Գլխավոր տեղեկություն
Номер
N 95-Ն
Տիպ
Որոշում
Тип
Պաշտոնական Ինկորպորացիա (14.10.2004-по сей день)
Статус
Գործում է
Первоисточник
ՀՀՊՏ 2003.03.26/16(251) Հոդ.217
Принят
ՀՀ կառավարություն
Дата принятия
05.02.2004
Подписан
ՀՀ վարչապետ
Дата подписания
17.02.2004
Վավերացնող մարմին
ՀՀ Նախագահ
Վավերացման ամսաթից
18.02.2004
Дата вступления в силу
27.02.2004

«Վավերացնում եմ»
Հայաստանի Հանրապետության
Նախագահ Ռ. Քոչարյան
18 փետրվարի 2004 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

5 փետրվարի 2004 թվականի N 95-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՎՈՂ ԱԿՑԻԶԱՅԻՆ ՀԱՐԿՈՎ ՀԱՐԿՄԱՆ ԵՆԹԱԿԱ ՈՐՈՇ ԱՊՐԱՆՔՆԵՐԻ ԴՐՈՇՄԱՎՈՐՄԱՆ ՀԱՄԱՐ «2004» ԹՎԱԳՐՄԱՄԲ ԱԿՑԻԶԱՅԻՆ ԴՐՈՇՄԱՆԻՇԵՐԸ ԿԻՐԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ

 

Հիմք ընդունելով «Ակցիզային հարկի մասին» Հայաստանի Հանրապետության օրենքի 7-րդ հոդվածի 5-րդ կետը` Հայաստանի Հանրապետության կառավարությունը որոշում է.

1. Սահմանել, որ`

ա) 2004 թվականի փետրվարի 15-ից կիրառության մեջ են դրվում Հայաստանի Հանրապետություն ներմուծվող ոգելից խմիչքի դրոշմավորման համար «2004» թվագրմամբ ակցիզային դրոշմանիշեր.

բ) 2004 թվականի փետրվարի 15-ի դրությամբ «2003» թվագրմամբ ակցիզային դրոշմանիշերի առկայության դեպքում ոգելից խմիչք ներմուծողներին կարող են տրամադրվել «2003» թվագրմամբ ակցիզային դրոշմանիշեր:

2. Թույլատրել Հայաստանի Հանրապետության կառավարությանն առընթեր մաքսային պետական կոմիտեի նախագահին «Օպտագլիո Լիմիթեդ» կազմակերպությունից ստացված` տեխնիկական չափանիշներից շեղում ունեցող թվով 3,5 մլն «2004» թվագրմամբ ոգելից խմիչքի ակցիզային դրոշմանիշերը տրամադրել ներմուծողներին:

(2-րդ կետը փոփ. 29.04.04 N 615-Ն, 23.09.04 N 1310-Ն) 

3. Հայաստանի Հանրապետության ֆինանսների և էկոնոմիկայի նախարարին` «Պետական գնումների գործակալություն» պետական ոչ առևտրային կազմակերպության միջոցով «Օպտագլիո Լիմիթեդ» կազմակերպության հետ` լրացուցիչ 2,6 մլն «2004» թվագրմամբ ոգելից խմիչքի ակցիզային դրոշմանիշի տպագրության համար կնքել նոր համաձայնագիր` առանց վճարման պարտավորությունների` դրոշմանիշերի մատակարարման ժամկետը սահմանելով 12 շաբաթ` սկսած համաձայնագրի կնքման պահից:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության
վարչապետ

Ա. Մարգարյան


2004 թ. փետրվարի 17
Երևան

Փոփոխման պատմություն
Փոփոխող ակտ Համապատասխան ինկորպորացիան
23.09.2004, N 1310-Ն 14.10.2004, N 95-Ն
29.04.2004, N 615-Ն 27.05.2004, N 95-Ն
Փոփոխված ակտ
Փոփոխող ակտ Համապատասխան ինկորպորացիան