Գլխավոր տեղեկություն
Номер
N 622-Ն
Տիպ
Որոշում
Тип
Ինկորպորացիա (11.12.2006-մինչ օրս)
Статус
Գործում է
Первоисточник
ՀՀԳՏ 2008.12.01/41(315) Հոդ.418
Принят
Կենտրոնական բանկի խորհուրդ
Дата принятия
24.10.2006
Подписан
Կենտրոնական բանկի նախագահ
Дата подписания
30.10.2006
Дата вступления в силу
11.12.2006

«Գրանցված է»
ՀՀ արդարադատության
նախարարության կողմից
20 նոյեմբերի 2006 թ.
Պետական գրանցման թիվ 05006387

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

24 հոկտեմբերի 2006 թ.
ք. Երևան

N 622-Ն


Ո Ր Ո Շ ՈՒ Մ

2006-2007 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը և հաշվի առնելով Հայաստանի Հանրապետության կենտրոնական բանկի խորհրդի 2006 թվականի ապրիլի 11-ի թիվ 155-Ն որոշումը՝ Հայաստանի Հանրապետության կենտրոնական բանկի խորհուրդը որոշում է.

1. 2006 թվականի դեկտեմբերի 11-ից շրջանառության մեջ դնել հետևյալ հուշադրամները.

«Հովհաննես Այվազովսկի» արծաթե հուշադրամը,

«Միջազգային բևեռային տարի 2007-2008» արծաթե հուշադրամը,

«Միջերկրածովային կրիա» արծաթե հուշադրամը,

«Կովկասյան անտառակատու» արծաթե հուշադրամը:

2. 2006 թվականի դեկտեմբերի 25-ից շրջանառության մեջ դնել հետևյալ հուշադրամները.

«Շախմատի 37-րդ օլիմպիադա» ոսկե հուշադրամը,

«Հակոբ Գյուրջյան» ոսկե հուշադրամը,

«Համազասպ Բաբաջանյան» արծաթե հուշադրամը:

3. 2007 թվականի հունվարի առաջին աշխատանքային օրը շրջանառության մեջ դնել «Ժան Գառզու» ոսկե հուշադրամը:

4. Հաստատել սույն որոշման 1-ին, 2-րդ և 3-րդ կետերով սահմանված հուշադրամների նկարագրությունները՝ համաձայն հավելվածի (կցվում է):

5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության
կենտրոնական բանկի նախագահ		 Տ. Սարգսյան


2006 թ. հոկտեմբերի 30
Երևան

Հաստատված է


Հավելված
Հայաստանի Հանրապետության
կենտրոնական բանկի խորհրդի 2006
թվականի հոկտեմբերի 24-ի
թիվ 622-Ն որոշմամբ

Ն Կ Ա Ր Ա Գ Ր ՈՒ Թ Յ ՈՒ Ն

«Հովհաննես Այվազովսկի», «Միջազգային բեվեռային տարի 2007-2008», «Միջերկրածովային կրիա», «Կովկասյան անտառակատու», «Շախմատի 37-րդ օլիմպիադա», «Հակոբ Գյուրջյան», «Համազասպ Բաբաջանյան», «Ժան Գառզու» հուշադրամների

 

«Հովհաննես Այվազովսկի» հուշադրամի նկարագրությունը

 

«Աշխարհի նկարիչները» միջազգային դրամագիտական ծրագրի շրջանակներում Հայաստանի Հանրապետության կենտրոնական բանկը թողարկել է 100 դրամ անվանական արժեքով արծաթե հուշադրամ` նվիրված Հովհաննես Այվազովսկուն:

Հուշադրամի դիմերեսի ներքևի ձախ մասում պատկերված է Հայաստանի Հանրապետության զինանշանը: Զինանշանի վերևում հուշադրամի թողարկման տարեթիվն է` «2006»: Հուշադրամի վերևի, աջ և ներքևի եզրաշրթով տեղադրված են «REPUBLIC OF ARMENIA», «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ», «DRAM 100 ԴՐԱՄ» մակագրությունները: Դիմերեսի հետին պլանում պատկերված է դրվագ Հովհաննես Այվազովսկու «Փոթորիկը» ծովանկարից:

Հուշադրամի դիմերեսի մի մասը ձևավորված է գունավոր էմալով:

Հուշադրամի դարձերեսի ձախ հատվածում պատկերված է Հովհաննես Այվազովսկու դիմանկարը, իսկ հետին պլանում՝ մի դրվագ նրա «Չեսմենյան ծովամարտը» նկարից: Հուշադրամի ներքևի եզրաշրթով մակագրված է՝ «1817-1900 HOVHANNES AIVAZOVSKY»:

Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:

Հուշադրամի ուրվագծերը ձևավորել է Լեհաստանի դրամահատարանի դիզայներ Ռոբերտ Կոտովիչը: Հուշադրամը հատվել է Լեհաստանի դրամահատարանում:

 

Հուշադրամի բնութագիրը`

 

Անվանական արժեքը


100 դրամ

Մետաղը

 արծաթ (Ag) 9250 ±50
պղինձ (Cu) 750 ±50

Ձևը

 ուղղանկյուն

Որակը

 անսրքյուլեյթիդ

Քաշը

 28,28 ± 0,25 գ

Չափերը

 լայնությունը՝ 28 մմ
երկարությունը՝ 40 մմ

Դրամաշուրթը

 հարթ

Տպաքանակը

 մինչև 5000 հատ:


«Միջազգային բԵՎեռային տարի 2007-2008» հուշադրամի նկարագրությունը

 

«Միջազգային բևեռային տարի 2007-2008» միջազգային դրամագիտական ծրագրի շրջանակներում Հայաստանի Հանրապետության կենտրոնական բանկը թողարկել է 100 դրամ անվանական արժեքով արծաթե հուշադրամ:

Հուշադրամի դիմերեսի ներքին շրջանակում պատկերված է Հայաստանի Հանրապետության զինանշանը: Զինանշանի տակ մակագրված է հուշադրամի անվանական արժեքը թվերով` «100», և «ԴՐԱՄ», «DRAM» բառերը: Զինանշանի վերևի մասում հուշադրամի թողարկման տարեթիվն է` «2006»: Հուշադրամի եզրաշրթով մակագրված են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» բառերը:

Հուշադրամի դարձերեսի «INTERNATIONAL POLAR YEAR» ուղղահայաց մակագրությունը բաժանում է հուշադրամը ձախ և աջ կիսաշրջանակների: Ձախ կիսաշրջանակում պատկերված է Ֆրիտյոֆ Նանսենի դիմանկարը, որի տակ մակագրված են 2007 և 2008 թվերը: Աջ կիսաշրջանակի վերևի մասում պատկերված է «Միջազգային բևեռային տարի 2007-2008» ծրագրի պատկերանիշը, որը կատարված է գունավոր էմալի օգտագործմամբ, իսկ ներքևի մասում` բևեռախույզները և իրենց նավը: Այս երկու պատկերները առանձնացված են «FRIDTJOF NANSEN» մակագրությամբ:

Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:

Հուշադրամի ուրվագծերը ձևավորել է Լեհաստանի դրամահատարանի դիզայներ Ռոբերտ Կոտովիչը: Հուշադրամը հատվել է Լեհաստանի դրամահատարանում:

 

Հուշադրամի բնութագիրը

 

Անվանական արժեքը
100 դրամ

Մետաղը և հարգը

 արծաթ, 9250 ± 50
պղինձ (Cu) 750 ± 50

Զանգվածը

 28,28 ± 0,25 գ

Տրամագիծը

 38,61 ± 0,15 մմ

Որակը

 պրուֆ

Դրամաշուրթը

 հարթ

Ձևը

 կլոր

Տպաքանակը

 մինչև 10000 հատ:


«Միջերկրածովային կրիա» հուշադրամի նկարագրությունը

 

Միջերկրածովային կրիա պատկերող 100 դրամ անվանական արժեքով արծաթե հուշադրամը Հայաստանի Հանրապետության կենտրոնական բանկը թողարկել է «Կովկասի կենդանական աշխարհ» միջազգային ծրագրի շրջանակներում: Ծրագրում ներառված են այն կենդանիները, որոնք ընդգրկված են Հայաստանի Կարմիր գրքում:

Հուշադրամի դիմերեսի ներքին շրջանակում պատկերված է Հայաստանի Հանրապետության զինանշանը: Զինանշանի տակ մակագրված է հուշադրամի անվանական արժեքը թվերով` «100», և «ԴՐԱՄ», «DRAM» բառերը: Զինանշանի վերևի մասում հուշադրամի թողարկման տարեթիվն է` «2006»: Հուշադրամի եզրաշրթով մակագրված են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» բառերը:

Հուշադրամի դարձերեսին պատկերված է միջերկրածովային կրիան, որի վերևի մասում կենդանու անվանումն է՝ լատիներեն, իսկ ներքևի մասում` հայերեն: Կենդանու պատկերի և գրագրությունների միջև առկա կարմիր էմալով կատարված կորերը խորհրդանշում են այս կենդանու պաշտպանված լինելը պետության կողմից:

Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:

Հուշադրամի ուրվագծերը ձևավորել են Լեհաստանի դրամահատարանի դիզայներներ Ռոուսանա և Անդժեյ Նովակովսցիները: Հուշադրամը հատվել է Լեհաստանի դրամահատարանում:

 

Հուշադրամի բնութագիրը


Անվանական արժեքը
100 դրամ

Մետաղը և հարգը

 արծաթ, 9250 ± 50
պղինձ (Cu) 750 ± 50

Զանգվածը

 28,28 + 0,25 գ

Տրամագիծը

 38,61+ 0,15 մմ

Որակը

 բրիլիանթ անսրքյուլեյթիդ

Դրամաշուրթը

 հարթ

Ձևը

 կլոր

Տպաքանակը

 3000 հատ:


«Կովկասյան անտառակատու» հուշադրամի նկարագրությունը

 

Կովկասյան անտառակատու պատկերող 100 դրամ անվանական արժեքով արծաթե հուշադրամը Հայաստանի Հանրապետության կենտրոնական բանկը թողարկել է «Կովկասի կենդանական աշխարհ» միջազգային ծրագրի շրջանակներում: Ծրագրում ներառված են այն կենդանիները, որոնք ընդգրկված են Հայաստանի Կարմիր գրքում:

Հուշադրամի դիմերեսի ներքին շրջանակում պատկերված է Հայաստանի Հանրապետության զինանշանը: Զինանշանի տակ մակագրված է հուշադրամի անվանական արժեքը թվերով` «100», և «ԴՐԱՄ», «DRAM» բառերը: Զինանշանի վերևի մասում հուշադրամի թողարկման տարեթիվն է` «2006»: Հուշադրամի եզրաշրթով մակագրված են՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» բառերը:

Հուշադրամի դարձերեսին պատկերված է կովկասյան անտառակատուն, որի վերևի մասում կենդանու անվանումն է՝ լատիներեն, իսկ ներքևի մասում` հայերեն: Կենդանու պատկերի և գրագրությունների միջև առկա կարմիր էմալով կատարված կորերը խորհրդանշում են այս կենդանու պաշտպանված լինելը պետության կողմից:

Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:

Հուշադրամի ուրվագծերը ձևավորել են Լեհաստանի դրամահատարանի դիզայներներ Ռոուսանա և Անդժեյ Նովակովսցիները: Հուշադրամը հատվել է Լեհաստանի դրամահատարանում:

 

Հուշադրամի բնութագիրը

 

Անվանական արժեքը
100 դրամ

Մետաղը և հարգը

 արծաթ, 9250 ± 50
պղինձ (Cu) 750 ± 50

Զանգվածը

 28,28 ± 0,25 գ

Տրամագիծը

 38,61 ± 0,15 մմ

Որակը

 բրիլիանթ անսրքյուլեյթիդ

Դրամաշուրթը

 հարթ

Ձևը

 կլոր

Տպաքանակը

 3000 հատ:

       
«Շախմատի 37-րդ օլիմպիադա» հուշադրամի նկարագրությունը

 

Հայաստանի Հանրապետության կենտրոնական բանկի կողմից թողարկված 10000 դրամ անվանական արժեքով ոսկե հուշադրամը նվիրված է Շախմատի 37-րդ համաշխարհային օլիմպիադայում Հայաստանի տղամարդկանց հավաքականի հաղթանակին:

Հուշադրամի դիմերեսի ներքին շրջանակում պատկերված է 2006 թվականին Տուրինում անցկացված շախմատի 37-րդ օլիմպիադայի պատկերանիշը և «OLIMPIADI degli Scacchi Torino 2006» մակագրությունը, որոնց տակ տեղադրված է հուշադրամի անվանական արժեքը` 10000 ԴՐԱՄ: Արտաքին շրջանակում մակագրված է՝ «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ 2006»:

Հուշադրամի դարձերեսի ներքին փոքր շրջանակում պատկերված է Հայաստանի Հանրապետության զինանշանը, որի շրջագծով մակագրված են «ՈՍԿԵ ԹԻՄ» և «ՀԱՅԱՍՏԱՆ» բառերը: Մեծ շրջանակում ներկայացված են շախմատի քարերը, իսկ հուշադրամի եզրաշուրթով` Հայաստանի թիմը ներկայացնող մարզիկների անունները. «Ա. Մինասյան, Լ. Արոնյան, Վ. Հակոբյան, Կ. Ասրյան, Գ. Սարգսյան, Ս. Լպուտյան»:

Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:

Հուշադրամի ուրվագծերը ձևավորել է Էդուարդ Կուրղինյանը: Հուշադրամը հատվել է Չեխիայի դրամահատարանում:

 

Հուշադրամի բնութագիրը

 

Անվանական արժեքը
10000 դրամ

Մետաղը և հարգը

 ոսկի, 9000

Զանգվածը

 8,6 գ

Տրամագիծը

 22,0 մմ

Դրամաշուրթը

 ատամնավոր

Որակը

 պրուֆ

Տպաքանակը

 1000 հատ:


«Հակոբ Գյուրջյան» հուշադրամի նկարագրությունը

 

Հայաստանի Հանրապետության կենտրոնական բանկի կողմից թողարկված 10000 դրամ անվանական արժեքով ոսկե հուշադրամը նվիրված է Հակոբ Գյուրջյանի ծննդյան 125-ամյակին:

Հուշադրամի դիմերեսի ներքին շրջանակում պատկերված է Հակոբ Գյուրջյանի «Սալոմե» (1925-1926 թթ., բրոնզ) քանդակը, որի աջ մասում ուղղահայաց մակագրված է հուշադրամի անվանական արժեքը՝ «10000 ԴՐԱՄ»: Արտաքին շրջանակում մակագրված են հուշադրամը թողարկող կազմակերպության անվանումը և թողարկման տարեթիվը`«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2006»:

Հուշադրամի դարձերեսի մեջտեղի մասում ուղղանկյունի ֆոնի վրա պատկերված է Հակոբ Գյուրջյանի դիմապատկերը, որի աջ մասում տեղադրված են նրա ծննդյան և մահվան տարեթվերը` «1881» և «1948»: Հուշադրամի ձախ և աջ կողմի եզրաշրթով մակագրված է քանդակագործի անունը անգլերեն և հայերեն լեզուներով` «HAKOB GURJIAN» և «ՀԱԿՈԲ ԳՅՈՒՐՋՅԱՆ»:

Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:

Հուշադրամի ուրվագծերը ձևավորել են Հարություն Սամուելյանը (դիմերես) և Էդուարդ Կուրղինյանը (դարձերես): Հուշադրամը հատվել է Չեխիայի դրամահատարանում:

 

Հուշադրամի բնութագիրը

 

Անվանական արժեքը
10000 դրամ

Մետաղը և հարգը

 ոսկի, 9000

Զանգվածը

 8,6 գ

Տրամագիծը

 22,0 մմ

Դրամաշուրթը

 ատամնավոր

Որակը

 պրուֆ

Տպաքանակը

 1000 հատ:


«Համազասպ Բաբաջանյան» հուշադրամի նկարագրությունը

 

Հայաստանի Հանրապետության կենտրոնական բանկի կողմից թողարկված 1000 դրամ անվանական արժեքով արծաթե հուշադրամը նվիրված է մարշալ Համազասպ Բաբաջանյանի ծննդյան 100-ամյակին:

Հուշադրամի դիմերեսի ներքին շրջանակի մեջտեղի մասում պատկերված է Հայաստանի Հանրապետության զինանշանը, որի ներքևում մակագրված է հուշադրամի անվանական արժեքը՝ «1000 ԴՐԱՄ»:

Արտաքին շրջանակում մակագրված են հուշադրամը թողարկող կազմակերպության անվանումը և թողարկման տարեթիվը` «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2006»:

Հուշադրամի դարձերեսի ներքին շրջանակում պատկերված է մարշալ Համազասպ Բաբաջանյանը` իր զինվորական համազգեստով: Հուշադրամի արտաքին շրջանակում մակագրված են մարշալի անունը հայերեն լեզվով և ծննդյան ու մահվան տարեթվերը՝ «ՄԱՐՇԱԼ ՀԱՄԱԶԱՍՊ ԲԱԲԱՋԱՆՅԱՆ 1906-1977»:

Հուշադրամը` իր թափանցիկ պատիճով և իսկության հավաստագրով տեղադրված է պլաստմասսայե տուփի մեջ:

Հուշադրամի ուրվագծերը ձևավորել է Կարեն Կոջոյանը: Հուշադրամը հատվել է Չեխիայի դրամահատարանում:

 

Հուշադրամի բնութագիրը

 

Անվանական արժեքը
10000 դրամ

Մետաղը և հարգը

 արծաթ, 9250

Զանգվածը

 33,6 մմ

Տրամագիծը

 38,0 մմ

Դրամաշուրթը

 ատամնավոր

Որակը

 պրուֆ

Տպաքանակը

 500 հատ:

 

«Ժան Գառզու» հուշադրամի նկարագրությունը

 

Հայաստանի Հանրապետության կենտրոնական բանկի կողմից թողարկված 10000 դրամ անվանական արժեքով ոսկե հուշադրամը նվիրված է Ժան Գառզուի ծննդյան 100-ամյակին:

Հուշադրամի դիմերեսի ներքին շրջանակում պատկերված է Ժան Գառզուի «Վանք» լիտոգրաֆիան, 1981 թ., որի ներքևի մասում մակագրված է հուշադրամի անվանական արժեքը՝ «10000 ԴՐԱՄ»: Արտաքին շրջանակում մակագրված են հուշադրամը թողարկող կազմակերպության անվանումը և թողարկման տարեթիվը` «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ 2007»:

Հուշադրամի դարձերեսին պատկերված է Ժան Գառզուի դիմանկարը, որի վերևի և աջ մասում նկարչի անվան մակագրությունն է հայերեն` «Ժան Գառզու»:

Հուշադրամը` իր թափանցիկ պատիճով և իսկության հավաստագրով տեղադրված է կաշվե տուփի մեջ:

Հուշադրամի ուրվագծերը ձևավորել են Հարություն Սամուելյանը (դիմերես) և Կարեն Կոջոյանը (դարձերես): Հուշադրամը հատվել է Չեխիայի դրամահատարանում:

 

Հուշադրամի բնութագիրը

 

Անվանական արժեքը
10000 դրամ

Մետաղը և հարգը

 ոսկի, 9000

Զանգվածը

 8,6 գ

Տրամագիծը

 22,0 մմ

Դրամաշուրթը

 ատամնավոր

Որակը

 պրուֆ

Տպաքանակը

 1000 հատ:

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան