● զբոսաշրջային ծառայություններ մատուցող սուբյեկտների գործունեության համակարգման փորձի մասին:

Հոդված 3

Կողմերն աջակցում են կազմակերպված ինչպես խմբային, այնպես էլ անհատական զբոսաշրջության զարգացմանը, ինչպես նաև մասնագիտացված զբոսաշրջային խմբերի փոխանակմանը, այդ թվում՝ զբոսաշրջության հարցերով համաժողովներին, սեմինարներին, գիտաժողովներին և խորհրդաժողովներին մասնակցելու նպատակով:

Կողմերը նպաստում են Հայաստանի Հանրապետության և Թուրքմենստանի մասնակցությանը իրենց պետությունների զբոսաշրջության բնագավառում պետական կառավարման մարմինների աջակցությամբ կազմակերպվող միջազգային զբոսաշրջային ցուցահանդեսներին:

Հոդված 4

Կողմերը նպաստում են իրենց պետություններում զբոսաշրջային ներկայացուցչությունների, զբոսաշրջային օպերատորների և այլ կազմակերպությունների միջև համագործակցության զարգացմանը` երկու պետությունների միջև զբոսաշրջային հոսքեր ավելացնելու նպատակով:

Հոդված 5

Կողմերը, երկու պետությունների օրենսդրությանը համապատասխան, կձգտեն մաքսային, սահմանային և այլ ընթացակարգերի դյուրացման՝ կապված երկու պետությունների զբոսաշրջիկների փոխանակման, ինչպես նաև գտնվելու վայրի պետությունում զբոսաշրջիկների անվտանգության ապահովման հետ:

Հոդված 6

Կողմերը նպաստում են զբոսաշրջության բնագավառի համար մասնագետ կադրերի պատրաստման և վերապատրաստման հարցերով համագործակցության զարգացմանը, ինչպես նաև խրախուսում են զբոսաշրջության հարցերով մասնագիտացած փորձագետների և լրագրողների փոխանակումը:

Հոդված 7

Կողմերը զբոսաշրջության բնագավառում պետական կառավարման մարմինների միջոցով աջակցում են զբոսաշրջության բնագավառում ներդրողների, զբոսաշրջային գործունեության սուբյեկտների, հասարակական և ոչ առևտրային կազմակերպությունների միջև համագործակցության զարգացմանը:

Հոդված 8

Սույն Համաձայնագրի դրույթների մեկնաբանման և կիրառման հետ կապված տարաձայնությունները լուծվում են Կողմերի միջև՝ բանակցությունների և խորհրդակցությունների միջոցով:

Սույն Համաձայնագրի դրույթների իրականացման նպատակով Կողմերն անհրաժեշտության դեպքում կստեղծեն Համատեղ հանձնաժողով, որի նիստերը կանցկացվեն տարին մեկ անգամ՝ հաջորդաբար Երևանում և Աշխաբադում: Համատեղ հանձնաժողովի ներկայացուցիչների կեցության հետ կապված ֆինանսական ծախսերը հոգում է հրավիրող Կողմը:

Հոդված 9

Կողմերը փոխադարձ համաձայնությամբ կարող են սույն Համաձայնագրում կատարել անհրաժեշտ փոփոխություններ և լրացումներ, որոնք կձևակերպվեն առանձին արձանագրություններով, կկազմեն դրա անբաժանելի մասը և ուժի մեջ կմտնեն սույն Համաձայնագրի 10-րդ հոդվածի դրույթների համաձայն:

Հոդված 10

Սույն Համաձայնագիրն ուժի մեջ է մտնում Կողմերի՝ ուժի մեջ մտնելու համար անհրաժեշտ ներպետական ընթացակարգերի կատարման մասին վերջին գրավոր ծանուցումը դիվանագիտական ուղիներով ստանալու օրվանից:

Սույն Համաձայնագիրը կնքվում է անորոշ ժամկետով: Կողմերից յուրաքանչյուրը կարող է դադարեցնել սույն Համաձայնագրի գործողությունը՝ մյուս Կողմին դիվանագիտական ուղիներով գրավոր ծանուցելով: Նման դեպքում սույն Համաձայնագրի գործողությունը դադարեցվում է այդ ծանուցումը մյուս Կողմի կողմից ստանալու ամսաթվից վեց ամիս անց:

Սույն Համաձայնագրի գործողության դադարեցումը չի ազդում Համաձայնագրի գործողության ընթացքում համաձայնեցված ծրագրերի և նախագծերի իրականացման վրա, եթե Կողմերն այլ բան չեն պայմանավորվել:

Կատարված է Երևան քաղաքում 2017 թվականի օգոստոսի 24-ին, երկու բնօրինակով, յուրաքանչյուրը` հայերեն, թուրքմեներեն և ռուսերեն, ընդ որում՝ բոլոր տեքստերն էլ հավասարազոր են: Սույն Համաձայնագրի դրույթների մեկնաբանման ժամանակ տարաձայնություններ առաջանալու դեպքում հիմք է ընդունվում ռուսերեն տեքստը:

Համաձայնագիրն ուժի մեջ է մտել 2018թ. ապրիլի 17-ին