«Գրանցված է»
ՀՀ արդարադատության
նախարարության կողմից
14 դեկտեմբերի 2005 թ.
Պետական գրանցման թիվ 05005465

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

29 հուլիսի 2005 թ.

N 389-Ն

Ո Ր Ո Շ ՈՒ Մ

ԿԱՐՃԱԺԱՄԿԵՏ ՎԱՐԿԵՐԻ ԺԱՄԿԵՏԱՅՆՈՒԹՅՈՒՆԸ ԵՎ ՓՈՔՐԱԾԱՎԱԼ ԳՈՒՄԱՐՆԵՐԻ ՉԱՓԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Արժութային կարգավորման և արժութային վերահսկողության մասին» Հայաստանի Հանրապետության օրենքի 3-րդ հոդվածի 10-րդ մասը և «Իրավական ակտերի մասին» Հայաստանի Հանրապետության օրենքի 16-րդ հոդվածը՝ Հայաստանի Հանրապետության կենտրոնական բանկի խորհուրդը որոշում է.

1. Հաստատել կարճաժամկետ վարկերի ժամկետայնությունը և փոքրածավալ գումարների չափը՝ համաձայն հավելված 1-ի (կցվում է):

2. Սույն որոշումն ուժի մեջ է մտնում հրապարակմանը հաջորդող 10-րդ օրվանից:

ՀՀ կենտրոնական բանկի նախագահ	Տ. Սարգսյան
2005 թ. օգոստոսի 8 Երևան

ՀԱՎԵԼՎԱԾ 1 ՀՀ կենտրոնական բանկի խորհրդի 2005 թվականի հուլիսի 29-ի թիվ 389-Ն որոշման

ԿԱՐՃԱԺԱՄԿԵՏ ՎԱՐԿԵՐԻ ԺԱՄԿԵՏԱՅՆՈՒԹՅՈՒՆԸ ԵՎ ՓՈՔՐԱԾԱՎԱԼ ԳՈՒՄԱՐՆԵՐԻ ՉԱՓԸ

1. Կարճաժամկետ են համարվում 180 օրվանից ոչ ավելի ժամկետով ստացված կամ տրամադրված վարկերը և փոխառությունները:

2. Վարկերի, փոխառությունների և ուղղակի ներդրումների մարմանն ուղղված փոքրածավալ գումարների վճարումներ են համարվում ամսական մինչև 25 մլն դրամ գումարի վճարումները: