Գլխավոր տեղեկություն
Номер
N 1493-Ա
Տիպ
Որոշում
Тип
Исходный акт (04.11.2006-15.06.2007)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
05.10.2006
Подписан
ՀՀ վարչապետ
Дата подписания
28.10.2006
Վավերացնող մարմին
ՀՀ Նախագահ
Վավերացման ամսաթից
03.11.2006
Дата вступления в силу
04.11.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
3 նոյեմբերի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

5 հոկտեմբերի 2006 թվականի N 1493-Ա

 

ԵՐԵՎԱՆԻ ԿՈՄԻՏԱՍԻ 49/2 ՀԱՍՑԵՈՒՄ ԳՏՆՎՈՂ ՇԵՆՔԸ ՏՆՕՐԻՆԵԼՈՒ ՄԱՍԻՆ

 

«Բաժնետիրական ընկերությունների մասին» Հայաստանի Հանրապետության օրենքի 67-րդ հոդվածի 1-ին, 68-րդ հոդվածի 7-րդ կետերին, «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին կետի «գ» ենթակետին և «Ավելացված արժեքի հարկի մասին» Հայաստանի Հանրապետության օրենքի 7-րդ հոդվածի 2-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության առևտրի և տնտեսական զարգացման նախարարին` Հայաստանի Հանրապետության օրենսդրությամբ սահմանված կարգով ապահովել`

ա) «Ստանդարտների ազգային ինստիտուտ» փակ բաժնետիրական ընկերությանը սեփականության իրավունքով պատկանող` Երևանի Կոմիտասի 49/2 հասցեում գտնվող շենքից 14650 հազ. դրամ հաշվեկշռային արժեքով, 1583.7 քառ. մետր տարածքի (1-ին հարկից` 288.0 քառ. մետր, 2-րդ հարկից` 650.7 քառ. մետր, 3-րդ հարկից` 645.0 քառ. մետր) հանձնումը «Հայաստանի Հանրապետության առևտրի և տնտեսական զարգացման նախարարության աշխատակազմ» պետական կառավարչական հիմնարկին` օրենքով սահմանված կարգով համապատասխանաբար նվազեցնելով ընկերության կանոնադրական կապիտալի չափը` բաժնետոմսերի ընդհանուր թվի պակասեցմամբ.

բ) սույն որոշման 1-ին կետի «ա» ենթակետում նշված տարածքից 9570 հազ. դրամ հաշվեկշռային արժեքով, 1035.8 քառ. մետր մակերեսով տարածքի (1-ին հարկից` 288.0 քառ. մետր, 2-րդ հարկից` 102.8 քառ մետր, 3-րդ հարկից` 645.0 քառ. մետր) ներդրումը «Չափագիտության ազգային ինստիտուտ» փակ բաժնետիրական ընկերության կանոնադրական կապիտալում՝ լրացուցիչ բաժնետոմսեր տեղաբաշխելու միջոցով.

գ) Հայաստանի Հանրապետության առևտրի և տնտեսական զարգացման նախարարության աշխատակազմի, «Ստանդարտների ազգային ինստիտուտ» և «Չափագիտության ազգային ինստիտուտ» փակ բաժնետիրական ընկերությունների միջև Երևանի Կոմիտասի 49/2 հասցեում գտնվող շենքի սահմանափակ օգտագործման (սերվիտուտ) պայմանագրի կնքումը:

2. Սույն որոշման 1-ին կետի «ա» ենթակետում նշված տարածքից 5080 հազ. դրամ հաշվեկշռային արժեքով, 547.9 քառ. մետր մակերեսով տարածքն ամրացնել «Հայաստանի Հանրապետության առևտրի և տնտեսական զարգացման նախարարության աշխատակազմ» պետական կառավարչական հիմնարկին:

3. Սահմանել, որ սույն որոշման 1-ին կետով նախատեսված տարածքների գույքային իրավունքների պետական գրանցման հետ կապված ծախսերը կատարելու պարտավորությունը կրում են «Ստանդարտների ազգային ինստիտուտ» և «Չափագիտության ազգային ինստիտուտ» փակ բաժնետիրական ընկերությունները:


Հայաստանի Հանրապետության
վարչապետ

 Ա. Մարգարյան
   

2006 թ. հոկտեմբերի 28
Երևան