ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 ապրիլի 2009 թվականի N 328-Ն

«ԳԼԵՆԴԵԼ ՀԻԼԶ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԳՅՈՒՄՐՈՒ ՔԱՂԱՔԱՊԵՏԻ ԿՈՂՄԻՑ ԱՌԱՆՑ ՄՐՑՈՒՅԹԻ ՎԱՐՁԱԿԱԼՈՒԹՅԱՄԲ ՀՈՂԱՄԱՍ ՏՐԱՄԱԴՐԵԼՈՒ ՄԱՍԻՆ

Հիմք ընդունելով Հայաստանի Հանրապետության հողային օրենսգրքի 76-րդ հոդվածի 5-րդ կետը և Հայաստանի Հանրապետության Շիրակի մարզպետի միջնորդությունը՝ Հայաստանի Հանրապետության կառավարությունը որոշում է.

1. Թույլատրել Գյումրու քաղաքապետին «Գլենդել Հիլզ» փակ բաժնետիրական ընկերությանը գնման նախապատվության իրավունքով վարձակալությամբ տրամադրել Գյումրու «Մուշ-2» և «Անի» թաղամասերում գտնվող` համապատասխանաբար 23.15 և 1.47 հեկտար մակերես ունեցող` չկառուցապատված և կարգավիճակը չճշտված շինություններով հողամասերը։

2. Սահմանել, որ «Գլենդել Հիլզ» փակ բաժնետիրական ընկերության կողմից Գյումրու «Մուշ-2» և «Անի» թաղամասերում գտնվող` համապատասխանաբար 23.15 և 1.47 հեկտար մակերես ունեցող` չկառուցապատված և կարգավիճակը չճշտված շինություններով հողամասերի գնման նախապատվության իրավունքից օգտվելու դեպքում վճարված կադաստրային արժեքի ընդհանուր գումարից 55,770.0 հազ. դրամի չափով համայնքի կողմից «Գլենդել Հիլզ» փակ բաժնետիրական ընկերությանը կանխավճարի տեսքով կատարվում է վճարում՝ որպես համայնքի կողմից Գյումրի քաղաքում «Անի» և «Մուշ» թաղամասերի կառուցապատման ծրագրին Հայաստանի Հանրապետության կառավարության օգտին համաֆինանսավորում:

(2-րդ կետը լրաց. 21.05.09 N 548-Ն)

Հայաստանի Հանրապետության վարչապետ	Տ. Սարգսյան
2009 թ. ապրիլի 7 Երևան