«Վավերացնում եմ»
Հայաստանի Հանրապետության
Նախագահ Ռ. Քոչարյան
15 մարտի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

9 մարտի 2006 թվականի N 279-Ա

ՇԵՆՔ ՕՏԱՐԵԼՈՒ ՄԱՍԻՆ

Հիմք ընդունելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածով սահմանված դրույթները` Հայաստանի Հանրապետության կառավարությունը որոշում է.

1. «Հայաստանի Հանրապետության ազգային վիճակագրական ծառայության աշխատակազմ» պետական կառավարչական հիմնարկի Արարատի մարզային գործակալության Արտաշատ քաղաքի Աթարբեկյան N 135/2 հասցեում գտնվող` 701.1 քառ. մետր ընդհանուր մակերեսով շենքը հետ վերցնել և անհատույց օտարել Արտաշատի քաղաքային համայնքին:

2. Հայաստանի Հանրապետության Արարատի մարզպետին` մեկամսյա ժամկետում Արտաշատի քաղաքապետի և Հայաստանի Հանրապետության ազգային վիճակագրական ծառայության նախագահի հետ համատեղ` սահմանված կարգով ապահովել սույն որոշման 1-ին կետում նշված շենքի սպասարկման համար անհրաժեշտ հողատարածքի սահմանների ճշտումը և համապատասխան փաստաթղթերի ձևակերպումը:

3. Հայաստանի Հանրապետության ազգային վիճակագրական ծառայության նախագահին և Արտաշատի քաղաքապետին` մեկամսյա ժամկետում սահմանված կարգով իրականացնել սույն որոշման 1-ին կետում նշված շենքի հանձնման-ընդունման աշխատանքների կատարումը և գույքային իրավունքների պետական գրանցումը` այն իրականացնելով Արտաշատի քաղաքային համայնքի միջոցների հաշվին:

Հայաստանի Հանրապետության վարչապետ	Ա. Մարգարյան
2006 թ. մարտի 11 Երևան