ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՎՃՌԱԲԵԿ ԴԱՏԱՐԱՆ
|
Վերաքննիչ քաղաքացիական դատարանի վճիռ Քաղաքացիական գործ թիվ 06-3610/2006 թ. |
Քաղաքացիական գործ թիվ 3-419(ՎԴ) |
| Նախագահող դատավոր՝ Տ. Սահակյան | |
|
Դատավորներ՝ Կ. Հակոբյան Տ. Նազարյան |
Ո Ր Ո Շ ՈՒ Մ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Հայաստանի Հանրապետության վճռաբեկ դատարանի քաղաքացիական պալատը (այսուհետ՝ Վճռաբեկ դատարան)
|
նախագահությամբ |
Հ. Մանուկյանի | |
|
մասնակցությամբ դատավորներ |
Ա. Մկրտումյանի | |
|
|
Վ. Աբելյանի | |
|
|
Ս. Սարգսյանի | |
|
|
Դ. Ավետիսյանի | |
|
Հ. Ղուկասյանի |
2008 թվականի հունիսի 20-ին
դռնբաց դատական նիստում, քննելով Անժելա Բդոյանի ներկայացուցիչ Լեռնիկ Հովհաննիսյանի վճռաբեկ բողոքը Վերաքննիչ քաղաքացիական դատարանի 17.03.2008 թվականի որոշման դեմ՝ ըստ հայցի Անժելա Բդոյանի ընդդեմ Երվանդ Կրբաշյանի, երրորդ անձ Աջափնյակ համայնքի խնամակալության և հոգաբարձության մարմնի` երեխային արտերկիր դուրս գալու համար համաձայնություն տալուն պարտավորեցնելու, ալիմենտի բռնագանձման և ծնողական իրավունքներից զրկելու պահանջի մասին,
Պ Ա Ր Զ Ե Ց
1. Գործի դատավարական նախապատմությունը.
Դիմելով դատարան` Անժելա Բդոյանը պահանջել է Երվանդ Կրբաշյանին պարտավորեցնել տալու համաձայնություն` երեխային արտերկիր դուրս գալու համար, ինչպես նաև պահանջել է բռնագանձել ալիմենտի գումարը և Ե. Կրբաշյանին զրկել ծնողական իրավունքներից:
Աջափնյակ և Դավթաշեն համայնքների առաջին ատյանի դատարանի 15.03.2007 թվականի վճռով հայցը բավարարվել է մասնակիորեն:
Վերաքննիչ քաղաքացիական դատարանի 17.03.2008 թվականի որոշմամբ Աջափնյակ և Դավթաշեն համայնքների առաջին ատյանի դատարանի 15.03.2007 թվականի վճռի` համաձայնություն տալու մասը բեկանվել է, փոփոխվել և այդ մասով հայցը մերժվել է: Վճռի մնացած մասը թողնվել է օրինական ուժի մեջ:
Սույն գործով վճռաբեկ բողոք է ներկայացրել Անժելա Բդոյանը:
Կողմերը Վճռաբեկ դատարան են ներկայացրել 19.05.2008 թվականի հաշտության համաձայնությունը և պահանջել են հաստատել այն:
Վճռաբեկ դատարանի կողմից կողմերին պարզաբանվել է ՀՀ քաղաքացիական դատավարության օրենսգրքի 110-րդ հոդվածով սահմանված հաշտության համաձայնությամբ գործի վարույթը կարճելու դատավարական հետևանքները:
2. Վճռաբեկ դատարանի պատճառաբանությունները և եզրահանգումը.
ՀՀ քաղաքացիական դատավարության օրենսգրքի 33-րդ հոդվածի համաձայն՝ կողմերը դատավարության ցանկացած փուլում կարող են գործն ավարտել հաշտության համաձայնությամբ:
Կողմերի միջև կայացված հաշտության համաձայնությունը ձևակերպվում է գրավոր:
Ուսումնասիրելով 19.05.2008 թվականի հաշտության համաձայնությունը՝ Վճռաբեկ դատարանը գտնում է, որ այն չի հակասում օրենքին և չի խախտում այլ անձանց իրավունքներն ու օրինական շահերը:
Այսպիսով, Վճռաբեկ դատարանը գտնում է, որ կողմերի ներկայացված հաշտության համաձայնությունը պետք է հաստատել:
Ելնելով վերոգրյալից և ղեկավարվելով ՀՀ քաղաքացիական դատավարության օրենսգրքի 33-րդ, 133-րդ, 236-239-րդ հոդվածներով՝ Վճռաբեկ դատարանը
Ո Ր Ո Շ Ե Ց
1. Հաստատել 19.05.2008 թվականի հաշտության համաձայնությունը՝ հետևյալ բովանդակությամբ.
«ՀԱՇՏՈՒԹՅԱՆ ՀԱՄԱՁԱՅՆՈՒԹՅՈՒՆ
|
ք. Երևան |
19.05.2008 թ. |
Մենք` մի կողմից Երվանդ Կրբաշյանս, մյուս կողմից Անժելա Բդոյանս, այսուհետ միասին` Կողմեր, Անժելա Բդոյանի հայցով ընդդեմ Երվանդ Կրբաշյանի, երրորդ անձ` Աջափնյակ համայնքի խնամակալության և հոգաբարձության մարմնի` Ե.Կրբաշյանին համաձայնություն տալուն պարտադրելու, ծնողական իրավունքներից զրկելու, ալիմենտի բռնագանձման պահանջի մասին ՀՀ վերաքննիչ քաղաքացիական դատարանի թիվ 08-1202 գործով 17.03.2008 թ. որոշման դեմ Անժելա Բդոյանի վճռաբեկ բողոքը ՀՀ վճռաբեկ դատարանում գտնվելու ժամանակ, կնքեցինք սույն հաշտության համաձայնությունը հետևյալի մասին.
1. Ես` Երվանդ Կրբաշյանս, կնքելով սույն հաշտության համաձայնությունը, տալիս եմ իմ համաձայնությունն առ այն, որ իմ երեխայի` Էրիկ Երվանդի Կրբաշյանի մայրը` Անժելա Բդոյանը, մինչև երեխայի չափահաս դառնալը, երեխայի բուժման, ինչպես նաև հանգստի, հոգևոր և ֆիզիկական զարգացման նպատակով արտերկիր տանելու կապակցությամբ յուրաքանչյուր անգամ կարող է առանց իմ կողմից առանձին համաձայնություններ ստանալու դիմել համապատասխան մարմինների, երեխայի համար ստանալ Հայաստանի Հանրապետությունից ելքի թույլտվությամբ անձնագիր /անձնագրեր/:
2. Ես` Անժելա Բդոյանս, պարտավորվում եմ, Երվանդ Կրբաշյանի կողմից սույն հաշտության համաձայնության 1-ին կետում նշված պարտավորությունը կատարելու համար մեր երեխային` Էրիկ Կրբաշյանին, մինչև արտերկիր տանելը, այդ մասին տեղեկացնել Երվանդ Կրբաշյանին` վերջինիս հայտնելով Է.Կրբաշյանին արտերկիր տանելու նպատակը, ժամանակահատվածը և այն վայրը, ինչպես նաև Երվանդ Կրբաշյանին նախապես տեղեկացնել երեխայի` Է.Կրբաշյանի, Հայաստանի Հանրապետություն վերադարձի օրվա և ժամի մասին:
3. Կողմերս համաձայն ենք ՀՀ վերաքննիչ քաղաքացիական դատարանի թիվ 08-1202 գործով 17.03.2008 թ. որոշման` ծնողական իրավունքներից զրկելու և ալիմենտի բռնագանձման պահանջի մասերով տրված լուծման հետ, ինչպես նաև համաձայն ենք, որ այդ մասերով ՀՀ վերաքննիչ քաղաքացիական դատարանի 17.03.2008 թ. որոշումը մնա օրինական ուժի մեջ:
4. Կողմերս պարտավորվում ենք, որ սույն հաշտության համաձայնությամբ ստանձնած պարտավորությունները կատարելու ենք պատշաճ և կամավոր, իսկ Կողմերից որևէ մեկի կողմից սույն հաշտության համաձայնության պահանջները կամավոր չկատարվելու դեպքում, համաձայն ենք, որ այն կատարվի ՀՀ արդարադատության նախարարության դատական ակտերի հարկադիր կատարման ծառայության միջոցով:
5. Կողմերիս հաշտության համաձայնության հետևանքները հայտնի են, ուստի ՀՀ վճռաբեկ դատարանին խնդրում ենք այն հաստատել:
Երվանդ Կրբաշյան ստորագրություն
Անժելա Բդոյան ստորագրություն»:
2. Վերաքննիչ քաղաքացիական դատարանի 17.03.2008 թվականի որոշումը բեկանել և քաղաքացիական գործի վարույթը կարճել:
3. Սույն որոշումն օրինական ուժի մեջ է մտնում հրապարակման պահից, վերջնական է և ենթակա չէ բողոքարկման:
|
Նախագահող` |
Հ. Մանուկյան |
|
Դատավորներ` |
Ա. Մկրտումյան |
|
|
Վ. Աբելյան |
|
|
Ս. Սարգսյան |
|
|
Դ. Ավետիսյան |
|
|
Հ. Ղուկասյան |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|