ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 հոկտեմբերի 2009 թվականի N 1271-Ա

ԵԿԱՄՏԱՅԻՆ ՀԱՐԿԻ ԵՎ ԿՈՒՏԱԿԱՅԻՆ ՎՃԱՐԻ ԱՆՁՆԱՎՈՐՎԱԾ ՀԱՇՎԱՌՄԱՆ ՀԱՄԱԿԱՐԳԻ ՆԵՐԴՐՄԱՆ ՄԱՍԻՆ

«Իրավական ակտերի մասին» Հայաստանի Հանրապետության օրենքի 14-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.

1. Եկամտային հարկի և կուտակային վճարի անձնավորված հաշվառման համակարգի ներդրումը համարել Համաշխարհային բանկի սոցիալական պաշտպանության ոլորտի կառավարման վարկային ծրագրի բաղադրիչ և հավանություն տալ եկամտային հարկի և կուտակային վճարի անձնավորված հաշվառման համակարգի ներդրման գնահատման միջոցառումներին` համաձայն N 1 հավելվածի:

2. Հավանություն տալ եկամտային հարկի և կուտակային վճարի անձնավորված հաշվառման համակարգի համակարգչային ծրագրի տեխնիկական մասնագրերին` համաձայն N 2 հավելվածի:

3. Հայաստանի Հանրապետության աշխատանքի և սոցիալական հարցերի նախարարին` Հայաստանի Հանրապետության կառավարությանն առընթեր պետական եկամուտների կոմիտեի նախագահի հետ համատեղ, հիմք ընդունելով եկամտային հարկի և կուտակային վճարի անձնավորված հաշվառման համակարգի համակարգչային ծրագրի տեխնիկական մասնագրերը, համագործակցելով Համաշխարհային բանկի հետ, ձևավորել տեխնիկական առաջադրանք, որի հիման վրա Համաշխարհային բանկի ընթացակարգերին համապատասխան անցկացնել մրցույթ` Հայաստանի Հանրապետության ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկի միջոցով:

Հայաստանի Հանրապետության վարչապետ	Տ. Սարգսյան
2009 թ. նոյեմբերի 16 Երևան

Հավելված N 1 ՀՀ կառավարության 2009 թվականի հոկտեմբերի 29-ի N 1271-Ա որոշման

Մ Ի Ջ Ո Ց Ա Ռ ՈՒ Մ Ն Ե Ր

ԵԿԱՄՏԱՅԻՆ ՀԱՐԿԻ ԵՎ ԿՈՒՏԱԿԱՅԻՆ ՎՃԱՐԻ ԱՆՁՆԱՎՈՐՎԱԾ ՀԱՇՎԱՌՄԱՆ ՀԱՄԱԿԱՐԳԻ ՆԵՐԴՐՄԱՆ ԳՆԱՀԱՏՄԱՆ

Գործառույթի անվանումը	Գնահատմանը ներկայացվող պահանջները	Ակնկալվող արդյունքը	Գնահատման պատասխանատու կատարողը (համակատարողները)
1	2	3	4
1. Համակարգչային ծրագրի մշակման և ներդրման գնահատում` ըստ տեխնիկական մասնագրերի	Գնահատումը պետք է ներառի համակարգչային ծրագրի բոլոր մոդուլների մշակումը (այդ թվում` էլեկտրոնային հաշվետվությունները ներկայացնելու առցանց և արտացանց ծրագրերի մշակումը՝ մոդուլ 4), ծրագրի փորձարկումը, տեղակայումը, կոնֆիգուրացումը, շահագործող անձնակազմի ուսուցումը, համապատասխան ձեռնարկների մշակումը, երաշխիքային սպասարկումը:	ըստ տեխնիկական մասնագրերի համակարգչային ծրագրի մշակման և ներդրման ֆինանսական գնահատման վերաբերյալ փաստաթուղթ (հայերեն և անգլերեն)	ՀՀ էկոնոմիկայի նախարարություն ՀՀ կառավարությանն առընթեր պետական եկամուտների կոմիտե ՀՀ ֆինանսների նախարարություն ՀՀ աշխատանքի և սոցիալական հարցերի նախարարություն դոնոր կազմակեր-պություններ
2. Հիմնական համակարգի հետ տվյալների փոխանակում իրականացնող այլ ծրագրային մոդուլների մշակման և ներդրման գնահատում	ՀՀ կառավարությանն առընթեր պետական եկամուտների կոմիտե-գանձապետարան, ՀՀ կառավարությանն առընթեր պետական եկամուտների կոմիտե-ՀՀ աշխատանքի և սոցիալական հարցերի նախարարություն, ՀՀ կառավարությանն առընթեր պետական եկամուտների կոմիտե-Հայաստանի կենտրոնական դեպոզիտարիա, Հայաստանի կենտրոնական դեպոզիտարիա-ՀՀ աշխատանքի և սոցիալական հարցերի նախարարություն տվյալների փոխանակմանը ներկայացվող պահանջների վերաբերյալ փաստաթղթերի հիման վրա կկատարվեն համապատասխան մոդուլների մշակման, ներդրման, փորձարկման, սպասարկման, ուսուցման գնահատում (այդ թվում` նաև ֆինանսական գնահատում):	յուրաքանչյուր գերատեսչությունում ծրագրային մոդուլների մշակման և ներդրման վերաբերյալ փաստաթուղթ` ըստ գնահատմանը ներկայացվող պահանջների	ՀՀ կառավարությանն առընթեր պետական եկամուտների կոմիտե ՀՀ ֆինանսների նախարարություն ՀՀ աշխատանքի և սոցիալական հարցերի նախարարություն դոնոր կազմակեր- պություններ
3. Համակարգի շահագործումն ապահովող համա- կարգչային տեխնիկայի գնահատում	Գնահատումը պետք է ներառի`  ● եկամտային հարկի և կուտակային վճարի անձնավորված հաշվառման համակարգի անխափան շահագործման համար անհրաժեշտ համակարգչային տեխնիկային ներկայացվող նվազագույն պահանջները, անհրաժեշտ համակարգչային տեխնիկայի ցանկը և ֆինանսական գնահատականը,  ● եկամտային հարկի և կուտակային վճարի անձնավորված հաշվառման համակարգի անխափան շահագործման համար ՀՀ կառավարությանն առընթեր պետական եկամուտների կոմիտեի հարկային տեսչություններում անհրաժեշտ նոր համակարգչային տեխնիկային ներկայացվող նվազագույն պահանջները, ցանկը և ֆինանսական գնահատականը՝ հիմնված առկա վիճակի վերլուծության վրա, ● հիմնական համակարգի հետ տվյալների փոխանակում իրականացնող այլ ծրագրային մոդուլների շահագործման համար անհրաժեշտ համակարգչային տեխնիկային ներկայացվող նվազագույն պահանջները, անհրաժեշտ համակարգչային տեխնիկայի ցանկը և ֆինանսական գնահատականը:	համակարգի շահագործումն ապահովող համակարգչային տեխնիկայի ցանկը և ֆինանսական գնահատականը ներկայացնող փաստաթուղթ	ՀՀ կառավարությանն առընթեր պետական եկամուտների կոմիտե ՀՀ աշխատանքի և սոցիալական հարցերի նախարարություն դոնոր կազմակեր- պություններ
4. Համակարգի շահագործման համար անհրաժեշտ լիցենզավորված ծրագրային փաթեթների ձեռքբերման գնահատում	Գնահատումը պետք է ներառի համակարգի շահագործման համար անհրաժեշտ պատրաստի լիցենզավորված ծրագրային փաթեթների ցանկը, ֆինանսական գնահատականը և ձեռքբերման ժամանակացույցը (համակարգչային ծրագրի ներդրման որ փուլում արդեն պետք է տեղակայված լինի համակարգչային տեխնիկան):	լիցենզավորված ծրագրային ապահովման գնահատման վերաբերյալ փաստաթուղթ	ՀՀ կառավարությանն առընթեր պետական եկամուտների կոմիտե ՀՀ աշխատանքի և սոցիալական հարցերի նախարարություն դոնոր կազմակեր- պություններ
5. Կենսաթոշակային բարեփոխումների իրականացումն ապահովող համա- կարգերի շահագործումն ապահովող կապուղիների գնահատում	Գնահատումը պետք է ներառի կապուղիների սխեման, գերատեսչությունների միջև կապուղիների անհրաժեշտ թողունակությունը (առաջնային և պահուստային), գործող կապուղիների գնահատականը, կառուցվելիք կապուղիների ներդրմանը ներկայացվող այլ պահանջներ և անհրաժեշտ ֆինանսական միջոցները, այդ թվում` ● եկամտային հարկի և կուտակային վճարի անձնավորված հաշվառման համակարգի կապուղիների և ● կենսաթոշակային բարեփոխումների ամբողջ գործընթացն ապահովող լրացուցիչ կապուղիների (օրինակ` ՍԱՊԾ և ՏԲ կապուղիներ):	համակարգի շահագործումն ապահովող կապուղիների տեխնիկական և ֆինանսական գնահատականը ներկայացնող փաստաթուղթ	ՀՀ կառավարությանն առընթեր պետական եկամուտների կոմիտե ՀՀ աշխատանքի և սոցիալական հարցերի նախարարություն դոնոր կազմակեր-պություններ
6. Ենթակառուցվածքի և հիմնական համակարգի սպասարկման գնահատում	Գնահատումը պետք է ներառի եկամտային հարկի և կուտակային վճարի անձնավորված հաշվառման համակարգի համակարգչային ծրագրի սպասարկմանը, լիցենզավորված ծրագրային փաթեթների սպասարկմանը և համակարգի առանձին բաղադրիչների (ենթակառուցվածքի) սպասարկմանը ներկայացվող պահանջները, շրջանակները, ժամկետները, ինչպես նաև ֆինանսական գնահատականը (բոլոր գերատեսչություններում):	ենթակառուցվածքի և հիմնական համակարգի սպասարկման գնահատման վերաբերյալ փաստաթուղթ` ըստ գնահատմանը ներկայացվող պահանջների	ՀՀ կառավարությանն առընթեր պետական եկամուտների կոմիտե ՀՀ աշխատանքի և սոցիալական հարցերի նախարարություն ՀՀ ֆինանսների նախարարություն ՀՀ կենտրոնական բանկ Հայաստանի կենտրոնական դեպոզիտարիա դոնոր կազմակեր- պություններ
7. Եկամտային հարկի և կուտակային վճարի էլեկտրոնային հաշվետվու- թյունները ներկայացնելու համակարգչային ծրագրի և առկա հաշվապահական ծրագրերի ինտեգրման գնահատում	Հայաստանի Հանրապետությանում հաշվապահական ծրագրեր մշակող կազմակերպությունների հետ հստակեցնել եկամտային հարկի և կուտակային վճարի անձնավորված հաշվառման էլեկտրոնային հաշվետվությունները ներկայացնելու համակարգչային ծրագրի և առկա հաշվապահական ծրագրերի ինտեգրման հնարավորությունները (տեխնիկական, ներդրման, սպասարկման, գինը, ժամկետները)` ըստ մշակված հաշվետվության ձևի:	եկամտային հարկի և կուտակային վճարի էլեկտրոնային հաշվետվությունները ներկայացնելու համակարգչային ծրագիրն առկա հաշվապահական ծրագրերին ինտեգրելու վերաբերյալ փաստաթուղթ` ըստ մշակմանը ներկայացվող պահանջների` համապատասխան միջոցառումների ցանկով և ֆինանսական գնահատականով	ՀՀ կառավարությանն առընթեր պետական եկամուտների կոմիտե ՀՀ աշխատանքի և սոցիալական հարցերի նախարարություն
8. Պետական կենսաթոշակային ապահովության տվյալների նոր շտեմարանի ստեղծման գնահատում	ՍԱՊԾ-ում պետական կենսաթոշակային ապահովության տվյալների նոր շտեմարանի տեխնիկական առաջադրանքի մշակման և տեխնիկական առաջադրանքի համաձայն շտեմարանի ստեղծման ֆինանսական գնահատում	շտեմարանի տեխնիկական առաջադրանքի մշակման (այդ թվում` տեխնիկական առաջադրանքի մշակմանը ներկայացվող պահանջների վերաբերյալ փաստաթուղթ) և շտեմարանի ստեղծման գնահատման վերաբերյալ փաստաթուղթ	ՀՀ աշխատանքի և սոցիալական հարցերի նախարարություն դոնոր կազմակեր- պություններ

Հայաստանի Հանրապետության կառավարության աշխատակազմի ղեկավար

Դ. Սարգսյան

ԵԿԱՄՏԱՅԻՆ ՀԱՐԿԻ ԵՎ ԿՈՒՏԱԿԱՅԻՆ ՎՃԱՐԻ ԱՆՁՆԱՎՈՐՎԱԾ ՀԱՇՎԱՌՄԱՆ ՀԱՄԱԿԱՐԳԻ ՀԱՄԱԿԱՐԳՉԱՅԻՆ ԾՐԱԳՐԻ ՏԵԽՆԻԿԱԿԱՆ ՄԱՍՆԱԳՐԵՐԸ

Հայաստանի Հանրապետության կառավարության աշխատակազմի ղեկավար

Դ. Սարգսյան