ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

20 ապրիլի 2009 թվականի N 315-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ Տ. ՍԱՐԳՍՅԱՆԻ` ԲՈՒԼՂԱՐԻԱՅԻ ՀԱՆՐԱՊԵՏՈՒԹՅՈՒՆ ԱՅՑԻ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. «Բնական գազ Եվրոպայի համար. անվտանգություն և գործընկերություն» խորագրով էներգետիկ վեհաժողովին մասնակցելու նպատակով Հայաստանի Հանրապետության վարչապետ Տ. Սարգսյանի` 2009 թվականի ապրիլի 24-25-ը Սոֆիա այցի կապակցությամբ Սոֆիա (Բուլղարիայի Հանրապետություն) գործուղել Հայաստանի Հանրապետության կառավարական պատվիրակություն` համաձայն հավելվածի:

2. Հայաստանի Հանրապետության կառավարական պատվիրակության կազմում ընդգրկել նաև Բուլղարիայի Հանրապետությունում Հայաստանի Հանրապետության արտակարգ և լիազոր դեսպան Ս. Մանասարյանին։

3. Հայաստանի Հանրապետության կառավարական պատվիրակության` Սոֆիա գործուղման հետ կապված ծախսերը` համաձայն փաստացի կատարված ծախսերը հիմնավորող փաստաթղթերի, այդ թվում` նաև Երևանի «Զվարթնոց» միջազգային օդանավակայանի պաշտոնական պատվիրակությունների սրահում սպասարկման և Հայաստանի Հանրապետությունից օդային ուղևորների ելքի համար պետական տուրքի վճարման հետ կապված ծախսերը կատարել`

1) Տ. Սարգսյանինը, Դ. Սարգսյանինը, Մ. Մելքոնյանինը, Ե. Ազարյանինը, Ա. Շահինյանինը, Ա. Զատիկյանինը և Հ. Կարապետյանինը` Հայաստանի Հանրապետության կառավարության աշխատակազմի պահպանման ծախսերում գործուղումների համար նախատեսված միջոցների, իսկ ներկայացուցչական և հուշանվերների ձեռքբերման հետ կապված ծախսերը` Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

2) Ա. Մովսիսյանինը, Գ. Սարգսյանինը, Թ. Կասյանինը և Տ. Բաբայանինը` Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

3) Կ. Ղազինյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների, իսկ Վ. Սարգսյանինը` Հայաստանի Հանրապետության արտաքին գործերի նախարարության «Պետական արարողակարգի ծառայություն» գործակալության միջոցների հաշվին.

4) միայն գիշերավարձը` Ն. Նազարյանինը, Տ. Մեհրաբյանինը, Ա. Օսիպովայինը, Ա. Երնջակյանինը և Ա. Ջուլհակյանինը` Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

4. Ընդունել ի գիտություն, որ`

1) Տ. Սարգսյանի, Դ. Սարգսյանի, Ա. Մովսիսյանի, Գ. Սարգսյանի և Կ. Ղազինյանի` Սոֆիա գործուղման հետ կապված գիշերավարձի ծախսերը կկատարվեն հրավիրող կողմի հաշվին.

2) Ն. Նազարյանի, Տ. Մեհրաբյանի, Ա. Օսիպովայի, Ա. Երնջակյանի և Ա. Ջուլհակյանի` Սոֆիա գործուղման հետ կապված մնացած ծախսերը կկատարվեն համապատասխան գործուղող կազմակերպությունների միջոցների հաշվին։

5. Հայաստանի Հանրապետության կառավարության աշխատակազմի ղեկավարին` կազմակերպել հատուկ ինքնաթիռի չվերթ` 2009 թվականի ապրիլի 24-ին` Երևան- Սոֆիա, իսկ ապրիլի 25-ին` Սոֆիա-Երևան երթուղիներով։

6. Հատուկ ինքնաթիռի չվերթի կազմակերպման հետ կապված ծախսերը կատարել Հայաստանի Հանրապետության 2009 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն Հայաստանի Հանրապետության կառավարության աշխատակազմի ներկայացրած հաշվետվության։

7. Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` աջակցել Հայաստանի Հանրապետության կառավարության աշխատակազմին սույն որոշման 5-րդ կետում նշված չվերթների կազմակերպման հարցում։

8. Հայաստանի Հանրապետության արտաքին գործերի նախարարին` լուծել Հայաստանի Հանրապետության կառավարական պատվիրակության` Սոֆիա մեկնելու հետ կապված հարցերը:

Հայաստանի Հանրապետության վարչապետ	Տ. Սարգսյան
2009 թ. ապրիլի 20 Երևան

Հավելված ՀՀ վարչապետի 2009 թ. ապրիլի 20-ի N 315-Ա որոշման

Կ Ա Զ Մ

2009 ԹՎԱԿԱՆԻ ԱՊՐԻԼԻ 24-25-Ը ՍՈՖԻԱ (ԲՈՒԼՂԱՐԻԱՅԻ ՀԱՆՐԱՊԵՏՈՒԹՅՈՒՆ) ՄԵԿՆՈՂ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ

Տ. Սարգսյան	- ՀՀ վարչապետ
Դ. Սարգսյան	- ՀՀ կառավարության աշխատակազմի ղեկավար
Ա. Մովսիսյան	- ՀՀ էներգետիկայի և բնական պաշարների նախարար
Գ. Սարգսյան	- ՀՀ տրանսպորտի և կապի նախարար
Կ. Ղազինյան	- ՀՀ արտաքին գործերի նախարարի տեղակալ
Մ. Մելքոնյան	- ՀՀ կառավարության աշխատակազմի արտաքին կապերի վարչության պետ
Ե. Ազարյան	- ՀՀ կառավարության աշխատակազմի արտաքին կապերի վարչության գլխավոր մասնագետ
Վ. Սարգսյան	- ՀՀ արտաքին գործերի նախարարության «Պետական արարողակարգի ծառայություն» գործակալության պաշտոնական այցերի բաժնի վարիչի պաշտոնակատար (մեկնում է նախօրոք)
Ա. Զատիկյան	- ՀՀ վարչապետի անվտանգության ծառայության աշխատող
Հ. Կարապետյան	- ՀՀ վարչապետի անվտանգության ծառայության աշխատող
Ա. Շահինյան	- ՀՀ վարչապետի օպերատոր
Թ. Կասյան	- Հանրային հեռուստատեսության «Հայլուր» ծրագրի լրագրող
Տ. Բաբայան	- Հանրային հեռուստատեսության «Հայլուր» ծրագրի օպերատոր
Ն. Նազարյան	- «Արմենպրես» ՊՓԲԸ-ի լրագրող
Տ. Մեհրաբյան	- «Արմենպրես» ՊՓԲԸ-ի լուսանկարիչ
Ա. Օսիպովա	- «ԱՌԿԱ» տեղեկատվական գործակալության թղթակից
Ա. Երնջակյան	- «Արմինֆո» լրատվական գործակալության թղթակից
Ա. Ջուլհակյան	- «Դելովոյ էքսպրես» շաբաթաթերթի թղթակից

Հայաստանի Հանրապետության կառավարության աշխատակազմի ղեկավար

Դ. Սարգսյան