Գլխավոր տեղեկություն
Номер
թիվ 18-Ն
Տիպ
Որոշում
Тип
Исходный акт (12.03.2009-по сей день)
Статус
Գործում է
Первоисточник
ՀՀԳՏ 2009.03.02/10(328) Հոդ.103
Принят
Կենտրոնական բանկի խորհուրդ
Дата принятия
27.01.2009
Подписан
Կենտրոնական բանկի նախագահ
Дата подписания
04.02.2009
Дата вступления в силу
12.03.2009

«Գրանցված է»

ՀՀ արդարադատության

նախարարության կողմից

20 փետրվարի 2009 թ.

Պետական գրանցման թիվ 05009075

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

27 հունվարի 2009 թ.

թիվ 18-Ն

 

Ո Ր Ո Շ ՈՒ Մ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՀՈՒԼԻՍԻ 31-Ի ԹԻՎ 236-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Հիմք ընդունելով «Փողերի լվացման և ահաբեկչության ֆինանսավորման դեմ պայքարի մասին» Հայաստանի Հանրապետության օրենքի 7-րդ hոդվածի 6-րդ մասը, «Իրավական ակտերի մասին» Հայաստանի Հանրապետության օրենքի 16-րդ և 70-րդ հոդվածները, ինչպես նաև ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 5-րդ և 20-րդ հոդվածներով՝ Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի 2008 թվականի հուլիսի 31-ի «Հայաստանի Հանրապետության կառավարությանն առընթեր անշարժ գույքի պետական միասնական կադաստր վարող լիազորված մարմնի տարածքային ստորաբաժանումների (այսուհետ՝ հաշվետվություն տրամադրող անձինք) կողմից պարտադիր տեղեկացման և կասկածելի գործարքի վերաբերյալ տեղեկությունների տրամադրման ձևը (թիվ 007 հաշվետվական ձև), տեղեկությունների տրամադրման կարգը և ժամկետները հաստատելու և Հայաստանի Հանրապետության կենտրոնական բանկի խորհրդի 2007 թվականի փետրվարի 20-ի թիվ 61-Ն որոշումն ուժը կորցրած ճանաչելու մասին» թիվ 236-Ն որոշման (այսուհետ՝ Որոշում) մեջ կատարել հետևյալ լրացումները.

1) Որոշմամբ հաստատված Հավելված 1-ը լրացնել 1.6 և 1.6.1 կետերով՝ հետևյալ բովանդակությամբ.

«1.6. Գործարքը կատարվել է ռիելտորական գործունեություն իրականացնող անձի միջոցով c:

1.6.1. «Ռիելտորական գործունեություն իրականացնող անձի անունը/անվանումը

 
»:

2) Որոշմամբ հաստատված թիվ 007 հաշվետվական ձևի (Հավելված 1-ի) Հավելվածը լրացնել 13.1 և 13.2 կետերով՝ հետևյալ բովանդակությամբ.

«13.1. (1.6) Գործարքը կատարվել է ռիելտորական գործունեություն իրականացնող անձի միջոցով: Այս կետում նշում կատարեք, եթե Ձեզ հայտնի է, որ գործարքը կատարվել է ռիելտորական գործունեություն իրականացնող անձի միջնորդությամբ:

13.2. (1.6.1) Ռիելտորական գործունեություն իրականացնող անձի անունը/անվանումը: Այս կետը ենթակա է պարտադիր լրացման, եթե նշում է կատարվել 1.6 կետում: Այս կետում նշեք այն ռիելտորական գործունեություն իրականացնող անձի անունը/անվանումը, որի միջնորդությամբ կատարվել է գործարքը:»:

2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը:

 

ՀՀ կենտրոնական

բանկի նախագահ

Ա. Ջավադյան

 

2009 թ. փետրվարի 4

ք. Երևան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան