ԱՐՁԱՆԱԳՐՈՒԹՅՈՒՆ

«ՂՐՂԶՍՏԱՆԻ ՀԱՆՐԱՊԵՏՈՒԹՅԱՆ՝ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ՄԱՍԻՆ» 2014 ԹՎԱԿԱՆԻ ՄԱՅԻՍԻ 29–Ի ՊԱՅՄԱՆԱԳՐԻՆ ՄԻԱՆԱԼՈՒ ՎԵՐԱԲԵՐՅԱԼ» 2014 ԹՎԱԿԱՆԻ ԴԵԿՏԵՄԲԵՐԻ 23–ԻՆ ՍՏՈՐԱԳՐՎԱԾ ՊԱՅՄԱՆԱԳՐԻ ԱՌԱՆՁԻՆ ԴՐՈՒՅԹՆԵՐԻ ԿԻՐԱՌՄԱՆ ՄԱՍԻՆ

Հոդված 1

Սույն արձանագրությունն ուժի մեջ մտնելուց հետո «Ղրղզստանի Հանրապետության՝ «Եվրասիական տնտեսական միության մասին» 2014 թվականի մայիսի 29–ի պայմանագրին միանալու վերաբերյալ» 2014 թվականի դեկտեմբերի 23–ին ստորագրված պայմանագրի 8-րդ հոդվածի 1-ին կետը «Ներմուծման մաքսատուրքերի (համարժեք այլ տուրքերի, հարկերի և վճարների) գումարները հաշվեգրելու և բաշխելու, դրանք որպես եկամուտ անդամ պետությունների բյուջեներ փոխանցելու կարգի մասին» արձանագրության (նշված պայմանագրի թիվ 5 հավելված) 12-րդ կետին առնչվող մասով կիրառվում է հետևյալ խմբագրությամբ.

«12. Յուրաքանչյուր անդամ պետության համար ներմուծման մաքսատուրքերի գումարների բաշխման նորմատիվները սահմանվում են հետևյալ չափերով՝

Հայաստանի Հանրապետություն՝ 1,220 տոկոս.

Բելառուսի Հանրապետություն՝ 4,560 տոկոս.

Ղազախստանի Հանրապետություն՝ 7,055 տոկոս.

Ղրղզստանի Հանրապետություն՝ 1,900 տոկոս.

Ռուսաստանի Դաշնություն՝ 85,265 տոկոս։»։

Հոդված 2

Սույն արձանագրությունը ժամանակավորապես կիրառվում է 2017 թվականի հունվարի 1-ից և ուժի մեջ է մտնում այն ամսվան հաջորդող ամսվա 1-ից, երբ ավանդապահի կողմից դիվանագիտական ուղիներով ստացվել է վերջին գրավոր ծանուցումը՝ Եվրասիական տնտեսական միության անդամ պետությունների կողմից սույն արձանագրությունն ուժի մեջ մտնելու համար անհրաժեշտ ներպետական ընթացակարգերը կատարելու համար:

Կատարված է Մոսկվա քաղաքում 2017 թվականի ապրիլի 11-ին, մեկ բնօրինակից՝ ռուսերենով։

Սույն արձանագրության բնօրինակը պահվում է Եվրասիական տնտեսական հանձնաժողովում, որը՝ որպես սույն արձանագրության ավանդապահ, Եվրասիական տնտեսական միության յուրաքանչյուր անդամ պետության կտրամադրի դրա հաստատված պատճենը։