040.0634.16.10.98

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
16 հոկտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հոկտեմբերի 1998 թվականի N 634
քաղ. Երևան 

ՀԱՅԿԱԿԱՆ ԵՐԿԱԹՈՒՂՈՒ ՀԱՄԱԿԱՐԳԻ ԿԱՌՈՒՑՎԱԾՔԱՅԻՆ ԵՎ ՏՆՏԵՍԱԿԱՆ ԲԱՐԵՓՈԽՈՒՄՆԵՐԻ ՄԱՍԻՆ

Ելնելով հայկական երկաթուղու համակարգի կառուցվածքային և տնտեսական բարեփոխումների անհրաժեշտությունից` Հայաստանի Հանրապետության կառավարությունը որոշում է.

1. Հավանություն տալ հայկական երկաթուղու համակարգի կառուցվածքային և տնտեսական բարեփոխումների 1998-2001 թվականների ծրագրին (կցվում է):

2. Ստեղծել Հայաստանի Հանրապետության տրանսպորտի և կապի նախարարության հայկական երկաթուղու դեպարտամենտ` գերատեսչության կարգավիճակով:

(2-րդ կետը փոփ. 31.03.00 N 139)

3. «Բաժնետիրական ընկերությունների մասին» Հայաստանի Հանրապետության օրենքի 18 և 22 հոդվածներին համապատասխան բաժանման միջոցով վերակազմավորել «ՀՀ երկաթուղի» պետական փակ բաժնետիրական ընկերությունն ու դրա դուստր ձեռնարկությունները` ստեղծելով «ՀՀ երկաթուղու փոխադրումներ», «ՀՀ երկաթուղու շարժակազմ» և «ՀՀ երկաթուղու ենթակառուցվածքներ» պետական փակ բաժնետիրական ընկերություններ:

4. «Բաժնետիրական ընկերությունների մասին» Հայաստանի Հանրապետության օրենքի 8 հոդվածի 5-րդ կետով սահմանված լիազորությունները վերապահել Հայաստանի Հանրապետության տրանսպորտի և կապի նախարարությանը:

(4-րդ կետը փոփ. 31.03.00 N 139)

5. Հայաստանի Հանրապետության տրանսպորտի և կապի նախարարությանը` 1999 թվականի առաջին եռամսյակում սահմանված կարգով Հայաստանի Հանրապետության կառավարություն ներկայացնել առաջարկություն հայկական երկաթուղու համակարգի սոցիալական ենթակառուցվածքի «Գյումրիի երկաթուղային հիվանդանոց», «Արզնու երկաթուղային հիվանդանոց-վերականգնողական կենտրոն» և «Երևանի երկաթուղային պոլիկլինիկա» պետական փակ բաժնետիրական ընկերությունների հետագա կարգավիճակի վերաբերյալ:

(5-րդ կետը փոփ. 31.03.00 N 139)

6. Հայաստանի Հանրապետության տրանսպորտի և կապի նախարարությանը և Հայաստանի Հանրապետության սեփականաշնորհման նախարարությանը` Հայաստանի Հանրապետության կառավարություն ներկայացնել առաջարկություն «Հայաստանի Հանրապետության պետական գույքի մասնավորեցման 1998-2000 թվականների ծրագրի մասին» Հայաստանի Հանրապետության օրենքում համապատասխան փոփոխություններ կատարելու մասին:

(6-րդ կետը փոփ. 31.03.00 N 139)

7. Հայկական երկաթուղու համակարգի Գյումրիի երկաթուղային տեխնիկումը և «Գուգարք» ճամբարը հանձնել Հայաստանի Հայաստանի Հանրապետության տրանսպորտի և կապի նախարարության ենթակայությանը, դրանք 1999 թվականի ընթացքում համապատասխան նախարարություններին հանձնելու նպատակով:

(7-րդ կետը փոփ. 31.03.00 N 139)

8. Սահմանել, որ «Հայաստանի Հանրապետության պետական գույքի մասնավորեցման 1998-2000 թվականների ծրագրի մասին» Հայաստանի Հանրապետության օրենքով նախատեսված` հայկական երկաթուղու համակարգի ձեռնարկությունները («Երևանի քաղաքացիական կառույցներ» պետական փակ բաժնետիրական ընկերություն, Երևանի բեռնման և բեռնաթափման պետական փակ բաժնետիրական ընկերություն, «Գյումրիի քաղաքացիական կառույցներ» պետական փակ բաժնետիրական ընկերություն, Այրումի «Լեռնագործ» պետական փակ բաժնետիրական ընկերություն, «Երևանի երկաթուղու ջրամատակարարում» պետական փակ բաժնետիրական ընկերություն և «Հայերկաթուղիմատ» պետական փակ բաժնետիրական ընկերություն) մասնավորեցնել 1999 թվականի ընթացքում:

9. Հայաստանի Հանրապետության տրանսպորտի և կապի նախարարությանը և Հայաստանի Հանրապետության սեփականաշնորհման նախարարությանը` Հայաստանի Հանրապետության կառավարություն ներկայացնել առաջարկություն հայկական երկաթուղու համակարգի Գյումրիի շինմոնտաժային պետական փակ բաժնետիրական ընկերությունը և Վանաձորի թունելակամրջային պետական փակ բաժնետիրական ընկերությունը մասնավորեցման ենթակա պետական ձեռնարկությունների ցանկում ընդգրկելու նպատակով «Հայաստանի Հանրապետության պետական գույքի մասնավորեցման 1998-2000 թվականների ծրագրի մասին» Հայաստանի Հանրապետության օրենքում լրացումներ կատարելու վերաբերյալ:

(9-րդ կետը փոփ. 31.03.00 N 139)

10. Սահմանել, որ`

ա) 1999-2001 թվականների ընթացքում երկաթուղային տրանսպորտի բեռնափոխադրումների և ուղևորափոխադրումների սակագները հաստատում է հայկական երկաթուղու դեպարտամենտը` համաձայնեցնելով Հայաստանի Հանրապետության տրանսպորտի և կապի նախարարության ու Հայաստանի Հանրապետության ֆինանսների և էկոնոմիկայի նախարարության հետ.

բ) հայկական երկաթուղու համակարգի բարեփոխումների ավարտից հետո բեռնափոխադրումների և ուղևորափոխադրումների սակագները հաստատում է այդ նպատակով ստեղծված հատուկ հանձնաժողովը:

(10-րդ կետը փոփ. 31.03.00 N 139)

11. Թույլատրել «ՀՀ երկաթուղու փոխադրումներ» պետական փակ բաժնետիրական ընկերությանը 1999-2001 թվականների ընթացքում ուղևորափոխադրումներից առաջացած վնասը փոխհատուցել բեռնափոխադրումներից ստացված շահույթի հաշվին:

12. Հայաստանի Հանրապետության տրանսպորտի և կապի նախարարությանը և Հայաստանի Հանրապետության սեփականաշնորհման նախարարությանը` «ՀՀ երկաթուղու փոխադրումներ» պետական փակ բաժնետիրական ընկերությունը 2001 թվականին մասնավորեցնելու նպատակով Հայաստանի Հանրապետության կառավարություն ներկայացնել առաջարկություն` Հայաստանի Հանրապետության պետական գույքի մասնավորեցման հետագա ծրագրում նախատեսելու համար:

(12-րդ կետը փոփ. 31.03.00 N 139)

13. Հայաստանի Հանրապետության տրանսպորտի և կապի նախարարությանը`

ա) 1999 թվականի առաջին եռամսյակում Հայաստանի Հանրապետության կառավարություն ներկայացնել «Հայկական երկաթուղու մասին» Հայաստանի Հանրապետության օրենքի նախագիծը.

բ) 15-օրյա ժամկետում սահմանված կարգով Հայաստանի Հանրապետության վարչապետի հաստատմանը ներկայացնել հայկական երկաթուղու դեպարտամենտի կանոնադրությունը և կառուցվածքը, կենտրոնական ապարատի աշխատողների, դեպարտամենտի խորհրդի անդամների և պետի տեղակալների թիվը.

գ) 2-ամսյա ժամկետում սահմանված կարգով Հայաստանի Հանրապետության կառավարություն ներկայացնել ծրագրի իրականացումն ապահովող օրենսդրական ակտերի և Հայաստանի Հանրապետության կառավարության որոշումների նախագծերը:

(13-րդ կետը փոփ. 31.03.00 N 139)

14. Հայաստանի Հանրապետության ֆինանսների և էկոնոմիկայի նախարարությանը` մեկամսյա ժամկետում Հայաստանի Հանրապետության կառավարություն ներկայացնել առաջարկություն հայկական երկաթուղու դեպարտամենտի 1998 թվականի պահպանման ծախսերի վերաբերյալ` ըստ տնտեսագիտական դասակարգման:

