Գլխավոր տեղեկություն
Номер
N 1682-Ա
Տիպ
Որոշում
Тип
Исходный акт (07.12.2006-по сей день)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
23.11.2006
Подписан
ՀՀ վարչապետ
Дата подписания
29.11.2006
Վավերացնող մարմին
ՀՀ Նախագահ
Վավերացման ամսաթից
06.12.2006
Дата вступления в силу
07.12.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
6 դեկտեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 նոյեմբերի 2006 թվականի N 1682-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻՑ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

 

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության 2006 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին հատկացնել`

ա) Հայաստանի Հանրապետության արտաքին գործերի նախարարությանը` 20492 եվրոյին համարժեք դրամ` Ֆրանսիայում Հայաստանի Հանրապետության դեսպանության համար ավտոմեքենա ձեռք բերելու նպատակով (բյուջետային ծախսերի տնտեսագիտական դասակարգման «Տրանսպորտային միջոցների ձեռքբերման ծախսեր» հոդվածով).

բ) Հայաստանի Հանրապետության ֆինանսների և էկոնոմիկայի նախարարությանը` 5500.0 հազ. դրամ` նախարարության աշխատակազմի մետաղափորձական վերահսկողության տեսչության համար տարբերանիշեր և հարգադրոշմներ ձեռք բերելու նպատակով (բյուջետային ծախսերի տնտեսագիտական դասակարգման «Գույք և սարքավորումներ» հոդվածով).

գ) Հայաստանի Հանրապետության Սյունիքի մարզպետարանին` 4255.2 հազ. դրամ, որից`

3100.0 հազ. դրամը` Հայաստանի Հանրապետության Սյունիքի մարզի Մեղրու տարածաշրջանի գյուղատնտեսությունը զարգացնելու և բնակչության կողմից անհատական ոռոգման պոմպերով օգտագործված էլեկտրաէներգիայի արժեքը փոխհատուցելու նպատակով (բյուջետային ծախսերի տնտեսագիտական դասակարգման «Ընթացիկ ներքին այլ տրանսֆերտային վճարներ» հոդվածով),

1155.2 հազ. դրամը` Հայաստանի Հանրապետության Սյունիքի մարզպետարանին վերապահված գործառույթների պատշաճ կատարումն ապահովելու նպատակով (բյուջետային ծախսերի տնտեսագիտական դասակարգման «Գործուղումներ և ծառայողական ուղևորություններ» հոդվածով):

2. Հայաստանի Հանրապետության ֆինանսների և էկոնոմիկայի նախարարին` սույն որոշման 1-ին կետի «գ» ենթակետի առաջին պարբերությունում նշված գումարը Հայաստանի Հանրապետության Սյունիքի մարզպետարանին փոխանցել Հայաստանի Հանրապետության Սյունիքի մարզպետի կողմից ներկայացված հիմքերը հիմնավոր ճանաչելու դեպքում:

 

Հայաստանի Հանրապետության
վարչապետ

 Ա. Մարգարյան
   

2006 թ. նոյեմբերի 29
Երևան