29 մայիսի 2008 թվականի N 680-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՆՈՅԵՄԲԵՐԻ 11-Ի N 1602-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

«Իրավական ակտերի մասին» Հայաստանի Հանրապետության օրենքի 70-րդ հոդվածին և «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ մասի «դ» ենթակետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2004 թվականի նոյեմբերի 11-ի «Փոքր Մհեր» կրթահամալիր» պետական ոչ առևտրային կազմակերպություն ստեղծելու մասին» N 1602-Ն որոշման մեջ կատարել հետևյալ փոփոխություններն ու լրացումը`

1) որոշման`

ա. 4-րդ կետում «15» թիվը փոխարինել «20» թվով, իսկ «անհատույց օգտագործման իրավունքով» բառերը` «անհատույց` կառուցապատման իրավունքով` 99 տարի ժամկետով» բառերով,

բ. 7-րդ կետը շարադրել հետևյալ խմբագրությամբ.

«7. Ընդունել Հայաստանի Հանրապետության «Հայ Արիներ» հայկազունների ազգային սկաուտական-կադետական-սեպուհական միության առաջարկությունը և թույլատրել Հայաստանի Հանրապետության կառավարությանն առընթեր պետական գույքի կառավարման վարչությանը նրանից որպես նվիրատվություն ստանալ Հայաստանի Հանրապետության «Հայ Արիներ» հայկազունների ազգային սկաուտական-կադետական-սեպուհական միության անունով որպես սեփականություն գրանցված սույն որոշման 3-րդ կետում նշված հողամասը և դրա վրա կառուցված «Փոքր Մհեր» կրթահամալիր» պետական ոչ առևտրային կազմակերպության կողմից հանրակրթական նպատակներով օգտագործվող շենքը:

Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո մեկամսյա ժամկետում կնքել նվիրատվության պայմանագիր և որպես նվեր ստացած հողամասն ու շենքն ամրացնել «Փոքր Մհեր» կրթահամալիր» պետական ոչ առևտրային կազմակերպությանը:

Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` ապահովել սույն կետում նշված հողամասի ու շենքի նկատմամբ Հայաստանի Հանրապետության սեփականության իրավունքի, ինչպես նաև «Փոքր Մհեր» կրթահամալիր» պետական ոչ առևտրային կազմակերպության գույքային իրավունքների պետական գրանցումը, որը պետք է իրականացվի «Փոքր Մհեր» կրթահամալիր» պետական ոչ առևտրային կազմակերպության միջոցների հաշվին:»,

գ. 9-րդ կետի «ա» ենթակետի երկրորդ պարբերությունից հանել «հայկազունական-կադետական-սեպուհական» բառերը, երրորդ պարբերությունում «հանրակրթական և հայկազունական-կադետական-սեպուհական լրացուցիչ» բառերը փոխարինել «հանրակրթական, խորացված նախնական զինվորական կրթությամբ, ռազմահայրենասիրական դաստիարակությամբ և ուսումնական պլանով նախատեսված այլ առարկաների ուսուցմամբ» բառերով, իսկ չորրորդ պարբերությունում «սաների» բառը փոխարինել «սովորողների (հայկազունների)» բառերով,

դ. 9-րդ կետի «բ» ենթակետի երկրորդ պարբերությունում «կադետական» բառը փոխարինել «խորացված նախնական զինվորական (հայկազունական)» բառերով, իսկ երրորդ պարբերությունում «սաների» բառը՝ «սովորողների (հայկազունների)» բառերով,

ե. 11-րդ կետից հանել «հոգաբարձուների» բառը.

2) որոշման հավելվածով հաստատված` «Փոքր Մհեր» կրթահամալիր» պետական ոչ առևտրային կազմակերպության կանոնադրության`

ա. 1-ին կետի առաջին պարբերությունը շարադրել հետևյալ խմբագրությամբ.

«1. «Փոքր Մհեր» կրթահամալիր» պետական ոչ առևտրային կազմակերպությունը շահույթ ստանալու նպատակ չհետապնդող, իրավաբանական անձի կարգավիճակ ունեցող, հանրակրթական և կրթական այլ ծրագրեր իրականացնող ուսումնական հաստատություն է (այսուհետ` ուսումնական հաստատություն), որը հետապնդում է կրթական, ռազմահայրենասիրական, մարզական և սոցիալական նպատակներ:»,

բ. ամբողջ տեքստում` բացառությամբ 10-րդ կետի, «կրթահամալիր» բառը` իր բոլոր հոլովաձևերով, համապատասխանաբար փոխարինել «ուսումնական հաստատություն» բառերով` իրենց բոլոր հոլովաձևերով,

գ. 9-րդ կետը շարադրել հետևյալ խմբագրությամբ.

«9. Ուսումնական հաստատության գտնվելու վայրն է` Հայաստանի Հանրապետության Կոտայքի մարզ, գ. Քանաքեռավան:»,

դ. 11-րդ կետից հանել «հայկազունական-կադետական-սեպուհական» բառերը, իսկ «կուրսանտների (այսուհետ` սովորող)» բառերը փոխարինել «սովորողների (հայկազունների, այսուհետ` սովորող)» բառերով,

ե. 12-րդ կետի «ե» ենթակետում «սաների» բառը փոխարինել «սովորողների» բառով,

զ. 13-րդ կետի «ա» ենթակետում «կադետական» բառը փոխարինել «ռազմամարզական» բառով,

է. 21-րդ կետի «դ» ենթակետը «հաստատում» բառից հետո լրացնել «և դրանում կատարվող փոփոխություններ ու լրացումներ» բառերով,

ը. 23-րդ կետը շարադրել հետևյալ խմբագրությամբ.

«23. Լիազորված պետական մարմինը`

ա) ուսումնական հաստատության կանոնադրությամբ սահմանված կարգով իրականացնում է նրա կառավարման մարմինների ձևավորումը և նրանց լիազորությունների վաղաժամկետ դադարեցումը.

բ) իրականացնում է ուսումնական հաստատության գործունեության վերահսկողությունը.

գ) հաստատում է ուսումնական հաստատության տարեկան ծախսերի նախահաշիվը.

դ) կասեցնում կամ ուժը կորցրած է ճանաչում ուսումնական հաստատության տնօրենի կամ խորհրդի` Հայաստանի Հանրապետության օրենսդրության պահանջներին հակասող հրամանները, հրահանգները, կարգադրությունները և ցուցումները.

ե) լսում է ուսումնական հաստատության գործունեության մասին հաշվետվություններ, քննում դրանց գործունեության վերստուգման արդյունքները.

զ) վերահսկողություն է իրականացնում ուսումնական հաստատությանն ամրացված պետական սեփականության օգտագործման և պահպանության նկատմամբ.

է) վերահսկողություն է իրականացնում ուսումնական հաստատության սեփականության պահպանության նկատմամբ, իսկ օրենքով նախատեսված դեպքերում համաձայնություն է տալիս ուսումնական հաստատության գույքի օտարման և ձեռքբերման հետ կապված խոշոր գործարքների կնքման համար.

ը) իրականացնում է «Պետական ոչ առևտրային կազմակերպությունների մասին» Հայաստանի Հանրապետության օրենքով, «Կրթության մասին» Հայաստանի Հանրապետության օրենքով, հիմնադրի որոշումներով և ուսումնական հաստատության կանոնադրությամբ նախատեսված այլ գործառույթներ:»,

թ. 24-րդ կետը շարադրել հետևյալ խմբագրությամբ.

«24. Խորհրդի կազմում ընդգրկվում են`

ա) Հայաստանի Հանրապետության արդարադատության նախարարի տեղակալը.

բ) Հայաստանի Հանրապետության կրթության և գիտության նախարարի տեղակալը.

գ) Հայաստանի Հանրապետության պաշտպանության նախարարի տեղակալը.

դ) Հայաստանի Հանրապետության ֆինանսների նախարարի տեղակալը.

ե) Հայաստանի Հանրապետության աշխատանքի և սոցիալական հարցերի նախարարի տեղակալը.

զ) Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի տեղակալը.

է) Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի տեղակալը.

ը) Հայաստանի արդյունաբերողների և գործատուների միության ներկայացուցիչը (համաձայնությամբ).

թ) «Ապավեն» սահմանափակ պատասխանատվությամբ ընկերության ներկայացուցիչը (համաձայնությամբ).

ժ) ծնողական խորհրդի կողմից ընտրված` սովորողների երկու ծնողներ կամ օրինական ներկայացուցիչներ:».

ժ) 25-րդ կետից հանել երկրորդ նախադասությունը,

ժա) 26-րդ կետը շարադրել հետևյալ խմբագրությամբ.

«26. Ուսումնական հաստատության խորհուրդը`

ա) օրենքով և ուսումնական հաստատության կանոնադրությամբ նախատեսված նրա գործունեության բնագավառին, նպատակներին և խնդիրներին համապատասխան` հաստատության գործունեության հիմնական ուղղությունների մասին առաջարկություններ է ներկայացնում լիազորված պետական կառավարման մարմին.

բ) սահմանված կարգով առաջարկություններ է ներկայացնում լիազորված պետական մարմին ուսումնական հաստատության տարեկան ծախսերի նախահաշվի նախագծի վերաբերյալ.

գ) Հայաստանի Հանրապետության կառավարության կողմից սահմանված կարգով նշանակում է ուսումնական հաստատության տնօրենին, հաստատում նրա հետ կնքվող աշխատանքային պայմանագիրը, վաղաժամկետ դադարեցնում է նրա լիազորությունները և սահմանում տնօրենի վարձատրության կարգն ու պայմանները.

դ) իրականացնում է ուսումնական հաստատության տնօրենի նկատմամբ ընթացիկ վերահսկողությունը.

ե) հիմնադրի կողմից սահմանված կարգով սահմանում է ուսումնական հաստատության շահույթի տնօրինման ուղղությունները.

զ) հաստատում է ուսումնական հաստատության գործունեությունը կանոնակարգող ներքին փաստաթղթերը (այսուհետ` կանոնակարգեր).

է) հաստատում է իր աշխատակարգը.

ը) ընտրում է խորհրդի նախագահ.

թ) հաստատում է ուսումնական հաստատության ստորաբաժանումների կանոնակարգերը, ներքին կարգապահական և այլ կանոններ.

ժ) քննարկում և հաստատում է ուսումնական հաստատության տնօրենի հաշվետվությունները.

ժա) քննարկում է ուսումնական հաստատության տարեկան հաշվապահական և այլ հաշվետվություններ.

ժբ) քննարկում ու հաստատում է ուսումնական հաստատության ֆինանսատնտեսական և ուսումնադաստիարակչական գործունեության մասին հաշվետվությունները և հաջորդ տարվա բյուջետային ֆինանսավորման հայտը` դրանք ներկայացնելով լիազորված պետական մարմին.

ժգ) քննարկում է սովորողների, ինչպես նաև նրանց ծնողների կամ նրանց օրինական ներկայացուցիչների՝ իրեն հղված դիմումները, առաջարկությունները կամ բողոքները.

ժդ) «Պետական ոչ առևտրային կազմակերպությունների մասին» Հայաստանի Հանրապետության օրենքի 22-րդ հոդվածի 3-րդ մասով նախատեսված դեպքերում համաձայնություն է տալիս ուսումնական հաստատության գույքի օտարման և ձեռքբերման հետ կապված խոշոր գործարքների կնքման համար.

ժե) վերահսկողություն է իրականացնում խորհրդի որոշումների կատարման, ուսումնական հաստատության գույքի պահպանման նկատմամբ.

ժզ) իրականացնում է օրենքով և ուսումնական հաստատության կանոնադրությամբ սահմանված այլ լիազորություններ:

Խորհրդի որոշումների մեկ օրինակն ուղարկվում է լիազոր մարմին:»,

ժբ. 27-րդ կետն ուժը կորցրած ճանաչել,

ժգ. 31-րդ կետում «եռամսյակը» բառը փոխարինել «կիսամյակը» բառով.

ժդ. 35-րդ կետը շարադրել հետևյալ խմբագրությամբ.

«35. Հաստատության ընթացիկ գործունեության ղեկավարումն իրականացնում է տնօրենը:

Տնօրենն օրենքով, հիմնադրի և լիազորված պետական մարմնի որոշումներով, հաստատության կանոնադրությամբ իրեն վերապահված լիազորությունների սահմաններում ղեկավարում է ուսումնական հաստատության գործունեությունը և կրում պատասխանատվություն օրենքների, այլ իրավական ակտերի, հիմնադրի կամ լիազորված պետական մարմնի կամ խորհրդի որոշումների, սույն կանոնադրության, կանոնակարգերի և կնքված պայմանագրերի պահանջները չկատարելու կամ ոչ պատշաճ կատարելու համար:

Տնօրենի հետ հիմնադրի անունից պետական լիազոր մարմնի ղեկավարը կնքում է պայմանագիր, որում սահմանվում են նրա իրավունքները, պարտականությունները, պատասխանատվությունը և փոխհարաբերությունները լիազորված պետական մարմնի, պետական կազմակերպության կառավարման այլ մարմինների հետ, պայմանագրի դադարման` օրենքով նախատեսված բոլոր հիմքերը և այլ դրույթներ, որոնք պայմանավորվող կողմերը կգտնեն անհրաժեշտ: Պայմանագրի դրույթները չեն կարող հակասել Հայաստանի Հանրապետության աշխատանքային օրենսդրության պահանջներին` բացառությամբ օրենքով նախատեսված դեպքերի:»,

ժե. 37-րդ կետի «ե» ենթակետում «սույն կանոնադրությամբ և խորհրդի կողմից սահմանված կարգով» բառերը փոխարինել «Հայաստանի Հանրապետության օրենսդրությամբ սահմանված կարգով» բառերով,

ժզ. 38-րդ կետը շարադրել հետևյալ խմբագրությամբ.

«38. Տնօրենը պարտավոր է եռամսյակային, կիսամյակային, տարեկան հաշվետվության մեկ օրինակ ներկայացնել լիազորված պետական մարմին:»,

ժէ. 41-րդ կետը շարադրել հետևյալ խմբագրությամբ.

«41. Տնօրենի լիազորությունները կարող են դադարեցվել օրենքով սահմանված կարգով ու դեպքերում:»,

ժը. ուժը կորցրած ճանաչել 42-րդ կետը,

ժթ. ուժը կորցրած ճանաչել 43-րդ կետի «բ» ենթակետը,

ի. 45-րդ կետի «զ» ենթակետը շարադրել հետևյալ խմբագրությամբ.

«զ) պատասխանատվություն է կրում սովորողների բարոյահոգեբանական և ռազմահայրենասիրական պատրաստության համար.»,

իա. ուժը կորցրած ճանաչել 46-րդ կետի «դ» ենթակետը,

իբ. 47-րդ և 48-րդ կետերը շարադրել հետևյալ խմբագրությամբ.

«47. Դաստիարակը (խմբի ղեկավարը, հրամանատարը)`

ա) դաստիարակչական աշխատանք է տանում սովորողների շրջանում` սերտորեն համագործակցելով մանկավարժների հետ,

բ) իր վերադասին ներկայացնում է սովորողների առաջադիմության, հաճախումների և վարքի մասին տեղեկություններ, ինչպես նաև առաջարկություններ՝ սովորողների կողմից թույլ տրված խախտումների վերացման նպատակով,

գ) իրականացնում է սովորողների ռազմահայրենասիրական, սպորտային առողջության ամրապնդմանը և ֆիզիկական զարգացմանը նպաստող կրթական և այլ ծրագրեր.

դ) հետևում է սովորողների կողմից օրակարգերի ու կանոնակարգերի պահանջների պահպանմանը և դասապատրաստման ընթացքին.

ե) արգելում է սովորողների այն գործողությունները, որոնք կարող են սովորողի առողջության ու կյանքի համար վտանգ պարունակել կամ խաթարել ուսումնադաստիարակչական աշխատանքների իրականացումը,

զ) սույն կանոնադրությամբ և կանոնակարգերով սահմանված, իր իրավասությունների սահմաններում, սովորողների նկատմամբ կիրառում է խրախուսանքի կամ պատասխանատվության միջոցներ.

է) իրականացնում է խորհրդի և տնօրենի կողմից սահմանված այլ լիազորություններ:

48. Ուսումնական հաստատությունում ստեղծվում է մանկավարժական խորհուրդ, որի կազմում ընդգրկվում են տնօրենը, նրա տեղակալները, մանկավարժների, դաստիարակների և ոչ հանրակրթական ծրագրեր իրականացնող մասնագետների կողմից ընտրված երկուական ներկայացուցիչ, կրթահամալիրի հոգեբանը և բժիշկը: Մանկավարժական խորհրդի նիստին խորհրդակցական ձայնի իրավունքով իրավունք ունի մասնակցելու ուսումնական հաստատության խորհրդի անդամը: Մանկավարժական խորհրդի նիստին կարող են հրավիրվել ուսումնական հաստատության այլ աշխատողներ կամ այլ անձինք:

Մանկավարժական խորհուրդը`

ա) ներկայացնում է առաջարկություններ տնօրենին կամ խորհրդին ուսումնական հաստատության գործունեության բնագավառին, նպատակներին ու խնդիրներին, ուսումնական հաստատության գործունեության բարելավման, հաստատության ներքին կառուցվածքի ու կառուցվածքային ստորաբաժանումների իրավասությունների սահմանման և այլ հարցերի վերաբերյալ.

բ) քննարկում է հաստատության առարկայական մեթոդմիավորումների նախագահների, մանկավարժների, տնօրենի տեղակալների հաշվետվություններն ու հաղորդումները, հաստատում տվյալ ուսումնական տարվա ուսումնական պլանը.

գ) ներկայացնում է առաջարկություններ տնօրենին ուսումնական հաստատության աշխատողներին խրախուսանքի կամ կարգապահական պատասխանատվության ենթարկելու վերաբերյալ.

դ) հաստատում է ուսումնական հաստատության աշխատողներին տրվող պարգևատրումների ցանկը և չափը.

ե) քննարկում է սովորողների, ինչպես նաև նրանց ծնողների կամ նրանց օրինական ներկայացուցիչների դիմումները, առաջարկությունները կամ բողոքները.

զ) քննարկում և հավանություն է տալիս ուսումնական հաստատության դասացուցակներին, օրակարգերին, ոչ հանրակրթական ծրագրերին ու ուսումնական հաստատության աշխատանքային ծրագրերին.

է) իրականացնում է օրենքով, սույն կանոնադրությամբ կամ ուսումնական հաստատության կանոնակարգերով սահմանված այլ լիազորություններ:

Մանկավարժական խորհրդի նիստերը գումարվում են առնվազն յուրաքանչյուր 2 ամիսը մեկ անգամ:

Հաստատության տնօրենի կամ խորհրդի անդամների մեկ երրորդի առաջարկությամբ խորհուրդն իրավունք ունի քննարկելու և առաջարկություններ ներկայացնելու ուսումնական հաստատության, դրա սովորողներին առնչվող ցանկացած այլ հարցի վերաբերյալ:

Մանկավարժական խորհուրդն իր աշխատանքներն իրականացնում է նիստերի միջոցով: Մանկավարժական խորհրդի նիստերն իրավազոր են, եթե նիստերին մասնակցում է խորհրդի անդամների կեսից ավելին: Որոշումներն ընդունվում են նիստի մասնակիցների ձայների պարզ մեծամասնությամբ:

Տնօրենն իրավունք ունի իրեն հայտնի դառնալուց ոչ ուշ, քան եռօրյա ժամկետում անվավեր ճանաչելու մանկավարժական խորհրդի այն որոշումները, որոնց ինքը չի մասնակցել կամ դեմ է քվեարկել` դրա մասին 5-օրյա ժամկետում գրավոր հայտնելով լիազոր մարմնին և ուսումնական հաստատության խորհրդի անդամներին:

Մանկավարժական խորհուրդն իր նիստերն իրականացնում է լիազոր մարմնի սահմանած կարգով:»,

իգ) 56-րդ կետի երկրորդ պարբերությունը շարադրել հետևյալ խմբագրությամբ.

«Ուսումնական հաստատության կողմից գնումներն իրականացվում են «Գնումների մասին» Հայաստանի Հանրապետության օրենքով սահմանված կարգով:»,

իդ) 61-րդ կետը շարադրել հետևյալ խմբագրությամբ.

«61. Ուսումնական հաստատությունում ընդունելությունը կատարվում է լիազոր պետական մարմնի կողմից հատուկ հանրակրթական ուսումնական հաստատությունների սովորողների համար սահմանված ընդունելության կարգին և խորհրդի կողմից որոշված ընդունելության լրացուցիչ պայմաններին համապատասխան:»,

իե. 65-րդ կետը շարադրել հետևյալ խմբագրությամբ.

«65. Ուսումնական հաստատությունում սովորելու իրավունք ունեն միայն արական սեռի երեխաները:»,

իզ. 73-րդ կետի «ա» ենթակետից հանել «շուրջօրյա» բառը,

իէ. 74-րդ կետը շարադրել հետևյալ խմբագրությամբ.

«74. Արգելվում է սովորողներին ժամը 22.00-7.00-ն պահակային կամ այլ ծառայությունում, ինչպես նաև ծանր աշխատանքներում ներգրավելը:

Արգելվում է սովորողներին սանիտարական նորմերով տվյալ տարիքի անձանց համար արգելված աշխատանքներում ներգրավելը:»,

իթ. 76-րդ կետում «կադետասեպուհական» բառը փոխարինել «հայկազունական» բառով,

լ. 78-րդ կետի «ա» ենթակետից հանել «, հայկազունական-կադետական-սեպուհական» բառերը,

լա. 79-րդ կետի վերջին նախադասությունը շարադրել հետևյալ խմբագրությամբ.

«Սովորողի նկատմամբ հոգեկան և ֆիզիկական բռնություն գործադրողը ենթակա է օրենքով սահմանված կարգով պատասխանատվության».

լբ. 82-րդ կետի «զ» ենթակետն ուժը կորցրած ճանաչել, իսկ «է» ենթակետում «կադետասեպուհական» բառը փոխարինել «հայկազունական» բառով,

լգ. 92-րդ կետի առաջին և երկրորդ պարբերություններում «Սովորողները, մանկավարժներն ու մյուս աշխատողները» բառերը փոխարինել «Սովորողները, ուսումնական հաստատության տնօրենը, նրա տեղակալները և դաստիարակները (հրամանատարները)» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2008 թ. հուլիսի 8 Երևան