«Վավերացնում եմ»
Հայաստանի Հանրապետության
Նախագահ Ռ. Քոչարյան
3 հունիսի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 հունիսի 2002 թվականի N 674
քաղ. Երևան

«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ ԿԻՐԱՐԿՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

«Պետական տուրքի մասին» Հայաստանի Հանրապետության օրենքի կիրարկումն ապահովելու և պետական տուրքի հաշվարկման ու վճարման (գանձման) արդյունավետությունը բարձրացնելու նպատակով, ինչպես նաև հաշվի առնելով «Հարկերի մասին» Հայաստանի Հանրապետության օրենքի 20-րդ հոդվածի և «Լիցենզավորման մասին» Հայաստանի Հանրապետության օրենքի 22-րդ հոդվածի 3-րդ կետի պահանջները՝ Հայաստանի Հանրապետության կառավարությունը որոշում է.

1. Սահմանել, որ «Լիցենզավորման մասին» Հայաստանի Հանրապետության օրենքով, Հայաստանի Հանրապետության ընդերքի մասին օրենսգրքով և «Ընդերքն օգտակար հանածոների շահագործման նպատակով ուսումնասիրության և արդյունահանման համար տրամադրելու (կոնցեսիայի) մասին» Հայաստանի Հանրապետության օրենքով սահմանված լիցենզավորող լիազորված մարմինները յուրաքանչյուր ամսվա համար մինչև այդ ամսվան հաջորդող ամսվա 15-ը Հայաստանի Հանրապետության կառավարությանն առընթեր պետական եկամուտների կոմիտե են ներկայացնում տեղեկություններ`

ա) սույն որոշմանը կից N 1 ձևով` յուրաքանչյուր ամսվա ընթացքում իրենց կողմից տրված լիցենզիաների մասին,

բ) սույն որոշմանը կից N 2 ձևով` գործող լիցենզիաների մասով հաշվետու ամսվա ընթացքում գործողության ժամկետի երկարաձգման, վերաձևակերպման, գործողության կասեցման և դադարեցման մասին:

(1-ին կետը փոփ. 22.01.09 N 78-Ն, խմբ. 29.10.09 N 1248-Ն)

2. Առաջարկել Հայաստանի Հանրապետության կենտրոնական բանկին, Հայաստանի Հանրապետության հանրային ծառայությունները կարգավորող հանձնաժողովին ու Հայաստանի Հանրապետության հեռուստատեսության և ռադիոյի ազգային հանձնաժողովին սույն որոշման 1-ին կետի «ա» և «բ» ենթակետերում նշված տեղեկությունները սույն որոշմամբ սահմանված կարգով ու ժամկետներում ներկայացնել Հայաստանի Հանրապետության կառավարությանն առընթեր պետական եկամուտների կոմիտե։

(2-րդ կետը փոփ. 22.01.09 N 78-Ն, 29.10.09 N 1248-Ն)

3. Լիազոր մարմինները սույն որոշման 1-ին կետի «ա» և «բ» ենթակետերում նշված տեղեկությունները Հայաստանի Հանրապետության կառավարությանն առընթեր պետական եկամուտների կոմիտե են ներկայացնում փաստաթղթային տեսքով և էլեկտրոնային եղանակով («Microsoft Excel» համակարգչային ծրագրի ձևաչափով)։

(3-րդ կետը փոփ. 22.01.09 N 78-Ն, 29.10.09 N 1248-Ն)

4. (4-րդ կետն ուժը կորցրել է 29.10.09 N 1248-Ն)

5. Ուժը կորցրած ճանաչել Հայաստանի Հանրապետության կառավարության 1997 թվականի հուլիսի 24-ի «Հայաստանի Հանրապետության հարկային տեսչությանը տեղեկություններ հաղորդելու (տրամադրելու) մասին» N 294 որոշման 1-ին կետի «ե» ենթակետը:

6. Սույն որոշումն ուժի մեջ է մտնում պաշտոնական հրապարակման պահից:

Հայաստանի Հանրապետության վարչապետ

Ա. Մարգարյան

Ձև N 1

 Տ Ե Ղ Ե Կ ՈՒ Թ Յ ՈՒ Ն Ն Ե Ր

20_թ._________________________ամսվա համար

___________________________________________

(տեղեկություններ ներկայացնող լիցենզավորող լիազոր մարմնի անվանումը)

Տեղեկություններին կցվող էջերի քանակը (լրացվում է թվերով և տառերով)

Տեղեկություններ ներկայացնելու ամսաթիվը, ամիսը և տարեթիվը 

 

NN ը/կ	Տեղեկություններ լիցենզավորված անձանց վերաբերյալ				Տեղեկություններ լիցենզիաների վերաբերյալ						Ծանոթա-գրություն
	Իրավաբանական անձի անվանումը, կազմակերպական-իրավական ձևը, անհատ ձեռնարկատիրոջ անունը, ազգանունը, ֆիզիկական անձի անունը, ազգանունը, սոցիալական ապահովության քարտի համարը (առկայության դեպքում)	Հարկ վճարողի հաշվառման համարը (ՀՎՀՀ)	Իրավաբանական անձի գտնվելու (անհատ ձեռնարկատիրոջ բնակության) վայրը	Գործունեության իրականացման վայրի հասցեն	Սերիան	Համարը	Գործունեության տեսակը	Տրամադրման ամսաթիվը	Գործողության ժամկետի ավարտը	Լիցենզիան ստանալու համար պետական տուրքի վճարման ամսաթիվը
1.	2.	3.	4.	5.	6.	7.	8.	9.	10.	11.	12.

Կատարող	______________________________________      (պաշտոնը, ստորագրությունը, անունը, ազգանունը)
Հեռախոսահամարը	______________________________________
Ստորաբաժանման ղեկավար	______________________________________      (պաշտոնը, ստորագրությունը, անունը, ազգանունը)

(Ձևը լրաց. 02.12.04 N 1852-Ն, խմբ. 29.10.09 N 1248-Ն)

Ձև N 2

Տ Ե Ղ Ե Կ ՈՒ Թ Յ ՈՒ Ն Ն Ե Ր

20_թ. _________________________ ամսվա համար

(տեղեկություններ ներկայացնող լիցենզավորող լիազոր մարմնի անվանումը)

Տեղեկություններին կցվող էջերի քանակը (լրացվում է թվերով և տառերով)

Տեղեկություններ ներկայացնելու ամսաթիվը, ամիսը և տարեթիվը 

Կատարող	______________________________________      (պաշտոնը, ստորագրությունը, անունը, ազգանունը)
Հեռախոսահամարը	______________________________________
Ստորաբաժանման ղեկավար	______________________________________      (պաշտոնը, ստորագրությունը, անունը, ազգանունը)

(Ձևը լրաց. 02.12.04 N 1852-Ն, խմբ. 29.10.09 N 1248-Ն)