«Գրանցված է»
ՀՀ արդարադատության
նախարարության կողմից
14 հունիսի 2005 թ.
Պետական գրանցման թիվ 60305212

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

25 մայիսի 2005 թ. ք. Երևան

N 03-Ն

«ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՄԱՍԻՆ» ՁԵՎ ԹԻՎ 1-ՏՏ (ՏԵՂԵԿԱՏՎԱԿԱՆ ՏԵԽՆՈԼՈԳԻԱ) (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Տեղեկատվական տեխնոլոգիաների բնագավառում մատուցված ծառայությունների ծավալի մասին» Ձև թիվ 1-ՏՏ (Տեղեկատվական տեխնոլոգիա) (ամսական) պետական վիճակագրական հաշվետվության ձևը և լրացման հրահանգը` համաձայն հավելվածի:

Նախագահ

Ս. Մնացականյան

	Հավելված
	Հաստատված է ՀՀ վիճակագրության պետական խորհրդի 2005 թ. մայիսի 25-ի թիվ 03-Ն որոշմամբ

Հ Ր Ա Հ Ա Ն Գ

«ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՄԱՍԻՆ»
ՁԵՎ ԹԻՎ 1-ՏՏ (Տեղեկատվական տեխնոլոգիա) (ամսական)
ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը սահմանում է «Տեղեկատվական տեխնոլոգիաների մասին» ձև թիվ 1-ՏՏ (տեղեկատվական տեխնոլոգիա) (ամսական) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացնում են տեղեկատվական տեխնոլոգիաների բնագավառում գործունեություն իրականացնող կազմակերպությունները և անհատ ձեռնարկատերերը, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 3 հոկտեմբերի 2003 թվականի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության ազգային վիճակագրական ծառայություն` հաշվետվության ձևի վրա նշված ժամկետներում և պարբերականությամբ:

4. Վիճակագրական տեղեկությունների ներկայացման հետ կապված հարաբերությունները կարգավորվում են Հայաստանի Հանրապետության օրենսդրությամբ:

II. ՕԳՏԱԳՈՐԾՎՈՂ ՀԱՍԿԱՑՈՒԹՅՈՒՆՆԵՐԻ ՆՇԱՆԱԿՈՒԹՅՈՒՆՆԵՐ

Սույն հրահանգում օգտագործվող հասկացություններն ունեն հետևյալ իմաստը.

1. Տեղեկատվական տեխնոլոգիաների գործունեության արդյունքը բնութագրող ծավալն արժեքային արտահայտությամբ, ընթացիկ գներով, իրենից ներկայացնում է ապրանքներ և ծառայություններ, որոնք արտադրվել ու օգտագործվել են նույն ժամանակահատվածում ստորև ներկայացված մեկ կամ մի քանի եղանակներով.

• իրացում,
• սեփական կարիքների համար օգտագործում, 
• բնաիրային եղանակով փոխանակում և/կամ աշխատավարձի դիմաց վճարում,
• պատրաստի արտադրանքի և անավարտ արտադրության պաշարների փոփոխություն: Ընդ որում, անավարտ արտադրության ծավալները որոշվում են հաշվապահական հաշվառման քաղաքականության համաձայն անավարտության աստիճանի գնահատման հիման վրա, 
• անհատույց փոխանցում և այլն

(սյունակներ 1 և 2, 10-20 տողերի համար):

2. Հաշվետվությունը ներառում է տեղեկատվական տեխնոլոգիաների բնագավառի հետևյալ հիմնական տեսակները.

• ծրագրային ապահովման մշակում և խորհրդատվություններ այդ բնագավառում (72.2)*,
• տվյալների մշակում (72.3)*,
• խորհրդատվություններ հաշվողական տեխնիկայի ապարատային միջոցների վերաբերյալ (72.1)*,
• տվյալների հիմնապահեստների (բազաների) հետ կապված գործունեություն (72.4)*,
• այլ ծառայություններ (72.5, 72.6)*,
• տեղեկատվության մեքենայական կրիչների վերարտադրություն (22.33) *:

3. Արտահանում (սյունակ 3). ապրանքը և ծառայությունը համարվում է արտահանված, երբ այն վաճառված է (մատուցված է, անկախ մատուցման վայրից) ՀՀ ոչ ռեզիդենտներին ՀՀ ռեզիդենտների կողմից և հաշվառվում է առանց ավելացված արժեքի հարկի:

4. Ներմուծում (սյունակ 4). ապրանքը և ծառայությունը համարվում է ներմուծված, երբ այն վաճառված է (մատուցված է, անկախ մատուցման վայրից) ՀՀ ռեզիդենտներին ՀՀ ոչ ռեզիդենտների կողմից և հաշվառվում է առանց ավելացված արժեքի հարկի:

5. Հայաստանի Հանրապետության ռեզիդենտ է համարվում ֆիզիկական անձը, տնային տնտեսությունը, ցանկացած կազմակերպությունը (ընկերությունը), որի մշտական գտնվելու վայրը (ֆիզիկական անձանց համար բնակության վայրը) կամ տնտեսական գործունեության շրջանը հանդիսանում է Հայաստանի Հանրապետությունը: Հայաստանի Հանրապետության ռեզիդենտ իրավաբանական անձանց արտասահմանում` երկարատև ժամանակով գտնվող (մեկ տարուց ավելի կամ երկարաժամկետ տնտեսական գործունեություն իրականացնող) մասնաճյուղերը և ներկայացուցչությունները դիտվում են որպես ոչ ռեզիդենտներ (ըստ ազգային հաշիվների համակարգի և վճարային հաշվեկշռի մեթոդաբանության): Նույն սկզբունքով, ոչ ռեզիդենտ իրավաբանական անձանց մասնաճյուղերը և ներկայացուցչությունները (մեկ տարուց ավելի կամ տնտեսական գործունեություն իրականացնող), որոնք գտնվում են Հայաստանում, դիտվում են որպես Հայաստանի Հանրապետության ռեզիդենտներ:

_____________________________

     * Փաստացի գործունեության հիմնական տեսակի ծածկագիրն ըստ

• Տնտեսական գործունեության տեսակների դասակարգչի (ՏԳՏԴ) (ընդունված ՀՀ վիճակագրության պետական խորհրդի 24.07.2001 թ. թիվ 58 որոշմամբ և հրապարակված ՀՀ գերատեսչական նորմատիվ ակտերի 14.11.2001 թ. թիվ 19 տեղեկագրում):
• Արտադրանքի դասակարգման ըստ գործունեության տեսակների (ԱԴԳՏ) (ընդունված ՀՀ վիճակագրության պետական խորհրդի 22.07.2003 թ. թիվ 09-Ն որոշմամբ, հաստատված ՀՀ առևտրի և տնտեսական զարգացման նախարարի 21.01.2005 թ. թիվ 6-Ն հրամանով և հրապարակված ՀՀ գերատեսչական նորմատիվ ակտերի 11.03.2005 թ. թիվ 51 տեղեկագրում, 6 հատորով):

III. ԼՐԱՑՄԱՆ ԿԱՐԳԸ

1. Սույն հաշվետվությունում ապրանքների և ծառայությունների վերաբերյալ ցուցանիշների հաշվառումն իրականացվում է հաշվետու (սյունակ 1) և նախորդ տարվա (սյունակ 2) համապատասխան ժամանակաշրջանների համար` սկզբնական հաշվառման տվյալների հիման վրա առանց ավելացված արժեքի հարկի հաշվեգրման սկզբունքով:

(1-ին կետը լրաց. 07.02.06 թիվ 01-Ն, 14.04.06 N 05-Ն)

2. Տող 10-ը ներառում է հաշվետվության 10.1-10.5 տողերում բերված ցուցանիշների հանրագումարը:

3. Տող 10.1. ծրագրերի ապահովման մշակման և այդ բնագավառի խորհրդատվությունների ծառայությունները ներառում են.

• շահագործմանը պատրաստ տեղեկատվական համակարգերի վերլուծություն, նախագծում և ծրագրավորում` սպառողների տեղեկատվական պահանջմունքների և պրոբլեմների վերլուծության և առավել հարմարեցված լուծումների առաջարկում,
• կոնկրետ սպառողի պատվերների համաձայն անհատական ծրագրերի նախագծում, մշակում, մատակարարում, աշխատանքային փաստաթղթերի պատրաստում,
• ընդհանուր օգտագործման պատրաստի ծրագրային ապահովման նախագծում, մշակում,
• մատակարարում, աշխատանքային փաստաթղթերի պատրաստում,
• ծրագրերում փոփոխությունների կատարում սպառողների պահանջներին համապատասխան,
• ծրագրային ապահովման վերաբերյալ սպասարկման (ներառյալ խորհրդատվական) ծառայությունները:

Ծրագրերի ապահովման մշակման և այդ բնագավառի խորհրդատվությունների ծառայությունները չեն ներառում.

• խորհրդատվություններ ծրագրային ապահովման բնագավառում տեխնիկական ապահովման վերաբերյալ,
• ծրագրային ապահովման մանրածախ վաճառքի ծառայություններ,
• ծրագրերի և տվյալների պատճենահանում (հաշվառվում է 20-րդ տողում):

4. Տող 10.2. տվյալների մշակման ծառայությունները ներառում են.

• տվյալների մշակում սպառողի ծրագրային ապահովման և սեփական ծրագրային ապահովման կիրառմամբ` տվյալների լրիվ մշակում, նախապատրաստում և մուտքագրում,
• ուրիշ կազմակերպություններին պատկանող տվյալների մշակման համար սարքավորանքի երկարաժամկետ շահագործում,
• տվյալների օպտիկական ընթերցման (տեսագրման) ծառայություններ,
• ինտերնետ կապով տրամադրվող ծառայություններ:

5. Տող 10.3. հաշվողական տեխնիկայի ապարատային միջոցների վերաբերյալ խորհրդատվությունների ծառայությունները ներառում են.

• տեխնիկական միջոցների տիպի և կազմի, համապատասխան ծրագրային ապահովման օգտագործման վերաբերյալ խորհրդատվություններ` սպառողների տեղեկատվական պահանջմունքների վերլուծություն և այդ պահանջմունքներին առավել հարմարեցված լուծումների պատրաստում,
• տեղեկատվական անվտանգության (պաշտպանության) հարցերով խորհրդատվություն,
• համակարգիչների հետ կապված կազմակերպությունների գործառնությունների վերստուգում:

Հաշվողական տեխնիկայի ապարատային միջոցների վերաբերյալ խորհրդատվությունների ծառայությունները չեն ներառում.

• համակարգիչների արտադրությամբ կամ վաճառքով զբաղվող կազմակերպությունների կողմից տեխնիկական ապահովման կազմի և փոխդասավորության վերաբերյալ խորհրդատվական ծառայությունները:

6. Տող 10.4. տվյալների հիմնապահեստների (բազաների) հետ կապված գործունեությունը ներառում է.

• տվյալների հիմնապահեստների ստեղծում` տվյալների հավաքում մեկ կամ մի քանի աղբյուրներից, տվյալների պահպանում` տեղեկատվության համակարգչային գրառման նախապատրաստում, տրված ֆորմատի համաձայն,
• ինտերնետում որոնման համակարգի ստեղծման, գովազդի տեղադրման համար տեղի վաճառքի ծառայություններ:

7. Տող 10.5. այլ ծառայությունները ներառում են.

• գրասենյակային մեքենաների և հաշվողական տեխնիկայի տեխնիկական սպասարկման և նորոգման ծառայություններ:
• ուրիշ կարգերում չներառված համակարգչային տեխնիկայի հետ կապված այլ ծառայություններ:

8. Տող 20. ծրագրերի և տվյալների պատճենահանումը ներառում են.

• բնօրինակից (օրիգինալ մատրիցից) ծրագրերի և տվյալների պատճենահանում սկավառակների և մագնիսական ժապավենների վրա:

Պատճենահանված ծրագրերի և տվյալների սպասարկման ծառայությունները հաշվառվում են 10.1-րդ տողում:

9. Տող 30. հաշվետվությունը ներառում է նաև տեղեկատվական տեխնոլոգիաների բնագավառին չվերաբերող այլ ծառայությունները: Սա այն դեպքում, երբ տեղեկատվական տեխնոլոգիաների բնագավառում գործունեություն իրականացնող կազմակերպությունը կամ անհատ ձեռնարկատերը բացի իր հիմնական գործունեության տեսակից ծառայություններ է մատուցում նաև այլ բնագավառներում:

Տեղեկատվական տեխնոլոգիաների բնագավառին չվերաբերող այլ ծառայությունների հաշվառումն իրականացվում է այն ժամանակաշրջանի համար, որի ընթացքում մատուցվել են ծառայությունները, անկախ վճարումից` հաշվեգրման սկզբունքով և ներառում են.

• տրանսպորտի, կապի, հյուրանոցների և ռեստորանների, զբոսաշրջության, սոցիալական, անհատական ծառայությունները, կենցաղային արտադրատեսակների և անձնական օգտագործման իրերի նորոգման, մանրածախ և մեծածախ առևտրի, ֆինանսական, անշարժ գույքի հետ գործառնությունների, մեքենաների և սարքավորանքի վարձակալման, կենցաղային արտադրատեսակների և անձնական օգտագործման իրերի վարձույթի, կրթության, առողջապահության և այլ տեսակի ծառայությունները, որոնք առանձնացված պետք է արտացոլվեն 30.1-30.4 տողերում:

(9-րդ կետը փոփ. 07.02.06 թիվ 01-Ն)

10. Տող 40. Աշխատողների միջին ցուցակային թվաքանակը ամսվա համար հաշվարկվում է հաշվետու ամսվա յուրաքանչյուր օրացուցային օրվա (ամսի 1-ից մինչև 30 կամ 31, փետրվարի համար` 28 կամ 29-ը) ցուցակային կազմի աշխատողների թվաքանակի գումարը` ներառյալ տոն (ոչ աշխատանքային) և հանգստյան օրերը, հաշվետու ամսվա օրացուցային օրերի թվի վրա բաժանելու միջոցով: Աշխատողների միջին ցուցակային թվաքանակի մեջ ներառվում են` կազմակերպություններում միայն ծառայությունների ոլորտում զբաղված աշխատողները, ներառյալ վարչակազմը:

ՀՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Ներկայացվում է համաձայն` «Պետական վիճակագրության մասին» Հայաստանի Հանրապետության 2000 թ. ապրիլի 4-ի ՀՕ-48 օրենքի, օրենքով սահմանված կարգով` Հայաստանի Հանրապետության վիճակագրության պետական խորհրդի կողմից հաստատվող  «Պետական վիճակագրական աշխատանքների տարեկան ծրագրի» և Հայաստանի Հանրապետության վիճակագրության պետական խորհրդի 2003 թ. հոկտեմբերի 3-ի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի ՏՐԱՄԱԴՐՎԱԾ ՏԵՂԵԿՈՒԹՅՈՒՆՆԵՐԻ ԳԱՂՏՆԻՈՒԹՅԱՆ ՊԱՀՊԱՆՈՒՄԸ ԵՐԱՇԽԱՎՈՐՎՈՒՄ Է ՕՐԵՆՔՈՎ Ներկայացվում է Ներկայացնում են Հաշվետվության ներկայացման ժամկետը` 1. Ազգային վիճակագրական ծառայություն 2. Ազգային վիճակագրական ծառայության մարզային գործակալություն (տարածքային բաժին) իրավաբանական անձինք, հիմնարկները, անհատ ձեռնարկատերերը մինչև հաշվետու ժամանակաշրջանին հաջորդող ամսվա 5-ը   Ով է ներկայացնում  _________________________________ (անվանումը) Փաստացի գործունեության հիմնական տեսակը  ________________ ______________________________________________ Գտնվելու վայրը  ___________________________________   ____________________________________  I_I_I_I_I_I_I (փոստային դասիչ)   Մարզը ____________________ Համայնքը ______________   Պետական ռեգիստրում գրանցման համարը   I_I_I_I_I_I_I_I_I_I_I_I   Նույնականացման (իդենտիֆիկացիոն) ծածկագիրը I_I_I_I_I_I_I_I_I   Հարկ վճարողի հաշվառման համարը                     I_I_I_I_I_I_I_I_I   Պետական ռեգիստրում գրանցման համարը և նույնականացման (իդենտիֆիկացիոն) ծածկագիրը լրացվում են Հայաստանի Հանրապետության արդարադատության նախարարության իրավաբանական անձանց պետական ռեգիստրի գործակալության կողմից տրված գրանցման վկայականից ՁԵՎ ԹԻՎ 1-ՏՏ (Տեղեկատվական տեխնոլոգիա) (ամսական)   «Հաստատված է» Հայաստանի Հանրապետության վիճակագրության պետական խորհրդի 25 մայիսի 2005 թ. թիվ 03-Ն որոշմամբ     Չլրացնել ՏԳՏԴ   I_I_I_I_I_I_I Մարզը        I_I_I_I_I Համայնքը    I_I_I_I_I Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ՄԱՍԻՆ

հունվար - _____________________ 200 _ թ.

(տարեսկզբից աճողական կարգով)

տողի համարը Ծավալը (ապրանքների և ծառայությունների) Հաշվետու ժամանակաշրջանում հաշվետու ժամանակա- շրջանում նախորդ տարվա համապատասխան ժամանակաշրջանում արտա- հանում ներմու- ծում Ա Բ 1 2 3 4 Ընդամենը, առանց ԱԱՀ (տող 10 = տող 10.1 + 10.2 + տող 10.3 + տող 10.4 + տող 10.5) 10         այդ թվում`           Ծրագրերի ապահովման մշակում և խորհրդատվություններ այդ բնագավառում 10.1         տվյալների մշակում 10.2         խորհրդատվություններ հաշվողական տեխնիկայի ապարատային միջոցների վերաբերյալ 10.3         տվյալների հիմնապահեստների ստեղծում 10.4         այլ ծառայություններ 10.5         Ընդամենը ծրագրերի և տվյալների պատճենահանում, առանց ԱԱՀ 20           Ընդամենը տեղեկատվական տեխնոլոգիաներին չվերաբերող այլ ծառայություններ, առանց ԱԱՀ 30         որից` (նշել ծառայության տեսակը)             30.1           30.2           30.3           30.4           Աշխատողների միջին ցուցակային թվաքանակը (մարդ) 40

Ղեկավար
Լրացնող (գլխավոր հաշվապահ կամ այլ լիազորված անձ)	__________________ (Ազգանուն, անուն) __________________ (Ազգանուն, անուն) __________________ (Հեռախոսահամար(ներ))	__________________ (Ստորագրություն) __________________ (Ստորագրություն) «___» _______ 200__թ. (Լրացման ամսաթիվը)

Էլեկտրոնային փոստ ___________@____________

(հավելվածը փոփ. 07.02.06 թիվ 01-Ն)