ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 օգոստոսի 2009 թվականի N 964-Ա

ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ ՆԱԽԱԳԾԻ ԻՐԱԿԱՆԱՑՄԱՆ ՇՐՋԱՆԱԿՆԵՐՈՒՄ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հյուսիս-հարավ ճանապարհային միջանցքի զարգացման ծրագրի շրջանակներում Երևան-Գյումրի-Վրաստանի սահման (Մ1) Հայաստանի Հանրապետության միջպետական ճանապարհի Երևան-Աշտարակ հատվածի շինարարության նախագծահաշվարկային աշխատանքներն իրականացնելու նպատակով Հայաստանի Հանրապետության 2009 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության տրանսպորտի և կապի նախարարությանը հատկացնել 18500000 դրամ` նշված գումարը 2009 թվականի ընթացքում վերադարձնելու պայմանով:

2. Հայաստանի Հանրապետության տրանսպորտի և կապի նախարարին` Ասիական զարգացման բանկից սույն որոշման 1-ին կետում նշված գումարն ստանալուց հետո ապահովել նշված գումարը Հայաստանի Հանրապետութան կառավարության պահուստային ֆոնդ վերադարձը:

Հայաստանի Հանրապետության վարչապետ	Տ. Սարգսյան
2009 թ. օգոստոսի 25 Երևան