«Գրանցված է»

ՀՀ արդարադատության

նախարարության կողմից

26 փետրվարի 2010 թ.

Պետական գրանցման թիվ 60310111

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

25 հունվարի 2010 թ. ք. Երևան

թիվ 01-Ն

Ո Ր Ո Շ ՈՒ Մ

ՎԻՃԱԿԱԳՐԱԿԱՆ ՆՊԱՏԱԿՆԵՐՈՎ «ՎԻՃԱԿԱԳՐՈՒԹՅԱՆ ՀԱՄԱՐ ՏԱՐԱԾՔԱՅԻՆ ՄԻԱՎՈՐՆԵՐԻ ՀԱՅԱՍՏԱՆԻ ԴԱՍԱԿԱՐԳԻՉԸ» ՀԱՍՏԱՏԵԼՈՒ ՄԱՍԻՆ

Հիմք ընդունելով «Հայաստանի Հանրապետության 2007-2009 թվականների պետական վիճակագրական աշխատանքների եռամյա ծրագիրը հաստատելու մասին» Հայաստանի Հանրապետության օրենքի Մաս 1-ի զ/ կետը, ՀՀ Նախագահի 2009 թվականի մայիսի 6-ի «Եվրոպական հարևանության քաղաքականության Հայաստանի Հանրապետություն-Եվրոպական Միություն գործողությունների ծրագրի կատարումն ապահովող 2009-2011 թվականների միջոցառումների ցանկը հաստատելու մասին» թիվ ՆԿ-68-Ա կարգադրության 83-րդ կետը և ղեկավարվելով «Պետական վիճակագրության մասին» Հայաստանի Հանրապետության օրենքի 10-րդ հոդվածի երրորդ մասի ե) կետով՝ Հայաստանի Հանրապետության վիճակագրության պետական խորհուրդը որոշում է.

Հաստատել «Վիճակագրության համար տարածքային միավորների Հայաստանի դասակարգիչը»՝ համաձայն հավելվածի:

Նախագահ

Ս. Մնացականյան

Հավելված ՀՀ վիճակագրության պետական խորհրդի 2010 թվականի հունվարի 25-ի թիվ 01-Ն որոշման

Վիճակագրության համար տարածքային միավորների Հայաստանի դասակարգիչ

1. Ելակետային տեղեկատվություն

1) Հայաստանի Հանրապետությունը գտնվում է Ասիայի արևմուտքում: Գրավում է Հայկական լեռնաշխարհի հյուսիս-արևելյան հատվածը՝ Կովկասի և Առաջավոր Ասիայի միջև (Կուր և Արաքս գետերի միջին հոսանքների միջգետային տարածքը): Հյուսիսից և արևելքից սահմանակից է Վրաստանին և Ադրբեջանին, իսկ արևմուտքից և հարավից՝ Թուրքիային և Իրանին: Երկրի տարածքը կազմում է 29743կմ2:

2) Հայաստանի Հանրապետության (ՀՀ) վարչատարածքային բաժանման հիմքը 1995թ. դեկտեմբերի 4-ին ընդունված «Հայաստանի Հանրապետության վարչատարածքային բաժանման մասին» ՀՀ օրենքն է: ՀՀ տարածքը բաժանվում է 10 մարզի: Մայրաքաղաք Երևանը, համաձայն «Երևան քաղաքում տեղական ինքնակառավարման մասին» ՀՀ օրենքի ունի համայնքի (նախկինում՝ մարզի) կարգավիճակ` 12 վարչական շրջաններով:

2. ՀՀ վարչատարածքային բաժանումը և հիմնական բնութագրիչները 2009թ. հունվարի 1-ի դրությամբ

3. ՀԱՅԱՍՏԱՆ (ըստ «Տարածքային միավորների Եվրոպական դասակարգչի» (այսուհետ՝ ՏՄԵԴ)

1-3 մեթոդաբանության)

Ծածկագիր	Տարածքային միավորների Եվրոպական դասակարգիչ 1	Տարածքային միավորների Եվրոպական դասակարգիչ 2	Տարածքային միավորների Եվրոպական դասակարգիչ 3
ԱՄ
ԱՄ 0	Հայաստան
ԱՄ 01		Մայրաքաղաք Երևան
ԱՄ 010			Մայրաքաղաք Երևան
ԱՄ 02		Երկրորդ շրջան
ԱՄ 021			Արարատի մարզ
ԱՄ 022			Արմավիրի մարզ
ԱՄ 023			Կոտայքի մարզ
ԱՄ 03		Երրորդ շրջան
ԱՄ 031			Լոռու մարզ
ԱՄ 032			Շիրակի մարզ
ԱՄ 033			Արագածոտնի մարզ
ԱՄ 04		Չորրորդ շրջան
ԱՄ 041			Սյունիքի մարզ
ԱՄ 042			Վայոց ձորի մարզ
ԱՄ 043			Գեղարքունիքի մարզ
ԱՄ 044			Տավուշի մարզ

4. ՀԱՅԱՍՏԱՆ (ըստ «Տարածքային միավորների Եվրոպական դասակարգչի» 1-5 մեթոդաբանության)

1) Տեղական վարչական միավոր 1 մակարդակում բաշխումը կարելի է կատարել ըստ խոշորացված համայնքների և/կամ համայնքների միությունների:

2) Տեղական վարչական միավոր 2 մակարդակում ներկայացվում են Երևանի վարչական շրջանները և մարզերի համայնքները:

5. Տարածքների մակերեսը (կմ2)

6. Տարածքների բնակչությունը (հազար մարդ)

	ՏՄԵԴ 1	ՏՄԵԴ 2	ՏՄԵԴ 3	ՏՄԵԴ 1	ՏՄԵԴ 2	ՏՄԵԴ 3	ՏՄԵԴ 1	ՏՄԵԴ 2	ՏՄԵԴ 3
	Միջին	Միջին	Միջին	Նվազա- գույն	Նվազա- գույն	Նվազա- գույն	Առավե-լագույն	Առավե-լագույն	Առավե-լագույն
ԵՄ 27	5 081	1 819	378	27	27	10	18 067	11 360	5 218
ԱՄ	3 238.4	809.6	294.4	3 238.4	582.7	55.7	3 238.4	1 111.3	1 111.3

7. «Տարածքային միավորների Եվրոպական դասակարգիչ 2» մակարդակում դասակարգված միավորների հիմնական բնութագրիչները

Միավորի անվանումը	Տարածքը, կմ2	Բնակչության թվաքանակ հազար մարդ	Բնակչության խտությունը, մարդ/ կմ2	Համայնքների թիվը Ընդամենը	Որից
					Քաղա-քային	Գյուղական	Վարչական շրջաններ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ	29743	3238.4	109	915	49	866	12
Ք. ԵՐԵՎԱՆ (Համայնք)	227	1111.3	4896	1	1	-	12
Երկրորդ շրջան	5427	840.2	155	261	14	247	-
Երրորդ շրջան	9223	703.9	76	346	14	332	-
Չորրորդ շրջան	14866	582.7	39	307	20	287	-