Գլխավոր տեղեկություն
Номер
N 413-Ա
Տիպ
Որոշում
Тип
Ինկորպորացիա (09.04.2006-մինչ օրս)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
30.03.2006
Подписан
ՀՀ վարչապետ
Дата подписания
05.04.2006
Վավերացնող մարմին
ՀՀ Նախագահ
Վավերացման ամսաթից
08.04.2006
Дата вступления в силу
09.04.2006

«Վավերացնում եմ»
Հայաստանի Հանրապետության
Նախագահ Ռ. Քոչարյան
8 ապրիլի 2006 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 մարտի 2006 թվականի N 413-Ա

 

«ՀԱՅԱՍՏԱՆԻ ՊԵՏԱԿԱՆ ԱԳՐԱՐԱՅԻՆ ՀԱՄԱԼՍԱՐԱՆ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ԳՈՒՅՔ ՀԱՆՁՆԵԼՈՒ ՄԱՍԻՆ

 

Ղեկավարվելով «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածով` Հայաստանի Հանրապետության կառավարությունը որոշում է.

1. Հայաստանի Հանրապետության Սյունիքի մարզպետարանի ենթակայության «Սիսիանի N 2 միջնակարգ դպրոց» պետական ոչ առևտրային կազմակերպությանն ամրացված` Սիսիան քաղաքի Շիրվանզադեի N 7 հասցեում գտնվող` 1820 քառ. մետր ընդհանուր մակերեսով (այդ թվում` նկուղն ու կիսանկուղը` 455 քառ. մետր) և 46573.4 հազ. դրամ սկզբնական հաշվեկշռային արժեքով «Ա» ուսումնական մասնաշենքը (այսուհետ` գույք) հետ վերցնել և ամրացնել «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին:

2. Հայաստանի Հանրապետության Սյունիքի մարզպետին և Հայաստանի Հանրապետության կառավարությանն առընթեր պետական գույքի կառավարման վարչության պետին` մեկամսյա ժամկետում ապահովել սույն որոշման 1-ին կետում նշված գույքի հանձնման-ընդունման աշխատանքների կատարումը:

3. Հայաստանի Հանրապետության Սյունիքի մարզպետին` մեկամսյա ժամկետում` սահմանված կարգով ապահովել սույն որոշման 1-ին կետում նշված գույքի օգտագործման ու սպասարկման համար անհրաժեշտ հողատարածքի սահմանների ճշտումը և համապատասխան փաստաթղթերի ձևակերպումը:

4. Հայաստանի Հանրապետության կառավարությանն առընթեր պետական գույքի կառավարման վարչության պետին` մեկամսյա ժամկետում` սահմանված կարգով`

ա) ապահովել սույն որոշման 1-ին կետում նշված գույքի նկատմամբ գույքային իրավունքների պետական գրանցումը,

բ) նշված գույքն անժամկետ և անհատույց օգտագործման իրավունքով հանձնել Հայաստանի Հանրապետության կրթության և գիտության նախարարության «Հայաստանի պետական ագրարային համալսարան» պետական ոչ առևտրային կազմակերպությանը` այն Սիսիանի մասնաճյուղին տրամադրելու համար,

գ) «Հայաստանի պետական ագրարային համալսարան» պետական ոչ առևտրային կազմակերպության ղեկավարի հետ համատեղ ապահովել նշված գույքի անժամկետ և անհատույց օգտագործման պայմանագրի կնքումը և այդ գույքի ու դրա սպասարկման համար անհրաժեշտ հողատարածքի նկատմամբ օգտագործման իրավունքի պետական գրանցումը` այն իրականացնելով «Հայաստանի պետական ագրարային համալսարան» պետական ոչ առևտրային կազմակերպության միջոցների հաշվին:


Հայաստանի Հանրապետության
վարչապետ

 Ա. Մարգարյան
   

2006 թ. ապրիլի 5
Երևան