040.0768.22.12.99

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
22 դեկտեմբերի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 դեկտեմբերի 1999 թվականի N 768
քաղ. Երևան

ԱՏՈՄԱՅԻՆ ԷՆԵՐԳԻԱՅԻ ՕԳՏԱԳՈՐԾՄԱՆ ԲՆԱԳԱՎԱՌՈՒՄ ԱՆՎՏԱՆԳՈՒԹՅԱՆ ԱՊԱՀՈՎՄԱՆ ՏԵՍԱԿԵՏԻՑ ԿԱՐԵՎՈՐ ՊԱՇՏՈՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ

(վերնագիրը փոփ. 29.05.09 N 590-Ն)

«Խաղաղ նպատակներով ատոմային էներգիայի անվտանգ օգտագործման մասին» Հայաստանի Հանրապետության օրենքի 7 հոդվածի «ժբ» կետին համապատասխան` Հայաստանի Հանրապետության կառավարությունը որոշում է.

Հաստատել ատոմային էներգիայի օգտագործման բնագավառում անվտանգության ապահովման տեսակետից կարևոր պաշտոնների ցանկը՝ համաձայն N 2 հավելվածի:

(որոշումը փոփ. 29.05.09 N 590-Ն)

Հայաստանի Հանրապետության վարչապետ

Ա. Սարգսյան

Հավելված N 1 ՀՀ կառավարության 1999 թ. դեկտեմբերի 22-ի N 768 որոշման

Ց Ա Ն Կ

ատոմային էներգիայի օգտագործման բնագավառում անվտանգության ապահովման տեսակետից կարեվոր աշխատանքների
(հավելվածն ուժը կորցրել է 29.05.09 N 590-Ն)

Հավելված N 2 ՀՀ կառավարության 1999 թ. դեկտեմբերի 22-ի N 768 որոշման

Ց Ա Ն Կ

ատոմային էներգիայի օգտագործման բնագավառում անվտանգության ապահովման տեսակետից կարեվոր պաշտոնների

1. Ատոմային էլեկտրակայանի` ա) տնօրեն. բ) գլխավոր ճարտարագետ. գ) տնօրենի տեղակալ` ֆիզիկական պաշտպանության գծով. դ) գլխավոր ճարտարագետի տեղակալներ. ե) (ենթակետն ուժը կորցրել է 14.12.06 N 1859-Ն) զ) (ենթակետն ուժը կորցրել է 14.12.06 N 1859-Ն)  է) ատոմային էլեկտրակայանի հերթափոխի պետ. ը) ռեակտորային արտադրամասի հերթափոխի պետ. թ) ռեակտորի կառավարման առաջատար ճարտարագետ. ժ) տուրբինի կառավարման առաջատար ճարտարագետ. ժա) տուրբինային արտադրամասի կառավարման վահանակի մեքենավար. ժբ) շահագործող կազմակերպության ղեկավար: (1-ին կետը փոփ. 14.12.06 N 1859-Ն, լրաց.  29.05.09 N 590-Ն)

2. Միջուկային տեղակայանքների (բացառությամբ ատոմային էլեկտրակայանների) և ռադիոակտիվ թափոնների տեղակայանքների`

ա) տնօրեն.

բ) գլխավոր ճարտարագետ.

գ) գլխավոր տեխնոլոգ:

3. (կետն ուժը կորցրել է 14.12.06 N 1859-Ն)

4. Առողջապահության բնագավառում իոնացնող ճառագայթման աղբյուր կամ ճառագայթում առաջացնող սարք օգտագործող կազմակերպության`

ա) գլխավոր բժիշկ կամ տնօրեն.

բ) իոնացնող ճառագայթման աղբյուրների կիրառմամբ ախտորոշող և (կամ) բուժող բժիշկ-ռենտգենոլոգ, ռադիոլոգ.

գ) ճառագայթային անվտանգությունն ապահովող ծառայության ղեկավար կամ մասնագետ:

5. Արդյունաբերության, գյուղատնտեսության, գիտահետազոտական և ուսումնական բնագավառներում իոնացնող ճառագայթման աղբյուր կամ ճառագայթում առաջացնող սարք օգտագործող կազմակերպության`

ա) տնօրեն.

բ) գլխավոր ճարտարագետ.

գ) մետաղների չքայքայող ստուգման, սերմերի և այլ գյուղատնտեսական մթերքների ախտահանման ու այլ նպատակներով իոնացնող ճառագայթման աղբյուրն օգտագործող մասնագետ.

դ) ճառագայթային անվտանգությունն ապահովող ծառայության ղեկավար և (կամ) մասնագետ:

(հավելվածը փոփ. 14.12.06 N 1859-Ն, լրաց.  29.05.09 N 590-Ն)

Հայաստանի Հանրապետության կառավարության աշխատակազմի ղեկավար-նախարար

Շ. Կարամանուկյան