ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

19 հուլիսի 2007 թվականի N 927-Ն

ԵՎՐՈՊԱԿԱՆ ՀԱՐԵՎԱՆՈՒԹՅԱՆ ՔԱՂԱՔԱԿԱՆՈՒԹՅԱՆ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ-ԵՎՐՈՊԱԿԱՆ ՄԻՈՒԹՅՈՒՆ ԳՈՐԾՈՂՈՒԹՅՈՒՆՆԵՐԻ ԾՐԱԳՐՈՎ ՆԱԽԱՏԵՍՎԱԾ` 2007 ԹՎԱԿԱՆԻ ԸՆԹԱՑՔՈՒՄ ԻՐԱԿԱՆԱՑՎԵԼԻՔ ԱՌԱՋՆԱՅՆՈՒԹՅՈՒՆՆԵՐԻ ԵՎ ՄԻՋՈՑԱՌՈՒՄՆԵՐԻ ՄԱՍԻՆ

Հայաստանի Հանրապետության Ազգային ժողովի կողմից 2007 թվականի հունիսի 26-ին հավանության արժանացած Հայաստանի Հանրապետության կառավարության ծրագրի և Հայաստանի Հանրապետություն-Եվրոպական Միություն գործողությունների ծրագրի իրականացման շրջանակներում Հայաստանի Հանրապետության կառավարությունը որոշում է.

1. Հաստատել Եվրոպական հարևանության քաղաքականության շրջանակներում Հայաստանի Հանրապետություն - Եվրոպական Միություն գործողությունների ծրագրով նախատեսված` 2007 թվականի ընթացքում իրականացվելիք առաջնայնությունների և միջոցառումների ցանկը` համաձայն հավելվածի:

2. Հանրապետական գործադիր մարմինների ղեկավարներին`

1) միջոցառումներն իրականացնել Հայաստանի Հանրապետության Ազգային ժողովի կողմից 2007 թվականի հունիսի 26-ին հավանության արժանացած Հայաստանի Հանրապետության կառավարության ծրագրի շրջանակներում.

2) յուրաքանչյուր եռամսյակի ավարտից հետո 10-օրյա ժամկետում Հայաստանի Հանրապետության առևտրի և տնտեսական զարգացման նախարարություն ներկայացնել տեղեկատվություն սույն որոշման հավելվածում ներառված առաջնայնությունների և միջոցառումների իրականացման ընթացքի մասին:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։

Հայաստանի Հանրապետության փոխվարչապետ	Հ. Աբրահամյան
2007 թ. օգոստոսի 22 Երևան

Հավելված ՀՀ կառավարության 2007 թվականի հուլիսի 19-ի N 927-Ն որոշման

Ց Ա Ն Կ

ԵՎՐՈՊԱԿԱՆ ՀԱՐԵՎԱՆՈՒԹՅԱՆ ՔԱՂԱՔԱԿԱՆՈՒԹՅԱՆ ՇՐՋԱՆԱԿՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ-ԵՎՐՈՊԱԿԱՆ ՄԻՈՒԹՅՈՒՆ ԳՈՐԾՈՂՈՒԹՅՈՒՆՆԵՐԻ ԾՐԱԳՐՈՎ ՆԱԽԱՏԵՍՎԱԾ 2007 ԹՎԱԿԱՆԻ ԸՆԹԱՑՔՈՒՄ ԻՐԱԿԱՆԱՑՎԵԼԻՔ ԱՌԱՋՆԱՅՆՈՒԹՅՈՒՆՆԵՐԻ ԵՎ ՄԻՋՈՑԱՌՈՒՄՆԵՐԻ

NN ը/կ	Նպատակը	NN ը/կ	Միջոցառման անվանումը	Միջոցառման իրականացման համար պատասխանատու մարմինը
1	2	3	4	5
1.	Սահմանադրական բարեփոխումներից բխող միջոցառումների պատշաճ իրականացում	1.1.	շարունակել բարեփոխումները տեղական ինքնակառավարման ոլորտում` բարելավելով տեղական համայնքների ու քաղաքացիական ծառայության ինստիտուտների կարողությունները	ՀՀ տարածքային կառավարման նախարարություն
		1.2.	ապահովել տեղական ինքնակառավարման եվրոպական խարտիայից բխող պարտավորությունների իրականացումը
2.	Մարդու իրավունքների պաշտպանի ինստիտուտի աշխատանքների հետագա բարելավում	2.1.	ապահովել ժողովրդավարությանը և մարդու իրավունքներին առնչվող օրենսդրական նախաձեռնությունների քննարկումը մարդու իրավունքների պաշտպանի հետ	ՀՀ արդարադատության նախարարություն Մարդու իրավունքների պաշտպանի գրասենյակ
3.	Դատական համակարգի թափանցիկության բարձրացում	3.1.	ապահովել դատական ակտերի պարբերական հրապարակումը	ՀՀ արդարադատության նախարարություն
4.	Կոռուպցիայի դեմ պայքար	4.1.	ուսումնասիրել ազգային հակակոռուպցիոն ռազմավարության 2006 թ. իրականացման առաջընթացը և ուսումնասիրության արդյունքների հիման վրա մշակել հակակոռուպցիոն ռազմավարության նոր միջոցառումներ	ՀՀ արդարադատության նախարարություն
		4.2.	մշակել և ընդունել հատուկ հակակոռուպցիոն միջոցառումներ` օրենքը կիրարկող մարմինների շրջանակներում	ՀՀ կառավարությանն առընթեր հարկային պետական ծառայություն
5.	ՀՀ քաղաքացիական ծառայության համակարգի շարունակական կատարելագործում	5.1.	կատարելագործել ՀՀ քաղաքացիական ծառայության համակարգը և միասնական քաղաքականության վարման մեխանիզմները	ՀՀ քաղաքացիական ծառայության խորհուրդ
		5.2.	ստեղծել ՀՀ պետական կառավարման ոլորտի մասնագիտությունների միասնական ցանկ
		5.3.	մշակել և ներդնել քաղաքացիական ծառայողների աշխատանքի կատարողականի գնահատման արդյունավետ համակարգ
		5.4.	կատարելագործել քաղաքացիական ծառայողների արժանիքների վրա հիմնված վարձատրության համակարգը	ՀՀ քաղաքացիական ծառայության խորհուրդ
		5.5.	կատարելագործել քաղաքացիական ծառայողների էթիկայի կանոնները և դրանց պահպանման ընթացակարգերը
		5.6.	ապահովել քաղաքացիական ծառայողների պաշտոնների անձնագրերի շարունակական կատարելագործումը
		5.7.	ապահովել ԵՄ անդամ պետությունների և ՀՀ քաղաքացիական ծառայության համակարգերի օրենսդրության ներդաշնակեցումը և համապատասխան ինստիտուտների փորձի ու տեղեկատվության փոխանակումը
6.	Համագործակցություն ընդհանուր արտաքին և անվտանգության քաղաքականության (CFSP) շրջանակներում	6.1.	համագործակցել ընդհանուր անվտանգության սպառնալիքների, այդ թվում` զանգվածային ոչնչացման զենքերի չտարածման, զինաթափման, զենքերի վերահսկման գործում	ՀՀ արտաքին գործերի նախարարություն ՀՀ պաշտպանության նախարարություն ՀՀ կառավարությանն առընթեր ազգային անվտանգության ծառայություն ՀՀ կառավարությանն առընթեր ՀՀ ոստիկանություն
		6.2.	պայքարել հրազենի և փոքր տրամաչափի զենքերի ապօրինի վաճառքի դեմ
		6.3.	նախաձեռնել միջոցառումներ ԵՄ անդամ պետությունների և Հայաստանի միջև ահաբեկչության խնդիրների շուրջ տեղեկատվության փոխանակման համակարգի ստեղծման ուղղությամբ	ՀՀ արտաքին գործերի նախարարություն ՀՀ կառավարությանն առընթեր ազգային անվտանգության ծառայություն ՀՀ կենտրոնական բանկ
		6.4.	մեկնարկել Միջազգային քրեական դատարանի Հռոմի կանոնադրության վավերացման գործընթացը	ՀՀ արտաքին գործերի նախարարություն
7.	Միգրացիայի և ներքին գործերի ոլորտներում համագործակցության ամրապնդում	7.1.	մշակել միգրացիայի և ապաստանի խնդիրների ազգային գործողությունների ծրագիր	ՀՀ տարածքային կառավարման նախարարություն
		7.2.	ստեղծել տվյալների էլեկտրոնային բազա միգրացիոն հոսքերը վերահսկելու նպատակով	ՀՀ տարածքային կառավարման նախարարություն ՀՀ կառավարությանն առընթեր ազգային անվտանգության ծառայություն
		7.3.	բարելավել ապաստանին և փախստականներին առնչվող ազգային օրենսդրությունը և ապահովել վերջինիս պատշաճ իրականացումը	ՀՀ տարածքային կառավարման նախարարություն
		7.4.	նախաձեռնել համագործակցություն բիոմետրիկ անձնագրերի ներդրման ուղղությամբ	ՀՀ կառավարությանն առընթեր ՀՀ ոստիկանություն
		7.5.	իրականացնել շարունակական համագործակցություն մուտքի վիզաների անվտանգությունն ապահովելու ուղղությամբ
		7.6.	հստակեցնել քայլերն անդրազգային կազմակերպված հանցավորության դեմ պայքարի ՄԱԿ-ի կոնվենցիայի իրականացման ուղղությամբ	ՀՀ արտաքին գործերի նախարարություն
		7.7.	բարելավել ինտերնետում անօրինական բովանդակությամբ կայքերի հայտնաբերման ուղղությամբ իրականացվող աշխատանքները	ՀՀ կառավարությանն առընթեր ՀՀ ոստիկանություն
		7.8.	նախաձեռնել թրաֆիքինգի զոհերի պաշտպանության, օգնության և վերականգնողական միջոցառումների ծրագրի մշակման աշխատանքները	ՀՀ աշխատանքի և սոցիալական հարցերի նախարարություն ՀՀ արտաքին գործերի նախարարություն
		7.9.	նախաձեռնել թմրանյութերի դեմ պայքարի ռազմավարության մշակման աշխատանքները	ՀՀ կառավարությանն առընթեր ՀՀ ոստիկանություն
		7.10.	նախաձեռնել միջոցառումներ հանցավոր ճանապարհով ստացված եկամուտների լվացման, փնտրման, բռնագրավման և առգրավման ու ահաբեկչության ֆինանսավորման վերաբերյալ 2005 թ. Կոնվենցիայի վավերացման և կիրառման ուղղությամբ	ՀՀ ֆինանսների և էկոնոմիկայի նախարարություն ՀՀ արդարադատության նախարարություն ՀՀ կենտրոնական բանկ ՀՀ արտաքին գործերի նախարարություն
		7.11.	նախաձեռնել միջոցառումներ քրեական հարցերով փոխադարձ աջակցության վերաբերյալ եվրոպական կոնվենցիայի երկրորդ արձանագրությանը միանալու և կիրառելու ուղղությամբ	ՀՀ արտաքին գործերի նախարարություն ՀՀ արդարադատության նախարարություն
		7.12	հստակեցնել գործողությունները 1980 թ. երեխաների միջազգային առևանգման քաղաքացիական ասպեկտների վերաբերյալ Հաագայի կոնվենցիան կիրառելու ուղղությամբ	ՀՀ կառավարությանն առընթեր ՀՀ ոստիկանություն ՀՀ արդարադատության նախարարություն ՀՀ արտաքին գործերի նախարարություն
8.	Փողերի լվացման դեմ պայքար	8.1.	կիրառել փողերի լվացման դեմ պայքարի ընթացակարգերը բարեգործական ոլորտում	ՀՀ ֆինանսների և էկոնոմիկայի նախարարություն ՀՀ կենտրոնական բանկ ՀՀ կառավարությանն առընթեր հարկային պետական ծառայություն ՀՀ արդարադատության նախարարություն
9.	Մամուլի անկախության ապահովում	9.1.	մշակել և ընդունել թափանցիկ ընթացակարգ հանրային և մասնավոր հեռարձակողների համար կարգավորիչ մարմնի անդամների նշանակման համար` հետագայում ամրապնդելով հեռահաղորդակցության արտոնագրեր տրամադրող և վերահսկող կարգավորող մարմնի անկախությունը	ՀՀ արդարադատության նախարարություն
		9.2.	քայլեր ձեռնարկել հանրային և մասնավոր մամուլի անկախությունը և բազմակարծությունն ապահովելու ուղղությամբ
		9.3.	քննարկել զրպարտանքի և վիրավորանքի ապաքրեականացման հնարավորությունը
10.	Հավաքներ կազմակերպելու ազատություն	10.1.	ապահովելով «Ժողովներ, հանրահավաքներ, երթեր և ցույցեր անցկացնելու մասին» ՀՀ օրենքի կիրարկումը միջազգային և եվրոպական ստանդարտներին համապատասխան` սահմանափակելով հանրահավաքների կազմակերպման և անցկացման արգելքները	ՀՀ կառավարությանն առընթեր ՀՀ ոստիկանություն
11.	Քրեակատարողական համակարգի հետագա բարեփոխում	11.1.	միջոցներ ձեռնարկել՝ դյուրացնելու բանտային կառույցների և ժամանակավոր ազատազրկման վայրերի պայմանների հանրային վերահսկումը	ՀՀ արդարադատության նախարարություն
12.	Ոստիկանության համակարգի բարեփոխումներ	12.1.	համագործակցել ԵԱՀԿ-ի և Եվրոպայի խորհրդի հետ` խոշտանգումների, այլ վատ վերաբերմունքի և կոռուպցիայի վերացման ուղղությամբ	ՀՀ արդարադատության նախարարություն ՀՀ կառավարությանն առընթեր ՀՀ ոստիկանություն ՀՀ արտաքին գործերի նախարարություն
		12.2.	համագործակցել ԵԱՀԿ-ի և Եվրոպայի խորհրդի հետ` ոստիկանության ու հասարակության միջև վստահություն ստեղծելու ուղղությամբ	ՀՀ կառավարությանն առընթեր ՀՀ ոստիկանություն
13.	Արհեստակցական միությունների իրավունքների և առանցքային աշխատանքային չափանիշների ապահովում	13.1.	ապահովել կոլեկտիվ պայմանագրերի անդամակցության ազատությունը, իրավունքի արդյունավետ ճանաչումը և գործադուլի ազատությունը	ՀՀ աշխատանքի և սոցիալական հարցերի նախարարություն
		13.2.	միջոցներ ձեռնարկել ստիպողական կամ պարտադիր աշխատանքի բոլոր ձևերը վերացնելու ուղղությամբ և արգելել երեխաների աշխատանքը
		13.3.	միջոցներ ձեռնարկել աշխատանքի և զբաղվածության ոլորտում խտրականությունը վերացնելու ուղղությամբ` ԱՄԿ կոնվենցիաներին համապատասխան
14.	Երեխաների իրավունքների պաշտպանության համակարգի բարելավում	14.1.	կատարելագործել երեխաների իրավունքների պաշտպանության ազգային համակարգը, որը պետական և տեղական մակարդակներում կվերահսկի Երեխաների իրավունքների ՄԱԿ-ի կոնվենցիայով նախատեսված ստանդարտների իրականացումը	ՀՀ աշխատանքի և սոցիալական հարցերի նախարարություն
15.	Հարկաբյուջետային և դրամավարկային քաղաքականություն իրականացնելու միջոցով մակրոտնտեսական կայունության ապահովում, միջազգային ֆինանսական հաստատությունների հետ համագործակցության ամրապնդում	15.1.	զարգացնել և բարելավել ՄԺԾԾ-ն` համաձայնեցնելով այն ԱՀՌԾ-ի և միջազգային ֆինանսական հաստատությունների հետ	ՀՀ ֆինանսների և էկոնոմիկայի նախարարություն ՀՀ կենտրոնական բանկ
		15.2.	բարելավել հանրային ֆինանսների կառավարման համակարգը և նրա թափանցիկությունը, մասնավորապես, գործող գանձապետական համակարգի արդիականացման և բյուջեի եկամուտների ու ծախսերի համապատասխան աուդիտի միջոցով` Համաշխարհային բանկի հանրային տնտեսական կառավարման ուսումնասիրության առաջարկությունների համաձայն
		15.3.	շարունակել աշխատանքներն ընդհանուր սղաճի իջեցման ուղղությամբ և 2007 թ. վերջին այն հասցնել 4%+/-1.5%-ի
		15.4.	շարունակել իրականացնել հարկային քաղաքականության բարեփոխումներին ուղղված ԱՄՀ-ի առաջարկությունները	ՀՀ ֆինանսների և էկոնոմիկայի նախարարություն ՀՀ ֆինանսների և էկոնոմիկայի նախարարություն
		15.5.	քայլեր ձեռնարկել հարկային վարչարարության արդիականացման ուղղությամբ` ներդնելով ռիսկերի վերլուծությունների հիման վրա ստեղծված աուդիտի համակարգ` ապահովելով հարկային տեսչությունների միջև տեղեկատվության պատշաճ փոխանակումը
16.	Աղքատության հաղթահարման ռազմավարական ծրագրի իրականացում	16.1.	շարունակել Աղքատության հաղթահարման ռազմավարական ծրագրի իրականացումը	ՀՀ ֆինանսների և էկոնոմիկայի նախարարություն
		16.2.	տեղական մակարդակներում վարչական գրանցումների կատարելագործման միջոցով բարելավել վիճակագրական տվյալների հավաքագրման համակարգը` ԱՀՌԾ-ի ավելի արդյունավետ դիտանցումն ապահովելու նպատակով	ՀՀ ֆինանսների և էկոնոմիկայի նախարարություն ՀՀ աշխատանքի և սոցիալական հարցերի նախարարություն
17.	Գյուղական աղքատության նվազեցում և ոլորտի կայուն զարգացման ռազմավարության իրականացում	17.1.	գյուղատնտեսական և գյուղական ենթակառուցվածքների գործունեության բարելավում	ՀՀ գյուղատնտեսության նախարարություն
		17.2.	ոլորտը կարգավորող օրենսդրության կատարելագործում
		17.3.	տնտեսավարողների կողմից վարկային միջոցների ձեռքբերման մատչելիության բարձրացում
		17.4.	տեղական արտադրության պարենամթերքի մրցունակության բարձրացում
		17.5.	սանիտարական և բուսասանիտարական միջոցների կիրառում
		17.6.	սննդամթերքի անվտանգության համակարգի արդյունավետ կառավարում
		17.7.	ջրային, հողային ռեսուրսների հավասարակշռված օգտագործում, ինչպես նաև անտառային տնտեսության զարգացում	ՀՀ գյուղատնտեսության նախարարություն ՀՀ տարածքային կառավարման նախարարություն
18.	Բարեփոխումներն աշխատանքի հիմնական ստանդարտների, սոցիալական անվտանգության և սոցիալական պաշտպանության բնագավառներում	18.1.	ապահովել նվազագույն կենսաթոշակների աճ	ՀՀ աշխատանքի և սոցիալական հարցերի նախարարություն     ՀՀ աշխատանքի և սոցիալական հարցերի նախարարություն
		18.2.	սոցիալական ապահովության համակարգի վարչական կարողությունների բարելավման միջոցով ապահովել համապատասխան միջոցների ուղղումը հատուկ կարիքավորներին
		18.3.	ամրապնդել հանրային զբաղվածության ծառայությունների, աշխատանքի տեսչության և սոցիալական ծառայությունների գործակալությունների վարչական կարողությունները
		18.4.	շարունակել երեխաների իրավունքների պաշտպանության բնագավառում ծրագրերի իրականացումը
		18.5.	ձեռնարկել քայլեր Եվրոպական սոցիալական ապահովության օրենսգրքին, դրա արձանագրություններին և վերանայված տարբերակին միանալու ուղղությամբ	ՀՀ աշխատանքի և սոցիալական հարցերի նախարարություն ՀՀ արտաքին գործերի նախարարություն
19.	Առողջապահության ոլորտի բարեփոխումներ	19.1.	բարելավել խոցելի խմբերի համար առողջապահության ոլորտի հասանելիությունը և մատչելիությունը, հատուկ ուշադրություն դարձնել գյուղական վայրերին	ՀՀ առողջապահության նախարարություն
20.	Նախնական և միջին մասնագիտական, ինչպես նաև շարունակական (առանց տարիքային սահմանափակումների) կրթության համակարգի բարեփոխումներ	20.1.	աշխատանքներ իրականացնել նախնական և միջին մասնագիտական ուսումնական ծրագրերի և ոլորտի բավարար ֆինանսավորման ապահովման դրույթների վերանայման ուղղությամբ	ՀՀ կրթության և գիտության նախարարություն
		20.2.	շարունակել բարեփոխումները բարձրագույն մասնագիտական կրթության ոլորտում, իրականացնել աշխատանքներ որակի ապահովման ազգային համակարգի ստեղծման ուղղությամբ` Բոլոնիայի գործընթացի սկզբունքների համաձայն
		20.3.	ամրապնդել համագործակցությունը և նպաստել հայ գիտնականների, ուսանողների ներգրավվածությանը ՀՀ-ԵՄ փոխանակման ծրագրերում` խրախուսելով մասնակցությունը TEMPUS, Erasmus Mundus, Erasmus Mundus External Cooperation Window, Marie Curie և 7th European Community Framework Programme ծրագրերում	ՀՀ կրթության և գիտության նախարարություն ՀՀ առևտրի և տնտեսական զարգացման նախարարություն ՀՀ գիտությունների ազգային ակադեմիա
21.	Բնապահպանությանն առնչվող խնդիրների ծրագրավորում	21.1.	մշակել շրջակա միջավայրի պաշտպանության գործողությունների 2-րդ ազգային ծրագիրը	ՀՀ բնապահպանության նախարարություն
		21.2.	ընդունել ՄԱԿ-ի Եվրոպական տնտեսական հանձնաժողովի ռազմավարական էկոլոգիական գնահատման արձանագրության կիրարկման ազգային ռազմավարությունը
		21.3.	մշակել ընդերքի և հանքային ռեսուրսների ռացիոնալ օգտագործման ռազմավարությունը
		21.4.	պատրաստել տեղեկանք Կիոտոյի արձանագրության իրականացման, ներառյալ Մաքուր զարգացման մեխանիզմի ծրագրերի նախապատրաստման և իրականացմանն ուղղված քայլերի վերաբերյալ
22.	Քաղաքացիական ավիացիայի ոլորտի բարելավում	22.1.	համագործակցել ԵՄ-ի հետ ավիացիոն անվտանգության ոլորտում և կիրառել միացյալ ավիացիոն պատասխանատու մարմինների (JAA (Joint Aviation Authorities)) կանոնները	ՀՀ կառավարությանն առընթեր քաղաքացիական ավիացիայի գլխավոր վարչություն
		22.2.	ավարտին հասցնել ավիացիոն ծառայությունների որոշակի խնդիրների վերաբերյալ հորիզոնական համաձայնագրի շուրջ ԵՄ-ի հետ տարվող բանակցությունները
23.	Գործարար միջավայրի բարելավում	23.1.	մշակել գործարար միջավայրի բարելավման համապարփակ ծրագիր, որն ուղղված կլինի բիզնես հիմնադրելու, սեփականություն գրանցելու, շինարարական թույլտվությունների, լիցենզավորման, հարկային և մաքսային վարչարարության ընթացակարգերի բարելավմանը	ՀՀ առևտրի և տնտեսական զարգացման նախարարություն ՀՀ կենտրոնական բանկ
		23.2.	ապահովել մտավոր սեփականության և հարակից իրավունքներին վերաբերող ՀՀ օրենսդրության համապատասխանեցումը ԳՀՀ պարտավորություններին և ԱՀԿ-ի առևտրին առնչվող մտավոր սեփականության իրավունքների (TRIPS) մասին համաձայնագրի դրույթներին	ՀՀ առևտրի և տնտեսական զարգացման նախարարություն
		23.3.	շարունակել աշխատանքները մաքսային կանոնների, ընթացակարգերի թափանցիկությունն ապահովելու ուղղությամբ	ՀՀ ֆինանսների և էկոնոմիկայի նախարարություն ՀՀ կառավարությանն առընթեր մաքսային պետական կոմիտե
		23.4.	շարունակել աշխատանքները մաքսային արժեքի գնահատման կանոնների ճշգրիտ կիրառման ուղղությամբ
		23.5.	շարունակել աշխատանքները հետբացթողումային ընթացակարգերի բարելավման ուղղությամբ
		23.6.	բավարար չափով ապահովել մաքսային վարչարարությունում տեղեկատվական տեխնոլոգիաների կիրառումը	ՀՀ կառավարությանն առընթեր մաքսային պետական կոմիտե
		23.7.	մշակել և ներդնել մաքսային էթիկայի կանոններ ու վերահսկողության միջոցով ապահովել մաքսային ծառայողների կողմից էթիկայի կանոնների կիրառումը	ՀՀ ֆինանսների և էկոնոմիկայի նախարարություն ՀՀ կառավարությանն առընթեր մաքսային պետական կոմիտե
		23.8.	ստեղծել մեխանիզմներ, որոնք կապահովեն արտահանման և ներմուծման կանոնների ու կանոնակարգերի վերաբերյալ կանոնավոր խորհրդակցությունների անցկացումը և տեղեկատվության փոխանակումը	ՀՀ առևտրի և տնտեսական զարգացման նախարարություն
		23.9.	քննարկել Երևանում Եվրատեղեկատվական հաղորդակցման կենտրոն հիմնելու հնարավորությունները
24.	Ֆինանսական հատվածի կարգավորման և վերահսկողության հետագա ամրապնդում	24.1.	բացահայտել ֆինանսական ոլորտի զարգացման առկա խոչընդոտները, բարելավել ֆինանսական միջոցների հասանելիությունը ՓՄՁ սուբյեկտներին և ամրապնդել ներդրողների պաշտպանությունը	ՀՀ առևտրի և տնտեսական զարգացման նախարարություն ՀՀ կենտրոնական բանկ
25.	Տնտեսական օրենսդրության և վարչարարության հետագա մոտարկում	25.1.	արտադրողների և արտահանողների հետ խորհրդակցությունների միջոցով նախանշել ոլորտներ, որտեղ նպատակահարմար է իրականացնել օրենսդրական մոտարկում	ՀՀ առևտրի և տնտեսական զարգացման նախարարություն
		25.2.	շարունակել աշխատանքները ԵՄ-ի համապատասխան ստանդարտները հայերեն թարգմանելու ուղղությամբ
		25.3.	հզորացնել ստանդարտացման, հավատարմագրման, համապատասխանելիության գնահատման, չափագիտության և շուկայի վերահսկողության պատասխանատու կառույցները	ՀՀ առևտրի և տնտեսական զարգացման նախարարություն
		25.4.	մշակել կոմերցիոն վեճերի լուծման այլընտրանքային տարբերակներ` սահմանելով միջազգային չափանիշներին համապատասխանող արբիտրաժային ընթացակարգեր	ՀՀ արդարադատության նախարարություն ՀՀ առևտրի և տնտեսական զարգացման նախարարություն
		25.5.	պարբերաբար տեղեկատվություն ներկայացնել մտավոր սեփականության և հարակից իրավունքների ոլորտում տեղ գտած կեղծարարության վերաբերյալ	ՀՀ առևտրի և տնտեսական զարգացման նախարարություն
26.	Էներգետիկ ռազմավարության մշակում, ներառյալ Մեծամորի ատոմակայանի հնարավորինս վաղաժամ փակումը	26.1.	մշակել և իրականացնել համապարփակ ազգային էներգետիկ ռազմավարություն և էներգետիկ ոլորտի բարելավմանն ուղղված գործողությունների ծրագիր	ՀՀ էներգետիկայի նախարարություն
		26.2.	ընդունել ռադիոակտիվ թափոնների կառավարման ռազմավարություն	ՀՀ էներգետիկայի նախարարություն ՀՀ բնապահպանության նախարարության ատոմային էներգիայի օգտագործման միջուկային և ռադիացիոն անվտանգության տեսչություն
		26.3.	շարունակել համագործակցությունը Մեծամորի ատոմակայանի վաղաժամկետ փակման ուղղությամբ և մշակել ու ընդունել Մեծամորի ատոմակայանի փակման ծրագիր՝ կոնկրետ ժամանակացույցով և յուրաքանչյուր միջոցառման ծախսերի գնահատմամբ	ՀՀ էներգետիկայի նախարարություն
		26.4.	մինչև շահագործումից հանելը Մեծամորի ատոմակայանի անվտանգությունն ապահովելու նպատակով շարունակել համագործակցությունը ԵՄ-ի հետ. աջակցել ատոմային էներգիայի օգտագործման միջուկային և ռադիացիոն անվտանգության տեսչությանը	ՀՀ էներգետիկայի նախարարություն ՀՀ բնապահպանության նախարարության ատոմային էներգիայի օգտագործման միջուկային և ռադիացիոն անվտանգության տեսչություն
		26.5.	շարունակել կանոնավոր կերպով գումարներ հատկացնել 2006 թվականի նոյեմբերին ստեղծված ատոմակայանը շահագործումից դուրս բերելու հիմնադրամին	ՀՀ էներգետիկայի նախարարություն
27.	Նպաստել Լեռնային Ղարաբաղի հակամարտության խաղաղ կարգավորմանը	27.1.	Լեռնային Ղարաբաղի հակամարտության խաղաղ կարգավորման նպատակով շարունակել սերտորեն համագործակցել Եվրամիության հետ` մասնավորապես մեծացնելով քաղաքական աջակցությունը Մինսկի խմբի ջանքերին	ՀՀ արտաքին գործերի նախարարություն
28.	Տարածաշրջանային համագործակցություն	28.1.	հարևան երկրների հետ համագործակցելով շարունակել ջանքերն` ուղղված տարածաշրջանային և այլ հարակից խնդիրների լուծմանը, և խթանել հաշտեցման գործընթացը	ՀՀ արտաքին գործերի նախարարություն
		28.2.	ապահովել համագործակցություն Հարավային Կովկասի տարածաշրջանում բնապահպանության, ջրային ռեսուրսների կառավարման, էներգետիկայի, կրթության, սահմանների կառավարման, տրանսպորտի և տրանսպորտային հաղորդակցության, ինչպես նաև խորհրդարանական կապերի ոլորտներում	ՀՀ տարածքային կառավարման նախարարության ՀՀ բնապահպանության նախարարություն ՀՀ ֆինանսների և էկոնոմիկայի նախարարություն ՀՀ կառավարությանն առընթեր ազգային անվտանգության ծառայություն
		28.3.	խորացնել համագործակցությունը Բնապահպանության տարածաշրջանային կենտրոնի (REC) շրջանակներում, մասնակցել ԵՄ-ի ջրային նախաձեռնություն EECCA աշխատանքային խմբի հանդիպումներին և շարունակել երկխոսությունը` ուղղված ԵՄ-ի ջրային նախաձեռնության ներքո ազգային քաղաքականության մշակմանը
		28.4.	շարունակել համագործակցությունն էներգետիկայի և տրանսպորտի բնագավառներում՝ ԵՄ/սևծովյան/կասպյան ավազանների երկրների և դրանց հարևանների նախաձեռնության շրջանակներում	ՀՀ էներգետիկայի նախարարություն ՀՀ տրանսպորտի և կապի նախարարություն ՀՀ արտաքին գործերի նախարարություն
		28.5.	հանրային օգտագործման ճանապարհները պատշաճ վիճակում պահելու համար ստեղծել ճանապարհների ֆինանսավորման երկարաժամկետ և թափանցիկ համակարգ
		28.6.	շարունակել համագործակցությունը ԵՄ-Սև և Կասպից ծովերի ավազանի տրանսպորտի նախարարների համաժողովին հաջորդող միջոցառումների համատեքստում, համաեվրոպական միջանցքների և շրջանների զարգացման (մասնավորապես` Բարձր մակարդակի աշխատանքային խմբի միջոցով), ինչպես նաև ՏՐԱՍԵԿԱ ծրագրի շրջանակներում	ՀՀ տրանսպորտի և կապի նախարարություն ՀՀ արտաքին գործերի նախարարություն
		28.7.	բարելավել երկաթուղային ծառայությունների անվտանգությունը, արագությունը և արդյունավետությունը (փոխգործողունակությունը) և շարունակել բարեփոխումներն օպերատիվ և ֆինանսական կառավարման ասպարեզում
		28.8.	ընդլայնել Հայաստանի մասնակցությունը Հարավային Կովկասում իրավապահ մարմինների տարածաշրջանային համագործակցության շրջանակներում իրականացվող նախաձեռնություններին	ՀՀ արտաքին գործերի նախարարություն ՀՀ կառավարությանն առընթեր ՀՀ ոստիկանություն
		28.9.	ընդլայնել երկկողմ և բազմակողմ համագործակցությունը սևծովյան տարածաշրջանում	ՀՀ արտաքին գործերի նախարարություն ՀՀ առևտրի և տնտեսական զարգացման նախարարություն
		28.10.	շարունակել ներգրավվածությունը ՍԾՏՀ-ի կազմակերպությունում, մասնավորապես` գիտական և տեխնոլոգիական համագործակցության ոլորտներում	ՀՀ առևտրի և տնտեսական զարգացման նախարարություն ՀՀ արտաքին գործերի նախարարություն ՀՀ կրթության և գիտության նախարարություն
		28.11.	ընդլայնել հարավկովկասյան երեք երկրների միջև երիտասարդների փոխանակումը և համագործակցությունը ԵՄ-ի կողմից ֆինանսավորվող ծրագրերի և նախաձեռնությունների միջոցով	ՀՀ սպորտի և երիտաարդության հարցերի նախարարություն
		28.12.	ապահովել 2005 թ. UNESCO-ի «Մշակութային արտահայտման բազմազանության պաշտպանության և խրախուսման մասին» կոնվենցիայի իրականացումը	ՀՀ մշակույթի նախարարություն ՀՀ արտաքին գործերի նախարարություն
		28.13.	ԵՄ-ի հետ համատեղ աշխատանքներ տանել Երևանում Եվրոպական տեղեկատվական կենտրոնի ստեղծման ուղղությամբ	ՀՀ արտաքին գործերի նախարարություն
29.	Եվրոպա-Հայաստան մշակութային համագործակցության ընդլայնում	29.1.	խթանել մշակութային երկխոսությունները Հայաստանի և Եվրոպայի արվեստագետների մշակույթի մենեջերների և փորձագետների միջև բազմակողմանի ծրագրերի փոխանակման միջոցով	ՀՀ մշակույթի նախարարություն
		29.2.	մշակութային ժառանգության պահպանության և վերականգնման փորձի փոխանակում, համատեղ վերականգնողական ծրագրերի մշակում և իրականացում, հայկական և եվրոպական մշակութային պատմական առնչությունները ներկայացնող միջոցառումների իրականացում
		29.3.	մշակույթի ոլորտում կադրերի պատրաստման, վերապատրաստման և վերաորակավորման համատեղ ծրագրերի մշակում ու իրականացում
		29.4.	մշակութային քաղաքականության ձևավորման եվրոպական չափանիշների, օրենսդրության, մշակութային ենթակառուցվածքների ուսումնասիրում և դրանց փորձի կիրառում Հայաստանում
		29.5.	համատեղ ծրագրերի իրականացում` ուղղված «մշակութային արտադրանքի» ստեղծմանը

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան