041.0193.30.03.99

«Վավերացնում եմ»
Հայաստանի Հանրապետության
Նախագահ Ռ. Քոչարյան
30 մարտի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մարտի 1999 թվականի N 193
քաղ. Երևան

ՇՐՋԱԿԱ ՄԻՋԱՎԱՅՐԻ ՎՐԱ ԱԶԴԵՑՈՒԹՅԱՆ ՓՈՐՁԱՔՆՆՈՒԹՅԱՆ ԵՆԹԱԿԱ ՆԱԽԱՏԵՍՎՈՂ ԳՈՐԾՈՒՆԵՈՒԹՅՈՒՆՆԵՐԻ ՍԱՀՄԱՆԱՅԻՆ ՉԱՓԵՐԻ ՄԱՍԻՆ

«Շրջակա միջավայրի վրա ազդեցության փորձաքննության մասին» Հայաստանի Հանրապետության օրենքի 4 հոդվածի 2-րդ կետին համապատասխան` Հայաստանի Հանրապետության կառավարությունը որոշում է.

Հաստատել շրջակա միջավայրի ազդեցության փորձաքննության ենթակա նախատեսվող գործունեությունների սահմանային չափերը (կցվում է):

Հայաստանի Հանրապետության վարչապետ

Ա. Դարբինյան

Հաստատված է ՀՀ կառավարության 1999 թ. մարտի 30-ի N 193 որոշմամբ

Ս Ա Հ Մ Ա Ն Ա Յ Ի Ն  Չ Ա Փ Ե Ր

շրջակա միջավայրի վրա ազդեցության փորձաքննության ենթակա նախատեսվող գործունեությունների

«Շրջակա միջավայրի վրա ազդեցության փորձաքննության մասին» Հայաստանի Հանրապետության օրենքի 4 հոդվածի 2-րդ կետին համապատասխան` շրջակա միջավայրի վրա ազդեցության փորձաքննության են ենթակա նախատեսվող այն գործունեությունները, որոնց ցուցանիշները գերազանցում են հետևյալ սահմանային չափերը`

1. Քիմիական արդյունաբերության ոլորտում`

լվացող, մաքրող և կենցաղային քիմիայի այլ նյութերի արտադրություն` տարեկան 50 տոննա:

2. Մետալուրգիայի ոլորտում`

մետաղների մակերեսային մշակում` տարեկան 2000 քառ. մետր:

3. Էլեկտրատեխնիկական, ռադիոէլեկտրոնային արտադրության ոլորտում`

գեներատորների արտադրություն` տարեկան 500 հատ.

էլեկտրաշարժիչների արտադրություն` տարեկան 3000 հատ.

ուժային տրանսֆորմատորների արտադրություն` տարեկան 1000 հատ.

շարժական էլեկտրակայանների արտադրություն` տարեկան 300 հատ.

մարտկոցների արտադրություն` տարեկան 1000 հատ.

էլեկտրական սարքերի (ռելեներ, թողարկիչներ և այլն) արտադրություն` տարեկան 5000 հատ.

կիսահաղորդչային սարքերի արտադրություն` տարեկան 1000 հատ.

լուսավորման էլեկտրալամպերի արտադրություն` տարեկան 3000 հատ.

լյումինեսցենտային լամպերի արտադրություն` տարեկան 1000 հատ.

մալուխների արտադրություն` տարեկան 1 գծակիլոմետր.

լուսատեխնիկական սարքերի արտադրություն` տարեկան 1500 հատ.

հատուկ տեխնոլոգիական սարքերի արտադրություն` տարեկան 1000 հատ.

բլոկների հանգույցների և պահեստամասերի արտադրություն` տարեկան 3000 հատ:

4. Փայտի և թղթի արդյունաբերության ոլորտում`

նրբատախտակի արտադրություն` տարեկան 10 խոր. մետր.

ատաղձագործական շինարարական իրերի (դուռ, պատուհան և այլն) արտադրություն` տարեկան 1000 քառ. մետր.

կահույքի արտադրություն` տարեկան 20 խոր. մետր.

ստվարաթղթի արտադրություն` տարեկան 2 տոննա.

թղթի արտադրություն` տարեկան 1 տոննա:

5. Թեթև արդյունաբերության ոլորտում`

գործվածքների և տրիկոտաժի արդյունաբերություն` ամսական 3000 քառ. մետր.

գուլպեղենի արտադրություն` ամսական 5000 զույգ.

կաշվի արտադրություն` ամսական 0,5 տոննա.

արհեստական կաշվի (այդ թվում` սինթետիկ) արտադրություն` ամսական 15000 քառ. դեցիմետր.

մորթու արտադրություն (հումքի մշակում)` ամսական 1000 քառ. մետր.

գորգեղենի արտադրություն` ամսական 3000 քառ. մետր.

կարի (ներառյալ մորթեղենի) պատրաստի արտադրանք` ամսական 3000 հատ.

մետաքսի արտադրություն` ամսական 1000 քառ. մետր:

6. Սննդի արդյունաբերության, ձկնային տնտեսության ոլորտում`

հրուշակեղենի արտադրություն (պատրաստի արտադրանք)` օրական 0,5 տոննա.

մակարոնեղենի արտադրություն (պատրաստի արտադրանք)` օրական 15 տոննա.

հացի և հացաբուլկեղենի արտադրություն (պատրաստի արտադրանք)` օրական 10 տոննա.

ալյուրի արտադրություն` օրական 10 տոննա.

համակցված կերերի արտադրություն` օրական 5 տոննա.

մսի և մսամթերքի արտադրություն (պատրաստի արտադրանք)` օրական 1 տոննա.

պտուղ-բանջարեղենի պահածոների արտադրություն` օրական 2000 պայմանական տուփ.

կաթնամթերքի արտադրություն (վերամշակված կաթ) օրական 10 տոննա.

պանրի արտադրություն` օրական 10 տոննա կաթի վերամշակմամբ.

կենդանական և բուսական յուղերի ու ճարպի արտադրություն` օրական 0,5 տոննա.

մարգարինի արտադրություն` օրական 1 տոննա.

շաքարի ու շաքարավազի արտադրություն` օրական 1 տոննա.

ոչ ալկոհոլային խմիչքների արտադրություն` օրական 1000 դեկալիտր.

հանքային ջրերի արտադրություն` օրական 1000 դեկալիտր.

գարեջրի արտադրություն` օրական 500 դեկալիտր.

գինու արտադրություն` (խաղողի վերամշակում)` օրական 50 տոննա.

շամպայն գինիների արտադրություն` օրական 500 շիշ.

լիկյորի և օղու արտադրություն` օրական 1000 դեկալիտր.

կոնյակի արտադրություն` օրական 250 դեկալիտր.

ձկան վերարտադրություն` օրական 10000 ձկնկիթ.

ձկնամշակման արտադրություն` օրական 1 տոննա.

ձկան պահածոների արտադրություն` օրական 2000 հաշվարկային տուփ.

բնական լվացող միջոցների (օճառ) արտադրություն` օրական 1 տոննա.

ծխախոտի արտադրություն` օրական 0,5 տոննա:

7. Քաղաքաշինության ոլորտում`

շենքեր, կառույցներ, համալիրներ և այլն` 1500 քառ. մետր կառուցապատման մակերեսով:

(7-րդ կետը փոփ. 09.12.10 N 1617-Ն)

8. Գյուղատնտեսության ոլորտում`

աղակալած հողերի բարելավում, ոռոգման և չորացման ցանցերի կառուցում, ճահիճների չորացում, բերրի հողերի պահպանում էրոզիայից, աղակալումից և որակի փոփոխությունից` 100 հեկտար.

աղակալած հողերի բարելավում (քիմիական եղանակով)` առանց սահմանային չափի:

9. Ենթակառույցների ոլորտում`

ճանապարհների կառուցում (վերակառուցում)` 1 կիլոմետր երկարությամբ.

գազի, նավթի, գոլորշու և ջրատար խողովակաշարեր, կոյուղու կոլեկտորներ` 300 միլիմետր տրամագծով.

էլեկտրահաղորդման գծեր` 35 կիլովոլտ լարման.

վառելանյութի (այդ թվում` բնական և այլ գազերի) վերգետնյա ու ստորգետնյա պահեստներ` 20 տոննա տարողությամբ.

քիմիկատների պահեստարաններ` 5 տոննա հզորությամբ.

հանքային պարարտանյութերի պահեստարաններ` 10 տոննա հզորությամբ.

թունաքիմիկատների պահեստարաններ` 1 տոննա հզորությամբ:

10. Սպասարկման ոլորտում`

առևտրի կենտրոններ և տոնավաճառներ` 5000 քառ. մետր կառուցապատման մակերեսով.

հյուրանոցային և զբոսաշրջիկային համալիրներ` 500 տեղով.

հանրային սննդի օբյեկտներ (ռեստորաններ, սրճարաններ, ճաշարաններ և այլն)` 500 նստատեղով:

(հավելվածը փոփ. 09.12.10 N 1617-Ն)