«Գրանցված է»
ՀՀ արդարադատության
նախարարության կողմից
26 մայիսի 2009 թ.
Պետական գրանցման թիվ 05009204
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
5 մայիսի 2009 թ. |
թիվ 116-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2005 ԹՎԱԿԱՆԻ ՄԱՐՏԻ 29-Ի ԹԻՎ 142-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը, 35-րդ հոդվածի 3-րդ մասը և «Իրավական ակտերի մասին» Հայաստանի Հանրապետության օրենքի 16-րդ հոդվածը՝ Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2005 թվականի մարտի 29-ի ««Հայաստանի Հանրապետության տարածքում գործող բանկերի, վարկային կազմակերպությունների, օտարերկրյա բանկերի մասնաճյուղերի հաճախորդների վարկարժանության տեղեկատվական համակարգի՝ վարկային ռեգիստրի ստեղծման և վարկային ռեգիստրին Հայաստանի Հանրապետության տարածքում գործող բանկերի, վարկային կազմակերպությունների, օտարերկրյա բանկերի մասնաճյուղերի մասնակցության կարգը» նոր խմբագրությամբ հաստատելու մասին» թիվ 142-Ն որոշմամբ հաստատված «Հայաստանի Հանրապետության տարածքում գործող բանկերի, վարկային կազմակերպությունների, օտարերկրյա բանկերի մասնաճյուղերի հաճախորդների վարկարժանության տեղեկատվական համակարգի՝ վարկային ռեգիստրի ստեղծման և վարկային ռեգիստրին Հայաստանի Հանրապետության տարածքում գործող բանկերի, վարկային կազմակերպությունների, օտարերկրյա բանկերի մասնաճյուղերի մասնակցության կարգում» (այսուհետ` Կարգ) կատարել հետևյալ լրացումները.
1) Կարգի 17-րդ կետը երրորդ նախադասությունից հետո լրացնել նոր նախադասությամբ՝ հետևյալ բովանդակությամբ.
«Վարկատուին չեն տրամադրվում այն իրավաբանական կամ ֆիզիկական անձանց տվյալները, որոնց զիջվել է վարկառուի նկատմամբ պահանջի իրավունքը:»:
2) Կարգի «Հավելված 1-ի լրացման կարգի» (այսուհետ` Լրացման կարգ) 11-րդ կետը լրացնել նոր նախադասությամբ՝ հետևյալ բովանդակությամբ.
«Վարկի տեսակ» դաշտում վարկի տեսակը նշելուց լրացվում է միայն «զիջված վարկ», եթե վարկատուի կողմից վարկառուի նկատմամբ պահանջի իրավունքը զիջվել է այլ իրավաբանական կամ ֆիզիկական անձին»:
3) Կարգի Լրացման կարգի 26-րդ կետը լրացնել նոր նախադասությամբ՝ հետևյալ բովանդակությամբ.
«Վարկի վիճակը» դաշտում լրացվում է «մարված», եթե վարկատուի կողմից վարկառուի նկատմամբ պահանջի իրավունքը զիջվել է այլ իրավաբանական կամ ֆիզիկական անձին:»:
4) Կարգի Լրացման կարգի 29-րդ կետը լրացնել նոր նախադասությամբ՝ հետևյալ բովանդակությամբ.
«Վարկի վերաբերյալ այլ նշումներ» դաշտում լրացվում են նաև այդ իրավաբանական կամ ֆիզիկական անձի տվյալները (իրավաբանական անձ լինելու դեպքում՝ հարկ վճարողի հաշվառման համարը և լրիվ անվանումը, իսկ ֆիզիկական անձ լինելու դեպքում` անձնագրի համարը, սոցիալական քարտի համարը (առկայության դեպքում) անուն, ազգանունը), եթե վարկատուի կողմից վարկառուի նկատմամբ պահանջի իրավունքը զիջվել է այլ իրավաբանական կամ ֆիզիկական անձին»:
2. Սույն որոշումն ուժի մեջ է մտնում հրապարակման օրվան հաջորդող տասներորդ օրը:
|
ՀՀ կենտրոնական |
Ա. Ջավադյան |
|
|