«Վավերացնում եմ»
Հայաստանի Հանրապետության
Նախագահ Ռ. Քոչարյան
24 հուլիսի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 հունիսի 2002 թվականի N 1008-Ն

«ՆԱԻՐԻ» ԲՈՒԺԱԿԱՆ-ԱՌՈՂՋԱՐԱՐԱԿԱՆ ՄԻԱՎՈՐՈՒՄ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԵՎ «ԱՆԳԻՈՆԵՎՐՈԼՈԳԻԱՅԻ ԿԵՆՏՐՈՆ» ԴՈՒՍՏՐ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Ղեկավարվելով «Բաժնետիրական ընկերությունների մասին» Հայաստանի Հանրապետության օրենքի 1-ին, 20-րդ և 68-րդ հոդվածներով՝ Հայաստանի Հանրապետության կառավարությունը որոշում է.

1. Հայաստանի Հանրապետության առողջապահության նախարարին՝ երկշաբաթյա ժամկետում «Նաիրի» բուժական-առողջարարական միավորում» փակ բաժնետիրական ընկերության գույքի կազմից սահմանված կարգով առանձնացնել Երևանի Պարոնյան 21 հասցեում գտնվող՝ 1482,7 հազ. դրամ հաշվեկշռային արժեք ունեցող 2-րդ մասնաշենքի առաջին հարկի տարածքն ու նկուղային հարկի տարածքի մի մասը՝ 850 քառ. մետր ընդհանուր մակերեսով, և դրանք հանձնել Հայաստանի Հանրապետության պետական գույքի կառավարման նախարարության տնօրինությանը՝ Ընկերության կանոնադրական կապիտալը նվազեցնել 103,285,000 դրամով՝ այն սահմանելով 32,495,000 դրամ, որը համապատասխանում է 1250 դրամ անվանական արժեքով 25996 հասարակ բաժնետոմսի:

(1-ին կետը փոփ. 08.08.02 N 1187-Ն)

2. «Նաիրի» բուժական-առողջարարական միավորում» փակ բաժնետիրական ընկերությունը և «Անգիոնևրոլոգիայի կենտրոն» դուստր փակ բաժնետիրական ընկերությունը վերակազմակերպել՝ «Անգիոնևրոլոգիայի կենտրոն» դուստր փակ բաժնետիրական ընկերությունը «Նաիրի» բուժական-առողջարարական միավորում» փակ բաժնետիրական ընկերությանը միացնելու ձևով:

3. Հայաստանի Հանրապետության առողջապահության նախարարին՝

ա) մեկամսյա ժամկետում ապահովել «Նաիրի» բուժական-առողջարարական միավորում» փակ բաժնետիրական ընկերության և «Անգիոնևրոլոգիայի կենտրոն» դուստր փակ բաժնետիրական ընկերության՝ միացման ձևով վերակազմակերպման աշխատանքների կատարումը.

բ) սույն կետի «ա» ենթակետում նշված աշխատանքների ավարտից հետո երկշաբաթյա ժամկետում՝ վերակազմակերպված «Նաիրի» բուժական-առողջարարական միավորում» փակ բաժնետիրական ընկերության գույքի գնահատման համար անհրաժեշտ ելակետային տվյալների փաթեթը ներկայացնել Հայաստանի Հանրապետության պետական գույքի կառավարման նախարարություն:

4. Հայաստանի Հանրապետության պետական գույքի կառավարման նախարարին՝

ա) սույն որոշման 1-ին կետում նշված աշխատանքների ավարտից հետո մեկամսյա ժամկետում «Հայկական Կարմիր խաչի ընկերություն» հասարակական կազմակերպության հետ ապահովել սույն որոշման 1-ին կետում նշված տարածքի անժամկետ անհատույց օգտագործման պայմանագրի կնքումը.

բ) սույն որոշման 3-րդ կետի «բ» ենթակետում նշված փաստաթղթերն ստանալուց հետո երկշաբաթյա ժամկետում ապահովել «Նաիրի» բուժական-առողջարարական միավորում» փակ բաժնետիրական ընկերության գույքի գնահատման աշխատանքները և Հայաստանի Հանրապետության կառավարություն ներկայացնել առաջարկություններ այդ ընկերության պետական սեփականություն հանդիսացող բաժնետոմսերի մասնավորեցման վերաբերյալ:

Հայաստանի Հանրապետության վարչապետ	Ա. Մարգարյան
2002 թ. հուլիսի 22 Երևան