Հ Ա Մ Ա Ձ Ա Յ Ն Ա Գ Ի Ր
ԱՊՀ մասնակից պետությունների միջազգային ավտոմոբիլային փոխադրողների լրացուցիչ ուսուցման ԵՎ մասնագիտական հմտությունների պահանջների ներդաշնակեցման մասին
Սույն Համաձայնագրի մասնակից պետությունները` ի դեմս կառավարությունների, այսուհետև` Կողմեր,
ելնելով միջազգային ավտոմոբիլային փոխադրողների մասնագիտական պատրաստվածության և իրավասության ներդաշնակեցված պահանջների ստեղծման անհրաժեշտությունից,
նպատակ ունենալով իրագործելու՝
2003 թվականի սեպտեմբերի 18-ի՝ Միջազգային ավտոմոբիլային բեռնափոխադրումների բնագավառում ԱՊՀ մասնակից պետությունների փոխգործակցության մասին համաձայնագիրը,
2004 թվականի սեպտեմբերի 15-ի՝ ԱՊՀ կառավարությունների ղեկավարների խորհրդի որոշմամբ հաստատված՝ 2010 թվականի ժամանակահատվածի համար նախատեսված ԱՊՀ անդամ մասնակիցների համաձայնեցված տրանսպորտային քաղաքականության հայեցակարգը,
համաձայնեցին ներքոնշյալի մասին.
Հոդված 1
Սույն Համաձայնագրում օգտագործվող հասկացություններն ունեն հետևյալ նշանակությունը.
միասնական ծրագրեր` լրացուցիչ ուսուցման և մասնագիտական հմտությունների միասնական պահանջներին համապատասխան մշակված և Կողմերի իրավասու մարմինների կողմից միջազգային ավտոմոբիլային փոխադրումների լրացուցիչ ուսուցման բնագավառում հաստատված՝ մասնագիտական հմտության լրացուցիչ ուսուցման ծրագրեր,
մասնագիտական հմտություն` միջազգային ավտոմոբիլային փոխադրումների կազմակերպման համար անհրաժեշտ գիտելիքների, հմտությունների և փորձի ընդհանրություն,
ավտոմոբիլային տրանսպորտի բնագավառում իրավասու մարմիններ` ավտոմոբիլային փոխադրումների ոլորտում պետական կարգավորում իրականացնող՝ ԱՊՀ մասնակից պետությունների կառավարման մարմիններ,
միջազգային ավտոմոբիլային փոխադրողների լրացուցիչ ուսուցման բնագավառում իրավասու մարմիններ` միջազգային ավտոմոբիլային փոխադրողների մասնագիտական հմտությունների լրացուցիչ ուսուցման ոլորտում պետական կարգավորում իրականացնող՝ ԱՊՀ մասնակից պետությունների կառավարման մարմիններ,
միջազգային ավտոմոբիլային փոխադրող` տվյալ Կողմի ազգային օրենսդրությանը համապատասխան` միջազգային հաղորդակցությունում ավտոմոբիլային տրանսպորտով ուղևորների և բեռների փոխադրում իրականացնող Կողմի իրավաբանական կամ ֆիզիկական անձ,
մասնագիտական հմտությունների պահանջներ` միջազգային ավտոմոբիլային փոխադրումների հմտությունների մակարդակի հիմնական պահանջները սահմանող փաստաթուղթ,
լրացուցիչ ուսուցման և մասնագիտական հմտությունների պահանջներ` միջազգային ավտոմոբիլային փոխադրողների մասնագիտական հմտությունների լրացուցիչ ուսուցման ծրագրերի նվազագույն բովանդակության հիմնական պահանջները սահմանող փաստաթուղթ:
Հոդված 2
Սույն Համաձայնագիրը կարգավորում է միջազգային ավտոմոբիլային փոխադրողների լրացուցիչ ուսուցման և մասնագիտական հմտությունների պահանջների ներդաշնակեցումը:
Հոդված 3
1. ԱՊՀ Տնտեսական խորհդրի կողմից հաստատված լրացուցիչ ուսուցման և միջազգային ավտոմոբիլային փոխադրողների հմտությունների միասնական պահանջների հիման վրա Կողմերի իրավասու մարմինները միջազգային ավտոմոբիլային փոխադրողների լրացուցիչ ուսուցման ոլորտում մշակում են միասնական ծրագրեր:
2. Մասնագիտական հմտությունների լրացուցիչ ուսուցման միասնական պահանջների առաջարկվող ցանկը ներկայացված է սույն Համաձայնագրի անբաժանելի մաս կազմող 1-ին հավելվածում:
Հոդված 4
1. Միջազգային ավտոմոբիլային փոխադրողների լրացուցիչ ուսուցումն իրականացվում է Կողմերի իրավասու մարմինների լիազորած ուսումնական հաստատությունների կողմից՝ միջազգային ավտոմոբիլային փոխադրողների լրացուցիչ ուսուցման բնագավառում և ավտոմոբիլային տրանսպորտի բնագավառում:
Կողմերի իրավասու մարմինները միջազգային ավտոմոբիլային փոխադրողների լրացուցիչ ուսուցման բնագավառում սահմանում են այդպիսի ուսումնական հաստատությունների ցանկը:
2. Միջազգային ավտոմոբիլային փոխադրողների մասնագիտական հմտությունների լրացուցիչ ուսուցում իրականացնող ուսումնական հաստատությունների ցանկի որոշման առաջարկվող կարգը ներկայացված է սույն Համաձայնագրի անբաժանելի մաս կազմող 2-րդ հավելվածում:
Հոդված 5
Միջազգային ավտոմոբիլային փոխադրողի մասնագիտական հմտությունները հաստատվում են միջազգային ավտոմոբիլային փոխադրողների լրացուցիչ ուսուցման բնագավառում Կողմի իրավասու մարմնի կողմից տրվող՝ սահմանված նմուշի հավաստագրով` միջազգային ավտոմոբիլային փոխադրողների լրացուցիչ ուսուցում իրականացնող Կողմերի ուսումնական հաստատություններից մեկում միասնական ծրագրերով ուսուցման ու ատեստավորման և որակավորման քննություն հանձնելուց հետո:
Որակավորման քննության անցկացման կարգը սահմանվում է ավտոմոբիլային տրանսպորտի բնագավառում Կողմերի իրավասու մարմինների կողմից:
Հոդված 6
1. Կողմերն ընդունում և փոխադարձաբար ճանաչում են իրենց իրավասու մարմինների կողմից տրված հավաստագրերը:
2. Հավաստագիրը ավտոմոբիլային տրանսպորտի բնագավառում Կողմերի իրավասու մարմինների կողմից ճանաչվում է համապատասխան ազգային հավաստագրերին հավասար:
Հոդված 7
1. Հավաստագրի ձևաթղթերը տպագրվում են ռուսերեն՝ միջազգային ավտոմոբիլային փոխադրողների լրացուցիչ ուսուցման բնագավառում Կողմերի լիազոր մարմինների կողմից:
Հավաստագրերը կարող են կրկնօրինակվել յուրաքանչյուր Կողմի պետական լեզվով` հավաստագրի սահմանված ձևաչափը և դրա կետերի տեղերը պահպանելու պայմանով: Հավաստագիրը պատրաստվում է տպագրական մեթոդով և ունի պաշտպանվածության համակարգ:
2. Հավաստագրի ձևին ներկայացվող պահանջները նշված են սույն Համաձայնագրի 3-րդ հավելվածում:
Հոդված 8
Ավտոմոբիլային տրանսպորտի բնագավառում Կողմերի իրավասու մարմինների տեղեկատվական աջակցությունը և գործունեության համակարգումը առաջարկության ձևաչափով իրականացնում է ԱՊՀ մասնակից պետությունների Համակարգող տրանսպորտային հանդիպման ավտոմոբիլային տրանսպորտի Խորհուրդը:
Հոդված 9
Սույն Համաձայնագիրն ուժի մեջ է մտնում այն ստորագրած Կողմերի` բոլոր ներպետական ընթացակարգերը կատարելու մասին երրորդ ծանուցումը ավանդապահին ի պահ հանձնելու օրվանից:
Անհրաժեշտ ընթացակարգերն ավելի ուշ կատարած Կողմերի համար այն ուժի մեջ է մտնում ավանդապահին համապատասխան փաստաթղթերն ի պահ հանձնելու օրվանից:
Հոդված 10
Սույն Համաձայնագրում Կողմերի փոխադարձ համաձայնությամբ կարող են կատարվել փոփոխություններ և լրացումներ, որոնք կձևակերպվեն առանձին արձանագրություններով, ուժի մեջ կմտնեն սույն Համաձայնագրի 9-րդ հոդվածի դրույթներին համապատասխան և կհամարվեն սույն Համաձայնագրի անբաժանելի մասը:
Հոդված 11
Սույն Համաձայնագրի կիրառման և/կամ մեկնաբանման հետ կապված վիճելի հարցերը լուծվում են շահագրգիռ Կողմերի միջև՝ բանակցությունների միջոցով:
Հոդված 12
Սույն Համաձայնագիրը գործում է ուժի մեջ մտնելու օրվանից 5 տարվա ընթացքում: Այդ ժամկետը լրանալուց հետո սույն Համաձայնագիրն ինքնաբերաբար երկարաձգվում է հաջորդող հնգամյա ժամանակահատվածներով, եթե Կողմերն այլ որոշում չեն ընդունում:
Սույն Համաձայնագրի գործողությունը կարող է դադարեցվել Կողմերի ցանկությամբ, եթե Համաձայնագրից նրանց դուրս գալու հետևանքով դրա մասնակիցների թիվը դառնա երեքից պակաս:
Հոդված 13
Սույն Համաձայնագիրը բաց է Անկախ Պետությունների Համագործակցության այլ մասնակից պետությունների միանալու համար և համարվում է նրանց համար ուժի մեջ մտած միանալու մասին համապատասխան ծանուցումը ավանդապահին փոխանցելու օրվանից:
Սույն Համաձայնագիրը բաց է Անկախ Պետությունների Համագործակցության մասնակից չհանդիսացող այն երրորդ պետությունների համար, որոնք ընդունում են դրա նպատակներն ու սկզբունքները, և համարվում է ուժի մեջ մտած, եթե Կողմերից ոչ մեկը դեմ չի արտահայտվում այդպիսի միացմանը երեք ամսվա ընթացքում՝ ավանդապահի կողմից համապատասխան ծանուցում ուղարկվելու օրվանից:
Հոդված 14
Յուրաքանչյուր Կողմ կարող է դուրս գալ սույն Համաձայնագրից` այդ մասին ավանդապահին ծանուցում ուղարկելով ոչ ուշ, քան դուրս գալու օրվանից 6 ամիս առաջ:
Կատարված է Մինսկ քաղաքում 2006 թ. նոյեմբերի 24-ին, մեկ բնօրինակով՝ ռուսերեն: Բնօրինակը պահվում է Անկախ Պետությունների Համագործակցության գործադիր կոմիտեում, որը սույն Համաձայնագիրն ստորագրած յուրաքանչյուր պետության կուղարկի վերջինիս վավերացված պատճենը:
| Ադրբեջանի Հանրապետության Կառավարության կողմից |
Մոլդովայի Հանրապետության Կառավարության կողմից |
|
Հայաստանի Հանրապետության |
Ռուսաստանի Դաշնության Կառավարության կողմից |
| Բելառուսի Հանրապետության Կառավարության կողմից |
Տաջիկստանի Հանրապետության Կառավարության կողմից |
| Վրաստանի Կառավարության կողմից |
Թուրքմենստանի Կառավարության կողմից |
| Ղազախստանի Հանրապետության Կառավարության կողմից |
Ուզբեկստանի Հանրապետության Կառավարության կողմից |
| Ղրղզստանի Հանրապետության Կառավարության կողմից |
Ուկրաինայի |
|
«ԱՊՀ մասնակից պետությունների միջազգային ավտոմոբիլային փոխադրողների լրացուցիչ ուսուցման և մասնագիտական հմտությունների առնչությամբ պահանջների ներդաշնակեցման մասին» |
|
«ԱՊՀ մասնակից պետությունների միջազգային ավտոմոբիլային փոխադրողների լրացուցիչ ուսուցման և մասնագիտական հմտությունների առնչությամբ պահանջների ներդաշնակեցման մասին» |
|
«ԱՊՀ մասնակից պետությունների միջազգային ավտոմոբիլային փոխադրողների լրացուցիչ ուսուցման և մասնագիտական հմտությունների առնչությամբ պահանջների ներդաշնակեցման մասին» |