«Գրանցված է»
ՀՀ արդարադատության
նախարարության կողմից
29 դեկտեմբերի 2008 թ.
Պետական գրանցման թիվ 05008405

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

16 դեկտեմբերի 2008 թ.

թիվ 356-Ն

 

Ո Ր Ո Շ ՈՒ Մ

 

«ԿԱՐԳԱՎՈՐՎՈՂ ՇՈՒԿԱՅԻ ՕՊԵՐԱՏՈՐԻ՝ ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ» ԿԱՆՈՆԱԿԱՐԳ 5/03-Ը ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը, «Իրավական ակտերի մասին» Հայաստանի Հանրապետության օրենքի 16-րդ հոդվածը և «Արժեթղթերի շուկայի մասին» Հայաստանի Հանրապետության օրենքի 141-րդ հոդվածը և 207-րդ հոդվածի 1-ին կետը՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել «Կարգավորվող շուկայի օպերատորի՝ Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ը` համաձայն հավելվածի (կցվում է):

2. Սույն որոշումն ուժի մեջ մտնելու օրվանից ուժը կորցրած ճանաչել Հայաստանի Հանրապետության կենտրոնական բանկի խորհրդի 2006 թվականի դեկտեմբերի 5-ի «Արժեթղթերի շուկայի կարգավորման կանոնագիրքը հաստատելու մասին» թիվ 713-Ն որոշմամբ հաստատված «Արժեթղթերի շուկայի կարգավորման կանոնագրքի» 108-րդ, 109-րդ, 110-րդ գլուխները, 111.1-րդ, 111.2-րդ, 111.4-րդ, 111.5-րդ կետերը, 112-րդ, 113-րդ, 114-րդ գլուխները:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՀՀ կենտրոնական բանկի նախագահ	Ա. Ջավադյան
2008 թ. դեկտեմբերի 23 ք. Երևան

 

Հավելված ՀՀ կենտրոնական բանկի խորհրդի 2008 թվականի դեկտեմբերի 16-ի թիվ 356-Ն որոշման

 

«ԿԱՐԳԱՎՈՐՎՈՂ ՇՈՒԿԱՅԻ ՕՊԵՐԱՏՈՐԻ` ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ, ԴՐԱՆՑ ՆԵՐԿԱՅԱՑՄԱՆ ԿԱՐԳԸ, ՁԵՎԸ ԵՎ ԺԱՄԿԵՏՆԵՐԸ» ԿԱՆՈՆԱԿԱՐԳ 5/03

 

Բ Ա Ժ Ի Ն  I

 

ԸՆԴՀԱՆՈՒՐ ԴՐՈՒՅԹՆԵՐ ԵՎ ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

 

Գ Լ ՈՒ Խ  1

 

ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կանոնակարգը սահմանում է Հայաստանի Հանրապետության տարածքում գործող կարգավորվող շուկայի օպերատորի (այսուհետ` օպերատոր) կողմից Հայաստանի Հանրապետության կենտրոնական բանկ (այսուհետ` Կենտրոնական բանկ) ներկայացվող հաշվետվությունների ձևերը, ներկայացման կարգն ու ժամկետները, Կենտրոնական բանկի կողմից օպերատորից տեղեկանք, բացատրություն և այլ փաստաթղթեր պահանջելու կարգը:

2. Սույն կանոնակարգով սահմանված հաշվետվություններում գումարները արտահայտվում են Հայաստանի Հանրապետության դրամով՝ մեկ դրամի ճշտությամբ:

 

Գ Լ ՈՒ Խ  2

 

ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ

 

3. Սույն կանոնակարգում օգտագործված հասկացություններն ունեն հետևյալ նշանակությունը.

1) «Ամսաթիվ»՝ ամսաթիվը, ամիսն ու տարեթիվը (01/01/2008 թ.):

2) «Հաշվետու օր»՝ յուրաքանչյուր օր, որի ընթացքում օպերատորը իրականացրել է գործունեություն:

3) «Հաշվետու տարի»՝ հունվարի 1-ից դեկտեմբերի 31-ը ներառյալ ընկած ժամանակաշրջանը: Օպերատորի համար առաջին հաշվետու տարի է համարվում օպերատորի գործունեության լիցենզիա ստանալու օրվանից մինչև տվյալ տարվա դեկտեմբերի 31-ը ներառյալ ընկած ժամանակաշրջանը:

4) «Հաշվետու եռամսյակ»՝ օրացուցային տարվա սկզբից երեք ամիս պարբերականությամբ հաշվարկվող ժամանակաշրջան: Օպերատորի համար առաջին հաշվետու եռամսյակ է համարվում օպերատորի գործունեության լիցենզիա ստանալու օրվանից մինչև տվյալ եռամսյակի վերջն ընկած ժամանակաշրջանը:

5) «Հաշվետու ժամանակաշրջան»՝ հաշվետու օր, հաշվետու եռամսյակ կամ հաշվետու տարի:

6) «Օրենք»` «Արժեթղթերի շուկայի մասին» Հայաստանի Հանրապետության օրենքը։

7) «Պետական արժեթղթեր»՝ Հայաստանի Հանրապետության և Հայաստանի Հանրապետության կենտրոնական բանկի կողմից թողարկված արժեթղթեր:

8) «Վարկային ռեսուրս»` Հայաստանի Հանրապետության դրամով կամ արտարժույթով արտահայտված դրամական այն միջոցները, որոնք Շուկայի մի մասնակիցը որոշակի ժամկետով և տոկոսադրույքով Օպերատորի կանոններով սահմանված կարգով որպես փոխառություն նախատեսում է տրամադրել Շուկայի այլ մասնակցի:

9) «Ռեպո գործարք»` արժեթղթերի վաճառքի (առքի) գործարքը` հետգնման (հետ վաճառելու) պայմանով:

10) «Ռեպո-ուղղակի գործարք»` առևտրի մասնակիցների միջև կնքվող ռեպո գործարքի առաջին քայլը, համաձայն որի դրամական միջոցների փոխառուն վաճառում է արժեթղթերը դրամական միջոցների փոխատուին:

11) «Ռեպո-հետադարձ գործարք»` առևտրի մասնակիցների միջև կնքվող ռեպո գործարքի երկրորդ քայլը, համաձայն որի` դրամական միջոցների փոխառուն հետ է գնում արժեթղթերը դրամական միջոցների փոխատուից:

12) «Հասցեական առաջարկ»` առևտրային նստաշրջանի ընթացքում առևտրի մասնակցի կողմից մեկ այլ կոնկրետ (իրեն հայտնի) առևտրի մասնակցի առևտրային համակարգի միջոցով ուղարկված` բաժնային և (կամ) ոչ բաժնային արժեթղթերի առուվաճառքի կամ ռեպո գործարքների կնքման առաջարկ, որի ակցեպտավորման դեպքում առևտրային համակարգում գրանցվում է գործարքի կնքում:

13) «Հարթակ»` շուկայի հատված, որի համար Օպերատորի առևտրային համակարգում ստեղծված է համապատասխան միջավայր` շուկայի տվյալ հատվածում ֆինանսական գործիքներով կազմակերպվող առևտուրն առանձին չափանիշներին համապատասխան իրականացնելու նպատակով:

14) «Արժեթղթի տարեկան արժեկտրոն»` պարտքային արժեթղթի թողարկողի կողմից այդ արժեթղթի սեփականատերերին մինչև արժեթղթի մարման օրը վճարվող տարեկան տոկոսային եկամուտը, որն արտահայտված է տվյալ պարտքային արժեթղթի անվանական արժեքի նկատմամբ տոկոսներով:

15) «Զեղչատոկոսային պարտատոմս»` պարտատոմս, որի գծով արժեկտրոնների վճարումներ նախատեսված չեն, և, որը վաճառվում է իր անվանական արժեքից ցածր գնով` զեղչով:

16) «Վարկային ռեսուրսների շուկայի մասնակից»` այն բանկերը, որոնք Օպերատորի հետ ունեն վարկային ռեսուրսների առևտրին մասնակցության վերաբերյալ գործող պայմանագիր և որոնց Օպերատորի կանոններին համապատասխան թույլատրվել է մասնակցելու վարկային ռեսուրսներով Օպերատորի կողմից կազմակերպվող առևտրին:

(3-րդ կետը լրաց. 07.12.10 թիվ 325-Ն)

4. Սույն կանոնակարգում օգտագործված այլ հասկացություններն ունեն «Արժեթղթերի շուկայի մասին» Հայաստանի Հանրապետության օրենքում, ինչպես նաև կարգավորվող շուկայի օպերատորի կանոններում կիրառվող նշանակությունը:

(4-րդ կետը փոփ. 07.12.10 թիվ 325-Ն)

 

Բ Ա Ժ Ի Ն  II

 

ՕՊԵՐԱՏՈՐԻ ՀԱՇՎԵՏՎՈՒԹՅՈՒՆՆԵՐԸ ԵՎ ԴՐԱՆՑ ՆԵՐԿԱՅԱՑՄԱՆ ԿԱՐԳԸ

 

Գ Լ ՈՒ Խ  1

 

ՕՊԵՐԱՏՈՐԻ ԿՈՂՄԻՑ ԿԵՆՏՐՈՆԱԿԱՆ ԲԱՆԿ ՆԵՐԿԱՅԱՑՎՈՂ ՀԱՇՎԵՏՎՈՒԹՅՈՒՆՆԵՐԸ

 

5. Օպերատորը Կենտրոնական բանկ է ներկայացնում հետևյալ հաշվետվությունները՝ նշված պարբերականությամբ.

 

Հաշվե- տվության թիվը	Հաշվետվության անվանումը	Ներկայացման հաճախականությունը
1	2	3
1.	Հաշվապահական հաշվեկշիռ	եռամսյակային տարեկան
2.	Հաշվետվություն ֆինանսական արդյունքների մասին	եռամսյակային տարեկան
3.	Հաշվետվություն սեփական կապիտալում փոփոխությունների մասին	եռամսյակային տարեկան
4.	Հաշվետվություն դրամական միջոցների հոսքերի մասին	եռամսյակային տարեկան
5.	Ֆինանսական հաշվետվություններին կից ծանոթագրություններ	եռամսյակային տարեկան
6.	Հաշվետվություն կարգավորվող շուկայում առևտրի ընթացքում կնքված գործարքների վերաբերյալ` ըստ գործարքների	օրական
7.	Հաշվետվություն կարգավորվող շուկայի մասնակիցներին (անդամներին)` կարգավորվող շուկայում առևտրին մասնակցելու թույլտվության տրամադրման և (կամ) թույլտվության դադարեցման վերաբերյալ	Յուրաքանչյուր փոփոխության դեպքում
8.	Հաշվետվություն կարգավորվող շուկայի մասնակիցներին (անդամներին)` կարգավորվող շուկայում առևտրին մասնակցելու թույլտվության կասեցման և (կամ) կասեցման դադարեցման վերաբերյալ	Յուրաքանչյուր փոփոխության դեպքում
9.	Հաշվետվություն կարգավորվող շուկայում առևտրին արժեթղթերի թույլտվության և (կամ) թույլտվության դադարեցման վերաբերյալ	Յուրաքանչյուր փոփոխության դեպքում
10.	Հաշվետվություն կարգավորվող շուկայում առևտրին արժեթղթերի թույլտվության կասեցման և (կամ) թույլտվության կասեցման դադարեցման վերաբերյալ	Յուրաքանչյուր փոփոխության դեպքում
11.	Հաշվետվություն կարգավորվող շուկայի մասնակիցների (անդամների) կողմից ներկայացված հայտերի վերաբերյալ	օրական
12.	Հաշվետվություն կարգավորվող շուկայում պետական արժեթղթերով կնքված գործարքների արդյունքում փոխադարձ պահանջների և պարտավորությունների վերաբերյալ	օրական
13.	Հաշվետվություն տարեկան պետական տուրքի վճարման վերաբերյալ	տարեկան

 

(5-րդ կետը լրաց. 08.09.09 թիվ 271-Ն)

 

Գ Լ ՈՒ Խ  2

 

ՀԱՇՎԵՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ԵՎ ԺԱՄԿԵՏՆԵՐԸ, ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԸՆԴՀԱՆՈՒՐ ԴՐՈՒՅԹՆԵՐԸ

 

6. Սույն կանոնակարգի 5-րդ կետով սահմանված հաշվետվությունները Կենտրոնական բանկ են ներկայացվում Սի-Բի-Էյ-նեթ համակարգի միջոցով` Կենտրոնական բանկի կողմից ուղարկված պաշտպանված օրինակելի նմուշին (ֆայլին) համապատասխան, որոնց ձևերը սահմանված են սույն կանոնակարգի ՀԱՎԵԼՎԱԾ 1 - ՀԱՎԵԼՎԱԾ 8-ով: Սի-Բի-Էյ-նեթ համակարգին միացված չլինելու կամ դրա խափանման դեպքում հաշվետվության էլեկտրոնային տարբերակը Կենտրոնական բանկ է ներկայացվում ինտերնետով` հաշվետվությունների ընդունման էլեկտրոնային համակարգով: Այդ համակարգերի խափանման դեպքում հաշվետվությունները ներկայացվում են մագնիսական կամ էլեկտրոնային այլ կրիչներով՝ կից ներկայացնելով խափանման վերաբերյալ գրություն:

7. Հաշվետվությունների անվանումները պետք է կոդավորվեն:

8. Հաշվետվության անվանման կոդն ունի հետևյալ կառուցվածքը.

 

Օպերատորի կոդը

գծիկ

հաշվետվության համարը

կետ

հապավումը

è

è

è

è

è

XXXXX

-

XX

.

Xls

 

ընդ որում` «Հաշվետվության համարը» սյունակում լրացվում է տվյալ հաշվետվության 5-րդ կետով սահմանված «Հաշվետվության թիվը» (Թիվ 1. հաշվետվության լրացման դեպքում սույն սյունակում լրացվում է 01, Թիվ 2-ի դեպքում` 02 և այլն): Կոդավորման նշված կարգի պահպանումը պարտադիր է:

9. Օպերատորի կողմից Կենտրոնական բանկ ներկայացվող հաշվետվությունները պետք է պարունակեն թվային հավաստագրեր, եթե դրանք չեն ուղարկվում Սի-Բի-Էյ-նեթ համակարգի միջոցով:

10. Հաշվետվությունները պետք է պարունակեն հաշվետու ժամանակաշրջանի վերջին օրվա (եթե օպերատորը աշխատել է նաև շաբաթ, կիրակի կամ օրենքով սահմանված ոչ աշխատանքային օր, ապա՝ այդ օրվա) դրությամբ տվյալները, եթե սույն կանոնակարգով հաշվետվության կոնկրետ ձևի համար այլ բան սահմանված չէ:

11. Օրական հաշվետվությունները ներկայացվում են մինչև հաշվետու օրվան հաջորդող օրվա ժամը 12:00-ը, որում ներառվում են հաշվետվության ներկայացման օրվան նախորդող հաշվետու օրվա ընթացքում կնքված գործարքների վերաբերյալ տեղեկությունները: Ընդ որում, եթե օրական հաշվետվություններում ներառվող տեղեկություններում որևէ փոփոխություն տեղի չի ունեցել, ապա հաշվետվությունները ներկայացվում են դատարկ՝ միայն նշելով օպերատորի անվանումը և հաշվետվության ներկայացման ամսաթիվը:

12. Եռամսյակային հաշվետվությունները ներկայացվում են մինչև հաշվետու ժամանակաշրջանին հաջորդող ամսվա 7-րդ աշխատանքային օրը (ներառյալ):

13. Աուդիտի եզրակացությամբ հաստատված տարեկան հաշվետվությունները ներկայացվում են հաշվետու ժամանակաշրջանի ավարտից հետո 4-ամսյա ժամկետում, բայց ոչ ուշ, քան հրապարակումից 5 օր հետո: Թիվ 13 հաշվետվությունը ներկայացվում է մինչև տարեկան պետական տուրքի վճարման՝ Հայաստանի Հանրապետության օրենսդրությամբ սահմանված վերջնաժամկետին հաջորդող 10-րդ աշխատանքային օրը (ներառյալ):

(13-րդ կետը լրաց. 08.09.09 թիվ 271-Ն)

14. Թիվ 7, 8, 9 և 10 հաշվետվությունները ներկայացվում են մինչև յուրաքանչյուր փոփոխությունն ուժի մեջ մտնելու օրվան հաջորդող աշխատանքային օրվա ավարտը:

15. Եթե հաշվետվության ներկայացման ժամկետի վերջին օրը համընկնում է ոչ աշխատանքային օրվա հետ, ապա հաշվետվության ներկայացման ժամկետի ավարտի օր է համարվում այդ օրվան հաջորդող առաջին աշխատանքային օրը:

16. Սույն կանոնակարգով սահմանված ժամկետներից հետո ներկայացվող, սույն կանոնակարգով սահմանված ճշգրտված հաշվետվությունները ներկայացվում են էլեկտրոնային տարբերակով՝ սույն կանոնակարգի 6-րդ կետի համաձայն, ընդ որում, մի քանի ճշգրտված տարբերակների ներկայացման դեպքում հավաստի է համարվում ներկայացված վերջին տարբերակը:

17. Հաշվետվության էլեկտրոնային տարբերակը պետք է հնարավոր լինի ընթերցել էլեկտրոնային ֆորմատով, չպետք է լրացվի «յունիկոդ»-ով, երկու լրացված ամբողջական տողերի (ոչ յուրաքանչյուր սյունակի երկու լրացված տողերի) միջև դատարկ տողեր չպետք է լինեն, և այն պետք է զերծ լինի ծրագրային կամ այլ տեխնիկական թերությունից: Սույն կետի պահանջը չի գործում, եթե հաշվետվության էլեկտրոնային տարբերակի ծրագրային կամ այլ տեխնիկական թերությունն առկա է Կենտրոնական բանկի կողմից տրամադրված ֆայլերում:

18. Հաշվետվությունները լրացվում են միայն հայերեն տառերով (տառատեսակ՝ Թայմզ Արմենիան): Բացառություն են կազմում բանկերի Սվիֆտ կոդերը, Տելեքս համարները, արժեթղթերի տարբերակիչ ծածկագրերը, արժեթղթերի հապավումները, արժույթի ISO կոդերը և այլ կոդերը:

19. Օպերատորի կողմից Կենտրոնական բանկ ներկայացվող հաշվետվություններում պարունակվող տեղեկությունները պետք է լինեն արժանահավատ և ամբողջական:

 

Գ Լ ՈՒ Խ  3

 

ԿԵՆՏՐՈՆԱԿԱՆ ԲԱՆԿԻ ԿՈՂՄԻՑ ՕՊԵՐԱՏՈՐԻՑ ՏԵՂԵԿԱՆՔ, ԲԱՑԱՏՐՈՒԹՅՈՒՆ ԵՎ ԱՅԼ ՓԱՍՏԱԹՂԹԵՐ ՊԱՀԱՆՋԵԼՈՒ ԿԱՐԳԸ

 

20. Կենտրոնական բանկն իրավունք ունի օպերատորից, նրա պաշտոնատար անձանցից ծանուցմամբ պահանջել օպերատորի, առևտրի մասնակիցների, հաշվետու թողարկողների և (կամ) նրանց գործունեության վերաբերյալ լրացուցիչ տեղեկանք, բացատրություն և (կամ) այլ փաստաթղթեր:

21. Օպերատորին ծանուցում կարող է տրվել թղթային եղանակով, հեռախոսագրի, Կենտրոնական բանկի պաշտոնական էլեկտրոնային փոստի, Սի-Բի-Էյ-նեթ համակարգի, հաշվետվությունների ընդունման էլեկտրոնային համակարգի միջոցով կամ կապի՝ սահմանված այլ պահուստային միջոցներով, ընդ որում, թղթային եղանակով ծանուցման փաստաթուղթը ստորագրվում է Կենտրոնական բանկի օպերատորի վերահսկողության համար պատասխանատու ստորաբաժանման ղեկավարի կամ ղեկավարի տեղակալի կողմից:

22. Օպերատորը կամ նրա պաշտոնատար անձը պարտավոր է պահանջվող լրացուցիչ տեղեկանքը, բացատրությունը և (կամ) փաստաթուղթը Կենտրոնական բանկ ներկայացնել սույն կանոնակարգի 21-րդ կետում նշված ծանուցումը ստանալու պահից 5 աշխատանքային օրվա ընթացքում:

23. Օպերատորը պահանջվող լրացուցիչ տեղեկանքը, բացատրությունը և (կամ) փաստաթուղթը ներկայացնում է թղթային եղանակով կամ Սի-Բի-Էյ-նեթ համակարգի միջոցով: Սի-Բի-Էյ-նեթ համակարգին միացված չլինելու դեպքում դրանք ներկայացվում են ինտերնետով՝ հաշվետվությունների ընդունման համակարգով: Այդ համակարգերի խափանման դեպքում պահանջվող լրացուցիչ տեղեկանքը, բացատրությունը և (կամ) փաստաթուղթը ներկայացվում է մագնիսական կամ էլեկտրոնային այլ կրիչով՝ կից ներկայացնելով խափանման վերաբերյալ գրություն:

24. Օպերատորի լիազոր ներկայացուցիչը կարող է հրավիրվել Կենտրոնական բանկի օպերատորի վերահսկողության համար պատասխանատու ստորաբաժանում՝ հաշվետվությունների և սույն գլխով պահանջվող լրացուցիչ տեղեկանքի, բացատրության և (կամ) փաստաթղթի վերաբերյալ պարզաբանումներ ու մեկնաբանություններ տալու համար:

 

Բ Ա Ժ Ի Ն  III

 

ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԿԱՐԳԸ

 

Գ Լ ՈՒ Խ  4

 

ԹԻՎ 1- ԹԻՎ 5 ՀԱՇՎԵՏՎՈՒԹՅՈՒՆՆԵՐԻ ԼՐԱՑՄԱՆ ԿԱՐԳԸ

 

25. Թիվ 1 - թիվ 5 հաշվետվությունները լրացվում են Հայաստանի Հանրապետության ֆինանսների և էկոնոմիկայի նախարարի 2001 թվականի դեկտեմբերի 12-ի «Կազմակերպությունների տարեկան (ամբողջական փաթեթով միջանկյալ) ֆինանսական հաշվետվությունների ձևերը և դրանց լրացման հրահանգը հաստատելու մասին» թիվ 465 հրամանով սահմանված կարգով՝ հազար դրամներով, առանց տասնորդական միավորների: Ֆինանսական հաշվետվություններին կից ծանոթագրությունների Թիվ 5 հաշվետվության ձևի 5.3.4 կետի («Ֆինանսական արդյունքների հաշվետվությանը կից ծանոթագրություններ») «Ֆինանսական արդյունքների հաշվետվությանը կից ծանոթագրությունների այլ բացահայտումներ» բաժնում պետք է ներառվեն սույն կանոնակարգի Հավելված 1-ով սահմանված Աղյուսակ 23-ով և Աղյուսակ 24-ով պահանջվող տեղեկությունները:

 

Գ Լ ՈՒ Խ  5

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻ ԸՆԹԱՑՔՈՒՄ ԿՆՔՎԱԾ ԳՈՐԾԱՐՔՆԵՐԻ ՎԵՐԱԲԵՐՅԱԼ ԹԻՎ 6 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

(Գլուխը խմբ. 07.12.10 թիվ 325-Ն)

 

26. Թիվ 6 հաշվետվությունում լրացվում են կարգավորվող շուկայում բաժնային և (կամ) ոչ բաժնային արժեթղթերով, վարկային ռեսուրսներով կնքված գործարքների և ռեպո գործարքների և (կամ) արդեն կնքված գործարքների պայմաններում փոփոխությունների (այսուհետ` փոփոխված գործարքներ) վերաբերյալ տեղեկությունները (անկախ տվյալ գործարքի մարման ժամկետից): Ընդ որում, սույն հաշվետվության իմաստով գործարքների պայմաններում փոփոխություններ են համարվում սույն հաշվետվության 3-րդ աղյուսակում տվյալ գործարքի վերաբերյալ նախկինում ներկայացված տեղեկությունների փոփոխությունները ամբողջ հաշվետու ժամանակաշրջանի (հաշվետու օրվա) համար: Փոփոխված գործարքների վերաբերյալ տեղեկությունները լրացնելիս սույն հաշվետվության 3-րդ աղյուսակում լրացվում են ինչպես բոլոր փոփոխված տեղեկությունները (բացառությամբ «Գործարքին տրված հերթական տարբերակիչ համարը» սյունակի, որտեղ լրացվում են առաջնային գործարքի «Գործարքին տրված հերթական տարբերակիչ համարը»), այնպես էլ այն տեղեկությունները, որոնք չեն փոփոխվել: Թիվ 6 հաշվետվությունը չի ներկայացվում մարման գործարքների համար:

27. Թիվ 6 հաշվետվությունը բաղկացած է 3 աղյուսակից:

27.1 Թիվ 6 հաշվետվության առաջին աղյուսակում լրացվում են կարգավորվող շուկայում արժեթղթերի առուվաճառքի գործարքների վերաբերյալ տեղեկությունները` հետևյալ կանոններին համապատասխան.

