Գլխավոր տեղեկություն
Номер
N 1875-Ա
Տիպ
Որոշում
Тип
Исходный акт (17.11.2005-по сей день)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
03.11.2005
Подписан
ՀՀ վարչապետ
Дата подписания
10.11.2005
Վավերացնող մարմին
ՀՀ Նախագահ
Վավերացման ամսաթից
16.11.2005
Дата вступления в силу
17.11.2005

«Վավերացնում եմ»
Հայաստանի Հանրապետության
Նախագահ Ռ. Քոչարյան
16 նոյեմբերի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 նոյեմբերի 2005 թվականի N 1875-Ա

 

«ՔԱՋԱՐԱՆԻ ԱՐՀԵՍՏԱԳՈՐԾԱԿԱՆ ՈՒՍՈՒՄՆԱՐԱՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՇԵՆՔ ԱՄՐԱՑՆԵԼՈՒ ՄԱՍԻՆ

 

Ղեկավարվելով «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 1-ին ու 2-րդ մասերով և Հայաստանի Հանրապետության կառավարության 2005 թվականի մայիսի 5-ի N 570-Ն որոշման 6-րդ կետով՝ Հայաստանի Հանրապետության կառավարությունը որոշում է.

1. Հայաստանի Հանրապետության Սյունիքի մարզպետարանի նախկին «Քաջարանի N 4 միջնակարգ դպրոց» պետական ոչ առևտրային կազմակերպությանն ամրացված` Քաջարան քաղաքի Խանջյան փողոցի N 5 հասցեում գտնվող ուսումնական մասնաշենքը՝ 2778 քառ. մետր ընդհանուր մակերեսով և 8500.0 հազ. դրամ սկզբնական արժեքով, հետ վերցնել և անհատույց ու անժամկետ օգտագործման իրավունքով ամրացնել Հայաստանի Հանրապետության կրթության և գիտության նախարարության «Քաջարանի արհեստագործական ուսումնարան» պետական ոչ առևտրային կազմակերպությանը:

2. Հայաստանի Հանրապետության Սյունիքի մարզպետին և Հայաստանի Հանրապետության կրթության և գիտության նախարարին` 15-օրյա ժամկետում ապահովել սույն որոշման 1-ին կետում նշված ուսումնական մասնաշենքի հանձնման - ընդունման աշխատանքների կատարումը:

3. Հայաստանի Հանրապետության Սյունիքի մարզպետին` մեկամսյա ժամկետում` սահմանված կարգով ապահովել սույն որոշման 1-ին կետում նշված ուսումնական մասնաշենքի սպասարկման համար անհրաժեշտ հողատարածքի սահմանների ճշտումը և համապատասխան փաստաթղթերի ձևակերպումը:

4. Հայաստանի Հանրապետության կառավարությանն առընթեր պետական գույքի կառավարման վարչության պետին՝ մեկամսյա ժամկետում «Քաջարանի արհեստագործական ուսումնարան» պետական ոչ առևտրային կազմակերպության ղեկավարի հետ համատեղ` սահմանված կարգով ապահովել սույն որոշման 1-ին կետով ամրացված ուսումնական մասնաշենքի անհատույց ու անժամկետ օգտագործման պայմանագրի կնքումը:

5. Սահմանել, որ սույն որոշման 1-ին կետում նշված ուսումնական մասնաշենքի և դրա սպասարկման համար անհրաժեշտ հողատարածքի նկատմամբ գույքային իրավունքների պետական գրանցումն իրականացվելու է «Քաջարանի արհեստագործական ուսումնարան» պետական ոչ առևտրային կազմակերպության միջոցների հաշվին:


Հայաստանի Հանրապետության
վարչապետ

 Ա. Մարգարյան
   

2005 թ. նոյեմբերի 10
Երևան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան