«Վավերացնում եմ»
Հայաստանի Հանրապետության
Նախագահ Ռ. Քոչարյան
7 հունիսի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 մայիսի 2007 թվականի N 631-Ա

«ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 19-ՐԴ ՀՈԴՎԱԾԻ ԿԱՏԱՐՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ ՑԱՆԿԸ ԵՎ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ

«Առևտրի և ծառայությունների մասին» Հայաստանի Հանրապետության օրենքի 19-րդ հոդվածի 3-րդ մասին համապատասխան` Հայաստանի Հանրապետության կառավարությունը որոշում է.

Հաստատել «Առևտրի և ծառայությունների մասին» Հայաստանի Հանրապետության օրենքի 19-րդ հոդվածի պահանջների կատարումն ապահովող միջոցառումների ցանկը և ժամանակացույցը` համաձայն հավելվածի:

Հայաստանի Հանրապետության վարչապետ	Ս. Սարգսյան
2007 թ. հունիսի 2 Երևան

Հավելված ՀՀ կառավարության 2007 թվականի մայիսի 24-ի N 631-Ա որոշման

Ց Ա Ն Կ  ԵՎ  Ժ Ա Մ Ա Ն Ա Կ Ա Ց ՈՒ Յ Ց

«ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔԻ 19-ՐԴ ՀՈԴՎԱԾԻ ՊԱՀԱՆՋՆԵՐԻ ԿԱՏԱՐՈՒՄՆ ԱՊԱՀՈՎՈՂ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	Կատարողը	Կատարման ժամկետը
1.	«Հանրային սննդի և կենցաղային ծառայությունների ոլորտի աշխատողների մասնագիտական պատրաստվածության կրթական չափորոշիչները հաստատելու մասին» ՀՀ կրթության և գիտության նախարարի հրաման	ՀՀ կրթության և գիտության նախարարություն	2007 թ. հուլիսի առաջին տասնօրյակ
2.	«Հանրային սննդի և կենցաղային ծառայությունների ոլորտի աշխատողների մասնագիտական պատրաստվածության ծրագրերը հաստատելու մասին» ՀՀ կրթության և գիտության նախարարի ու ՀՀ առևտրի և տնտեսական զարգացման նախարարի համատեղ հրաման	ՀՀ կրթության և գիտության նախարարություն ՀՀ առևտրի և տնտեսական զարգացման նախարարություն	2007 թ. սեպտեմբերի առաջին տասնօրյակ

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան