«Վավերացնում եմ»
Հայաստանի Հանրապետության
Նախագահ Ռ. Քոչարյան
8 նոյեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 սեպտեմբերի 2006 թվականի N 1528-Ա

«ԵՐԵՎԱՆ ՋՈՒՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՓՈԽՀԱՏՈՒՑՈՒՄ ՏՐԱՄԱԴՐԵԼՈՒ ԵՎ «ՃԱՆԱՊԱՐՀԱՇԻՆՈՒԹՅՈՒՆ» ԾՐԱԳՐԵՐԻ ԻՐԱԿԱՆԱՑՄԱՆ ԳՐԱՍԵՆՅԱԿ» ՊԵՏԱԿԱՆ ՀԻՄՆԱՐԿԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Համաձայն Հայաստանի Հանրապետության կառավարության 2005 թվականի սեպտեմբերի 8-ի «Երևանի Մխիթար Հերացու և Ավետ Ավետիսյան փողոցները միացնող նոր մայրուղու կառուցապատման ծրագրի իրականացման նպատակով պետության կարիքների համար հողամասեր վերցնելու մասին» N 1627-Ն որոշման և «Երևան Ջուր» փակ բաժնետիրական ընկերությանը վարձակալության հանձնված` Երևան քաղաքի Մյասնիկյան պողոտայի N 1 հասցեում գտնվող լաբորատորիայի և մեխանիկական արտադրամասի մասնաշենքերի իրացման (քանդման) կապակցությամբ փոխհատուցում տալու, ինչպես նաև Երևան քաղաքի Կոմիտասի պողոտայի տարածքում ջրամատակարարման և ջրահեռացման խողովակաշարերի վերակառուցման նախապատրաստական (հողային) աշխատանքներն իրականացնելու նպատակով Հայաստանի Հանրապետության կառավարությունը որոշում է.

«Երևանի կառուցապատման ներդրումային ծրագրերի իրականացման գրասենյակ» պետական ոչ առևտրային կազմակերպությանը՝ Հայաստանի Հանրապետության կառավարության 2006 թվականի մարտի 30-ի «Հայաստանի Հանրապետության 2006 թվականի պետական բյուջեի եկամուտները և ծախսերն ավելացնելու, Հայաստանի Հանրապետության կառավարության 2005 թվականի դեկտեմբերի 15-ի N 2162-Ն որոշման մեջ փոփոխություններ կատարելու մասին» N 485-Ն որոշման N 7 հավելվածի 19-րդ տողում նշված գումարից «Երևան Ջուր» փակ բաժնետիրական ընկերությանը և «Ճանապարհաշինություն» ծրագրերի իրականացման գրասենյակ» պետական հիմնարկին հատկացնել 162,7 մլն դրամ, որից`

ա) 87,7 մլն դրամը` «Երևան Ջուր» փակ բաժնետիրական ընկերությանը` Երևան քաղաքի Մյասնիկյան պողոտայի N 1 հասցեում գտնվող լաբորատորիայի և մեխանիկական արտադրամասի մասնաշենքերի իրացման (քանդման) կապակցությամբ փոխհատուցում տրամադրելու, ինչպես նաև Երևան քաղաքի Կոմիտասի պողոտայում ջրամատակարարման և ջրահեռացման խողովակաշարերի վերակառուցման աշխատանքները մասնակիորեն ֆինանսավորելու համար.

բ) 75,0 մլն դրամը՝ Հայաստանի Հանրապետության ֆինանսների և էկոնոմիկայի նախարարության «Ճանապարհաշինություն» ծրագրերի իրականացման գրասենյակ» պետական հիմնարկին` Երևան քաղաքի Կոմիտասի պողոտայի տարածքում ջրամատակարարման և ջրահեռացման խողովակաշարերի վերակառուցման նախապատրաստական (հողային) աշխատանքներն իրականացնելու համար:

Հայաստանի Հանրապետության վարչապետ	Ա. Մարգարյան
2006 թ. հոկտեմբերի 28 Երևան