041.0494.20.10.97

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

20 հոկտեմբերի 1997 թվականի N 494
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՏԱՐԱԾՔԱՅԻՆ ՄԻԱՎՈՐՆԵՐԻ ԵՎ ԲՆԱԿԱՎԱՅՐԵՐԻ ՎԵՐԱՆՎԱՆՄԱՆ ԿԱՌԱՎԱՐԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

«Հայաստանի Հանրապետության վարչատարածքային բաժանման մասին» Հայաստանի Հանրապետության օրենքին համապատասխան Հայաստանի Հանրապետության վարչատարածքային միավորների և բնակավայրերի վերանվանման աշխատանքները կազմակերպելու նպատակով`

1. Ստեղծել կառավարական հանձնաժողով և հաստատել նրա կազմը (կցվում է):

2. Կառավարական հանձնաժողովին` Հայաստանի Հանրապետության բնակավայրերի վերանվանման վերաբերյալ Հայաստանի Հանրապետության մարզպետներից ստացված միջնորդությունների հիման վրա մինչև 1998 թվականի օգոստոսի 30-ը Հայաստանի Հանրապետության կառավարություն ներկայացնել առաջարկություն «Հայաստանի Հանրապետության վարչատարածքային բաժանման մասին» Հայաստանի Հանրապետության օրենքում փոփոխություններ կատարելու վերաբերյալ:

(2-րդ կետը փոփ. 07.05.98 N 233)

Հայաստանի Հանրապետության վարչապետ

Ռ. Քոչարյան

Հաստատված է ՀՀ վարչապետի 1997 թ. հոկտեմբերի 20-ի N 494 որոշմամբ

Կ Ա Զ Մ

ԿԱՌԱՎԱՐԱԿԱՆ ՀԱՆՁՆԱԺՈՂՈՎԻ

Դ. Զադոյան	- ՀՀ տարածքային կառավարման նախարար (հանձնաժողովի նախագահ)
Հ. Բարսեղյան	- Երևանի պետական համալսարանի հայոց լեզվի պատմության ամբիոնի պրոֆեսոր
Հ. Գրգեարյան	- Երևանի ժողովրդական տնտեսության ինստիտուտի աշխարհագրության ամբիոնի դոցենտ
Հ. Կարագյոզյան	- ՀՀ ԳԱԱ արևելագիտության ինստիտուտի գիտաշխատող
Բ. Հարությունյան	- Երևանի պետական համալսարանի պատմության ֆակուլտետի դեկան
Ն. Հովհաննիսյան	- ՀՀ ԳԱԱ Հ. Աճառյանի անվան լեզվի ինստիտուտի գիտական քարտուղար
Հ. Մաթևոսյան	- Հայաստանի գրողների միության նախագահ
Լ. Գալստյան	- ՀՀ լեզվի պետական տեսչության պետ
Պ. Մուրադյան	- ՀՀ ԳԱԱ արևելագիտության ինստիտուտի բաժնի վարիչ
Գ. Ջահուկյան	- ՀՀ ԳԱԱ Հ. Աճառյանի անվան լեզվի ինստիտուտի տնօրեն
Կ. Ամյան	- ՀՀ տարածքային կառավարման նախարարի աշխատակազմի գլխավոր մասնագետ (հանձնաժողովի քարտուղար)

(կազմը փոփ. 07.05.98 N 233)