Գլխավոր տեղեկություն
Номер
N 452
Տիպ
Որոշում
Тип
Պաշտոնական Ինկորպորացիա (22.01.2009-մինչ օրս)
Статус
Գործում է
Первоисточник
ՀՀՊՏ 2001.06.12/16(148) Հոդ.437
Принят
ՀՀ կառավարություն
Дата принятия
24.05.2001
Подписан
ՀՀ վարչապետ
Дата подписания
24.05.2001
Վավերացնող մարմին
ՀՀ Նախագահ
Վավերացման ամսաթից
24.05.2001
Дата вступления в силу
24.05.2001

040.0452.24.05.01

 

«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

24 մայիսի 2001 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

24 մայիսի 2001 թվականի N 452

քաղ. Երևան

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԻՈՆԱՑՆՈՂ ՃԱՌԱԳԱՅԹՈՒՄԻՑ ՊԱՇՏՊԱՆՈՒԹՅԱՆ ՈՒ ԻՈՆԱՑՆՈՂ ՃԱՌԱԳԱՅԹՄԱՆ ԱՂԲՅՈՒՐՆԵՐԻ ԱՆՎՏԱՆԳՈՒԹՅԱՆ ՊԵՏԱԿԱՆ ԿԱՐԳԱՎՈՐՄԱՆ ԻՐԱՎԱՍՈՒԹՅՈՒՆՆԵՐԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԻՋՈՒԿԱՅԻՆ ԱՆՎՏԱՆԳՈՒԹՅԱՆ ԿԱՐԳԱՎՈՐՄԱՆ ՊԵՏԱԿԱՆ ԿՈՄԻՏԵԻՆ ՎԵՐԱՊԱՀԵԼՈՒ ՄԱՍԻՆ

(վերնագիրը փոփ. 08.01.09 N 1-Ն)

 

«Միջուկային անվտանգության մասին» կոնվենցիայի 7-րդ և 8-րդ հոդվածներին, «Խաղաղ նպատակներով ատոմային էներգիայի անվտանգ օգտագործման մասին» Հայաստանի Հանրապետության օրենքի 16-րդ և 17-րդ հոդվածներին համապատասխան, ինչպես նաև իոնացնող ճառագայթումից պաշտպանության և իոնացնող ճառագայթման աղբյուրների անվտանգության պետական կարգավորումը միջազգային նորմերին համապատասխանեցնելու նպատակով Հայաստանի Հանրապետության կառավարությունը որոշում է.

(նախաբանը փոփ. 08.01.09 N 1-Ն)

1. Հայաստանի Հանրապետության կառավարությանն առընթեր միջուկային անվտանգության կարգավորման պետական կոմիտեին վերապահել`

ա) Հայաստանի Հանրապետությունում իոնացնող ճառագայթումից պաշտպանության պետական կարգավորման իրավասությունը.

բ) Հայաստանի Հանրապետությունում իոնացնող ճառագայթման աղբյուրների անվտանգության պետական կարգավորման իրավասությունը:

(1-ին կետը փոփ. 08.01.09 N 1-Ն)

2. Հաստատել Հայաստանի Հանրապետությունում իոնացնող ճառագայթումից պաշտպանության և իոնացնող ճառագայթման աղբյուրների անվտանգության ապահովման միջոցառումների ժամանակացույցը (կցվում է):

3. Սույն որոշումն ուժի մեջ է մտնում 2001 թվականի մայիսի 24-ից:

 

Հայաստանի Հանրապետության
վարչապետ

 Ա. Մարգարյան

 

 

Հաստատված է
ՀՀ կառավարության 2001 թվականի
մայիսի 24-ի N 452 որոշմամբ

 

Ժ Ա Մ Ա Ն Ա Կ Ա Ց ՈՒ Յ Ց

 

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԻՈՆԱՑՆՈՂ ՃԱՌԱԳԱՅԹՈՒՄԻՑ ՊԱՇՏՊԱՆՈՒԹՅԱՆ ԵՎ ԻՈՆԱՑՆՈՂ ՃԱՌԱԳԱՅԹՄԱՆ ԱՂԲՅՈՒՐՆԵՐԻ ԱՆՎՏԱՆԳՈՒԹՅԱՆ ԱՊԱՀՈՎՄԱՆ ՄԻՋՈՑԱՌՈՒՄՆԵՐԻ

 

NN ը/կ Միջոցառման անվանումը Կատարման ժամկետը Պատասխանատու կատարողները
1. Հայպետատոմհսկողության կանոնադրությունը Հայաստանի Հանրապետության վարչապետի հաստատմանը ներկայացնելը մինչև
30.06.2001 թ.		 Հայպետատոմհսկողություն
2. Հայպետատոմհսկողության և Հայաստանի Հանրապետության առողջապահության նախարարության միջև ժամանակավոր համաձայնագրի ստորագրում մինչև
15.06.2001 թ.

Հայպետատոմհսկողություն
ՀՀ առողջապահության նախարարություն

3. Հայաստանի Հանրապետության առողջապահության նախարարությունից Հայպետատոմհսկողությանը իոնացնող ճառագայթման աղբյուրների ու մասնագիտական ճառագայթահարման պետական գրանցամատյանների և դրանց վարման նպատակով ԱէՄԳ-ից ստացված սարքավորումների ու ծրագրային միջոցների փոխանցում մինչև
01.07.2001 թ.		 Հայպետատոմհսկողություն
ՀՀ առողջապահության նախարարություն
4. Հայաստանի Հանրապետությունում իոնացնող ճառագայթումից պաշտպանության և իոնացնող ճառագայթման աղբյուրների անվտանգության հարցերի վերաբերյալ օրենսդրական ակտերում անհրաժեշտ փոփոխություններ կատարելու և կարգավորող նոր փաստաթղթերի մշակման մասին Հայաստանի Հանրապետության կառավարության որոշման նախագիծը Հայաստանի Հանրապետության կառավարություն ներկայացնելը մինչև
01.09.2001 թ.		 Հայպետատոմհսկողություն
ՀՀ առողջապահության նախարարություն
5. Հայպետատոմհսկողության 2001 թվականի աշխատանքային պլանում փոփոխությունների կատարում մինչև
15.06.2001 թ.		 Հայպետատոմհսկողություն
6. Հայաստանի Հանրապետությունում ճառագայթումից պաշտպանության և իոնացնող ճառագայթման աղբյուրների անվտանգության կարգավորման նպատակով Հայպետատոմհսկողությունը լրացուցիչ մասնագիտական անձնակազմով և ֆինանսական միջոցներով համալրելը 2002 թ.
1-ին եռամսյակ		 Հայպետատոմհսկողություն
ՀՀ ֆինանսների և էկոնոմիկայի նախարարություն