ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ԱԶԳԱՅԻՆ ՀԱՆՁՆԱԺՈՂՈՎ
|
16 դեկտեմբերի 2010 թ. |
թիվ 98-Ա |
Ո Ր Ո Շ ՈՒ Մ
Թվային հեռարձակման ցանցի միջոցով մայրաքաղաքային սփռման, ընդհանուր ուղղվածության հեռուստածրագրերի եթերային վերահեռարձակում իրականացնելու թիվ 13 մրցույթում հաղթող ճանաչելու մասին
Սույն թվականի հուլիսի 20-ին Հեռուստատեսության և ռադիոյի ազգային հանձնաժողովի (այսուհետ` ՀՌԱՀ) կողմից հայտարարված թվային հեռարձակման ցանցի միջոցով մայրաքաղաքային սփռման, հեռուստածրագրերի եթերային վերահեռարձակում իրականացնելու թիվ 13 մրցույթին ՀՀ օրենսդրությամբ սահմանված կարգով 19.10.2010թ. մասնակցելու հայտ է ներկայացրել «ՊԱՐԱԴԻԶ» ՍՊ ընկերությունը։
Տվյալ մրցույթին այլ հայտ չի ներկայացվել։
28.10.2010թ. կայացած ՀՌԱՀ-ի դռնբաց նիստում «ՊԱՐԱԴԻԶ» ՍՊ ընկերությունը հրապարակել է իր կողմից ներկայացված հայտը և կից փաստաթղթերը։
«ՊԱՐԱԴԻԶ» ՍՊ ընկերության ներկայացրած հայտի և կից փաստաթղթերի ուսումնասիրությամբ պարզվել է, որ դրանք բավարարում են ՀՀ օրենսդրությամբ սահմանված պահանջները։
16.12.2010թ. ՀՌԱՀ անդամները վարկանիշային քվեարկությամբ «ՊԱՐԱԴԻԶ» ՍՊ ընկերության ներկայացրած հայտին տվել են հետևյալ գնահատականները.
|
Անուն, ազգանուն |
Քվեարկության արդյունքը |
|
Գրիգոր Ամալյան |
6 |
|
Ժիրայր Դադասյան |
6 |
|
Կորյուն Առաքելյան |
6 |
|
Սիմավոն Անդրեասյան |
6 |
|
Արամ Մելքոնյան |
6 |
|
Արմեն Մկրտչյան |
6 |
|
Արա Թադևոսյան |
6 |
|
Հայկ Քոթանյան |
6 |
|
Ընդամենը` 48 |
Ելնելով վերոգրյալից և ղեկավարվելով «Հեռուստատեսության և ռադիոյի մասին» ՀՀ օրենքի 36-րդ հոդվածի 1-ին մասի 1-ին կետով, 46-49-րդ և 62-րդ հոդվածներով, ինչպես նաև 28.06.2010թ. ՀՌԱՀ թիվ 23-Ն որոշմամբ հաստատված «Թվային հեռարձակման ցանցի միջոցով հեռուստածրագրերի եթերային հեռարձակում իրականացնելու հեռուստաընկերությունների մրցույթի անցկացման կարգ»-ի դրույթներով` Հեռուստատեսության և ռադիոյի ազգային հանձնաժողովը որոշում է`
Թվային հեռարձակման ցանցի միջոցով մայրաքաղաքային սփռման, ընդհանուր ուղղվածության հեռուստածրագրերի եթերային վերահեռարձակում իրականացնելու թիվ 13 մրցույթում հաղթող ճանաչել «ՊԱՐԱԴԻԶ» ՍՊ ընկերությանը:
|
Նախագահ |
Գ. Ամալյան |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|