ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
3 փետրվարի 2011 թվականի N 76-Ա
ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ
Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետը և 2011 թվականի մարտի 6-9-ը Կանադայի Տորոնտո քաղաքում Կանադայի ընդերք հետազոտողների և շահագործողների ասոցիացիայի (PDAC) կողմից ընդերքօգտագործման ոլորտում ներդրումներ ներգրավելու նպատակով կազմակերպվող կոնգրեսին և ցուցահանդեսին Հայաստանի Հանրապետության մասնակցությունն ապահովելու նպատակով`
1. Ստեղծել միջգերատեսչական աշխատանքային խումբ և հաստատել դրա անհատական կազմը` համաձայն հավելվածի:
2. Միջգերատեսչական աշխատանքային խմբին` կոնգրեսին և ցուցահանդեսին Հայաստանի Հանրապետության պատշաճ մասնակցությունն ապահովելու նպատակով մինչև 2011 թվականի փետրվարի 10-ը մշակել և հաստատել նախապատրաստական աշխատանքների կազմակերպման ու իրականացման ժամանակացույց:
3. Առաջարկել Հայ-կանադական առևտրաարդյունաբերական պալատին աջակցել ցուցահանդեսի` Հայաստանի Հանրապետության կողմից համապատասխան տարածքների վարձակալության, ինչպես նաև ցուցահանդեսի նախապատրաստական աշխատանքների իրականացման և հայկական պատվիրակության մասնակցության ֆինանսավորման հետ կապված խնդիրների լուծմանը` հաշվի առնելով, որ տնտեսավարող սուբյեկտների մասնակցությունը ֆինանսավորվելու է իրենց ֆինանսական միջոցների հաշվին:
4. Առաջարկել «Զարգացման հայկական գործակալություն» փակ բաժնետիրական ընկերությանը Հայաստանի Հանրապետության էներգետիկայի և բնական պաշարների նախարարության «Հանրապետական երկրաբանական ֆոնդ» պետական ոչ առևտրային կազմակերպության հետ համատեղ ցուցահանդեսին Հայաստանի Հանրապետության մասնակցության ապահովման նպատակով ապահովել անհրաժեշտ ցուցանմուշների և ցուցադրափեղկերի պատրաստումը` միջազգային ընդունված նորմերին համապատասխան:
|
Հայաստանի Հանրապետության |
Տ. Սարգսյան |
|
|
|
Հավելված |
Ա Ն Հ Ա Տ Ա Կ Ա Ն Կ Ա Զ Մ
ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՄԲԻ
Ա. Մովսիսյան - ՀՀ էներգետիկայի և բնական պաշարների նախարար Ա. Գալստյան - ՀՀ էներգետիկայի և բնական պաշարների նախարարի Ա. Եգանյան - ՀՀ արտաքին գործերի նախարարության Ամերիկայի Կ. Մարգարյան - ՀՀ կառավարության աշխատակազմի տարածքային Ռ. Հարությունյան - «Զարգացման հայկական գործակալություն» ՓԲԸ-ի Գ. Հովսեփյան - ՀՀ էներգետիկայի և բնական պաշարների նախարարության Ա. Վարդանյան - Հայ-կանադական առևտրաարդյունաբերական պալատի Վ. Վարդանյան - ՀՀ էներգետիկայի և բնական պաշարների նախարարության
(միջգերատեսչական աշխատանքային խմբի ղեկավար)
տեղակալ
վարչության պետ
զարգացման և բնապահպանական վարչության պետ
գլխավոր տնօրեն (համաձայնությամբ)
«Հանրապետական երկրաբանական ֆոնդ» ՊՈԱԿ-ի տնօրեն
տնօրենների խորհրդի նախագահ (համաձայնությամբ)
աշխատակազմի ընդերքի վարչության պետ
(միջգերատեսչական աշխատանքային խմբի քարտուղար)
|
Հայաստանի Հանրապետության կառավարության աշխատակազմի ղեկավար |
Դ. Սարգսյան |