ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 հունիսի 2010 թվականի N 752-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության Արմավիրի մարզի Ակնալճի գյուղական համայնքի Նաիրյան թաղամասի` 4-րդ աստիճանի վնասվածություն ունեցող, քանդման ենթակա N 1 բազմաբնակարան շենքի բնակիչների` համաձայն հավելվածի, վերաբնակեցման` բնակարանային խնդիրների լուծման համար Հայաստանի Հանրապետության Արմավիրի մարզպետարանին 2010 թվականի երրորդ եռամսյակում հատկացնել 61,191 հազ. դրամ` Հայաստանի Հանրապետության 2010 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին (բյուջետային ծախսերի տնտեսագիտական դասակարգման «Այլ կապիտալ դրամաշնորհներ» հոդվածով):

2. Սահմանել, որ`

1) սույն որոշման 1-ին կետում նշված անձանց բնակարանային խնդիրները լուծվում են անհատույց պետական ֆինանսական աջակցության (այսուհետ` աջակցություն) տրամադրման միջոցով` շուկայից պատրաստի բնակելի տուն (բնակարան) ձեռք բերելու համար.

2) սույն որոշման 1-ին կետում նշված անձանց տրամադրված աջակցության չափից ցածր արժողությամբ բնակելի տան (բնակարանի) ձեռքբերման դեպքում արժեքների տարբերությունը մնում է աջակցություն ստացող անձի տրամադրության տակ, իսկ ավելի բարձրի դեպքում` արժեքների տարբերությունը լրացվում է աջակցություն ստացողի սեփական միջոցների հաշվին.

3) աջակցության տրամադրման պայմանների կատարման և տրամադրվող գումարի նպատակային օգտագործման նկատմամբ կողմերի պարտավորություններն ու իրավունքները սահմանվում են մարզպետի և քաղաքացու միջև կնքված` Հայաստանի Հանրապետության օրենսդրությամբ սահմանված կարգով աջակցություն ստանալու մասին պայմանագրով.

4) աջակցության միջոցով բնակելի տան (բնակարանի) ձեռքբերման ժամկետը սահմանվում է աջակցություն ստացող քաղաքացու և մարզպետի միջև աջակցության տրամադրման մասին պայմանագրի կնքման օրվանից 6 ամիս:

3. Հայաստանի Հանրապետության Արմավիրի մարզպետին` սույն որոշման 1-ին կետում նշված անձանց աջակցությունը տրամադրել Հայաստանի Հանրապետության կառավարության 2000 թվականի հոկտեմբերի 25-ի «Հայաստանի Հանրապետության տարածքում (բացառությամբ աղետի գոտու վերականգնման առաջնահերթ ծրագրում ընդգրկված բնակավայրերի) քանդման ենթակա վթարային բնակելի տների բնակիչների բնակարանային խնդիրները լուծելու մասին» N 682 որոշման 2-րդ կետի «ա» ենթակետով հաստատված կարգի դրույթների համաձայն:

Հայաստանի Հանրապետության վարչապետ	Տ. Սարգսյան
2010 թ. հունիսի 22 Երևան

Հավելված  ՀՀ կառավարության 2010 թվականի  հունիսի 17-ի N 752-Ա որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ԱԿՆԱԼՃԻ ԳՅՈՒՂԱԿԱՆ ՀԱՄԱՅՆՔԻ ՆԱԻՐՅԱՆ ԹԱՂԱՄԱՍԻ N 1 ԲԱԶՄԱԲՆԱԿԱՐԱՆ ՇԵՆՔԻ ԲՆԱԿԻՉՆԵՐԻ

NN ը/կ	Ազգանունը, անունը և հայրանունը	Հասանելիք բնակարանի սենյակների թիվը	Տրամադրվող ֆինանսական աջակցության չափը (հազ. դրամ)
1.	Բեգլարյան Սողոմոն Եղիշի	2	8,629.5
2.	Հարությունյան Մայիսիկ Արտավազդի	1	7,060.5
3.	Գահամանյան Սեյրան Ալեքսանի	1	7,060.5
4.	Տեփանյան Դանիել Գարուշի	1	7,060.5
5.	Գրիգորով Ֆեդիկ Միսիրի	2	8,629.5
6.	Գաբրիելյան Սամվել Ռաֆիկի	1	7,060.5
7.	Վարդանյան Ռուզաննա Սաշայի	2	8,629.5
8.	Բադալյան Կամսար Նապոլեոնի	1	7,060.5

Հայաստանի Հանրապետության կառավարության աշխատակազմի ղեկավար

Դ. Սարգսյան