1) «Հաշվետու օր» մասում լրացվում է գործարքների կնքման ամսաթիվը:

2) «Գործարքին տրված հերթական տարբերակիչ համարը» սյունակում լրացվում է առևտրային համակարգում տվյալ գործարքին տրված կոդը:

3) «Գործարքի առարկա արժեթղթի տարբերակիչ ծածկագիրը» սյունակում լրացվում է Հայաստանի Հանրապետությունում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Պետական արժեթղթերի դեպքում նշվում է դրանց թողարկման պետական գրանցման համարը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում): Տարբերակիչ ծածկագիր և պետական գրանցման համար չունենալու դեպքում նշվում է Օպերատորի կողմից արժեթղթին տրված հապավումը:

4) «Արժեթղթի դասը» սյունակում նշվում է «բաժնային» կամ «ոչ բաժնային»:

5) «Գործարքի առարկա արժեթղթերի քանակը» սյունակում լրացվում է տվյալ գործարքով գնված կամ վաճառված արժեթղթերի քանակը հատերով, ընդ որում, ծավալային արժեթղթերի (արժեթղթեր, որոնք չունեն քանակ, այլ միայն ծավալ, մասնավորապես` պետական արժեթղթերը) համար սույն սյունակը չի լրացվում:

6) «Միավոր արժեթղթի գինը» սյունակում լրացվում է մեկ արժեթղթի առուվաճառքի (տեղաբաշխման հարթակում գործարքների կնքման դեպքում` տեղաբաշխման) գինը: Ծավալային արժեթղթերի համար սույն սյունակը չի լրացվում:

7) «Գործարքի ընդհանուր գումարը» սյունակում լրացվում է միավոր արժեթղթի գնի և գործարքի առարկա արժեթղթերի քանակի արտադրյալը: Ծավալային արժեթղթերի դեպքում լրացվում է ծավալային արժեթղթերով կնքված գործարքի ընդհանուր գինը:

8) «Արժեթղթի տարեկան եկամտաբերությունը» սյունակում լրացվում է ոչ ծավալային արժեթղթերի դեպքում միավոր արժեթղթի գնի, իսկ ծավալային արժեթղթերի դեպքում գործարքի ընդհանուր գումարի հիման վրա հաշվարկված տարեկան եկամտաբերությունը` հաշվարկված թողարկողի կողմից տվյալ արժեթղթի թողարկման և(կամ) տեղաբաշխման պայմաններով սահմանված բանաձևով՝ ստորակետից հետո 5 նիշի ճշտությամբ: Սույն ենթակետում նշված սյունակը չի լրացվում այն արժեթղթերի համար, որոնց համար նախատեսված չէ եկամտաբերության հաշվարկ:

9) «Արժեթղթի տարեկան արժեկտրոնը (%)` առկայության դեպքում» սյունակում լրացվում է տվյալ գործարքի առարկա արժեթղթի գծով վճարվող տարեկան արժեկտրոնը (առկայության դեպքում) տոկոսներով` ստորակետից հետո 5 նիշի ճշտությամբ, ընդ որում, զեղչատոկոսային պարտատոմսերի դեպքում` այս սյունակում լրացվում է «0»:

10) «Գործարքի կնքման ժամը» սյունակում լրացվում է տվյալ գործարքի կնքման ժամը` ժամ:րոպե:վայրկյան հաջորդականությամբ:

11) «Գործարքի կողմ հանդիսացող կարգավորվող շուկայի մասնակցին (անդամին) կարգավորվող շուկայի օպերատորի կողմից շնորհված կոդը» սյունակի «գնորդ» և «վաճառող» ենթասյունակներում համապատասխանաբար լրացվում են տվյալ գործարքի ներքո արժեթղթի գնորդին և վաճառողին կարգավորվող շուկայի օպերատորի կողմից շնորհված կոդերը:

12) «Գնորդը ում հաշվին է գործարքը կնքել» կամ «Վաճառողը ում հաշվին է գործարքը կնքել» սյունակներում նշվում է «հաճախորդի հաշվին» կամ «իր հաշվին»:

13) «Շուկայի տեսակը» սյունակում նշվում է կարգավորվող շուկայի կողմից Օրենքով և իր կանոններով սահմանված կարգով կազմակերպվող այն շուկայի անվանումը, որտեղ տվյալ գործարքը կնքվել է:

14) «Շուկայի հարթակը» սյունակում նշվում է կարգավորվող շուկայի կողմից կազմակերպվող շուկայի այն հարթակի անվանումը, որտեղ տվյալ գործարքը կնքվել է:

27.2 Թիվ 6 հաշվետվության երկրորդ աղյուսակում լրացվում են կարգավորվող շուկայում վարկային ռեսուրսների հարթակում կնքված գործարքների վերաբերյալ տեղեկությունները` հետևյալ կանոններին համապատասխան.

1) «Հաշվետու օր» մասում լրացվում է գործարքների կնքման ամսաթիվը:

2) «Գործարքի կնքման ժամը» սյունակում լրացվում է տվյալ գործարքի կնքման ժամը` ժամ:րոպե:վայրկյան հաջորդականությամբ:

3) «Վարկային ռեսուրսի հապավումը» սյունակում լրացվում է օպերատորի կողմից վարկային ռեսուրսին տրված հապավումը:

4) «Գործարքին տրված հերթական տարբերակիչ համարը» սյունակում լրացվում է առևտրային համակարգում տվյալ գործարքին տրված կոդը:

5) «Գործարքի կատարման օրը (վարկային ռեսուրսի տրամադրման օրը)» սյունակում լրացվում է վարկային ռեսուրսով կնքված տվյալ գործարքով նախատեսված վարկային ռեսուրսի փաստացի տրամադրման (վերջնահաշվարկի) օրվա ամսաթիվը:

6) «Գործարքի մարման օրը» սյունակում լրացվում է վարկային ռեսուրսով կնքված տվյալ գործարքով նախատեսված հիմնական (մայր) գումարի և հաշվեգրված տոկոսների հետվճարման (վերջնահաշվարկի) օրը:

7) «Հիմնական (մայր) գումարը» սյունակում լրացվում է վարկային ռեսուրսով կնքված գործարքով տրամադրվող վարկային ռեսուրսի (դրամական միջոցների) գումարը:

8) «Տրամադրվող վարկային ռեսուրսների տոկոսագումարները» սյունակում լրացվում է Օպերատորի կանոններով սահմանված կարգով հաշվարկված վարկային ռեսուրսի նկատմամբ հաշվեգրվելիք տոկոսների գումարը` դրամային արտահայտությամբ: Տոկոսագումարը կլորացվում է 0.1 Հայաստանի Հանրապետության դրամի ճշտությամբ:

9) «Վարկային ռեսուրսի գինը (տարեկան տոկոսադրույքը)» սյունակում լրացվում է վարկային ռեսուրսներով կնքված տվյալ գործարքի տարեկան տոկոսադրույքը` ստորակետից հետո 5 նիշի ճշտությամբ:

10) «Գործարքի կողմ հանդիսացող վարկային ռեսուրսների շուկայի մասնակցին կարգավորվող շուկայի օպերատորի կողմից շնորհված կոդը» սյունակի «ներգրավող» և «տեղաբաշխող» ենթասյունակներում համապատասխանաբար լրացվում են տվյալ գործարքի պայմանների համաձայն վարկային ռեսուրս ստացողին (վարկային ռեսուրսի ներգրավողին) և վարկային ռեսուրս տրամադրողին (վարկային ռեսուրսի տեղաբաշխողին) Օպերատորի կողմից շնորհված կոդերը:

27.3 Թիվ 6 հաշվետվության երրորդ աղյուսակում լրացվում են կարգավորվող շուկայում ռեպո գործարքների հարթակում կնքված ռեպո-ուղղակի գործարքների վերաբերյալ տեղեկությունները` հետևյալ կանոններին համապատասխան.

1) «Հաշվետու օր» մասում լրացվում է գործարքների կնքման ամսաթիվը:

2) «Ռեպո-ուղղակի գործարքի տարբերակիչ համարը» սյունակում լրացվում է ռեպո գործարքին օպերատորի կողմից տրված հերթական տարբերակիչ համարը:

3) «Գործարքի առարկա արժեթղթի տարբերակիչ ծածկագիրը» սյունակում լրացվում է ռեպո գործարքում ներառված արժեթղթի տարբերակիչ ծածկագիրը, մասնավորապես, Հայաստանի Հանրապետությունում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Պետական արժեթղթերի դեպքում նշվում է դրանց թողարկման պետական գրանցման համարը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում): Տարբերակիչ ծածկագիր և պետական գրանցման համար չունենալու դեպքում նշվում է Օպերատորի կողմից արժեթղթին տրված հապավումը:

4) «Արժեթղթի դասը» սյունակում նշվում է «բաժնային» կամ «ոչ բաժնային»:

5) «Գործարքի կնքման ժամը» սյունակում լրացվում է տվյալ գործարքի կնքման ժամը` ժամ:րոպե:վայրկյան հաջորդականությամբ:

6) «Գործարքի բնույթը» սյունակում նշվում է «նոր կնքված», «երկարաձգված», «կրճատված» կամ «այլ»: Ընդ որում, նոր գործարք կնքվելու դեպքում նշվում է «նոր կնքված», արդեն կնքված գործարքների գործողության ժամկետի կրճատման դեպքում (անկախ այն հանգամանքից այլ պայմաններ փոխվել են, թե ոչ)` «կրճատված», երկարաձգման դեպքում (անկախ այն հանգամանքից այլ պայմաններ փոխվել են, թե ոչ)` «երկարաձգված», իսկ արդեն կնքված գործարքների գործողության ժամկետի փոփոխությունների հետ չկապված այլ պայմանների փոփոխության դեպքում նշվում է «այլ»:

7) «Գործարքի առարկա արժեթղթերի քանակը» սյունակում լրացվում է տվյալ ռեպո գործարքում ներառված արժեթղթերի քանակը՝ հատերով, ընդ որում, ծավալային արժեթղթերի (արժեթղթեր, որոնք չունեն քանակ, այլ միայն ծավալ) համար սույն սյունակը չի լրացվում:

8) «Ռեպո - ուղղակի գործարքի գումարը» սյունակում լրացվում է ռեպո պայմանագրով սահմանված ռեպո-ուղղակի գործարքի գումարը:

9) «Ռեպո - հետադարձ գործարքի գումարը» սյունակում լրացվում է ռեպո պայմանագրով սահմանված ռեպո-հետադարձ գործարքի գումարը:

10) «Ռեպո տոկոսադրույքը (տարեկան)» սյունակում լրացվում է յուրաքանչյուր ռեպո գործարքի տարեկան (տարին՝ 365 կամ 366 օր` կախված տվյալ ռեպո գործարքի կնքման օրվանից մինչև հաջորդ տարվա նույն օրվան նախորդող օրը ընկած ժամանակահատվածում առկա օրերի քանակը 365 է, թե 366) տոկոսադրույքը՝ ստորակետից հետո 5 նիշի ճշտությամբ: Այն դեպքում, երբ տոկոսադրույք վճարողը արժեթղթերի գնորդն է, տոկոսադրույքը լրացվում է բացասական նշանով:

11) «Գործարքի կողմ հանդիսացող կարգավորվող շուկայի մասնակցին (անդամին) կարգավորվող շուկայի օպերատորի կողմից շնորհված կոդը» սյունակի «գնորդ» և «վաճառող» ենթասյունակներում լրացվում են տվյալ ռեպո գործարքի ներքո համապատասխանաբար արժեթղթերի գնորդին և արժեթղթեր վաճառողին Օպերատորի կողմից շնորհված կոդերը։

12) «Գնորդը ում հաշվին է գործարքը կնքել» կամ «Վաճառողը ում հաշվին է գործարքը կնքել» սյունակներում նշվում է «հաճախորդի հաշվին» կամ «իր հաշվին»:

13) «Ժամանակաշրջանը» սյունակում լրացվում է Ռեպո - ուղղակի և ռեպո - հետադարձ գործարքների միջև առկա ժամանակահատվածը (օրերով):

(Գլուխը խմբ. 07.12.10 թիվ 325-Ն)

 

Գ Լ ՈՒ Խ  6

 

ԿԱՐԳԱՎՈՐՎՈՂ ՇՈՒԿԱՅԻ ՄԱՍՆԱԿԻՑՆԵՐԻ (ԱՆԴԱՄՆԵՐԻ)` ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ՄԱՍՆԱԿՑԵԼՈՒ ԹՈՒՅԼՏՎՈՒԹՅԱՆ ՏՐԱՄԱԴՐՄԱՆ ԵՎ (ԿԱՄ) ԹՈՒՅԼՏՎՈՒԹՅԱՆ ԴԱԴԱՐԵՑՄԱՆ ՎԵՐԱԲԵՐՅԱԼ ԹԻՎ 7 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ 

 

28. Թիվ 7 հաշվետվությունում լրացվում են կարգավորվող շուկայում առևտրին մասնակցելու թույլտվության տրամադրման և (կամ) թույլտվության դադարեցման վերաբերյալ տեղեկությունները` կարգավորվող շուկայի մասնակցին (անդամին)` կարգավորվող շուկայում առևտրին թույլտվության տրամադրման և (կամ) թույլտվության դադարեցման դեպքում: Սույն հաշվետվության իմաստով կարգավորվող շուկայի մասնակցին (անդամին)` կարգավորվող շուկայում առևտրին թույլտվության տրամադրման և (կամ) թույլտվության դադարեցման պահ է համարվում մասնակցի` կարգավորվող շուկայում առևտրին թույլտվության տրամադրման և (կամ) թույլտվության դադարեցման ուժի մեջ մտնելու պահը: Սույն հաշվետվական ձևի համաձայն կարգավորվող շուկայի մասնակցի (անդամի)` կարգավորվող շուկայում առևտրին թույլտվության դադարեցումը ընդգրկում է կամավոր, հարկադիր և ինքնաբերաբար դադարեցումները:

29. Թիվ 7 հաշվետվության 1-ին և 2-րդ աղյուսակները լրացվում են հետևյալ կանոններին համապատասխան.

1) «Գործարքներ կնքելու իրավասություն ունեցող ֆիզիկական անձանց անունը, ազգանունը» սյունակում լրացվում է կարգավորվող շուկայի տվյալ մասնակցի (անդամի) կազմում գործող ֆիզիկական անձանց անունը, ազգանունը, որոնց տվյալ մասնակիցը (անդամը) լիազորել է կարգավորվող շուկայում գործարքներ կնքելու իրավասությամբ:

2) «Կարգավորվող շուկայում առևտրին մասնակցության հնարավորություն հեռացված տերմինալով» սյունակում լրացվում է «այո», եթե կարգավորվող շուկայի տվյալ մասնակիցը (անդամը) ունի հնարավորություն շուկայում առևտրին մասնակցել հեռացված տերմինալով և «ոչ», եթե նման հնարավորություն չունի:

3) «Շուկայի տեսակը» սյունակում նշվում են կարգավորվող շուկայի կողմից «Արժեթղթերի շուկայի մասին» Հայաստանի Հանրապետության օրենքով և իր կանոններով սահմանված կարգով կազմակերպվող այն շուկայի անվանումները, որտեղ տվյալ մասնակցին (անդամին) թույլտվություն է տրամադրվել գործարքներ կնքել (1-ին աղյուսակ) կամ այն շուկաների անվանումները, որտեղ տվյալ մասնակցի` գործարքներ կնքելու թույլտվությունը դադարեցվել է (2-րդ աղյուսակ), մասնավորապես`

«1»-«կորպորատիվ արժեթղթերի շուկա»,

«2» «պետական պարտատոմսերի շուկա»,

«3» «վարկային ռեսուրսների շուկա»:

Եթե, օրինակ, մասնակցին (անդամին) թույլտվություն է տրամադրվել գործարքներ կնքել միայն «կորպորատիվ արժեթղթերի շուկայում», ապա սույն սյունակում լրացվում է «1/», եթե կորպորատիվ արժեթղթերի շուկայում և պետական պարտատոմսերի շուկայում, ապա` «1/2»:

4) «Շուկայի հարթակը» սյունակում նշվում է կարգավորվող շուկայի կողմից կազմակերպվող շուկայի այն հարթակի անվանումը, որտեղ տվյալ մասնակցին (անդամին) թույլտվություն է տրամադրվել գործարքներ կնքել (1-ին աղյուսակ) կամ այն շուկաների անվանումները, որտեղ տվյալ մասնակցի` գործարքներ կնքելու թույլտվությունը դադարեցվել է (2-րդ աղյուսակ), մասնավորապես`

«1» - «ցուցակված բաժնետոմսերի հարթակ»,

«2» - «ցուցակված պարտատոմսերի հարթակ»,

«3» - «ազատ շուկայի գործիքների հարթակ»,

«4» - «դրամական շուկայի գործիքների հարթակ»,

«5» - «պետական պարտատոմսերի հարթակ»,

«6» - «արտարժույթի հարթակ»,

«7» - «հասցեական գործարքների հարթակ»,

«8» - «ռեպո գործարքների հարթակ»,

«9» - «արժեթղթերի տեղաբաշխման հարթակ»,

«10» - «վարկային ռեսուրսների հարթակ»:

Եթե, օրինակ, մասնակցին (անդամին) թույլտվություն է տրամադրվել գործարքներ կնքել միայն ցուցակված բաժնետոմսերի հարթակում, ապա սույն սյունակում լրացվում է «1/ / / / / / / / », եթե ցուցակված պարտատոմսերի հարթակում և ազատ շուկայի գործիքների հարթակում, ապա` «/ /2/3/ / / / /», և այլն:

5) «Կարգավորվող շուկայում առևտրին թույլտվության դադարեցման իրավական հիմքեր» սյունակում լրացվում է արժեթղթերի շուկան կարգավորող օրենքների և (կամ) այլ իրավական ակտի համապատասխան դրույթները, որոնց հիման վրա կարգավորվող շուկայում առևտրին մասնակցելու թույլտվությունը դադարեցվել է (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը` կախված իրավական ակտի համարակալման կառուցվածքից:

6) «Կարգավորվող շուկայում առևտրին թույլտվության տրամադրման վերջին ամսաթիվը» սյունակում լրացվում է տվյալ շուկայի մասնակցին (անդամին) վերջին թույլտվության տրամադրման ամսաթիվը: Մասնավորապես, եթե շուկայի մասնակցին (անդամին) առևտրին մասնակցելու թույլտվություն է տրամադրվել 10/11/2006 թ., և այդ թույլտվությունը դադարեցվել է 11/01/2007 թ., հետագայում կրկին տվյալ շուկայի մասնակցին (անդամին) տրամադրվել է առևտրին մասնակցելու թույլտվություն, և առևտրին մասնակցելու թույլտվությունը փաստացի ուժի մեջ է մտել 05/08/2008 թ., ապա սույն սյունակում կլրացվի «05/08/2008»:

(29-րդ կետը լրաց. 07.12.10 թիվ 325-Ն)

 

Գ Լ ՈՒ Խ  7

 

ԿԱՐԳԱՎՈՐՎՈՂ ՇՈՒԿԱՅԻ ՄԱՍՆԱԿԻՑՆԵՐԻ (ԱՆԴԱՄՆԵՐԻ)` ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ՄԱՍՆԱԿՑԵԼՈՒ ԹՈՒՅԼՏՎՈՒԹՅԱՆ ԿԱՍԵՑՄԱՆ ԵՎ (ԿԱՄ) ԿԱՍԵՑՄԱՆ ԴԱԴԱՐԵՑՄԱՆ ՎԵՐԱԲԵՐՅԱԼ ԹԻՎ 8 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

30. Թիվ 8 հաշվետվությունում լրացվում են կարգավորվող շուկայում առևտրին մասնակցելու թույլտվության կասեցման և (կամ) կասեցման դադարեցման վերաբերյալ տեղեկությունները` շուկայի մասնակցին (անդամին)` կարգավորվող շուկայում առևտրին թույլտվության կասեցման և (կամ) կասեցման դադարեցման դեպքում: Սույն հաշվետվության իմաստով կարգավորվող շուկայի մասնակցին (անդամին)` կարգավորվող շուկայում առևտրին թույլտվության կասեցման և (կամ) կասեցման դադարեցման պահ է համարվում մասնակցի` կարգավորվող շուկայում առևտրին թույլտվության կասեցման (1-ին աղյուսակ) և (կամ) կասեցման դադարեցման (2-րդ աղյուսակ) ուժի մեջ մտնելու պահը:

31. Թիվ 8 հաշվետվության 1-ին և 2-րդ աղյուսակները լրացվում են հետևյալ կանոններին համապատասխան.

1) «Կարգավորվող շուկայում առևտրին թույլտվության կասեցման ժամկետը» սյունակում նշվում են կարգավորվող շուկայի մասնակցին (անդամին) կարգավորվող շուկայում առևտրին թույլտվության կասեցման սկիզբը և ավարտը, մասնավորապես, սկիզբը ենթասյունակում նշվում է, օրինակ, 01/01/2008 թ., իսկ ավարտը սյունակում` 01/02/2008 թ.: Եթե կասեցման վերջնաժամկետը (ավարտը) հայտնի չէ, ապա ավարտը ենթասյունակը չի լրացվում:

2) «Առևտրին թույլտվության կասեցման իրավական հիմքերը» սյունակում լրացվում են արժեթղթերի շուկան կարգավորող օրենքների, իրավական ակտերի և (կամ) այլ իրավական ակտի համապատասխան դրույթները, որոնց հիման վրա կարգավորվող շուկայում առևտրին մասնակցելու թույլտվությունը կասեցվել է (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը` կախված իրավական ակտի համարակալման կառուցվածքից:

3) «Առևտրին թույլտվության կասեցման դադարեցման իրավական հիմքերը» սյունակում լրացվում են արժեթղթերի շուկան կարգավորող օրենքների և (կամ) այլ իրավական ակտի համապատասխան դրույթները, որոնց հիման վրա կարգավորվող շուկայում առևտրին մասնակցելու թույլտվության կասեցումը դադարեցվել է (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը` կախված իրավական ակտի համարակալման կառուցվածքից:

4) «Շուկայի տեսակը» սյունակում նշվում են կարգավորվող շուկայի ենթաշուկաների անվանումները, որտեղ տվյալ մասնակցի (անդամի) կողմից գործարքներ կնքելու թույլտվությունը կասեցվել է (1-ին աղյուսակ) կամ այն, ենթաշուկաների անվանումները, որտեղ գործարքներ կնքելու թույլտվության կասեցումը դադարեցվել է (2-րդ աղյուսակ), մասնավորապես`

«1»-«կորպորատիվ արժեթղթերի շուկա»,

«2» «պետական պարտատոմսերի շուկա»,

«3» «վարկային ռեսուրսների շուկա»:

Եթե, օրինակ, մասնակցի (անդամի)` գործարքներ կնքելու թույլտվությունը կասեցվել է միայն կորպորատիվ արժեթղթերի շուկայում, ապա սույն սյունակում լրացվում է «1/», իսկ եթե կորպորատիվ արժեթղթերի շուկայում և պետական պարտատոմսերի շուկայում, ապա` «1/2» և այլն:

7) «Շուկայի հարթակը» սյունակում նշվում է կարգավորվող շուկայի կողմից կազմակերպվող շուկայի այն հարթակի անվանումը, որտեղ տվյալ մասնակցի (անդամի) կողմից գործարքներ կնքելու թույլտվությունը կասեցվել է (1-ին աղյուսակ) կամ այն ենթաշուկաների անվանումները, որտեղ գործարքներ կնքելու թույլտվության կասեցումը դադարեցվել է (2-րդ աղյուսակ), մասնավորապես`

«1» - «ցուցակված բաժնետոմսերի հարթակ»,

«2» - «ցուցակված պարտատոմսերի հարթակ»,

«3» - «ազատ շուկայի գործիքների հարթակ»,

«4» - «դրամական շուկայի գործիքների հարթակ»,

«5» - «պետական պարտատոմսերի հարթակ»,

«6» - «արտարժույթի հարթակ»,

«7» - «հասցեական գործարքների հարթակ»,

«8» - «ռեպո գործարքների հարթակ»,

«9» - «արժեթղթերի տեղաբաշխման հարթակ»,

«10» - «վարկային ռեսուրսների հարթակ»:

Եթե, օրինակ, տվյալ մասնակցի (անդամի) կողմից գործարքներ կնքելու թույլտվությունը կասեցվել է միայն ցուցակված բաժնետոմսերի հարթակում, ապա սույն սյունակում լրացվում է «1/ / / / / / / /», իսկ եթե ցուցակված պարտատոմսերի հարթակում և ազատ շուկայի գործիքների հարթակում, ապա` « /2/3/ / / / / / » և այլն:

(31-րդ կետը լրաց. 07.12.10 թիվ 325-Ն)

 

Գ Լ ՈՒ Խ  8

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ԱՐԺԵԹՂԹԵՐԻ ԹՈՒՅԼՏՎՈՒԹՅԱՆ ԵՎ (ԿԱՄ) ԹՈՒՅԼՏՎՈՒԹՅԱՆ ԴԱԴԱՐԵՑՄԱՆ ՎԵՐԱԲԵՐՅԱԼ ԹԻՎ 9 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

32. Թիվ 9 հաշվետվությունում լրացվում են կարգավորվող շուկայում առևտրին արժեթղթերի թույլտվության և (կամ) թույլտվության դադարեցման վերաբերյալ տեղեկությունները` կարգավորվող շուկայում առևտրին թույլտվության տրամադրման և (կամ) թույլտվության դադարեցման դեպքում: Սույն հաշվետվության իմաստով կարգավորվող շուկայում առևտրին արժեթղթերի թույլտվության տրամադրման և (կամ) թույլտվության դադարեցման պահ է համարվում կարգավորվող շուկայում առևտրին արժեթղթերի թույլտվության տրամադրման և (կամ) թույլտվության դադարեցման ուժի մեջ մտնելու պահը:

33. Թիվ 9 հաշվետվության 1-ին և 2-րդ աղյուսակները լրացվում են հետևյալ կանոններին համապատասխան.

1) «Թողարկողի ֆիրմային անվանումը, գտնվելու վայրը» սյունակում նշվում է թողարկողի ֆիրմային անվանումը, գտնվելու վայրը (ֆիզիկական անձի դեպքում` անունը, ազգանունը, հայրանունը, բնակության վայրը):

2) «Արժեթղթի տարբերակիչ ծածկագիրը» սյունակում նշվում է արժեթղթի կոդը, մասնավորապես` ՀՀ-ում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Պետական արժեթղթերի դեպքում նշվում է դրանց թողարկման պետական գրանցման համարը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում):

3) «Արժեթղթի դասը» սյունակում նշվում է «բաժնային» կամ «ոչ բաժնային»: Արժեթղթերի տարբերակիչ ծածկագրի (թողարկման պետական գրանցման համարի) առկայության դեպքում սույն սյունակը չի լրացվում: Սույն սյունակը օտարերկրյա արժեթղթերի համար պարտադիր լրացման ենթակա է անկախ այն հանգամանքից արժեթղթի տարբերակիչ ծածկագիրը առկա է, թե ոչ:

4) «Կարգավորվող շուկայի օպերատորի կողմից արժեթղթին շնորհված հապավումը» սյունակում լրացվում է կարգավորվող շուկայի օպերատորի կողմից տվյալ դասի արժեթղթերին շնորհված հապավումը:

5) «Տեղաբաշխված արժեթղթերի ընդհանուր քանակը» սյունակում լրացվում է թողարկողի կողմից տեղաբաշխված տվյալ դասի արժեթղթերի ընդհանուր քանակը` հատերով, ընդ որում` ծավալային արժեթղթերի համար սույն սյունակը չի լրացվում:

6) «Տեղաբաշխված արժեթղթերի ընդհանուր ծավալը» սյունակում լրացվում է թողարկողի կողմից տեղաբաշխված տվյալ դասի արժեթղթերի ընդհանուր ծավալը: Սույն սյունակը լրացվում է միայն ծավալային արժեթղթերի համար:

7) «Կարգավորվող շուկայում առևտրին թույլատրված արժեթղթերի ընդհանուր քանակը» սյունակում լրացվում է թողարկողի տվյալ դասի այն արժեթղթերի քանակը` հատերով, որոնք թույլատրվել են կարգավորվող շուկայում առևտրին: Ծավալային արժեթղթերի համար սույն սյունակը չի լրացվում:

8) «Կարգավորվող շուկայում առևտրին թույլատրված միավոր արժեթղթի անվանական արժեքը» սյունակում լրացվում է կարգավորվող շուկայում առևտրին թույլատրված տվյալ դասի միավոր արժեթղթի անվանական արժեքը: Սույն սյունակը ծավալային արժեթղթերի համար չի լրացվում:

