040.0703.11.11.98

«Վավերացնում եմ»

Հայաստանի Հանրապետության

Նախագահ Ռ. Քոչարյան 

11 նոյեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

11 նոյեմբերի 1998 թվականի N 703
քաղ. Երևան

ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԸ ԼՈՒԾԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության օրենսդրությամբ սահմանված կարգով լուծարել բաժնետիրական ընկերությունները` համաձայն հավելվածի:

2. Բաժնետիրական ընկերությունների լուծարման գործընթացն ապահովելու նպատակով ստեղծել լուծարքային հանձնաժողով և հաստատել դրա կազմը (կցվում է):

3. Բաժնետիրական ընկերությունների լուծարումից հետո գույքը 20-օրյա ժամկետում հանձնել Հայաստանի Հանրապետության սեփականաշնորհման նախարարության տնօրինությանը:

4. Հայաստանի Հանրապետության սեփականաշնորհման նախարարությանը` գույքն ի տնօրինություն ընդունելուց հետո մեկամսյա ժամկետում Հայաստանի Հանրապետության կառավարություն ներկայացնել առաջարկություն այն մասնավորեցնելու կամ վարձակալության հանձնելու վերաբերյալ:

5. Սույն որոշումն ուժի մեջ է մտնում 1998 թվականի նոյեմբերի 11-ից:

Հայաստանի Հանրապետության վարչապետ

Ա. Դարբինյան

Հավելված ՀՀ կառավարության 1998 թվականի նոյեմբերի 11-ի N 703 որոշման

Ց Ա Ն Կ

լուծարման ենթակա բաժնետիրական ընկերությունների

Թալինի «Արտին» ՓԲԸ

Նոյեմբերյանի «Ելակ» ՓԲԸ

Վանաձորի «Քվանտ» ՓԲԸ

«Հրազդանի հացի գործարան» ՊՓԲԸ

Հայաստանի Հանրապետության կառավարության աշխատակազմի ղեկավար, օպերատիվ հարցերի նախարար

Շ. Կարամանուկյան

Հաստատված է ՀՀ կառավարության 1998 թվականի նոյեմբերի 11-ի N 703 որոշմամբ

Կ Ա Զ Մ

բաժնետիրական ընկերությունների լուծարքային հանձնաժողովի

	Ա. Մարկոսյան	- ՀՀ սեփականաշնորհման նախարարի տեղակալ (հանձնաժողովի նախագահ)
	Մ. Միքայելյան	- ՀՀ ֆինանսների և էկոնոմիկայի նախարարի առաջին տեղակալ
	Հ. Դավթյանին	- Հայաստանի Հանրապետության ֆինանսների և էկոնոմիկայի նախարարության իրավաբանական գլխավոր վարչության պետ
	Գ. Խաչատրյան	- ՀՀ քաղաքաշինության նախարարի տեղակալ
	Ա. Հայրապետյան	- ՀՀ փոստի և հեռահաղորդակցության նախարարի տեղակալ
	Ռ. Սարգսյան	- Սյունիքի մարզպետարանի վարչության պետ
	Կ. Արեյան	- Երևանի քաղաքապետի տեղակալ
	Ա. Պետրոսյան	- Լոռու մարզպետարանի վարչության պետ

(Կազմը փոփ. 26.08.00 N 516)