Գլխավոր տեղեկություն
Номер
N 1476-Ա
Տիպ
Որոշում
Тип
Исходный акт (19.12.2008-13.05.2009)
Статус
Չի գործում
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
13.11.2008
Подписан
ՀՀ վարչապետ
Дата подписания
18.12.2008
Дата вступления в силу
19.12.2008
Ուժը կորցնելու ամսաթիվ
13.05.2009

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 նոյեմբերի 2008 թվականի N 1476-Ա

 

ԳՈՒՅՔ ՕՏԱՐԵԼՈՒ ՄԱՍԻՆ

 

Հայաստանի Հանրապետության կառավարության 2003 թվականի հունիսի 13-ի N 882-Ն որոշմանը համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության գլխավոր դատախազությանը հանձնված և «Հայաստանի Հանրապետության դատախազության դպրոց» պետական ոչ առևտրային կազմակերպությանն անհատույց օգտագործման իրավունքով ամրացված` Երևան քաղաքի Տիգրան Մեծի 50 հասցեում գտնվող շենքի 1-ին և 2-րդ հարկերի` 605 քառ. մետր ընդհանուր մակերեսով տարածքը (այսուհետ` գույք) և դրան համապատասխան` ընդհանուր բաժնային սեփականություն համարվող հողամասի մասը հետ վերցնել և ուղղակի վաճառքի ձևով օտարել «Հարավկովկասյան երկաթուղի» փակ բաժնետիրական ընկերությանը (այսուհետ` գնորդ):

2. Սահմանել, որ`

1) Հայաստանի Հանրապետության կառավարության 1998 թվականի մարտի 27-ի «Մասնավորեցվող պետական գույքի հաշվեկշռային և շուկայական մեթոդով գնահատման կարգի մասին» N 209-Ն որոշմամբ սահմանված կարգով 2008 թվականի օգոստոսի 13-ին գնահատված գույքի արժեքը կազմում է 277025.0 հազ. դրամ.

2) ուղղակի վաճառքի ձևով օտարման ենթակա գույքի վաճառքի գինը կազմում է 277025.0 հազ. դրամ.

3) գնորդին է անցնում գույքի զբաղեցրած հողամասի նկատմամբ ընդհանուր բաժնային սեփականության իրավունքը` Հայաստանի Հանրապետության օրենսդրությամբ սահմանված կարգով.

4) գնորդը պարտավոր է ընդհանուր բաժնային սեփականություն համարվող հողամասի` իր բաժնի կադաստրային արժեքը վճարել «Պետական սեփականություն համարվող հողի վաճառքից մուտքեր» գանձապետական հաշվին:

3. Հայաստանի Հանրապետության կառավարությանն առընթեր պետական գույքի կառավարման վարչության պետին` գույքի վաճառքի գնի և ընդհանուր բաժնային սեփականություն համարվող հողամասի` իր բաժնի կադաստրային արժեքի վճարումից հետո գնորդի հետ մեկամսյա ժամկետում կնքել առուվաճառքի պայմանագիր` դրանում նախատեսելով, որ գնորդը պարտավորվում է իր միջոցների հաշվին վճարել գույքային իրավունքների պետական գրանցման հետ կապված վճարներն ու տուրքերը` Հայաստանի Հանրապետության օրենքով սահմանված կարգով:

4. Գնորդը պարտավորվում է վճարումները կատարել 4-ամսյա ժամկետում, Հայաստանի Հանրապետության արժույթով` գույքի վաճառքի գնի 70 տոկոսն ուղղելով Հայաստանի Հանրապետության պետական բյուջե, իսկ 30 տոկոսը` Երևանի քաղաքապետարանի` այդ նպատակով բացված հատուկ հաշվին:

 

Հայաստանի Հանրապետության

վարչապետ

 Տ. Սարգսյան

 

2008 թ. դեկտեմբերի 18

Երևան