ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ
 

10 մարտի 2010 թվականի N 157-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅՈՒՆ ՄՈՍԿՎԱ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. «Նոր նախաձեռնություններ ԱՊՀ-ում Ռուսաստանի նախագահության տարում» ԱՊՀ մասնակից պետությունների միջազգային տնտեսական ֆորումին մասնակցելու նպատակով 2010 թվականի մարտի 4-5-ը Մոսկվա (Ռուսաստանի Դաշնություն) գործուղել Հայաստանի Հանրապետության պատվիրակություն՝ համաձայն հավելվածի:

2. Հայաստանի Հանրապետության պատվիրակության կազմում ընդգրկել նաև Ռուսաստանի Դաշնությունում Հայաստանի Հանրապետության արտակարգ և լիազոր դեսպան Օ. Եսայանին:

3. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարար Ա. Գևորգյանին և Հայաստանի Հանրապետության տարածքային կառավարման նախարարի խորհրդական Ս. Ամիրբեկյանին շարունակել գործուղումը մինչև մարտի 6-ը՝ ԱՊՀ տնտեսական համագործակցության հարցերով 45-րդ նիստին մասնակցելու, Ռուսաստանի Դաշնության կառավարության նախագահի առաջին տեղակալ Ի. Շուվալովի և Ռուսատանի Դաշնության տարածքային զարգացման նախարար Վ. Բասարգինի հետ հանդիպելու համար:

4. Ա. Գևորգյանի և Ս. Ամիրբեկյանի՝ Մոսկվա գործուղման հետ կապված ծախսերը կատարել 2010 թվականի պետական բյուջեով արտաuահմանյան պաշտոնական գործուղումների համար նախատեuված միջոցների հաշվին՝ համաձայն փաստացի կատարված ծախսերը հիմնավորող փաստաթղթերի:

5. Ա. Գալստյանի, Գ. Քոչարյանի և Ա. Հարությունյանի՝ Մոսկվա գործուղման հետ կապված ծախսերը կատարել 2010 թվականի պետական բյուջեով արտաuահմանյան պաշտոնական գործուղումների համար նախատեuված միջոցների հաշվին:

6. Ընդունել ի գիտություն, որ Մոսկվա գործուղման հետ կապված ծախսերը կկատարվեն`

1) Շ. Քոչարյանինը՝ Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին.

2) Ա. Ղազարյանինը և Ա. Տոնոյանինը՝ Հայաստանի արդյունաբերողների և գործարարների (գործատուների) միության հաշվին.

3) Բ. Ենգիբարյանինը՝ «Ձեռնարկությունների ինկուբատոր» հիմնադրամի հաշվին։

7. Հայաստանի Հանրապետության արտաքին գործերի նախարարին՝ լուծել Հայաստանի Հանրապետության պատվիրակության Մոսկվա մեկնելու հետ կապված հարցերը:

8. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարար Ա. Գևորգյանին՝ գործուղումից վերադառնալուց հետո եռօրյա ժամկետում Հայաստանի Հանրապետության վարչապետին ներկայացնել Մոսկվա գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2010 թ. մարտի 10 Երևան

Հավելված  ՀՀ վարչապետի 2010 թ. մարտի 10-ի N 157-Ա որոշման

Կ Ա Զ Մ

2010 ԹՎԱԿԱՆԻ ՄԱՐՏԻ 4-5-Ը ՄՈՍԿՎԱ (ՌՈՒՍԱՍՏԱՆԻ ԴԱՇՆՈՒԹՅՈՒՆ) ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ

Ա. Գևորգյան	- ՀՀ փոխվարչապետ, ՀՀ տարածքային կառավարման նախարար (պատվիրակության ղեկավար)
Շ. Քոչարյան	- ՀՀ արտաքին գործերի նախարարի տեղակալ
Ա. Գալստյան	- ՀՀ էներգետիկայի և բնական պաշարների նախարարի տեղակալ
Ս. Հարությունյան	- ՀՀ կրթության և գիտության նախարարության գիտության  պետական կոմիտեի նախագահ
Ս. Ամիրբեկյան	- ՀՀ տարածքային կառավարման նախարարի խորհրդական
Գ. Քոչարյան	- ՀՀ էկոնոմիկայի նախարարության աշխատակազմի առևտրի և արդյունավետ շուկաների վարչության պետ
Ա. Ղազարյան	- Հայաստանի արդյունաբերողների և գործարարների (գործատուների) միության նախագահ (համաձայնությամբ)
Ա. Տոնոյան	- Հայաստանի արդյունաբերողների և գործարարների (գործատուների) միության նախագահության անդամ (համաձայնությամբ)
Բ. Ենգիբարյան	- «Ձեռնարկությունների ինկուբատոր» հիմնադրամի տնօրեն (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան