ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ

Ո Ր Ո Շ ՈՒ Մ Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՉՈՐՐՈՐԴ ԳՈՒՄԱՐՄԱՆ ԵՐՐՈՐԴ ՆՍՏԱՇՐՋԱՆԻ ՕՐԱԿԱՐԳՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության Ազգային ժողովը որոշում է.

1. «Ազգային ժողովի կանոնակարգ» Հայաստանի Հանրապետության օրենքի 36-րդ հոդվածի 2-րդ մասի «ա» կետի համաձայն՝ Հայաստանի Հանրապետության Ազգային ժողովի չորրորդ գումարման երրորդ նստաշրջանի օրակարգում լրացուցիչ ընդգրկել հետևյալ հարցերը, որոնց վերաբերյալ համապատասխան գլխադասային մշտական հանձնաժողովները ներկայացրել են դրական եզրակացություն.

Հարցի անվանումը	Ներկայացնողը	Գլխադասային հանձնաժողովը
1. «Զենքի մասին» ՀՀ օրենքում լրացում կատարելու մասին	Կառավարություն 05.02.2008	Պաշտպանության, ազգային անվտանգության և ներքին գործերի մշտական հանձնաժողով
2. «Ռազմական ոստիկանության մասին» ՀՀ օրենքում փոփոխություն կատարելու մասին	Կառավարություն 18.02.2008	Պաշտպանության, ազգային անվտանգության և ներքին գործերի մշտական հանձնաժողով
3. «Առևտրի և ծառայությունների մասին» ՀՀ օրենքում լրացումներ կատարելու մասին	Կառավարություն 08.01.2008	Տնտեսական հարցերի մշտական հանձնաժողով
4. «Ակցիզային հարկի մասին» ՀՀ օրենքում լրացում կատարելու մասին	Կառավարություն 08.01.2008	Տնտեսական հարցերի մշտական հանձնաժողով
5. ա) Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին	Կառավարություն 08.01.2008	Պաշտպանության, ազգային անվտանգության և ներքին գործերի մշտական հանձնաժողով
բ) Վարչական իրավախախտումների վերաբերյալ ՀՀ օրենսգրքում փոփոխություն կատարելու մասին գ) «Պետական տուրքի մասին» ՀՀ օրենքում լրացում կատարելու մասին
6. Ֆիրմային անվանումների մասին	Կառավարություն 29.01.2008	Տնտեսական հարցերի մշտական հանձնաժողով
7. ա) Գյուտերի, օգտակար մոդելների և արդյունաբերական նմուշների մասին բ) «Պետական տուրքի մասին» ՀՀ օրենքում փոփոխություններ և լրացումներ կատարելու մասին	Կառավարություն 29.01.2008	Տնտեսական հարցերի մշտական հանձնաժողով
8. Խաղողի հումքով ոգելից խմիչքների մասին	Կառավարություն 22.10.2007	Տնտեսական հարցերի մշտական հանձնաժողով
9. «Տնտեսական մրցակցության պաշտպանության մասին» ՀՀ օրենքում փոփոխություններ և լրացումներ կատարելու մասին	ԱԺ պատգամավորներ Հր. Կարապետյան Ա. Նռանյան Ա. Մինասյան Լ. Գալստյան Մ. Մանուկյան 13.11.2007	Տնտեսական հարցերի մշտական հանձնաժողով

2. «Ազգային ժողովի կանոնակարգ» Հայաստանի Հանրապետության օրենքի 36-րդ հոդվածի 2-րդ մասի «բ» կետի համաձայն՝ Հայաստանի Հանրապետության Ազգային ժողովի չորրորդ գումարման երրորդ նստաշրջանի օրակարգում լրացուցիչ ընդգրկել հետևյալ հարցերը, որոնց վերաբերյալ համապատասխան գլխադասային մշտական հանձնաժողովները չեն ներկայացրել դրական եզրակացություն.

Հարցի անվանումը

Ներկայացնողը

Գլխադասային հանձնաժողովը

3. «Ազգային ժողովի կանոնակարգ» Հայաստանի Հանրապետության օրենքի 36-րդ հոդվածի 2-րդ մասի «գ» կետի համաձայն՝ Հայաստանի Հանրապետության Ազգային ժողովի չորրորդ գումարման երրորդ նստաշրջանի օրակարգում լրացուցիչ ընդգրկել պարտադիր և ըստ անհրաժեշտության քննարկվող հետևյալ հարցը.

Հարցի անվանումը	Ներկայացնողը	Գլխադասային հանձնաժողովը
«Հատուկ պետական պաշտպանության ենթակա անձանց անվտանգության ապահովման մասին» ՀՀ օրենքում լրացում և փոփոխություն կատարելու մասին	Կառավարություն 13.03.2008	Պաշտպանության, ազգային անվտանգության և ներքին գործերի մշտական հանձնաժողով

Հայաստանի Հանրապետության Ազգային ժողովի նախագահ	Տ. Թորոսյան
17 մարտի 2008 թվականի, քաղ. Երևան Ն-061-4