15. Հավանություն տալ Հայաստանի Հանրապետության երկաթուղային տրանսպորտի զարգացման 1999-2001 թվականների ռազմավարական ծրագրին (Հայաստանի Հանրապետության երկաթուղային տրանսպորտի բեռնաշրջանառությունը և ուղևորաշրջանառությունը (1999-2001 թթ.), հայկական երկաթուղու ծրագրային եկամուտները (1999-2001 թթ.), հայկական երկաթուղու վերականգնման և զարգացման 1998-2001 թվականների ծրագիրը) (կցվում է):

16. Սույն որոշումն ուժի մեջ է մտնում 1998 թվականի հոկտեմբերի 16-ից:

Հայաստանի Հանրապետության վարչապետ

Ա. Դարբինյան

Ռ Ա Զ Մ Ա Վ Ա Ր Ա Կ Ա Ն  Ծ Ր Ա Գ Ի Ր

Հայաստանի Հանրապետության երկաթուղային տրանսպորտի զարգացման 1999-2001 թվականների ՀՀ երկաթուղային տրանսպորտի բեռնաշրջանառությունը եվ ուղեվորաշրջանառությունը (1999-2001 թթ.)

Տարիները	Բեռնաշրջանառությունը		Ուղևորաշրջանառությունը
	ծավալը (մլն տ/կմ)	աճը նախորդ տարվա համեմատ (տոկոս)	ծավալը (մլն ուղ./կմ)	աճը նախորդ տարվա համեմատ (տոկոս)
1990 1995 1996 1997 1998 (սպասվելիք կատարողականը) 1999 2000 2001	4883,5 402,9 351,0 381,1 420,0 446,0 472,7 505,8	87,1 108,5 110,2 106,2 106,0 107,0	315,0 165,9 84,2 84,0 90,0 95,0 100,0 110,0	50,7 99,7 107,1 105,5 105,2 110,0

Հայկական երկաթուղու ծրագրային եկամուտները (1998-2001 թթ.)

Տարիները	Եկամուտներ բեռնափոխադրում- ներից		Եկամուտներ ուղևորափոխա- դրումներից		Օժանդակ եկամուտներ		Ընդամենը
	եկամուտը (մլն դրամ)	աճը նախորդ տարվա համեմատ	եկամուտը (մլն դրամ)	աճը նախորդ տարվա համեմատ	եկամուտը (մլն դրամ)	աճը նախորդ տարվա համեմատ	եկամուտը (մլն դրամ)	աճը նախորդ տարվա համեմատ
1998 1999 2000 2001*	4242,4 4906,0 5200,0 6353,8	110,2 115,6 160,0 122,2	122,0 270,0 285,0 313,5	107,1 221,3 105,6 110,0	61,0 91,5 109,8 131,8	17,4 150,0 120,0 120,0	4425,4 5267,5 5594,8 6799,1	115,5 119,0 106,2 121,5

* Հաշվարկը կատարված է դիֆերենցված սակագներով:

Հայկական երկաթուղու վերականգնման եվ զարգացման 1998-2001 թթ. ծրագիրը

(հազ. ԱՄՆ-ի դոլար)

NN ը/կ	Միջոցառման անվանումը	Կատարողը	Կատարման ժամկետները	Ընդհանուր արժեքը	այդ թվում`				Ընդամենը 1999-2001 թթ.
					1998	1999	2000	2001
					(ծրագիր)	(նախագիծ)
1	2	3	4	5	6	7	8	9	10
1.	Գյումրի կայարանում լոկոմոտիվային դեպոյի շինարարության ավարտումը(ջերմաքարշային արտադրամաս)	ՇՏԳ-773	1998-2001	2850	150	150	1350	1200	2700
2.	Գյումրի կայարանում վագոնային դեպոյի շինարարության ավարտը	ՇՏԳ-773	1998-2001	1000		100	500	400	1000
	ընդամենը			2850	150	250	1850	1600	3700
					փոխհատուցման ժամկետը                    8-9 տարի
					շահագործման ծախսերի նվազեցումը 435300 դոլար
	Լոկոմոտիվային տնտեսություն
3.	Էլեկտրաքարշերի հիմնական վերանորոգում	Հայկական երկաթուղի	1998-2001	5000	200	500	1000	1100	2600
4.	Գյումրիի դեպոյի ջերմաքարշերի հիմնական վերանորոգում	Հայկական երկաթուղի	1998-2001	4000		600	1000	400	2000
5.	Գյումրիի դեպոյի էլեկտրաքարշերի էլեկտրասարքավորումների հիմնական վերանորոգման կազմակերպում	Հայկական երկաթուղի	1999-2001	125		25	25	25	75
6	Էլեկտրաքարշերի շարժիչների հիմնական վերանորոգում, (ՆԲ-406, ՏԼ-27 շարժիչ-կոմպրեսորների, շարժիչ- օդափոխիչների)	«Հայէլեկտրա- մեքենա» ՊՓԲԸ	1999-2001	200		50	100	70	220
7	Անվազույգերի սանդերքի ձուլում	Փոշեմետա- լուրգիայի ինստիտուտ	1998-2001	85	10	20	45	10	75
	ընդամենը			9830	210	1295	2370	1705	5370
					փոխհատուցման ժամկետը                     8-9 տարի
					շահագործման ծախսերի նվազեցումը 631700 դոլար
8	Երևանի, Գյումրիի դեպոներում բեռնատար և ուղևորատար վագոնների հիմնական վերանորոգման կազմակերպում	Հայկական երկաթուղի	1999-2001	8500		2000	3000	3500	8500
	ընդամենը			8770		2090	3150	3530	8770
					փոխհատուցման ժամկետը                     4-5 տարի
					շահագործման ծախսերի նվազեցումը 1948800 դոլար
	Գծային տնտեսություն
9	Գլխավոր գծի հիմնական վերանորոգում	Հայկական երկաթուղի	1998-2001	20000	2000	4000	5000	3000	12000
10	Փոխադրիչ փայտե կոճղերի փոխարինումը երկաթբետոնով	Հայկական երկաթուղի	1999-2001	3000		1000	1500	500	3000
11	Երկաթբետոնե կոճերի ձեռքբերում	Չարենցավանի «Հայավտո» ԱՄ	1999-2001	3000		500	1500	1000	3000
12	Գծերի վերին կառույցների պատրաստում (Ռ-65 ռելսերի համար տակդիր, մակարդակ և այլն)	Չարենցավանի «Հայավտո» ԱՄ	1999-2001	1000	100	300	300	300	900
13	Ֆրանսիայի «Ջեյսմար» ֆիրմայի մեքենաների և մեխանիզմների օգտագործում	Հայկական երկաթուղի	1998-2001	300	50	100	100	50	250
14	Գծային մեքենայական կայանի վերակառուցում	Հայկական երկաթուղի	1999-2001			200	100		300
	ընդամենը			27300	2150	6100	8500	4850	19450
					փոխհատուցման ժամկետը                     7-8 տարի
					շահագործման ծախսերի նվազեցումը 2593000 դոլար
	Էներգատնտեսություն
15	Քարշային ենթակայաններում փոխակերպող ագրեգատների վերականգնում	«Տրանզիս- տոր» ԳԱՄ	1999-2001	300		100	150	50	300
16	Կոռոզիայի ենթարկված հենարանների փոխարինում	Հայկական երկաթուղի	1999-2001	150		50	100		150
17	Կոնտակտային հաղորդալարերի փոխարինում	Հայկական երկաթուղի	1998-2001	650	90	160	300	100	560
18.	Քարշային ենթակայանների ֆիդերների ուժեղացում	Հայկական երկաթուղի	1999-2000	200		50	150		200
	ընդամենը			1300	90	360	700	150	1210
					փոխհատուցման ժամկետը                     2-3 տարի
					շահագործման ծախսերի նվազեցումը 484000 դոլար
	Ավտոմատիկա, հեռուստամեխանիկա և կապ
19.	Էներգադիսպետչերական կապի վերակառուցում	Հայկական երկաթուղի	1999-2000			80	120		200
20.	Գնացքադիսպետչերական կապի վերակառուցում	Հայկական երկաթուղի	1999-2000	200		100	100		200
21.	Փաստաթղթերի մշակման համակարգչային համակարգի ներդրում	Հայկական երկաթուղի	1999-2000	500		200	200	100	500
	ընդամենը			900		380	420	100	900
					փոխհատուցման ժամկետը                          2 տարի
					շահագործման ծախսերի նվազեցումը 450000 դոլար
	Ընդամենը			52100		10475	16990	11935	39400
					փոխհատուցման ժամկետը                 10 տարի
					շահագործման ծախսերի նվազեցումը 3940000 դոլար