040.0349.08.06.98 «ՎԱՎԵՐԱՑՆՈՒՄ ԵՄ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀ Ռ. ՔՈՉԱՐՅԱՆ 8 հունիսի 1998 թ.   ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ   Ո Ր Ո Շ ՈՒ Մ   8 հունիսի 1998 թվականի N 349 քաղ. Երևան    ՖՈՆԴԱՅԻՆ ԲՈՐՍԱՆԵՐՈՒՄ ՊԵՏԱԿԱՆ ԳՈՒՅՔԸ ՆՈՐ ԲԱԺՆԵՏՈՄՍԵՐԻ ՏԵՂԱԲԱՇԽՄԱՆ ՄԻՋՈՑՈՎ ՄԱՍՆԱՎՈՐԵՑՎՈՂ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՑԱՆԿԸ ՀԱՍՏԱՏԵԼՈՒ ՄԱՍԻՆ (վերնագիրը փոփ. 16.12.98. N 805)   Հայաստանի Հանրապետության կառավարությունը որոշում է. 1. Հաստատել ֆոնդային բորսաներում պետական գույքը նոր բաժնետոմսերի տեղաբաշխման միջոցով մասնավորեցվող բաժնետիրական ընկերությունների ցանկը (կցվում է): (1-ին կետը խմբ. 16.12.98. N 805) 2. Հայաստանի Հանրապետության արդյունաբերության և առևտրի նախարարությանը` մինչև 1998 թվականի հուլիսի 1-ը Հայաստանի Հանրապետության սեփականաշնորհման նախարարություն ներկայացնել սույն որոշմամբ հաստատված ցանկում ընդգրկված բաժնետիրական ընկերությունների ելակետային տվյալները, գործարար-ծրագրերը, 1996-1997 թվականների գործունեության շահութաբերության ցուցանիշները, կրեդիտորական, այդ թվում` ժամկետանց պարտքերի մասին տվյալները: 3. Հայաստանի Հանրապետության սեփականաշնորհման նախարարությանը` սույն որոշման 2-րդ կետում նշված փաստաթղթերն ստանալուց հետո 10-օրյա ժամկետում Հայաստանի Հանրապետության կառավարություն ներկայացնել Հայաստանի Հանրապետության կառավարության որոշման նախագծեր` սույն որոշմամբ հաստատված ցանկում ընդգրկված բաժնետիրական ընկերությունների մասնավորեցման վերաբերյալ: 4. Սույն որոշումն ուժի մեջ է մտնում 1998 թվականի հունիսի 8-ից:   Հայաստանի Հանրապետության վարչապետ Ա. Դարբինյան   Հաստատված է ՀՀ կառավարության 1998 թվականի հունիսի 8-ի N 349 որոշմամբ   Ց Ա Ն Կ   ՖՈՆԴԱՅԻՆ ԲՈՐՍԱՆԵՐՈՒՄ ՊԵՏԱԿԱՆ ԳՈՒՅՔԸ ՆՈՐ ԲԱԺՆԵՏՈՄՍԵՐԻ ՏԵՂԱԲԱՇԽՄԱՆ ՄԻՋՈՑՈՎ ՄԱՍՆԱՎՈՐԵՑՎՈՂ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ (վերնագիրը փոփ. 16.12.98. N 805)   ՀՀ արդյունաբերության և առևտրի նախարարություն   1. «Ալմաստ» ՓԲԸ 2. «Արաքս» կոշիկի ֆաբրիկա» ՓԲԸ 3. «Արթիկ-տուֆ» ՊՓԲԸ