«ՎԱՎԵՐԱՑՆՈՒՄ ԵՄ»

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀ Ռ. ՔՈՉԱՐՅԱՆ

22 հունվարի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

27 նոյեմբերի 2003 թվականի N 1857-Ն

ԳՈՒՅՔ ՕՏԱՐԵԼՈՒ ՄԱՍԻՆ

Հայաստանի Հանրապետության կառավարության 2003 թվականի հունիսի 13-ի N 882-Ն որոշմանը համապատասխան` Հայաստանի Հանրապետության կառավարությունը որոշում է.

1.1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` Երևանի Կոմիտասի պողոտայի N 51 հասցեում գտնվող շենքի 1-ին հարկի 14 քառ. մետր մակերեսով տարածքը (այսուհետ` գույք) վաճառել դրա վարձակալ Ալֆոստ Խալաթյանին (անձնագիր` AA 0367737, տրված` 004-ի կողմից, այսուհետ` գնորդ):

1.2. Սահմանել գույքի վաճառքի գինը` 410 հազ. դրամ:

1.3. Սահմանել, որ գնորդը պարտավոր է`

ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 1.2-րդ կետով սահմանված գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման հետ կապված վճարներն ու տուրքերը:

1.4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 1.3-րդ կետի «ա» ենթակետով սահմանված վճարումը կատարելուց հետո մեկամսյա ժամկետում գնորդի հետ կնքել առուվաճառքի պայմանագիր:

2.1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` Երևանի Ն. Զարյան փողոցի N 22 հասցեում գտնվող շենքի տարածքները (այսուհետ` գույք)` համաձայն հավելվածի, վաճառել դասական աճուրդով:

2.2. Հայաստանի Հանրապետության կառավարությանն առընթեր պետական գույքի կառավարման վարչության պետին` աճուրդը կազմակերպել և անցկացնել Հայաստանի Հանրապետության կառավարության 2003 թվականի հունիսի 13-ի N 882-Ն որոշմամբ սահմանված կարգով:

2.3. Սահմանել, որ աճուրդի հաղթողը պարտավոր է`

ա) աճուրդի արձանագրությունն ստանալու օրվանից 5 օրվա ընթացքում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել գույքի վաճառքի գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

2.4. Հայաստանի Հանրապետության կառավարությանն առընթեր պետական գույքի կառավարման վարչության պետին` աճուրդի անցկացման օրվանից մեկամսյա ժամկետում գնորդի հետ կնքել առուվաճառքի պայմանագիր:

3.1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` Երևանի Մոսկովյան փողոցի N 33ա հասցեում գտնվող շենքի 1-ին հարկից 455,4 քառ. մետր մակերեսով տարածքը (այսուհետ` գույք) վաճառել հայտնի գնորդ Հմայակ Հովհաննիսյանին (անձնագիր` AA 0420273, տրված` 001-ի կողմից) (այսուհետ` գնորդ):

(3.1-ին կետը փոփ. 12.02.04 N 84-Ն)

3.2. Սահմանել գույքի վաճառքի գինը` 13,015 մլն դրամ:

(3.2-րդ կետը փոփ. 12.02.04 N 84-Ն)

3.3. Սահմանել, որ գնորդը պարտավոր է`

ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 3.2-րդ կետով սահմանված գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման հետ կապված վճարներն ու տուրքերը:

3.4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 3.3-րդ կետի «ա» ենթակետով սահմանված վճարումը կատարելուց հետո մեկամսյա ժամկետում գնորդի հետ կնքել առուվաճառքի պայմանագիր:

4.1. «Հայփոստ» պետական փակ բաժնետիրական ընկերության գույքի կազմից սահմանված կարգով առանձնացնել 38 քառ. մետր ընդհանուր մակերեսով Հրազդանի փոստային մասնաճյուղի N 01 փոստային բաժանմունքի տարածքը (Կոտայքի մարզ, քաղ. Հրազդան) (այսուհետ` գույք)` գույքի արժեքի և օտարման ժամանակ հաշվարկվող ավելացված արժեքի հարկի հանրագումարի չափով նվազեցնելով կանոնադրական կապիտալը:

4.2. Թույլատրել Հայաստանի Հանրապետության կառավարությանն առընթեր պետական գույքի վարչությանը սույն որոշման 4.1-ին կետում նշված գույքը վաճառել հավանական գնորդ Վարազդատ Հակոբյանին (հասցեն` քաղ. Հրազդան, Միկրոշրջան, 314 շենք, բն. 6, անձնագիր` AA 0471015, տրված` 049-ի կողմից) (այսուհետ` գնորդ):

4.3. Սահմանել գույքի վաճառքի գինը` 280,86 հազ. դրամ:

4.4. Սահմանել, որ գնորդը պարտավոր է`

ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 4.3-րդ կետով սահմանված գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը:

4.5. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 4.4-րդ կետի «ա» ենթակետով սահմանված վճարումը կատարելուց հետո մեկամսյա ժամկետում գնորդի հետ կնքել առուվաճառքի պայմանագիր:

5.1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանը Հայաստանի Հանրապետության Շիրակի մարզպետարանի տնօրինության` Գյումրու N 26 գիշերօթիկ դպրոցի 340,22 քառ. մետր մակերեսով ճաշարանային մասնաշենքը (այսուհետ` գույք) վաճառել հավանական գնորդ Յուրիկ Մինասյանին (անձնագիր` AB 0449576, տրված` 030-ի կողմից) (այսուհետ` գնորդ):

5.2. Սահմանել գույքի վաճառքի գինը` 1,5 մլն դրամ:

5.3. Սահմանել, որ գնորդը պարտավոր է`

ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 5.2-րդ կետով սահմանված գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման հետ կապված վճարներն ու տուրքերը:

5.4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 5.3-րդ կետի «ա» ենթակետով սահմանված վճարումը կատարելուց հետո մեկամսյա ժամկետում գնորդի հետ կնքել առուվաճառքի պայմանագիր:

6.1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` «Կապավոր» պանսիոնատի գույքը (այդ թվում` նաև շենքեր` 3 գլխավոր մասնաշենք, տնտեսական մասնաշենք և տրանսֆորմատորային ենթակայան (գտնվելու վայրը` Կոտայքի մարզ, բնակավայր Աղվերան) (այսուհետ` գույք) վաճառել «ՊԼԱՍ-ՈՒԼՏՐԱ» փակ բաժնետիրական ընկերությանը (այսուհետ` գնորդ):

6.2. Սահմանել գույքի վաճառքի գինը` 5,51 մլն դրամ:

6.3. Սահմանել, որ գնորդը պարտավոր է`

ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 6.2-րդ կետով սահմանված գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը.

գ) 3 տարվա ընթացքում կատարել 10 մլն դրամի ներդրում:

6.4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 6.3-րդ կետի «ա» ենթակետով սահմանված վճարումը կատարելուց հետո մեկամսյա ժամկետում գնորդի հետ կնքել առուվաճառքի պայմանագիր:

7.1. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր տնօրինության` «Նախագծող» պանսիոնատի գույքը (այդ թվում` նաև հիմնական մասնաշենք, ննջարանային մասնաշենք և փայտյա տնակ) (հասցեն` քաղ. Դիլիջան, Կամոյի 66) (այսուհետ` գույք) վաճառել հավանական գնորդ Աղավնի Հայրապետյանին (անձնագիր` AA 0461906, տրված` 013-ի կողմից) (այսուհետ` գնորդ):

7.2. Սահմանել գույքի վաճառքի գինը` 4,85 մլն դրամ:

7.3. Սահմանել, որ գնորդը պարտավոր է`

ա) մեկամսյա ժամկետում «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին վճարել սույն որոշման 7.2-րդ կետով սահմանված գումարը.

բ) իր միջոցների հաշվին վճարել անշարժ գույքի վաճառքից ծագող գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը.

գ) 3 տարվա ընթացքում կատարել 9 մլն դրամի ներդրում` համամասնորեն.

դ) պանսիոնատում բնակվող փախստական ընտանիքին ապահովել համարժեք բնակտարածքով կամ համապատասխան դրամական փոխհատուցմամբ:

7.4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշման 7.3-րդ կետի «ա» ենթակետով սահմանված վճարումը կատարելուց հետո մեկամսյա ժամկետում գնորդի հետ կնքել առուվաճառքի պայմանագիր:

8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2003 թ. դեկտեմբերի 10 Երևան

Հավելված ՀՀ կառավարության 2003 թվականի նոյեմբերի 27-ի N 1857-Ն որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՏՆՕՐԻՆՈՒԹՅԱՆ` Ն. ԶԱՐՅԱՆ ՓՈՂՈՑԻ N 22 ՀԱՍՑԵՈՒՄ ԳՏՆՎՈՂ ՇԵՆՔԻ` ԴԱՍԱԿԱՆ ԱՃՈՒՐԴՈՎ ՎԱՃԱՌՎՈՂ ԳՈՒՅՔԻ (ՏԱՐԱԾՔՆԵՐԻ)

NN ը/կ	Գույքի (տարածքի) գտնվելու վայրը, նկարագիրը	Տարածքի մակերեսը (քառ. մետր)	Վաճառքի մեկնարկային գինը (հազ. դրամ)
1.	Շենքի նկուղային հարկից տարածք	230	2020
2.	Շենքի կիսանկուղային հարկից «Սենդո-րյու» կարատե-դո հայկական ազգային ֆեդերացիա» ՀԿ-ի կողմից վարձակալված և դրան հարակից տարածք	295,2	5100
3.	Շենքի կիսանկուղային հարկից տարածք	37,5	660
4.	Շենքի 8-րդ հարկից տարածք	71,8	1270

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան