Գլխավոր տեղեկություն
Номер
N 1584-Ա
Տիպ
Որոշում
Тип
Исходный акт (19.11.2006-по сей день)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
26.10.2006
Подписан
ՀՀ վարչապետ
Дата подписания
15.11.2006
Վավերացնող մարմին
ՀՀ Նախագահ
Վավերացման ամսաթից
18.11.2006
Дата вступления в силу
19.11.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
18 նոյեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 հոկտեմբերի 2006 թվականի N 1584-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶԻ ՈՍԿԵՊԱՐԻ, ԲԱՂԱՆԻՍԻ, ՈՍԿԵՎԱՆԻ ԵՎ ԿՈԹԻԻ ԳՅՈՒՂԱԿԱՆ ՀԱՄԱՅՆՔՆԵՐԻ ՀՈՂԵՐԻ ՈՌՈԳՄԱՆ ՋՐԱԳԾԻ ԿԱՌՈՒՑՄԱՆ ՀԱՄԱՐ ԱՆՀՐԱԺԵՇՏ ՄԻՋՈՑԱՌՈՒՄՆԵՐԻ ՄԱՍԻՆ

 

Ղեկավարվելով Հայաստանի Հանրապետության անտառային օրենսգրքի 20-րդ և «Բնապահպանական և բնօգտագործման վճարների մասին» Հայաստանի Հանրապետության օրենքի 17-րդ հոդվածներով, ինչպես նաև հաշվի առնելով այն հանգամանքը, որ Հայաստանի Հանրապետության և Գյուղատնտեսության զարգացման միջազգային հիմնադրամի միջև 2005 թվականի հունվարի 28-ին ստորագրված Գյուղական տարածքների տնտեսական զարգացման ծրագրի փոխառության միջոցներով Հայաստանի Հանրապետության Տավուշի մարզի Ոսկեպարի, Բաղանիսի, Ոսկեվանի և Կոթիի գյուղական համայնքների հողերի ոռոգման նպատակով կառուցվող ջրագծի համար ընտրված ծրագծի 10 կմ երկարությամբ հատվածն անցնում է շինարարական աշխատանքների իրականացման և փայտանյութի մթերման համար բարդ ռելիեֆային դիրք ունեցող անտառներով, որտեղ բացակայում են անտառտնտեսական ճանապարհները և մինչև ջրագծի շինարարական աշխատանքներն սկսելը նշված անտառից փայտանյութի մթերումն ու տեղափոխումը բնապահպանական և տնտեսական տեսակետից նպատակահարմար չէ և էականորեն կավելացնի շինարարության ժամկետը` Հայաստանի Հանրապետության կառավարությունը որոշում է.

1. Սահմանել, որ`

ա) Հայաստանի Հանրապետության Տավուշի մարզի Ոսկեպարի, Բաղանիսի, Ոսկեվանի և Կոթիի գյուղական համայնքների հողերի ոռոգման նպատակով կառուցվող ջրագծի (այսուհետ` ջրագիծ) 10 կմ երկարությամբ հատվածն անցնում է «Հայանտառ» պետական ոչ առևտրային կազմակերպությանն ամրացված պետական անտառային հողերի տարածքով.

բ) մթերման ենթակա է ծրագծի տակ ընկնող` հաշվառված 1560 խոր. մետր բնափայտի պաշարի 30 - 40 տոկոսը:

2. Հայաստանի Հանրապետության գյուղատնտեսության նախարարին`

ա) թույլատրել ջրագծի շինարարություն իրականացնող կապալառու կազմակերպությանն սկսել շինարարական աշխատանքները և շինարարական աշխատանքներին զուգընթաց ապահովել սույն որոշման 1-ին կետի «բ» ենթակետում նշված փայտանյութի մթերումը.

բ) ջրագծի հարակից անտառների պահպանության և վերարտադրության անհրաժեշտ միջոցառումներն իրականացնել Գյուղական տարածքների տնտեսական զարգացման ծրագրի միջոցների հաշվին` շինարարական աշխատանքներին զուգընթաց:

3. «Հայանտառ» պետական ոչ առևտրային կազմակերպությանն ազատել բնօգտագործման վճարներից` ծրագծի տակ ընկնող` չմթերված փայտանյութի մասով:

 

Հայաստանի Հանրապետության
վարչապետ

 Ա. Մարգարյան
   

2006 թ. նոյեմբերի 15
Երևան