9) «Կարգավորվող շուկայում առևտրին թույլատրված արժեթղթերի ընդհանուր ծավալն անվանական արժեքով» հաշվարկվում է որպես կարգավորվող շուկայում առևտրին թույլատրված արժեթղթերի ընդհանուր քանակի և կարգավորվող շուկայում առևտրին թույլատրված միավոր արժեթղթի անվանական արժեքի արտադրյալ: Ծավալային արժեթղթերի դեպքում սույն սյունակում լրացվում է կարգավորվող շուկայում առևտրին թույլատրված արժեթղթերի ընդհանուր ծավալը:

10) «Բորսայական ցուցակի կամ ազատ շուկայի անվանումը» սյունակում նշվում է այն բորսայական ցուցակի կամ ազատ շուկայի անվանումը, որտեղ առևտրին տվյալ դասի արժեթղթերին թույլտվություն է տրամադրվել (1-ին աղյուսակ) կամ այն բորսայական ցուցակի կամ ազատ շուկայի անվանումը, որտեղ առևտրին տվյալ դասի արժեթղթերի թույլտվությունը դադարեցվել է (2-րդ աղյուսակ), մասնավորապես` «բաժնետոմսերի հիմնական ցուցակ», «բաժնետոմսերի երկրորդային ցուցակ», «պարտատոմսերի հիմնական ցուցակ», «պարտատոմսերի երկրորդային ցուցակ», «բաժնետոմսերի ազատ շուկա» կամ «պարտատոմսերի ազատ շուկա»:

11) «Օրենքի համապատասխան դրույթը, որի հիման վրա կարգավորվող շուկայում առևտրին թույլտվությունը տրվել է ազդագրի հրապարակման պահանջից բացառությամբ» սյունակում լրացվում է համապատասխան Օրենքի համապատասխան հոդվածը, մասը, կետը, պարբերությունը, որի հիման վրա կարգավորվող շուկայում առևտրին թույլտվությունը տրվել է առևտրի ազդագրի հրապարակման պահանջից բացառությամբ: Սույն սյունակը լրացվում է բացառության առկայության դեպքում:

12) «Կարգավորվող շուկայում առևտրին թույլտվության տրամադրման վերջին ամսաթիվը» սյունակում լրացվում է տվյալ դասի արժեթղթերին կարգավորվող շուկայում առևտրին թույլտվության տրամադրման վերջին ամսաթիվը: Մասնավորապես, եթե տվյալ դասի արժեթղթին առևտրին մասնակցելու թույլտվություն է տրամադրվել 10/11/2006 թ. և այդ թույլտվությունը դադարեցվել է 11/01/2007 թ., հետագայում կրկին տվյալ դասի արժեթղթին տրամադրվել է առևտրին մասնակցելու թույլտվություն և առևտրին մասնակցելու թույլտվության վերաբերյալ որոշումն ուժի մեջ է մտել 05/08/2008 թ., ապա սույն սյունակում կլրացվի «05/08/2008»:

13) «Կարգավորվող շուկայում առևտրին արժեթղթերի թույլտվության դադարեցման իրավական հիմքերը» սյունակում լրացվում են արժեթղթերի շուկան կարգավորող օրենքների և (կամ) այլ իրավական ակտի համապատասխան դրույթները, որոնց հիման վրա կարգավորվող շուկայում առևտրին տվյալ դասի արժեթղթերի թույլտվությունը դադարեցվել է (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը` կախված իրավական ակտի համարակալման կառուցվածքից:

 

Գ Լ ՈՒ Խ  9

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ԱՐԺԵԹՂԹԵՐԻ ԹՈՒՅԼՏՎՈՒԹՅԱՆ ԿԱՍԵՑՄԱՆ ԵՎ (ԿԱՄ) ԹՈՒՅԼՏՎՈՒԹՅԱՆ ԿԱՍԵՑՄԱՆ ԴԱԴԱՐԵՑՄԱՆ ՎԵՐԱԲԵՐՅԱԼ ԹԻՎ 10 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

34. Թիվ 10 հաշվետվությունում լրացվում են կարգավորվող շուկայում առևտրին արժեթղթերի թույլտվության կասեցման և (կամ) թույլտվության կասեցման դադարեցման վերաբերյալ տեղեկությունները՝ արժեթղթերի` կարգավորվող շուկայում առևտրին թույլտվության կասեցման և (կամ) թույլտվության կասեցումը դադարեցնելու դեպքում: Սույն հաշվետվության իմաստով կարգավորվող շուկայում առևտրին արժեթղթերի թույլտվության կասեցման և (կամ) թույլտվության կասեցումը դադարեցնելու պահ է համարվում համապատասխանաբար կասեցման և (կամ) կասեցման դադարեցման փաստացի ուժի մեջ մտնելու պահը:

35. Թիվ 10 հաշվետվության 1-ին և 2-րդ աղյուսակները լրացվում են հետևյալ կանոններին համապատասխան.

1) «Արժեթղթի տարբերակիչ ծածկագիրը» սյունակում նշվում է արժեթղթի կոդը, մասնավորապես` ՀՀ-ում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Պետական արժեթղթերի դեպքում նշվում է դրանց թողարկման պետական գրանցման համարը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում):

2) «Արժեթղթի դասը» սյունակում նշվում է «բաժնային» կամ «ոչ բաժնային»: Արժեթղթերի տարբերակիչ ծածկագրի (թողարկման պետական գրանցման համարի) առկայության դեպքում սույն սյունակը չի լրացվում: Սույն սյունակը օտարերկրյա արժեթղթերի համար պարտադիր լրացման ենթակա է անկախ այն հանգամանքից արժեթղթի տարբերակիչ ծածկագիրը առկա է, թե ոչ:

3) «Կարգավորվող շուկայի օպերատորի կողմից արժեթղթին շնորհված հապավումը» սյունակում լրացվում է կարգավորվող շուկայի օպերատորի կողմից տվյալ դասի արժեթղթերին շնորհված հապավումը:

4) «Կարգավորվող շուկայում առևտրին արժեթղթերի թույլտվության կասեցման ժամկետը» սյունակում նշվում են կարգավորվող շուկայում առևտրին տվյալ դասի արժեթղթերի թույլտվության կասեցման սկիզբը և ավարտը, մասնավորապես` սկիզբը ենթասյունակում նշվում է, օրինակ, 01/01/08 թ., իսկ ավարտը սյունակում` 01/02/08 թ.: Եթե կասեցման վերջնաժամկետը (ավարտը) հայտնի չէ, ապա ավարտը ենթասյունակը չի լրացվում:

5) «Կարգավորվող շուկայում առևտրին թույլտվության կասեցման իրավական հիմքերը» սյունակում լրացվում է արժեթղթերի շուկան կարգավորող օրենքների և (կամ) այլ իրավական ակտի համապատասխան դրույթները, որոնց հիման վրա կարգավորվող շուկայում առևտրին տվյալ դասի արժեթղթերի թույլտվությունը կասեցվել է (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը` կախված իրավական ակտի համարակալման կառուցվածքից:

6) «Կարգավորվող շուկայում առևտրին թույլտվության կասեցման դադարեցման իրավական հիմքերը» սյունակում լրացվում են արժեթղթերի շուկան կարգավորող օրենքների և (կամ) այլ իրավական ակտի համապատասխան դրույթները, որոնց հիման վրա կարգավորվող շուկայում առևտրին տվյալ դասի արժեթղթերի թույլտվության կասեցումը դադարեցվել է (համապատասխան օրենքի կամ այլ իրավական ակտի անվանումը, ինչպես նաև համապատասխան հոդվածը (գլուխը), մասը (կետը), կետը (ենթակետը), պարբերությունը` կախված իրավական ակտի համարակալման կառուցվածքից:

7) «Բորսայական ցուցակի կամ ազատ շուկայի անվանումը» սյունակում նշվում է այն բորսայական ցուցակի կամ ազատ շուկայի անվանումը, որտեղ առևտրին տվյալ դասի արժեթղթերի թույլտվությունը կասեցվել է (1-ին աղյուսակ) կամ այն բորսայական ցուցակի կամ ազատ շուկայի անվանումը, որտեղ առևտրին տվյալ դասի արժեթղթերի թույտվության կասեցումը դադարեցվել է (2-րդ աղյուսակ), մասնավորապես` «բաժնետոմսերի հիմնական ցուցակ», «բաժնետոմսերի երկրորդային ցուցակ», «պարտատոմսերի հիմնական ցուցակ», «պարտատոմսերի երկրորդային ցուցակ», «բաժնետոմսերի ազատ շուկա» կամ «պարտատոմսերի ազատ շուկա»:

 

Գ Լ ՈՒ Խ  10

 

ԿԱՐԳԱՎՈՐՎՈՂ ՇՈՒԿԱՅԻ ՄԱՍՆԱԿԻՑՆԵՐԻ (ԱՆԴԱՄՆԵՐԻ) ԿՈՂՄԻՑ ՆԵՐԿԱՅԱՑՎԱԾ ՀԱՅՏԵՐԻ ԵՎ ՀԱՍՑԵԱԿԱՆ ԱՌԱՋԱՐԿՆԵՐԻ ՎԵՐԱԲԵՐՅԱԼ ԹԻՎ 11 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ
(Գլուխը խմբ. 07.12.10 թիվ 325-Ն)

 

36. Թիվ 11 հաշվետվությունը բաղկացած է 2 աղյուսակից, որոնցում լրացվում են կարգավորվող շուկայի մասնակիցների (անդամների) կողմից հաշվետու օրվա ընթացքում կարգավորվող շուկայի առևտրային համակարգ մուտքագրված հայտերի և հասցեական առաջարկների վերաբերյալ տեղեկությունները:

37. Թիվ 11 հաշվետվության բոլոր աղյուսակները լրացվում են սույն կետի 1-6 ենթակետերով սահմանված ընդհանուր կանոններին համապատասխան, ինչպես նաև յուրաքանչյուր աղյուսակի համար սույն կանոնակարգի 37.1-37.2 կետերով սահմանված լրացուցիչ կանոններին համապատասխան.

1) «Հաշվետու օր» մասում լրացվում է կարգավորվող շուկայի առևտրային համակարգ հայտերի, իսկ ռեպո գործարքների դեպքում` հասցեական առաջարկների մուտքագրման ամսաթիվը:

2) «Կարգավորվող շուկայի մասնակիցը (անդամը) ում հաշվին է գործարք կնքում» սյունակում նշվում է «հաճախորդի հաշվին» կամ «իր հաշվին»:

3) «Արժեթղթերի տարբերակիչ ծածկագիրը» սյունակում լրացվում է Հայաստանի Հանրապետությունում թողարկված ոչ պետական արժեթղթերի դեպքում` Կենտրոնական դեպոզիտարիայի կողմից շնորհված արժեթղթի տարբերակիչ ծածկագիրը: Պետական արժեթղթերի դեպքում նշվում է դրանց թողարկման պետական գրանցման համարը: Օտարերկրյա արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում): Տարբերակիչ ծածկագիր և պետական գրանցման համար չունենալու դեպքում նշվում է Օպերատորի կողմից արժեթղթին տրված հապավումը:

4) «Արժեթղթի դասը» սյունակում նշվում է «բաժնային» կամ «ոչ բաժնային»:

5) «Միավոր արժեթղթի գինը» սյունակում լրացվում է շուկայի մասնակցի կողմից ներկայացված հայտում (հասցեական առաջարկում) նշված մեկ արժեթղթի գինը: Ծավալային արժեթղթերի համար և ռեպո հասցեական առաջարկների դեպքում սույն սյունակը չի լրացվում:

6) «Արժեթղթերի քանակը» սյունակում լրացվում է շուկայի մասնակցի կողմից ներկայացված հայտում (հասցեական առաջարկում) նշված արժեթղթերի քանակը` հատերով: Եթե գործարքի արդյունքում հայտը բավարարվել է մասամբ, ապա լրացվում է միայն արժեթղթերի մնացորդային քանակը` հատերով: Ծավալային արժեթղթերի համար սույն սյունակը չի լրացվում:

37.1 Թիվ 11 հաշվետվության առաջին աղյուսակում լրացվում են արժեթղթերի առուվաճառքի հայտերի վերաբերյալ տեղեկությունները` հետևյալ կանոններին համապատասխան.

1) «Հայտի տարբերակիչ ծածկագիրը» սյունակում լրացվում է առևտրային համակարգում տվյալ հայտին տրված կոդը:

2) «Հայտով նախատեսված գործարքի տեսակը» սյունակում լրացվում է «արժեթղթերի առք» կամ «արժեթղթերի վաճառք»:

3) «Ընդհանուր գումարը» հաշվարկվում է որպես միավոր արժեթղթի գնի և հայտում նշված արժեթղթերի քանակի արտադրյալ: Ծավալային արժեթղթերի դեպքում լրացվում է հայտում նշված ծավալային արժեթղթերի ընդհանուր գինը:

4) «Հայտի տեսակը` կախված գնային պայմաններից» սյունակում նշվում է «լիմիտային» կամ «շուկայական»:

5) «Հայտի տեսակը` կախված քանակական պայմաններից» սյունակում նշվում է «լրիվ բավարարմամբ» կամ «մասնակի բավարարմամբ»:

6) «Հայտի տեսակը` կախված ժամանակային պայմաններից» սյունակում նշվում է «պահել հերթում» կամ «հանել մնացորդը»:

7) «Հայտի տեսակը` կախված ակտիվացման պայմաններից» սյունակում նշվում է «անմիջապես ակտիվացմամբ» կամ «ստոպ»:

8) «Գործողության տեսակը» սյունակում նշվում է «ներկայացում», «փոփոխում», «գործարքի կնքում» կամ «հեռացում»:

9) «Հայտի ներկայացման ժամը» սյունակում լրացվում է ժամ:րոպե:վայրկյան:

10) «Գործողության կատարման ժամը» սյունակում լրացվում է ժամ:րոպե:վայրկյան:

37.2 Թիվ 11 հաշվետվության երկրորդ աղյուսակում լրացվում են առուվաճառքի և ռեպո գործարքների հասցեական առաջարկների վերաբերյալ տեղեկությունները` հետևյալ կանոններին համապատասխան.

1) «Հասցեական առաջարկով նախատեսվող գործարքի տարբերակիչ համարը» սյունակում լրացվում է հասցեական առաջարկով նախատեսվող գործարքին կամ ռեպո գործարքին օպերատորի կողմից տրված հերթական տարբերակիչ համարը:

2) «Հասցեական առաջարկով նախատեսված գործարքի տեսակը» սյունակում լրացվում է «արժեթղթերի առք» կամ «արժեթղթերի վաճառք»` կախված նրանից, թե տվյալ մասնակիցը (անդամը) հասցեական առաջարկով նախատեսված գործարքի (ռեպո գործարքի) հիմքում ընկած արժեթղթի գնորդ է, թե վաճառող:

3) «Հասցեական առաջարկում ներառված գործարքի (ռեպո-ուղղակի գործարքի) ընդհանուր գումարը» սյունակում լրացվում է միավոր արժեթղթի գնի և հասցեական առաջարկում նշված արժեթղթերի քանակի արտադրյալը: Ծավալային արժեթղթերի դեպքում լրացվում է հայտում նշված ծավալային արժեթղթերի ընդհանուր գինը: Ընդ որում, ռեպո գործարքների հասցեական առաջարկների ներկայացման դեպքում լրացվում է ռեպո-ուղղակի գործարքի պայմանների համաձայն հաշվարկված ընդհանուր գումարը:

4) «Հասցեական առաջարկում ներառված ռեպո - հետադարձ գործարքի ընդհանուր գումարը» սյունակում լրացվում է հասցեական առաջարկով ներկայացված ռեպո-հետադարձ գործարքի ընդհանուր գումարը: Սույն սյունակը լրացվում է միայն ռեպո գործարքների հասցեական առաջարկների դեպքում:

5) «Ռեպո տոկոսադրույքը (տարեկան)» սյունակում լրացվում է հասցեական առաջարկով ներկայացված ռեպո գործարքի տարեկան տոկոսադրույքը՝ ստորակետից հետո 5 նիշի ճշտությամբ: Այն դեպքում, երբ տոկոսադրույք վճարողը արժեթղթերի գնորդն է, տոկոսադրույքը լրացվում է բացասական նշանով: Սույն սյունակը լրացվում է միայն ռեպո գործարքների հասցեական առաջարկների դեպքում:

6) «Հասցեական առաջարկի ներկայացման ժամը» սյունակում լրացվում է ժամ:րոպե:վայրկյան:

7) «Գործողության տեսակը» սյունակում լրացվում է «ներկայացում», «փոփոխում», «փոփոխության հաստատում», «հեռացում», «գործարքի կնքում», «երկարաձգման փոփոխության հաստատում» (այն դեպքում, երբ տեղի է ունենում ժամկետի երկարաձգման հաստատում` անկախ այլ փոփոխությունների տեղի ունենալու հանգամանքից), «կրճատման փոփոխության հաստատում» (այն դեպքում, երբ տեղի է ունենում կրճատման հաստատում` անկախ այլ փոփոխությունների տեղի ունենալու հանգամանքից) կամ «մարում»:

8) «Գործողության կատարման ժամը» սյունակում լրացվում է ժամ:րոպե:վայրկյան:

9) «Ժամանակաշրջանը» սյունակում լրացվում է հասցեական առաջարկով ներկայացված ռեպո գործարքի «ռեպո-ուղղակի» և «ռեպո-հետադարձ» գործարքների միջև առկա ժամանակաշրջանը (օրերով): Սույն սյունակը լրացվում է միայն ռեպո գործարքների հասցեական առաջարկների դեպքում:

10) «Շուկայի այն մասնակցի առևտրային կոդը, որին ուղարկվում է հասցեական առաջարկը» սյունակում լրացվում է Օպերատորի կողմից առևտրի այն մասնակցին շնորհված առևտրային կոդը, որին ուղարկվում է գործարքի (ռեպո գործարքի) կնքման հասցեական առաջարկը:

(Գլուխը խմբ. 07.12.10 թիվ 325-Ն)

 

Գ Լ ՈՒ Խ  11

 

ԿԱՐԳԱՎՈՐՎՈՂ ՇՈՒԿԱՅՈՒՄ ՊԵՏԱԿԱՆ ԱՐԺԵԹՂԹԵՐՈՎ ԿՆՔՎԱԾ ԳՈՐԾԱՐՔՆԵՐԻ ԱՐԴՅՈՒՆՔՈՒՄ ՓՈԽԱԴԱՐՁ ՊԱՀԱՆՋՆԵՐԻ ԵՎ ՊԱՐՏԱՎՈՐՈՒԹՅՈՒՆՆԵՐԻ ՎԵՐԱԲԵՐՅԱԼ ԹԻՎ 12 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ 

 

38. Թիվ 12 հաշվետվությունում լրացվում են կարգավորվող շուկայում պետական արժեթղթերով կնքված գործարքների արդյունքում շուկայի մասնակիցների (անդամների)` արժեթղթերի և դրամական միջոցների փոխադարձ պահանջների և պարտավորությունների վերաբերյալ տեղեկությունները՝ ամբողջ հաշվետու ժամանակաշրջանի համար (հաշվետու օրվա):

39. Սույն հաշվետվությունում կարգավորվող շուկայի մասնակցի (անդամի) արժեթղթերի և դրամական միջոցների վերաբերյալ տեղեկությունները ներկայացվում են ամփոփ, այլ ոչ թե յուրաքանչյուր հաճախորդի համար առանձին:

40. Թիվ 12 հաշվետվության սյունակները լրացվում են հետևյալ կանոններին համապատասխան.

1) «Հաշվետու օր» մասում լրացվում է փոխադարձ պահանջների և պարտավորությունների որոշման ամսաթիվը:

2) «Թողարկման պետական գրանցման համարը (արժեթղթի տարբերակիչ ծածկագիրը)» սյունակում նշվում է արժեթղթի կոդը, մասնավորապես` թողարկման պետական գրանցման համարը: Օտարերկրյա պետական արժեթղթերի դեպքում նշվում է օտարերկրյա իրավասու մարմնի կողմից արժեթղթին շնորհված տարբերակիչ ծածկագիրը (առկայության դեպքում):

3) «Առևտրային նստաշրջանի սկզբում արժեթղթերի ծավալը» սյունակում լրացվում է մինչև առևտրային նստաշրջանը դեպոնացված արժեթղթերի ծավալը:

4) «Առևտրային նստաշրջանի վերջում արժեթղթերի ծավալը» սյունակում լրացվում է առևտրային նստաշրջանից հետո մնացած արժեթղթերի ծավալը:

5) «Առաքման կամ ստացման ենթակա արժեթղթերի ծավալը» սյունակում լրացվում է առևտրային նստաշրջանի վերջում և սկզբում առկա արժեթղթերի ծավալների տարբերությունը:

6) «Դրամական միջոցները առևտրային նստաշրջանի սկզբում» սյունակում լրացվում է մինչև առևտրային նստաշրջանը դեպոնացված դրամական միջոցների գումարը:

7) «Դրամական միջոցների մնացորդը առևտրային նստաշրջանի վերջում» սյունակում լրացվում է առևտրային նստաշրջանից հետո մնացած դրամական միջոցների գումարը:

8) «Վճարման կամ ստացման ենթակա դրամական միջոցները» սյունակում լրացվում է առևտրային նստաշրջանի վերջում և սկզբում առկա դրամական միջոցների գումարների տարբերությունը:

 

Գ Լ ՈՒ Խ 12

 

ՏԱՐԵԿԱՆ ՊԵՏԱԿԱՆ ՏՈՒՐՔԻ ՎՃԱՐՄԱՆ ՎԵՐԱԲԵՐՅԱԼ ԹԻՎ 13 ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

 

41. Թիվ 13 հաշվետվության մեջ արտացոլվում է հաշվետու ժամանակաշրջանում օպերատորի կողմից վճարված և վճարման ենթակա հերթական տարեկան պետական տուրքի վերաբերյալ տեղեկատվություն: Հաշվետվությանը կից Կենտրոնական բանկ են ներկայացվում հաշվետու ժամանակաշրջանի ընթացքում վճարված հերթական տարեկան պետական տուրքի, ինչպես նաև դրա վճարումն ուշացնելու համար վճարված տույժի (առկայության դեպքում) վճարումը հավաստող փաստաթղթերի (պետական տուրքի անդորրագիր, վճարման հանձնարարական և այլն) սքան արված տարբերակները:

Սույն կետի իմաստով` հաշվետվության ներկայացման հաշվետու ժամանակաշրջան է համարվում լիցենզիայի տրամադրման օրվանից մինչև յուրաքանչյուր հաջորդ տարվա նույն օրն ընկած ժամանակահատվածը:

42. Թիվ 13 հաշվետվությունը լրացվում է հետևյալ կանոններին համապատասխան.

1) «Լիցենզիայի տրամադրման ամսաթիվը» սյունակում նշվում է օպերատորի գործունեության իրականացման համար Կենտրոնական բանկի կողմից լիցենզիայի տրամադրման ամսաթիվը:

2) «Վճարված պետական տուրքի գումարը» սյունակում նշվում է հաշվետու ժամանակաշրջանի ընթացքում հերթական տարեկան պետական տուրքի գծով վճարված գումարը (առանց տույժերի գումարի):

Հաշվետու ժամանակաշրջանի ընթացքում օպերատորի կողմից կատարված առանձին վճարումները արտացոլվում են առանձին տողերով, բացառությամբ նույն օրվա ընթացքում նույն ժամանակաշրջանի համար կատարված մեկից ավելի վճարումների, որոնք նշված սյունակում լրացվում են մեկ թվով:

3) «Ժամկետանց օրերի համար վճարված տույժի չափը» սյունակում լրացվում է հերթական տարեկան պետական տուրքի վճարումը Հայաստանի Հանրապետության օրենսդրությամբ սահմանված ժամկետներում ամբողջությամբ կամ մասնակի չկատարելու համար հաշվետու ժամանակաշրջանում վճարված տույժի չափը:

Հաշվետու ժամանակաշրջանում օպերատորի կողմից տույժերի գծով կատարված առանձին վճարումները արտացոլվում են առանձին տողերով` յուրաքանչյուր վճարված տույժի համար լրացնելով միայն «Վճարման ամսաթիվը», «Հաշվի համարը» և «Ժամկետանց պարտավորության ամբողջ գումարը» սյունակները, բացառությամբ նույն օրվա ընթացքում կատարված մեկից ավելի վճարումների, որոնք նշված սյունակում լրացվում են մեկ թվով:

4) «Վճարման ամսաթիվը» սյունակում նշվում է հաշվետու ժամանակաշրջանում վճարված պետական տուրքի կամ տույժերի վճարման ամսաթիվը: Այն դեպքում, երբ պետական տուրքի և տույժերի վճարման ամսաթվերը համընկնում են, այդ գումարները լրացվում են նույն տողի վրա, հակառակ դեպքում լրացվում են առանձին տողերով` յուրաքանչյուր վճարված գումարի համար նշելով համապատասխան վճարման ամսաթիվը:

5) «Ժամանակաշրջանը» սյունակում նշվում են այն ժամանակաշրջանի սկզբի ամսաթիվը և վերջի ամսաթիվը, որի համար վճարվել է «Վճարված պետական տուրքի գումարը» սյունակում նշված գումարը: Օրինակ, եթե օպերատորի գործունեության լիցենզիան ստացվել է 11/08/2003թ. և օպերատորը կատարել է հերթական տարեկան պետական տուրքի վճարում 01/07/2008թ.՝ հաջորդ տարվա համար, ապա «Ժամանակաշրջանը» սյունակի «սկիզբ» մասում կնշվի 11/08/2008թ., իսկ «վերջ» մասում՝ 11/08/2009թ.:

Այն դեպքում, երբ օպերատորը մեկ վճարումով իրականացնում է պետական տուրքի վճարում տարբեր ժամանակաշրջանների համար, ապա դրանք արտացոլվում են առանձին տողերով` վճարված գումարի յուրաքանչյուր մասի համար լրացնելով վճարման համապատասխան ժամանակաշրջանը:

6) «Հաշվի համարը» սյունակում լրացվում է Հայաստանի Հանրապետության պետական բյուջեի համապատասխան հաշվի համարը, որին կատարվել է «Վճարված պետական տուրքի գումարը» և (կամ) «Ժամկետանց օրերի համար վճարված տույժի չափը» սյունակում նշված գումարների վճարումը:

7) «Ժամկետանց պարտավորության ամբողջ գումարը» սյունակում լրացվում է «Վճարման ամսաթիվը» սյունակում նշված օրվա վերջի դրությամբ տարեկան պետական տուրքի գծով վճարման ենթակա գումարի ժամկետանց մասի և վճարման ենթակա տույժերի չափը: «Մնացորդը հաշվետու ժամանակաշրջանի վերջի դրությամբ» տողը լրացվում է միայն «Ժամկետանց պարտավորության ամբողջ գումարը» սյունակի համար, որտեղ նշվում է հաշվետու ժամանակաշրջանի վերջին օրվա դրությամբ պետական տուրքի գումարի ժամկետանց մասի և վճարման ենթակա տույժերի հանրագումարը:

(Գլուխը լրաց. 08.09.09 թիվ 271-Ն)

 

Հավելված 1 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

ԱՂՅՈՒՍԱԿ 23. Կարգավորվող շուկայի մասնակիցների (անդամների) վճարներից եկամուտ

(հազար դրամ)

	Ցուցանիշի անվանումը	տող	Նախորդ տարի (միջանկյալ ժամանակաշրջան` աճողական)	Հաշվետու տարի (միջանկյալ ժամանակաշրջան` աճողական)	Նախորդ տարվա  միջանկյալ ժամանակաշրջան	Հաշվետու տարվա միջանկյալ ժամանակաշրջան
1	Եկամուտներ կարգավորվող շուկայի մասնակիցների (անդամների) միանվագ (մուտքի) վճարներից, այդ թվում`	10
1.1	Ֆոնդային բորսայի անդամների  միանվագ (մուտքի) վճարներից	20
1.2	Եկամուտներ կարգավորվող այլ շուկաների մասնակիցների (անդամների) միանվագ (մուտքի) վճարներից	30
2	Եկամուտներ կարգավորվող շուկայի մասնակիցների (անդամների) առևտրի մասնակցության պարբերական վճարներից, այդ թվում`	40
2.1	Ֆոնդային բորսայի անդամների առևտրի մասնակցության պարբերական վճարներից	50
2.2	Կարգավորվող այլ շուկաների մասնակիցների առևտրի մասնակցության պարբերական վճարներից	60
3	Եկամուտներ կարգավորվող շուկայի մասնակիցների (անդամների) առևտրի մասնակցության պարբերական վճարների գծով ստացված կանխավճարներից, այդ թվում`	70
3.1	Ֆոնդային բորսայի անդամների առևտրի մասնակցության   պարբերական վճարների գծով ստացված կանխավճարներից	80
3.2	Կարգավորվող այլ շուկաների մասնակիցների առևտրի մասնակցության   պարբերական վճարների գծով ստացված կանխավճարներից	90
4	Եկամուտներ կարգավորվող շուկայում կնքված գործարքների միջնորդավճարներից, այդ թվում`	100
4.1	Ցուցակված բաժնետոմսերի և պարտատոմսերի  հարթակներում կնքված գործարքների միջնորդավճարներից	110
4.2	Պետական պարտատոմսերի հարթակում կնքված գործարքների միջնորդավճարներից	120
4.3	Ազատ շուկայի գործիքների հարթակի կնքված գործարքների միջնորդավճարներից	130
4.4	Դրամական շուկայի գործիքների հարթակի կնքված գործարքների միջնորդավճարներից	140
4.5	Վարկային ռեսուրսների հարթակում կնքված գործարքների միջնորդավճարներից	150
4.6	Ռեպո և հասցեական գործարքների հարթակներում կնքված գործարքների միջնորդավճարներից	160
4.7	Արտարժույթի հարթակում կնքված գործարքների միջնորդավճարներից	170
5	Եկամուտներ կարգավորվող շուկայի մասնակիցների նկատմամբ կիրառված տույժերից	180
6	Եկամուտներ կարգավորվող շուկայի մասնակիցների (անդամների) առևտրի մասնակցությունից բխող այլ վճարներից	190
	Ը ն դ ա մ ե ն ը	200

(Աղյուսակը խմբ. 07.12.10 թիվ 325-Ն)

Աղյուսակ 24

 

Արժեթղթերի թողարկողների վճարներից եկամուտ

 

(հազար դրամ)

Ցուցանիշի անվանումը տող Նախորդ տարի (միջանկյալ ժամանակա- շրջան` աճողական) Հաշվետու տարի (միջանկյալ ժամանակա- շրջան` աճողական) Նախորդ տարվա միջանկյալ ժամանակա- շրջան Հաշվետու տարվա միջանկյալ ժամանակա- շրջան 1. Արժեթղթերի առևտրի թույլտվության միանվագ (մուտքի) վճարներից 10         2. Արժեթղթերի առևտրի թույլտվության պահպանման պարբերական վճարներից 20         2.1 Բաժնային արժեթղթերի առևտրի պահպանման պարբերական վճարներից 30         2.2 Պետական պարտատոմսերի առևտրի պահպանման պարբերական վճարներից 40         2.3 Ոչ պետական պարտատոմսերի առևտրի պահպանման պարբերական վճարներից 50         2.4 Այլ արժեթղթերի առևտրի պահպանման պարբերական վճարներից 60         3. Արժեթղթերի թողարկողների նկատմամբ կիրառված տույժերից 70         4. Արժեթղթերի թույլտվությունից և դրա պահպանումից բխող այլ վճարներից 80           Ը ն դ ա մ ե ն ը 90

 

(Հավելվածը խմբ. 07.12.10 թիվ 325-Ն)

 

Հավելված 2 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

 

 

Հ Ա Շ Վ Ե Տ Վ ՈՒ Թ Յ ՈՒ Ն   Թ Ի Վ  6

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻ ԸՆԹԱՑՔՈՒՄ ԿՆՔՎԱԾ ԳՈՐԾԱՐՔՆԵՐԻ ՎԵՐԱԲԵՐՅԱԼ
(օրական)

Աղյուսակ 1. Արժեթղթերով կնքված գործարքների վերաբերյալ

Օպերատորի անվանումը________________________________

Հաշվետու օր__________________________

 

(ՀՀ դրամ)

N

Գոր-ծարքին տրված հերթա-կան տարբե-րակիչ համարը

Գոր-ծարքի առարկա արժե-թղթի տարբե-րակիչ ծած-կագիրը

Արժեթղթի դասը

Գոր-ծարքի առարկա արժե-թղթերի քանակը

Միավոր արժեթղթի գինը

Գործարքի ընդհանուր գումարը

Արժեթղթի տարեկան եկամտա-բերությունը

Արժեթղթի տարեկան արժե-կտրոնը (%)` առկա-յության դեպքում

Գոր-ծարքի կնքման ժամը

Գործարքի կողմ հանդիսացող կարգավորվող շուկայի մասնակցին (անդամին) կարգավորվող շուկայի օպերատորի կողմից շնորհված կոդը

Գնորդը ում հաշվին է գոր-ծարքը կնքել

Վաճա-ռողը ում հաշվին է գոր-ծարքը կնքել

Շուկայի տեսակը

Շուկայի հարթակը

գնորդ

վաճառող

1

2

…

 

Օպերատորի գործադիր մարմնի ղեկավար`	___________________________
	(ստորագրություն)
Գլխավոր հաշվապահ՝	___________________________
	(ստորագրություն)
	Կ.Տ.

Աղյուսակ 2. Վարկային  ռեսուրսներով կնքված գործարքների վերաբերյալ

Օպերատորի անվանումը__________________________

Հաշվետու օր

(ՀՀ դրամ)

N	Գործարքի կնքման ժամը	Վարկային ռեսուրսի  հապավումը	Գործարքին տրված հերթական տարբերակիչ համարը	Գործարքի կատարման օրը (վարկային ռեսուրսների տրամադրման օրը)	Գործարքի մարման օրը	Հիմնական (մայր) գումարը	Տրամադրվող վարկային ռեսուրսների տոկոսա-գումարները	Վարկային ռեսուրսների գինը (տարեկան տոկոսադրույքը)	Գործարքի կողմ հանդիսացող վարկային ռեսուրսների շուկայի մասնակցին  կարգավորվող շուկայի օպերատորի կողմից շնորհված կոդը
									ներգրավող	տեղաբաշխող
1
2
…

Օպերատորի գործադիր մարմնի ղեկավար`	___________________________
	(ստորագրություն)
Գլխավոր հաշվապահ՝	___________________________
	(ստորագրություն)
	Կ.Տ.

 Աղյուսակ 3. Ռեպո գործարքների վերաբերյալ

 

 Օպերատորի անվանումը ________________________

 

 Հաշվետու օր ________________________

 

(ՀՀ դրամ)

N

Ռեպո-ուղղակի գործարքի տարբե-րակիչ համարը

Գոր-ծարքի առարկա արժեթղթի տարբե-րակիչ ծած-կագիրը

Արժեթղթի դասը

Գործարքի կնքման ժամը

Գործարքի բնույթը

Գործարքի առարկա արժե-թղթերի քանակը

Ռեպո - ուղղակի գործարքի գումարը

Ռեպո - հետադարձ գործարքի գումարը

Տարեկան ռեպո տոկոսա-դրույքը

Գործարքի կողմ հանդիսացող կարգավորվող շուկայի մասնակցին (անդամին) կարգավորվող շուկայի օպերատորի կողմից շնորհված կոդը

Գնորդը ում հաշվին է կնքել գործարքը

Վաճառողը ում հաշվին է կնքել գործարքը

Ժամանա-կաշրջանը

գնորդ

վաճառող

1

2

3

…

 

Օպերատորի գործադիր մարմնի ղեկավար`	___________________________
	(ստորագրություն)
Գլխավոր հաշվապահ՝	___________________________
	(ստորագրություն)
	Կ.Տ.

 

(Հավելվածը խմբ. 07.12.10 թիվ 325-Ն)

 

Հավելված 3 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  7

 

ԿԱՐԳԱՎՈՐՎՈՂ ՇՈՒԿԱՅԻ ՄԱՍՆԱԿԻՑՆԵՐԻՆ (ԱՆԴԱՄՆԵՐԻՆ) ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ՄԱՍՆԱԿՑԵԼՈՒ ԹՈՒՅԼՏՎՈՒԹՅԱՆ ՏՐԱՄԱԴՐՄԱՆ ԵՎ (ԿԱՄ) ԹՈՒՅԼՏՎՈՒԹՅԱՆ ԴԱԴԱՐԵՑՄԱՆ ՎԵՐԱԲԵՐՅԱԼ

(յուրաքանչյուր փոփոխության դեպքում)

 

Աղյուսակ 1

 

Կարգավորվող շուկայում առեվտրին թույլտվության տրամադրում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

N	Կարգավորվող շուկայի մասնակցի (անդամի) անվանումը	Կարգավորվող շուկայի օպերատորի կողմից մասնակցին (անդամին) շնորհված առևտրային կոդը	Կարգավորվող շուկայի մասնակցին (անդամին)` կարգավորվող շուկայում առևտրին թույլտվության տրամադրման ամսաթիվը	Գործարքներ կնքելու իրավասություն ունեցող ֆիզիկական անձանց անունը, ազգանունը	Կարգավորվող շուկայում առևտրին մասնակցության հնարավորություն հեռացված տերմինալով	Շուկայի տեսակը	Շուկայի հարթակը
1
2
…

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Աղյուսակ 2

 

Կարգավորվող շուկայում առեվտրին թույլտվության դադարեցում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

N	Կարգավորվող շուկայի մասնակցի (անդամի) անվանումը	Կարգավորվող շուկայի օպերատորի կողմից մասնակցին (անդամին) շնորհված առևտրային կոդը	Կարգավորվող շուկայի մասնակցին (անդամին)` կարգավորվող շուկայում առևտրին թույլտվության դադարեցման ամսաթիվը	Կարգավորվող շուկայում առևտրին թույլտվության դադարեցման իրավական հիմքերը	Շուկայի տեսակը	Շուկայի հարթակը	Կարգավորվող շուկայում առևտրին թույլտվության տրամադրման վերջին ամսաթիվը
1
2
…

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Հավելված 4 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  8

 

ԿԱՐԳԱՎՈՐՎՈՂ ՇՈՒԿԱՅԻ ՄԱՍՆԱԿԻՑՆԵՐԻ (ԱՆԴԱՄՆԵՐԻ)` ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ՄԱՍՆԱԿՑԵԼՈՒ ԹՈՒՅԼՏՎՈՒԹՅԱՆ ԿԱՍԵՑՄԱՆ ԵՎ (ԿԱՄ) ԿԱՍԵՑՄԱՆ ԴԱԴԱՐԵՑՄԱՆ ՎԵՐԱԲԵՐՅԱԼ

 

Աղյուսակ 1

 

Կարգավորվող շուկայում առեվտրին թույլտվության կասեցում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

N	Կարգավորվող շուկայի մասնակցի (անդամի) անվանումը	Կարգավորվող շուկայի օպերատորի կողմից մասնակցին (անդամին) շնորհված առևտրային կոդը	Կարգավորվող շուկայում առևտրին թույլտվության կասեցման ժամկետը		Կարգավորվող շուկայում առևտրին թույլտվության կասեցման իրավական հիմքերը	Շուկայի տեսակը	Շուկայի հարթակը
			սկիզբ	ավարտ
1
2
…

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝	________________________ (ստորագրություն)

 

Աղյուսակ 2

 

Կարգավորվող շուկայում առեվտրին թույլտվության կասեցման դադարեցում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

N	Կարգավորվող շուկայի մասնակցի (անդամի) անվանումը	Կարգավորվող շուկայի օպերատորի կողմից մասնակցին (անդամին) շնորհված առևտրային կոդը	Կարգավորվող շուկայում առևտրին թույլտվության կասեցման ժամկետը		Կարգավորվող շուկայում առևտրին թույլտվության կասեցման դադարեցման իրավական հիմքերը	Շուկայի տեսակը	Շուկայի հարթակը
			սկիզբ	ավարտ
1
2
…

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Հավելված 5 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  9

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ԱՐԺԵԹՂԹԵՐԻ ԹՈՒՅԼՏՎՈՒԹՅԱՆ ԵՎ (ԿԱՄ) ԹՈՒՅԼՏՎՈՒԹՅԱՆ ԴԱԴԱՐԵՑՄԱՆ ՎԵՐԱԲԵՐՅԱԼ

(յուրաքանչյուր փոփոխության դեպքում)

 

Աղյուսակ 1

 

Կարգավորվող շուկայում առեվտրին արժեթղթերի թույլտվության տրամադրում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

(ՀՀ դրամ)

N Թողար- կողի ֆիրմային անվա- նումը, գտնվելու վայրը Արժե- թղթի տարբե- րակիչ ծածկա- գիրը Արժե- թղթի դասը Կարգավոր- վող շուկայի օպերատորի կողմից արժեթղթին շնորհված հապավումը Տեղաբաշխ- ված արժե- թղթերի ընդհանուր քանակը Տեղա- բաշխ- ված արժե- թղթերի ընդհա- նուր ծավալը Կարգա- վորվող շուկայում առևտրին թույլատրված արժեթղթերի ընդհանուր քանակը Կարգավոր- վող շուկա- յում առևտրին թույլատրված միավոր արժեթղթի անվանական արժեքը Կարգա- վորվող շուկայում առևտրին թույլատրված արժեթղթերի ընդհանուր ծավալն անվանական արժեքով Բորսայական ցուցակի կամ ազատ շուկայի անվանումը Օրենսդրու- թյան համապա- տասխան դրույթը, որի հիման վրա կարգավորվող շուկայում առևտրին թույլտվու- թյունը տրվել է ազդագրի հրապարակման պահանջից բացառությամբ Կարգա- վորվող շուկայում առևտրին արժեթղթերի թույլտվության տրամադրման ամսաթիվը Հարթակ 1                           2                           …

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝   Կ.Տ.	________________________ (ստորագրություն)

 

Աղյուսակ 2

 

Կարգավորվող շուկայում առեվտրին արժեթղթերի թույլտվության դադարեցում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

(ՀՀ դրամ)

N Թողարկողի ֆիրմային անվանումը, գտնվելու վայրը Արժեթղթի տարբե- րակիչ ծածկա- գիրը Արժե- թղթի դասը Կարգա- վորվող շուկայի օպերատորի կողմից արժեթղթին շնորհված հապավումը Տեղա- բաշխված արժեթղթերի ընդհանուր քանակը Տեղա- բաշխված արժեթղթերի ընդհանուր ծավալը Կարգա- վորվող շուկայում առևտրին թույլատրված արժեթղթերի ընդհանուր քանակը Կարգա- վորվող շուկայում առևտրին թույլատրված միավոր արժեթղթի անվանական արժեքը Կարգա- վորվող շուկայում առևտրին թույլատրված արժեթղթերի ընդհանուր ծավալն անվանական արժեքով Կարգա- վորվող շուկայում առևտրին արժեթղթերի թույլտվության տրամադրման վերջին ամսաթիվը Կարգա- վորվող շուկայում առևտրին արժեթղթերի թույլտվության դադարեցման իրավական հիմքերը Բորսա-յական ցուցակի կամ ազատ շուկայի անվանումը Հարթակ 1                           2

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝   Կ.Տ.	________________________ (ստորագրություն)

 

(Հավելվածը լրաց. 07.12.10 թիվ 325-Ն)

 

Հավելված 6 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  10

 

ԿԱՐԳԱՎՈՐՎՈՂ ՇՈՒԿԱՅՈՒՄ ԱՌԵՎՏՐԻՆ ԱՐԺԵԹՂԹԵՐԻ ԹՈՒՅԼՏՎՈՒԹՅԱՆ ԿԱՍԵՑՄԱՆ ԵՎ (ԿԱՄ) ԹՈՒՅԼՏՎՈՒԹՅԱՆ ԿԱՍԵՑՄԱՆ ԴԱԴԱՐԵՑՄԱՆ ՎԵՐԱԲԵՐՅԱԼ

(յուրաքանչյուր փոփոխության դեպքում)

 

Աղյուսակ 1

 

Կարգավորվող շուկայում առեվտրին արժեթղթերի թույլտվության կասեցում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

N	Արժեթղթի տարբերակիչ ծածկագիրը	Արժե- թղթի դասը	Կարգավորվող շուկայի օպերատորի կողմից արժեթղթին շնորհված հապավումը	Կարգավորվող շուկայում առևտրին արժեթղթերի թույլտվության կասեցման ժամկետը		Կարգավորվող շուկայում առևտրին թույլտվության կասեցման իրավական հիմքերը	Բորսայական ցուցակի կամ ազատ շուկայի անվանումը
				սկիզբ	ավարտ
1
2
…

 

Աղյուսակ 2

 

Կարգավորվող շուկայում առեվտրին արժեթղթերի թույլտվության կասեցման դադարեցում

 

Օպերատորի անվանումը ___________________________

Հաշվետվության ներկայացման ամսաթիվը ___________

 

N	Արժեթղթի տարբերակիչ ծածկագիրը	Արժե- թղթի դասը	Կարգավորվող շուկայի օպերատորի կողմից արժեթղթին շնորհված հապավումը	Կարգավորվող շուկայում առևտրին արժեթղթերի թույլտվության կասեցման ժամկետը		Կարգավորվող շուկայում առևտրին թույլտվության կասեցման դադարեցման իրավական հիմքերը	Բորսայական ցուցակի կամ ազատ շուկայի անվանումը
				սկիզբ	ավարտ
1
2
…

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

 

Հավելված 7 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

 

ՀԱՇՎԵՏՎՈՒԹՅՈՒՆ ԹԻՎ 11

 

ԿԱՐԳԱՎՈՐՎՈՂ ՇՈՒԿԱՅԻ ՄԱՍՆԱԿԻՑՆԵՐԻ (ԱՆԴԱՄՆԵՐԻ) ԿՈՂՄԻՑ ՆԵՐԿԱՅԱՑՎԱԾ ՀԱՅՏԵՐԻ ՎԵՐԱԲԵՐՅԱԼ

(օրական)

 

 Աղյուսակ 1. Արժեթղթերի առուվաճառքի հայտերի վերաբերյալ

 

Օպերատորի անվանումը ______________________

Հաշվետու օր ______________________

 

(ՀՀ դրամ)

N

Հայտի տար-բերակիչ ծած-կագիրը

Հայտ ներկա-յացրած մաս-նակցին (անդամին) կարգա-վորվող շուկայի օպերա-տորի կողմից շնորհված առևտրային կոդը

Կարգա-վորվող շուկայի մաս-նակիցը (անդամը) ում հաշվին է գործարք կնքում

Հայտով նախա-տեսված գործարքի տեսակը

Արժե-թղթերի տար-բերակիչ ծած-կագիրը

Արժե-թղթի դասը

Միավոր արժե-թղթի գինը

Արժե-թղթերի քանակը

Ընդհա-նուր գումարը

Հայտի տեսակը` կախված գնային պայման-ներից

Հայտի տեսակը` կախված քանա-կական պայման-ներից

Հայտի տեսակը` կախված ժամա-նակային պայման-ներից

Հայտի տեսակը` կախված ակտի-վացման պայման-ներից

Կարգա-վորվող շուկայի մասնակցի հաճա-խորդի ծածկա-գիրը (եթե հայտը ներկա-յացվել է հաճա-խորդի հաշվին)

Գործո-ղության տեսակը

Հայտի ներկա-յացման ժամը

Գործո-ղության կատար-ման ժամը

 

Օպերատորի գործադիր մարմնի ղեկավար`	___________________________
	(ստորագրություն)
Գլխավոր հաշվապահ՝	___________________________
	(ստորագրություն)
	Կ.Տ.

 

Աղյուսակ 2. Առուվաճառքի և ռեպո գործարքների հասցեական առաջարկների վերաբերյալ

 

 Օպերատորի անվանումը _________________________

 

 Հաշվետու օր _________________________

 

(ՀՀ դրամ)

N

Հասցե-ական առա-ջարկով նախա-տեսվող  գործարքի տար-բերակիչ համարը

Հասցե-ական առաջարկ ներկա-յացրած մաս-նակցին (անդամին) կարգա-վորվող շուկայի օպերա-տորի կողմից շնորհված առեվ-տրային կոդը

Կարգա-վորվող շուկայի մասնա-կիցը (անդամը) ում հաշվին  է գործարք կնքում

Հասցե-ական առա-ջարկով նախա-տեսված գործարքի տեսակը

Արժե-թղթերի տար-բերակիչ ծած-կագիրը

Արժեթղթի դասը

Արժե-թղթերի քանակը

Հասցե-ական առա-ջարկում ներառված գործարքի (ռեպո-ուղղակի գործարքի) ընդհա-նուր գումարը

Հասցե-ական առա-ջարկում ներառված գործարքի (ռեպո-հետա-դարձ գոր-ծարքի) ընդհա-նուր գումարը

Ռեպո տոկոսա-դրույքը (տարեկան)

Կարգա-վորվող շուկայի հաճա-խորդի ծած-կագիրը (եթե հայտը ներկա-յացվել է շուկայի մասնակցի հաճա-խորդի հաշվին)

Գործո-ղության տեսակը

Հասցե-ական առա-ջարկի ներկա-յացման ժամը

Գործո-ղության կատար-ման ժամը

Ժամա-նակա-շրջանը

Շուկա-յի այն մաս-նակցի առև-տրային կոդը, որին ուղարկ-վում է հասցե-ական առա-ջարկը

 

Օպերատորի գործադիր մարմնի ղեկավար`	___________________________
	(ստորագրություն)
Գլխավոր հաշվապահ՝	___________________________
	(ստորագրություն)
	Կ.Տ.

 

(Հավելվածը խմբ. 07.12.10 թիվ 325-Ն)

 

Հավելված 8 «Կարգավորվող շուկայի օպերատորի` Կենտրոնական բանկ ներկայացվող հաշվետվությունները, դրանց ներկայացման կարգը, ձևը և ժամկետները» կանոնակարգ 5/03-ի հավելվածի

 

Հ Ա Շ Վ Ե Տ Վ ՈՒ Թ Յ ՈՒ Ն  Թ Ի Վ  12

 

ԿԱՐԳԱՎՈՐՎՈՂ ՇՈՒԿԱՅՈՒՄ ՊԵՏԱԿԱՆ ԱՐԺԵԹՂԹԵՐՈՎ ԿՆՔՎԱԾ ԳՈՐԾԱՐՔՆԵՐԻ ԱՐԴՅՈՒՆՔՈՒՄ ՓՈԽԱԴԱՐՁ ՊԱՀԱՆՋՆԵՐԻ ԵՎ ՊԱՐՏԱՎՈՐՈՒԹՅՈՒՆՆԵՐԻ ՎԵՐԱԲԵՐՅԱԼ

(օրական)

 

Աղյուսակ 1

 

Հաճախորդների արժեթղթերով կամ դրամական միջոցներով կնքված գործարքներ

 

Օպերատորի անվանումը ___________________________

Հաշվետու օր ___________

 

N	Կարգա- վորվող շուկայի մասնակցի (անդամի) անվանումը		ԱՐԺԵԹՂԹԵՐ				ԴՐԱՄԱԿԱՆ ՄԻՋՈՑՆԵՐ
			Թողարկման պետական գրանցման համարը (արժեթղթի տարբերակիչ ծածկագիրը)	Առևտրային նստաշրջանի սկզբում արժեթղթերի ծավալը	Առևտրային նստաշրջանի վերջում արժեթղթերի ծավալը	Առաքման կամ ստացման ենթակա արժեթղթերի ծավալը	Դրամական միջոցները առևտրային նստաշրջանի սկզբում	Դրամական միջոցների մնացորդը առևտրային նստաշրջանի վերջում	Վճարման կամ ստացման ենթակա դրամական միջոցները
1		1
		2
		…
2		1
		2
		…

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝   Կ.Տ.	________________________ (ստորագրություն)

 

Աղյուսակ 2

 

Սեփական արժեթղթերով կամ դրամական միջոցներով կնքված գործարքներ

 

Օպերատորի անվանումը ___________________________

Հաշվետու օր ___________

 

(ՀՀ դրամ)

N Կարգա- վորվող շուկայի մասնակցի (անդամի) անվանումը   ԱՐԺԵԹՂԹԵՐ ԴՐԱՄԱԿԱՆ ՄԻՋՈՑՆԵՐ Թողարկման պետական գրանցման համարը (արժեթղթի տարբերակիչ ծածկագիրը) Առևտրային նստաշրջանի սկզբում արժեթղթերի ծավալը Առևտրային նստաշրջանի վերջում արժեթղթերի ծավալը Առաքման կամ ստացման ենթակա արժեթղթերի ծավալը Դրամական միջոցները առևտրային նստաշրջանի սկզբում Դրամական միջոցների մնացորդը առևտրային նստաշրջանի վերջում Վճարման կամ ստացման ենթակա դրամական միջոցները 1   1                   2                   …                                   2   1                   2                   …

 

Օպերատորի գործադիր մարմնի ղեկավար`	________________________ (ստորագրություն)
Գլխավոր հաշվապահ՝	________________________ (ստորագրություն) Կ.Տ.

Հավելված 9 ՀՀ կենտրոնական բանկի խորհրդի 2008 թ. դեկտեմբերի 16-ի թիվ 356-Ն որոշմամբ հաստատված կանոնակարգ 5/03-ի

 

Հ Ա Շ Վ Ե Տ Վ ՈՒ Թ Յ ՈՒ Ն  ԹԻՎ 13

 

ՏԱՐԵԿԱՆ ՊԵՏԱԿԱՆ ՏՈՒՐՔԻ ՎՃԱՐՄԱՆ ՎԵՐԱԲԵՐՅԱԼ

(տարեկան)

 

Օպերատորի անվանումը ______________________

                     Ամսաթիվը _____________________

 

Օպերատորի գործադիր մարմնի ղեկավար`	_________________________           (ստորագրություն)
Գլխավոր հաշվապահ՝	_________________________           (ստորագրություն)
Կ.Տ.

 

(Հավելվածը լրաց. 08.09.09 թիվ 271-Ն)