ 1800.0 հազ. դրամ,

Արմավիրի տարածքային ստորաբաժանման գազիֆիկացում՝ 1200.0 հազ. դրամ.

17) «Շենքերի և շինությունների կապիտալ վերանորոգում» 5113 հոդվածով 2011 թվականին նախատեսվում է կատարել 90000.0 հազ. դրամի չափով ծախսեր: Նախատեսվում է կատարել տեղեկատվական կենտրոնի տարածքում Երևան քաղաքի տարածքային ստորաբաժանում՝ 90000.0 հազ. դրամ.

18) «Տրանսպորտային սարքավորումներ» 5121 հոդվածով ձեռքբերման ծախսերը նախատեսվում է 70000.0 հազ. դրամ, 13 ծառայողական ավտոմեքենաներ ձեռք բերելու նպատակով.

19) «Վարչական սարքավորումներ» 5122 հոդվածով 2011 թվականի ընթացքում նախատեսվում է կատարել 80000.0 հազ. դրամի` համակարգիչներ, տպիչներ, սկաներ, գրասենյակային կահույք և այլ սարքավորումների գնում.

20) «Ոչ նյութական հիմնական միջոցներ» 5132 հոդվածով նախատեսվում է կատարել 15000.0 հազ. դրամի ծախս` համակարգչային ծրագրային փաթեթներ ձեռք բերելու համար.

 21) «Գեոդեզիական քարտեզագրական ծախսեր» 5133 հոդվածով նախատեսվում է կատարել 195000.0 հազ. դրամի ծախս, որը կազմված է`

 ա. գեոդեզիայի և քարտեզագրության բնագավառի զարգացում` 18637.6 հազ. դրամ, նյութերը կցված են,

 բ. տեղագրական քարտեզագրության աշխատանքներ` 109105.0 հազ. դրամ, նյութերը կցված են,

 գ. աշխարհագրական անվանումների աշխատանքներ` 12992.4 հազ. դրամ, նյութերը կցված են,

 դ. Հայաստանի Հանրապետության վարչատարածքային միավորների (համայնքների) սահմանների ամրացման աշխատանքներ` 54265.0 հազ. դրամ.

 22) «Նախագծահետազոտական ծախսեր» 5134 հոդվածով նախատեսվում է կատարել 5000.0 հազ. դրամի ծախս` ընթացիկ նորոգման և վերանորոգման՝ սահմանված կարգով փորձաքննություն անցած նախահաշվային և նախագծանախահաշվային փաստաթղթերի կազմման աշխատանքների ձեռքբերման համար:

Գ Լ ՈՒ Խ  2

2011 ԹՎԱԿԱՆԻ ԳԵՈԴԵԶԻԱՅԻ ԵՎ ՔԱՐՏԵԶԱԳՐՈՒԹՅԱՆ ԲՆԱԳԱՎԱՌԻ ԶԱՐԳԱՑՈՒՄԸ

I. Ընդհանուր դրույթներ

Գեոդեզիայի և քարտեզագրության բնագավառի զարգացման նպատակով 2011 թվականին նախատեսվում է աշխատանքներ իրականացնել գեոդեզիայի, տեղագրական քարտեզագրության, աշխարհագրական անվանումների ուղղություններով:

Գեոդեզիայի և քարտեզագրության բնագավառը նպատակաուղղված է ապահովելու պետական, տարածքային և տեղական ինքնակառավարման մարմիններին, տնտեսությանը, պաշտպանությանը, գիտությանը, կրթությանը և բնակչությանը ժամանակակից քարտեզագրագեոդեզիական նյութերով:

Գեոդեզիա

I. Բնագավառի նկարագրությունը և հիմնական խնդիրները

Պետական գեոդեզիական ցանցն ստեղծված է հանրապետության ամբողջ տարածքում և հիմք է հանդիսանում խտացման ու հանութային ցանցերի կառուցման համար: Դա հնարավորություն է տալիս առավել ռացիոնալ և ճշգրիտ ձևով կազմակերպելու ցանկացած տեսակի տեղագրագեոդեզիական կամ հանութային աշխատանքներ: Պետական գեոդեզիական ցանցի կետերը և բարձրությունները հիմք են նաև գեոդինամիկական պոլիգոնների ստեղծման, սողանքների ուսումնասիրման, ինժեներահետազոտական, քաղաքաշինական, երկրաբանահետախուզական, պաշտպանական խնդիրների և այլ գիտական ծրագրերի իրականացման համար:

Հայաստանի Հանրապետության կառավարության 2002 թվականի մարտի 11-ի N 225 որոշմամբ Հայաստանի Հանրապետության տարածքում 2002 թվականից ներդրվել է ՎիՋիԷս-84 (WGS-84) համաշխարհային գեոդեզիական կոորդինատային համակարգը: ՎիՋիԷս-84 (WGS-84) համաշխարհային գեոդեզիական կոորդինատային համակարգում նոր գեոդեզիական ցանցի ստեղծման աշխատանքների արդյունքում ստեղծվել է Ազգային գեոդեզիական ցանցը՝ հետևյալ կառուցվածքով` 0-ական դասի 5-րդ կետ, 1-ին դասի 41-րդ կետ, 2-րդ դասի 1069-րդ կետ:

Համաձայն «Գեոդեզիայի և քարտեզագրության մասին» Հայաստանի Հանրապետության օրենքի՝ պետական գեոդինամիկական պոլիգոնի ստեղծումը, թարմացումը և զարգացումը դասվում են պետական նշանակության աշխատանքների շարքը:

Ներկայացվող ծրագիրը կազմված է՝ հաշվի առնելով Հայաստանի Հանրապետության Նախագահի 2010 թվականի օգոստոսի 28-ի «Հայաստանի Հանրապետության սեյսմիկ անվտանգության համակարգի զարգացման հայեցակարգը հաստատելու մասին» ՆԿ-140-Ն կարգադրության պահանջները (հայեցակարգի 35-րդ կետ):

Գեոդինամիկական պոլիգոններում դիտարկումները պահանջում են բարձր ճշտություն և գիտական վերլուծություն, որը կարելի է ապահովել նոր ժամանակակից գեոդեզիական տեխնոլոգիաների և բարձր ճշտության գործիքների կիրառման միջոցով: Հաշվի առնելով այդ աշխատանքների կարևորությունը և մեր տարածաշրջանում վերջին տարիների սեյսմիկ ակտիվությունը՝ անհրաժեշտություն է առաջանում կատարել գեոդինամիկական պետական նշանակության դիտարկումներ և գիտահետազոտական վերլուծություններ:

Հայաստանի տարածքը գտնվում է արաբական և եվրասիական պլատֆորմների շփման գոտում, ընդ որում, արբանյակային դիտարկումների տվյալներով (ԱՄՆ) արաբական պլատֆորմը շարժվում է եվրասիական պլատֆորմի նկատմամբ դեպի հյուսիս-արևմուտք 28+3 մմ / տարի արագությամբ: Այդ շարժման պատճառով տեղի է ունենում երկրակեղևի մշտական դեֆորմացիա արաբական և եվրասիական պլատֆորմների գոտում ընդհանրապես և Հայաստանում՝ մասնավորապես: Այնպիսի տեխնիկապես զարգացած երկրներում, ինչպիսիք են ԱՄՆ-ը և Ճապոնիան, վերջին հարյուրամյակի ընթացքում լուրջ առաջխաղացումներ չունեն երկրաշարժերի կանխագուշակման խնդրի լուծման գործում:

Հայաստանի Հանրապետության տարածքում գոյություն ունեն վեց ակտիվ երկրաբանական խզվածքներ: Հայաստանի Հանրապետության երկրաշարժավտանգ գոտիներում գեոդեզիական ճշգրիտ չափագրումների հիման վրա կարելի է կանխորոշել երկրաշարժագիտական սարքերի ու համակարգերի տեղադրման տեղը: Երկրակեղևի այն մասերում, որտեղ առկա են կրկնվող բարձրակարգ նիվելիրային ընթացքների և արբանյակային ՋիՊիԷս (գլոբալ դիրքորոշման համակարգ) (GPS) դիրքորոշման կայաններով դիտարկումների տվյալներ, ժամանակակից ուղղաձիգ և հորիզոնական տեղաշարժերի տվյալներով հնարավոր է հայտնաբերել դեֆորմացիաներ կրող տարածաշրջանները: Դա նշանակում է, որ անհրաժեշտ է ստեղծել հատուկ գեոդինամիկական պոլիգոններ՝ երկրակեղևի տեղաշարժերի ուսումնասիրություններ իրականացնելու նպատակով:

Նախկին Խորհրդային Միության երկրաշարժամետ շրջաններում երկրակեղևի ուղղաձիգ շարժումների գեոկինեմատիկայի ուսումնասիրման նպատակով պարբերաբար կատարվել են ուսումնասիրություններ՝ բարձր ճշգրտության առաջին և երկրորդ դասերի նիվելիրացման եղանակով:

Սպիտակի երկրաշարժից հետո ՀայՊետԻԳՀՆ ինստիտուտում առաջին անգամ մշակվեց յուրահատուկ տեխնիկական նախագիծ՝ Երևանի տարածաշրջանում Գառնիի ակտիվ խզվածքի (Երևանից 22 կմ հեռավորությամբ) և Փարաքար-Այնթափ հատվածում առաջին դասի նիվելիրացման պարբերական դիտարկումներ իրականացնելու նպատակով: Աշխատանքների հիմնական նպատակն էր փուլային դիտարկումների հիման վրա ստացված անհրաժեշտ տվյալների հավաքագրումը, վերլուծությունը, ինչպես նաև տրամադրումը սեյսմոլոգներին, գեոֆիզիկներին և այլ շահագրգիռ մասնագետների: Իրականացվեցին մի քանի փուլի դիտարկումներ, սակայն ԽՍՀՄ-ի փլուզման հետևանքով այդ աշխատանքներն անհրաժեշտ շարունակություն չունեցան ֆինանսավորման բացակայության պատճառով:

Հաշվի առնելով այդ աշխատանքների կարևորությունը և մեր տարածաշրջանում վերջին տարիների սեյսմիկ ակտիվությունը՝ անհրաժեշտություն առաջացավ վերսկսելու այդ աշխատանքները, միաժամանակ վերանայելով դիտարկումների իրականացման տեխնիկական և որակական պահանջները:

II. Աշխատանքների իրականացման նպատակը

Հայաստանի Հանրապետության սեյսմիկ ակտիվ գոտիներում ճշգրիտ գեոդեզիական չափագրումների հիման վրա կարելի է կանխորոշել, թե որտեղ է գտնվելու ապագա երկրաշարժի էպիկենտրոնը, ինչը թույլ կտա ճիշտ տեղադրել երկրաշարժագիտական սարքերն ու համակարգերը: Երկրակեղևի այն մասերում, որտեղ կան կրկնվող նիվելիրային ընթացքներ, ժամանակակից ուղղաձիգ տեղաշարժերի տվյալներով հնարավոր է հայտնաբերել դեֆորմացիաների տարածաշրջանները: Դա նշանակում է, որ անհրաժեշտ է ստեղծել հատուկ գեոդինամիկական պոլիգոններ՝ երկրակեղևի տեղաշարժերի ուսումնասիրություններ իրականացնելու նպատակով: Երկրակեղևի ուղղաձիգ շարժումների գեոկինեմատիկայի ուսումնասիրման նպատակով բարձր ճշգրտության I և II դասերի նիվելիրացումը պարբերաբար կատարվել է նախկին Խորհրդային Միության սեյսմիկ շրջաններում:

«Գեոդեզիայի և քարտեզագրության կենտրոն» պետական ոչ առևտրային կազմակերպության կողմից մշակված տեխնիկական նախագծի համաձայն Երևանի մերձակայքում գտնվող Գառնիի ակտիվ խզվածքի գոտում անհրաժեշտ է պարբերաբար իրականացնել բարձր ճշգրտության առաջին դասի նիվելիրացման և արբանյակային ՋիՊիԷս (գլոբալ դիրքորոշման համակարգ) (GPS) դիրքորոշման կայաններով դիտարկման աշխատանքներ: Աշխատանքների հիմնական նպատակն է փուլային դիտարկումներից ստացված տվյալների վերլուծության հիման վրա ստանալ երկրակեղևի ուղղաձիգ և հորիզոնական տեղաշարժերի մասին անհրաժեշտ տվյալներ:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2007 թվականի նոյեմբերի 16-ից «Մերձերևանյան գեոդինամիկական պոլիգոնում աշխատանքների իրականացման սխեման և տեխնիկական նախագիծը հաստատելու մասին» N 07-294-L հրամանի համաձայն 2008 թվականին «Մերձերևանյան գեոդինամիկական պոլիգոն» օբյեկտում իրականացվել են առաջին փուլի դիտարկումները, իսկ 2009 թվականին կատարվել է երկրորդ փուլը: Աշխատանքներն իրականացվում են միայն բարձրակարգ ժամանակակից թվային նիվելիրներով և արբանյակային ՋիՊիԷս (գլոբալ դիրքորոշման համակարգ) (GPS) դիրքորոշման կայաններով:

Համեմատելով առաջին դասի նիվելիրացման դիտարկումների ներկա և նախկին տարիներին իրականացված վերազանցումների ամփոփագրերը, ինչպես նաև այդ կետերի դրոշմանիշների և հենանիշների վերջնական հավասարակշռված բարձրությունները՝ կարելի է պատկերել երկրի կեղևի ուղղաձիգ տեղաշարժի արագության գրաֆիկը, որի արդյունքում հնարավոր կլինի միանշանակ պնդելու՝ կա արդյոք երկրակեղևի փոփոխություն, թե՝ ոչ:

Սույն ծրագրով նախատեսվում է շարունակել աշխատանքները Մերձերևանյան գեոդինամիկական պոլիգոնում` խզվածքների վրա իրականացնելով առաջին դասի նիվելիրացման և ՋիՊիԷս (գլոբալ դիրքորոշման համակարգ) (GPS) կետերի դիտարկման աշխատանքներ:

III. Աշխատանքների իրականացման միջոցառումները

Ծրագրի իրականացման նպատակով դիտարկման ժամանակ պարտադիր պայման է Երևանում տեղակայված «Կոմիտաս» կայանի աշխատանքները: Արբանյակային գեոդեզիական ցանցի հիմնակետերը նախատեսվում է դիտարկել 12 ժամ տևողությամբ երկհաճախականի արբանյակային դիրքորոշման կայանների միջոցով: Հիմնակետերի դիտարկման աշխատանքների համար ելակետային են գոյություն ունեցող հիմնակետերը: Դիտարկման մեկ փուլ է կազմում 12 ժամ տևողությամբ դիտարկման ընթացքը: Դիտարկման յուրաքանչյուր փուլի ընթացքում դիտարկվում է ՎիՋիԷս-84 (WGS-84) համակարգի 5 հիմնակետ այն սկզբունքով, որ նախորդ փուլի ընթացքում արդեն դիտարկված կետերից երկուսը միշտ կրկնվի, այսինքն, ունենում ենք երկու կետ, որոնց միջոցով հնարավոր է դառնում համակարգչային մշակման ընթացքում միմյանց կապակցել և հավասարակշռել տարբեր փուլերի դիտարկման արդյունքները, այսինքն, յուրաքանչյուր փուլի ընթացքում նախորդ փուլի երկու կետ բազային են ընթացիկ փուլի նոր դիտարկվող կետերի համար:

Առաջին դասի նիվելիրացման աշխատանքները կատարվում են ժամանակակից շվեյցարական Leica ֆիրմայի արտադրության N A-3003 տիպի թվային նիվելիրի միջոցով, որն ավտոմատ կերպով չափաձողերից վերցրած հաշվեցույցները մուտքագրում է հիշողության քարտի մեջ՝ բացառելով սխալների մարդկային գործոնը, իսկ անթույլատրելի պայմանների (թևերի անհավասարության, ջերմաստիճանի և մթնոլորտային ճնշման կտրուկ փոփոխումների, ռեֆրակցիայի և այլն) դեպքում գործիքը չափում չի իրականացնում:

Ծրագրի իրականացման համար նախատեսվում է հետևյալը`

Մերձերևանյան գեոդինամիկական գեոպոլիգոնում՝

ա. ՋիՊիԷս (գլոբալ դիրքորոշման համակարգ) (GPS) կետերի դիտարկումներ մշտական գործող երկրորդ դասի ծրագրով և երկրորդ դասի ցանցի կետերի դիտարկում՝ մշտական գործող 2 բազայի աշխատանքի ընթացքում,

բ. առաջին դասի նիվելիրացում՝ խզվածքներով (երրորդ փուլ) և հիմնական գծով:

IV. Աշխատանքների իրականացումից ակնկալվող արդյունքները

Ծրագրի իրականացումից հետո ակնկալվում է ունենալ մերձերևանյան գեոդինամիկական պոլիգոնում խզվածքների վրա 24 GPS հիմնակետերի դիտարկման և առաջին դասի նիվելիրացման (երրորդ փուլ) (113.725 կմ) նյութեր:

V. Աշխատանքների իրականացման ֆինանսական ապահովումը և ժամանակացույցը

2011 թվականին գեոդեզիայի բնագավառում նախատեսվող աշխատանքների ծախսերի նախահաշիվը` ըստ ծավալների, ներկայացված է N 1 աղյուսակում.

Ն Ա Խ Ա Հ Ա Շ Ի Վ

ԳԵՈԴԵԶԻԱՅԻ ԲՆԱԳԱՎԱՌՈՒՄ 2011 ԹՎԱԿԱՆԻՆ ՆԱԽԱՏԵՍՎՈՂ ԱՇԽԱՏԱՆՔՆԵՐԻ

Աղյուսակ N 1

NN ը/կ	Աշխատանքի անվանումը	Չափի միավորը	Միավորի արժեքը (հազ. դրամ)	Ծավալը	Գումարը (հազ. դրամ)
1.	GPS կետերի դիտարկումներ՝ մշտական գործող երկրորդ դասի ծրագրով	կետ	87910	24	2109.8
2.	Երկրորդ դասի ցանցի կետերի դիտարկում՝ մշտական գործող 2 բազայի աշխատանքի ընթացքում	կետ	10379	5	51.9
3.	Առաջին դասի նիվելիրացում	գծ. կմ	131026	53.625	7026.3
4.	Առաջին դասի նիվելիրացում՝ խզվածքներով (երրորդ փուլ)	գծ. կմ	157231	60.1	9449.6
	Ընդամենը				18 637.6

2011 թվականին գեոդեզիայի բնագավառում նախատեսվող աշխատանքների իրականացման ժամանակացույցը` ըստ եռամսյակների, ներկայացված է N 2 աղյուսակում:

Աղյուսակ N 2

Ժ ա մ ա ն ա կ ա ց ու յ ց

Գեոդեզիայի բնագավառում 2011 թվականին նախատեսվող աշխատանքների

NN ը/կ	Աշխատանքի անվանումը	Չափի միա-վորը	Միա-վորի արժեքը (դրամ)	Ընդհա-նուր ծավալը	Ընդհանուր գումարը (հազ. դրամ)	I եռամսյակ		II եռամսյակ		III եռամսյակ		IV եռամսյակ
						ծավալը	գումարը (հազ. դրամ)	ծավալը	գումարը (հազ. դրամ)	ծավալը	գումարը (հազ. դրամ)	ծավալը	գումարը (հազ. դրամ)
1.	GPS կետերի դիտարկումներ՝ մշտական գործող երկրորդ դասի ծրագրով	կետ	87.91	24	2109.8	24	2109.84	0	0		0		0
2.	Երկրորդ դասի ցանցի կետերի դիտարկում՝ մշտական գործող 2 բազայի աշխատանքի ընթացքում	կետ	10.379	5	51.9	5	51.895	0	0		0		0
3.	Առաջին դասի նիվելիրացում	գծ.կմ	131.026	53.625	7026.3	15	1965.39	38.625	5060.879		0		0
4.	Առաջին դասի նիվելիրացում՝ խզվածքներով (երրորդ փուլ)	գծ.կմ	157.231	60.1	9449.6	15	2358.465	45.1	7091.118		0		0
Ընդամենը					18637.6		6485.59		12152.0

ՏԵՂԱԳՐԱԿԱՆ ՔԱՐՏԵԶԱԳՐՈՒԹՅՈՒՆ

I. Բնագավառի նկարագրությունը և հիմնական խնդիրները

Տեղագրական քարտեզագրության ոլորտում պետական մասշտաբային շարքի քարտեզների ստեղծման և թարմացման նպատակով աշխատանքներն իրականացվում են Հայաստանի Հանրապետության կառավարության 2002 թվականի սեպտեմբերի 19-ի «Հայաստանի Հանրապետության պետական մասշտաբային շարքի բազային քարտեզների ստեղծման և օդալուսանկարահանման աշխատանքների իրականացման ծրագիրը հաստատելու մասին» N 1565-Ն որոշման և այլ համապատասխան իրավական ակտերի որոշումների շրջանակներում:

Թվային տեղագրական քարտեզները հիմք են գերատեսչական տարբեր ոլորտների (քաղաքաշինական, բնապահպանական, արդյունաբերության, կադաստրի, տարածքների պլանավորման, գյուղատնտեսական հողերի հաշվառման, հողերի միավորման, հողերի օգտագործման և գոտևորման սխեմաների կազմման, վարչական և տնտեսական գործունեության, մելիորացիայի, երկրաբանական հետախուզական աշխատանքների, անտառատնտեսության և այլն) խնդիրների լուծման նպատակով քարտեզների ստեղծման համար:

Հաշվի առնելով այն հանգամանքը, որ մինչև Հայաստանի Հանրապետության պետական մասշտաբային շարքի տեղագրական թվային քարտեզներ ստեղծելը, Հայաստանի Հանրապետության տարածքի մոտավորապես 45 տոկոսում լուսանկարահանում չէր իրականացվել, և այդ տարածքների թվային տեղագրական քարտեզներն ստեղծվել են 15-20 տարի վաղեմություն ունեցող ավանդական եղանակով ստեղծված տեղագրական քարտեզների հիման վրա, անհրաժեշտություն է առաջանում տիեզերալուսանկարահանման թարմ նյութերի միջոցով ուսումնասիրել այդ տարածքները և առավել շատ փոփոխության ենթարկված տարածքների տեղագրական քարտեզները թարմացնել: Տիեզերական լուսանկարահանման աշխատանքների իրականացման նպատակով 2008 թվականին կնքված համապատասխան պայմանագրի շրջանակներում ձեռք է բերվել երկրի հեռահար զոնդավորման տվյալների ընդունիչ կայանը` համապատասխան սարքավորումներով և ծրագրային ապահովմամբ: Ընդունիչ կայանը տեղադրվել է Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի «Գեոդեզիայի և քարտեզագրության կենտրոն» պետական ոչ առևտրային կազմակերպության տարածքում, որի միջոցով հնարավորություն է ընձեռվել կարճ ժամանակահատվածում և բարձր ճշտությամբ նկարահանելու անհրաժեշտ տարածքներ: 2009 թվականին իրականացված տիեզերալուսանկարահանման նյութերի հիման վրա թարմացվել են Հայաստանի Հանրապետության 1700 քառ. կմ տարածքի պետական մասշտաբային շարքի տեղագրական քարտեզները: 2010 թվականին իրականացված տիեզերալուսանկարահանման աշխատանքների տվյալների հիման վրա ավարտվել են Հայաստանի Հանրապետության 3600 քառ. կմ տարածքի պետական մասշտաբային շարքի տեղագրական քարտեզների թարմացման աշխատանքները:

Տեղագրական քարտեզների թարմացման աշխատանքներն իրականացվելու են Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2007 թվականի ապրիլի 23-ի N 07-84-Ն հրամանով հաստատված` 1:10000, 1:25000, 1:50000, 1:100000 մասշտաբի տեղագրական քարտեզների կազմման, հրատարակման նախապատրաստման և թվայնացման հրահանգի պահանջներին համապատասխան:

II. Աշխատանքների իրականացման նպատակը

Այս ուղղությամբ իրականացվող աշխատանքների հիմնական նպատակը երկրի պետական, տարածքային և տեղական ինքնակառավարման մարմիններին, տնտեսության տարբեր ճյուղերին, ինչպես նաև գիտության, կրթության, պաշտպանության և այլ բնագավառներին՝ արդիական և ժամանակակից պահանջներին համապատասխանող տիեզերալուսանկարահանման թարմ տվայալների հիման վրա հայերենով ստեղծված քարտեզագրական նյութերով ապահովումն է, ինչպես նաև տեղագրական քարտեզների և դրանց մասին տեղեկատվական բանկի ստեղծումն ու կառավարումը:

2011 թվականին տեղագրական քարտեզների ստեղծման և թարմացման անհրաժեշտությունը և առաջնահերթությունը բխում են նաև նրանից, որ Հայաստանի Հանրապետության ամբողջ տարածքը կծածկվի տիեզերալուսանկարների և օդալուսանկարների հիման վրա ստեղծված տեղագրական թվային քարտեզներով, որոնք հիմք կարող են հանդիսանալ պետական և համայնքային խնդիրների համար մեկ քարտեզագրական (հանութային) հիմքի ստեղծման և ներդրման համար:

Թարմացվող տեղագրական քարտեզների վրա բոլոր օբյեկտները և տարրերը պատկերվելու են վեկտորային ֆորմատով, որը թույլ կտա անհրաժեշտության դեպքում տեղեկատվություն տրամադրել ոչ միայն քարտեզի ամբողջ ծավալով, այլև առանձին շերտերի ձևով, որով վերջնականապես կկարգավորվի «Գաղտնի» և «Հատուկ նշանակության օբյեկտների» մասին տեղեկատվության տրամադրման սահմանափակման խնդիրը և քաղաքացիական օգտագործման նպատակներով քարտեզների ու հատակագծերի հրատարակումը:

III. Աշխատանքների իրականացումից ակնկալվող արդյունքները

 Տվյալ ծրագրի իրականացման արդյունքում ակնկալվում է ունենալ հետևյալ ձեռքբերումները՝

1) Հայաստանի Հանրապետության 4570 քառ. կմ տարածքի պետական մասշտաբային շարքի տեղագրական քարտեզների թարմացման նպատակով տիեզերալուսանկարահանված, մշակված և վերծանված տեղագրական նյութեր.

2) Հայաստանի Հանրապետության 4570 քառ. կմ տարածքի պետական մասշտաբային շարքի թարմացված էլեկտրոնային տեղագրական քարտեզներ:

IV. Աշխատանքների իրականացման միջոցառումները

2011 թվականին նախատեսվում է իրականացնել տիեզերալուսանկարահանման աշխատանքներ և ստացված նյութերի մշակում, ինչպես նաև 2010 թվականին իրականացված տիեզերալուսանկարահանման նյութերի մշակում, որոնց հիման վրա կատարվելու է մոնիթորինգ: Մոնիթորինգի արդյունքում տիեզերալուսանկարահանման նյութերի հիման վրա բացահայտվելու են նկատելի փոփոխություններ կրած տարածքները: Ստացված տվյալներով կազմվելու է տեխնիկական նախագիծ, որի հիման վրա կատարվելու են փոփոխություններ կրած 4570 քառ. կմ տարածքների՝ Հայաստանի Հանրապետության պետական մասշտաբային շարքի նախկինում ստեղծված թվային տեղագրական քարտեզների թարմացման աշխատանքներ:

Թարմացման աշխատանքներն իրականացվելու են 1:10000 մասշտաբի բազային տեղագրական քարտեզների վրա, որից հետո ընդհանրացման եղանակով կիրականացվեն նույն տարածքների՝ Հայաստանի Հանրապետության պետական մասշտաբային շարքի 1:25000-1:1000000 մասշտաբների տեղագրական քարտեզների թարմացման աշխատանքները: Այս աշխատանքները կրելու են շարունակական բնույթ և յուրաքանչյուր տարի իրականացվող տիեզերալուսանկարահանման նյութերի հիման վրա կատարվելու է մոնիթորինգ, որի արդյունքներով բացահայտվելու և թարմացվելու են տարբեր հանգամանքներով պայմանավորված նկատելի փոփոխություններ կրած տարածքների՝ Հայաստանի Հանրապետության պետական մասշտաբային շարքի տեղագրական քարտեզները:

V. Աշխատանքների բյուջեն

2011 թվականին Հայաստանի Հանրապետության պետական մասշտաբային շարքի տեղագրական քարտեզների թարմացման աշխատանքների ծախսերի նախահաշիվը` ըստ ծավալների, ներկայացված է N 3 աղյուսակում.

 Աղյուսակ N 3

Ն Ա Խ Ա Հ Ա Շ Ի Վ

ՏԵՂԱԳՐԱԿԱՆ ՔԱՐՏԵԶԱԳՐՈՒԹՅԱՆ ԲՆԱԳԱՎԱՌՈՒՄ 2011 ԹՎԱԿԱՆԻՆ ՆԱԽԱՏԵՍՎՈՂ ԱՇԽԱՏԱՆՔՆԵՐԻ

NN ը/կ	Աշխատանքի անվանումը	Չափի միավորը	Ծավալը	Միավորի արժեքը (դրամ)	Գումարը (հազ. դրամ)
1.	Թարմացման ենթակա աշխատանքների ուսումնասիրում և նախագծի կազմում	նախագիծ	1	360000	360.0
2.	Տիեզերալուսանկարահանում (ըստ պայմանագրի` 5 500 եվրո / րոպե)	րոպե	3	3300000	9900.0
3.	Արբանյակային ալեհավաքի սպասարկման վճար (ըստ պայմանագրի` ամսական 2000 եվրո)	ամիս	1.5	1200000	1800.0
4.	Տիեզերակայանից ստացված տեղեկատվության սինթեզում, ֆորմատավորում և նախնական մշակում	քառ. կմ	-	-	8400.0
5.	Պլանաբարձունքային հիմքի ապահովում	քառ. կմ	4570	4777	21830.9
6.	Դաշտային վերծանում	քառ. կմ	4570	9774	44667.18
7.	PCI ծրագրային փաթեթի միջոցով համապատասխան անվանաթերթերի և օրթոֆոտոների ստացում	քառ. կմ	4570	728	3326.96
8.	Տիեզերալուսանկարահանման նյութերի խտացում և հավասարակշռում	քառ. կմ	4570	320	1462.4
9.	ՀՀ պետական մասշտաբային շարքի տեղագրական քարտեզների թարմացում	քառ. կմ	4570	3730	17046.1
10.	Տեխնիկական հաշվետվության կազմում	հաշվե- տվություն	1	311500	311.5
Ընդամենը					109105.00

2011 թվականին Հայաստանի Հանրապետության պետական մասշտաբային շարքի տեղագրական քարտեզների թարմացման աշխատանքների իրականացման ժամանակացույցը` ըստ եռամսյակների, ներկայացված է N 4 աղյուսակում.

Աղյուսակ N 4