ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 հունվարի 2011 թվականի N 43-Ն

«ԱԶԳԱՅԻՆ ՀԱՄԱԳՈՐԾԱԿՑՈՒԹՅՈՒՆ» ՀԻՄՆԱԴՐԱՄ ՀԻՄՆԱԴՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2011 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷԿՈՆՈՄԻԿԱՅԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Հիմք ընդունելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետը և 23-րդ հոդվածի 3-րդ մասը, ինչպես նաև «Հիմնադրամների մասին» Հայաստանի Հանրապետության օրենքի 8-րդ հոդվածը, 10-րդ հոդվածի 4-րդ մասը և 13-րդ հոդվածի 2-րդ մասը` Հայաստանի Հանրապետության կառավարությունը որոշում է.

1. «Ազգային համագործակցություն» հասարակական կազմակերպության հետ համատեղ հիմնադրել «Ազգային համագործակցություն» հիմնադրամ:

2. Հայաստանի Հանրապետության անունից հանդես գալու լիազորությունները վերապահել Հայաստանի Հանրապետության էկոնոմիկայի նախարարին:

3. Հայաստանի Հանրապետության էկոնոմիկայի նախարարին` սույն որոշումն ուժի մեջ մտնելուց հետո մեկամսյա ժամկետում «Ազգային համագործակցություն» հասարակական կազմակերպության հետ համատեղ հաստատել «Ազգային համագործակցություն» հիմնադրամի կանոնադրությունը, Հայաստանի Հանրապետության օրենսդրությամբ սահմանված կարգով ապահովել նշված հիմնադրամի պետական գրանցումը և դրա հիմնադրի` օրենքով սահմանված մյուս լիազորությունների իրականացումը:

4. «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի N 1 հավելվածում կատարել վերաբաշխում և Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման N 5 հավելվածում կատարել փոփոխություններ` համաձայն հավելվածի:

5. «Ազգային համագործակցություն» հիմնադրամում կամավոր գույքային ներդրում կատարելու նպատակով Հայաստանի Հանրապետության էկոնոմիկայի նախարարությանը 2011 թվականի առաջին եռամսյակում հատկացնել 3500.0 հազ. դրամ` Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ ընթացիկ դրամաշնորհներ» հոդվածով):

6. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. փետրվարի 2 Երևան

Հավելված ՀՀ կառավարության 2011 թվականի հունվարի 27-ի N 43-Ն որոշման

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2011 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ N 1 ՀԱՎԵԼՎԱԾՈՒՄ ԿԱՏԱՐՎՈՂ ՎԵՐԱԲԱՇԽՈՒՄԸ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 5 ՀԱՎԵԼՎԱԾՈՒՄ ԿԱՏԱՐՎՈՂ ՓՈՓՈԽՈՒԹՅՈՒՆՆԵՐԸ

(հազ. դրամ)

Բյուջետային ծախսերի գործառական դասա-կարգման			Բյուջետային ծախսերի գործառական դասակարգման բաժինների, խմբերի և դասերի, տնտեսագիտական դասակարգման հոդվածների, ֆինանսավորվող ծրագրերի և դրանք իրականացնող մարմինների անվանումները	Ցուցանիշների փոփոխությունը (ավելացումները նշված են դրական նշանով, իսկ նվազեցումները` փակագծերում)
բաժինը	խումբը	դասը		առաջին եռամ-սյակ	առաջին կիսամ-յակ	ինն ամիս	տարի
1	2	3	4	5	6	7	8
			ԸՆԴԱՄԵՆԸ՝ ԾԱԽՍԵՐ
			այդ թվում`
04			ՏՆՏԵՍԱԿԱՆ ՀԱՐԱԲԵՐՈՒԹՅՈՒՆՆԵՐ	(3500.0)	(3500.0)	(3500.0)	(3500.0)
			այդ թվում`
	01		Ընդհանուր բնույթի տնտեսական, առևտրային և աշխատանքի գծով հարաբերություններ	(3500.0)	(3500.0)	(3500.0)	(3500.0)
			այդ թվում`
		01	Ընդհանուր բնույթի տնտեսական և առևտրային հարաբերություններ	(3500.0)	(3500.0)	(3500.0)	(3500.0)
			08. Գյումրու տեխնոպարկի գործունեության իրականացման ծախսեր	(3500.0)	(3500.0)	(3500.0)	(3500.0)
			ՀՀ էկոնոմիկայի նախարարություն	(3500.0)	(3500.0)	(3500.0)	(3500.0)
			ԸՆԴԱՄԵՆԸ՝ ԾԱԽՍԵՐ	(3500.0)	(3500.0)	(3500.0)	(3500.0)
			այդ թվում`
			ԸՆԹԱՑԻԿ ԾԱԽՍԵՐ	(3500.0)	(3500.0)	(3500.0)	(3500.0)
			այդ թվում`
			ԴՐԱՄԱՇՆՈՐՀՆԵՐ	(3500.0)	(3500.0)	(3500.0)	(3500.0)
			այդ թվում`
			Ընթացիկ դրամաշնորհներ պետական հատվածի այլ մակարդակներին	(3500.0)	(3500.0)	(3500.0)	(3500.0)
			այդ թվում`
			Այլ ընթացիկ դրամաշնորհներ	(3500.0)	(3500.0)	(3500.0)	(3500.0)
11			ՀԻՄՆԱԿԱՆ ԽՄԲԻՆ ՉԴԱՍՎՈՂ ՊԱՀՈՒՍՏԱՅԻՆ ՖՈՆԴԵՐ	3500.0	3500.0	3500.0	3500.0
			այդ թվում`
	01		ՀՀ կառավարության և համայնքների պահուստային ֆոնդ	3500.0	3500.0	3500.0	3500.0
			այդ թվում`
		01	ՀՀ կառավարության պահուստային ֆոնդ	3500.0	3500.0	3500.0	3500.0
			այդ թվում`
			01. ՀՀ կառավարության պահուստային ֆոնդ	3500.0	3500.0	3500.0	3500.0
			ՀՀ կառավարություն	3500.0	3500.0	3500.0	3500.0

Հայաստանի Հանրապետության կառավարության աշխատակազմի ղեկավար

Դ. Սարգսյան