ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ
 

2 փետրվարի 2010 թվականի N 47-Ա

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

 Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Հայաստանի Հանրապետության կողմից տրամադրված լիցենզիաների, տրամադրման գործող մեխանիզմների արդյունավետության, տեղական ինքնակառավարման մարմինների, տարածքային կառավարման մարմինների և գործադիր իշխանության հանրապետական մարմինների համագործակցության արդյունավետության բարձրացման, ինչպես նաև օրենսդրական բարեփոխումներ իրականացնելու նպատակահարմարությունը որոշելու նպատակով ստեղծել միջգերատեսչական աշխատանքային խումբ և հաստատել դրա կազմը` համաձայն հավելվածի:

2. Միջգերատեսչական աշխատանքային խմբին` մինչև 2010 թվականի դեկտեմբերի 30-ը Հայաստանի Հանրապետության կառավարության քննարկմանը ներկայացնել Հայաստանի Հանրապետության տրամադրված լիցենզիաների, տրամադրման գործող մեխանիզմների արդյունավետության, տեղական ինքնակառավարման մարմինների, տարածքային կառավարման մարմինների և հանրապետական գործադիր մարմինների համագործակցության արդյունավետության բարձրացման, ինչպես նաև օրենսդրական բարեփոխումների վերաբերյալ հայեցակարգ:

Հայաստանի Հանրապետության վարչապետ	Տ. Սարգսյան
2010 թ. փետրվարի 2 Երևան

Հավելված ՀՀ վարչապետի 2010 թ. փետրվարի 2-ի N 47-Ա որոշման

Կ Ա Զ Մ

ՄԻՋԳԵՐԱՏԵՍՉԱԿԱՆ ԱՇԽԱՏԱՆՔԱՅԻՆ ԽՄԲԻ

Ա. Բախշյան	- ՀՀ տարածքային կառավարման նախարարի տեղակալ (աշխատանքային խմբի ղեկավար)
Վ. Վարդանյան	- ՀՀ էներգետիկայի և բնական պաշարների նախարարության աշխատակազմի ընդերքի վարչության պետ
Վ. Ավետիսյան	- ՀՀ բնապահպանության նախարարության աշխատակազմի ընդերքի, հողերի պահպանության և երկրաբանական մոնիթորինգի վարչության պետ
Հ. Ամիրաղյան	- ՀՀ հանրային ծառայությունները կարգավորող հանձնաժողովի իրավաբանական և լիզենզավորման վարչության պետ (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան